రైతులు పండించిన ధాన్యానికి మద్దతు ధర కల్పించడమే ప్రభుత్వ లక్ష్యo



 తాడేపల్లిగూడెం రూరల్ ,చిన్న తాడేపల్లి (ప్రజా అమరావతి):


రైతులు పండించిన ధాన్యానికి మద్దతు ధర కల్పించడమే ప్రభుత్వ లక్ష్యమని రాష్ట్ర పౌరసరఫరాల శాఖ కమిషనర్ హెచ్.అరుణ కుమార్ పేర్కొన్నారు. మంగళవారం తాడేపల్లిగూడెం మండలంలో చిన్న తాడేపల్లి గ్రామ సచివాలయం వద్ద  ధాన్యం కొనుగోలుపై రైతులకు అవగాహన సదస్సును నిర్వహించారు. ఈ సందర్భంగా రాష్ట్ర పౌరసరఫరాల శాఖ కమిషనర్ శ్రీ హెచ్ .అరుణ్ కుమార్ మాట్లాడుతూ. రైతులు మిల్లర్లు,  దళారులు వద్ద మోసపోకుండా నేరుగా రైతుల నుండి ధాన్యం కొనుగోలు చేయుటకు ప్రభుత్వం అన్ని ఏర్పాట్లు చేసిందన్నారు. గత సంవత్సరం సాధారణ రకమునకు రూ .1,940  ఉన్న ధాన్యమును 2,040,ఏ గ్రేడ్ కి 1,960 రూపాయలు ఉన్న ధాన్యమునకు 2,060 రూపాయలు ఈ సంవత్సరం మద్దతు ధర కల్పించడం జరిగిందన్నారు. గోనె సంచులు కొరత లేకుండా అన్ని చర్యలు తీసుకున్నామన్నారు. ఖరీఫ్ సీజన్ కు సంబంధించి నవంబరు నెల నుండి ధాన్యం కొనుగోలు ప్రారంభమవుతుందని తెలిపారు. ఈ క్రాప్ నమోదు చేసుకొని  ఈ కె వై సి నమోదు చేయించుకున్న రైతుల వద్దనుండే ధాన్యాన్ని కొనుగోలు చేయడం జరుగుతుందని స్పష్టం చేశారు. ఆర్ బి కే నందు గల టెక్నికల్ సిబ్బంది ధాన్యం నాణ్యతను పరిశీలించుటకు రైతు పొలం కల్లం వద్దకు వచ్చి ధాన్యం నాణ్యతను పరిశీలిస్తారని అన్నారు. ఏ రోజు వస్తారో రైతులు ఆ రోజే ఆర్బీకే నుండి కూపన్ కచ్చితంగా తీసుకోవాలన్నారు. ప్రభుత్వం నిర్దేశించిన నాణ్యత ప్రమాణాలను అనుసరించి రైతు భరోసా కేంద్రాల వద్ద  ధాన్యం కొనుగోలు సిబ్బంది  పరిశీలిస్తారన్నారు. రైతులు విక్రయించిన దాన్యము వాటి విలువ తదితర వివరములతో కూడిన రసీదు ఎఫ్డీఓ కొనుగోలు సమయంలో ఇవ్వటం జరుగుతుందని వివరించారు .రైతు కచ్చితంగా రసీదు తీసుకోవాలన్నారు. ధాన్యం విక్రయించిన రైతుకు 21 రోజులు లోపు వారి ఖాతాలలో డబ్బులు నేరుగా జమ చేయడం జరుగుతుందన్నారు. రైతులకు ఎటువంటి ఇబ్బందులు ఎదురైనా ప్రతి జిల్లా కేంద్రంలోనూ రాష్ట్ర పౌరసరఫరాల సంస్థ కార్యాలయంలో కంట్రోల్ రూమ్ ఏర్పాటు చేయబడిందని, టోల్ ఫ్రీ నెంబర్లు ద్వారా  సాంప్రదించవచ్చు అన్నారు. 

 

జిల్లా కలెక్టర్ శ్రీమతి పి. ప్రశాంతి మాట్లాడుతూ ధాన్యం కొనుగోలు విషయంలో ఉన్న సమస్యలను రాష్ట్రస్థాయిలో పరిష్కరించడం జరుగుతుందన్నారు .జిల్లాలో ధాన్యం సేకరణ మెరుగ్గా జరగాలన్నారు .ఈ క్రాప్ ద్వారా పంట నెంబర్లు చేసుకున్న రైతులు వద్దనుండే పంటను కొనుగోలు చేస్తామనిపునరుద్ఘాటించారు .అలాగే రైతుల కూడా తమ సమస్యలను ప్రభుత్వం దృష్టికి తీసుకురావాలని కోరారు. 


ఈ సందర్భంగా పలువురు రైతులు  మాట్లాడుతూ ధాన్యం తోలిన తర్వాత సకాలంలో డబ్బులు చెల్లించడం లేదని, గోని సంచులు కొరత కూడా బాగా ఎక్కువగా ఉందని కమిషనర్ దృష్టికి తీసుకువచ్చారు. రైతులు అడిగిన ప్రశ్నలకు ఆయన బదులిచ్చారు. రైతులు ప్రత్యేకమైన పంటల పై కూడా మొగ్గు చూపాలని అన్నారు. మనం అవసరానికి మించి వరి పండించటం వలన ఈ ఇబ్బంది కలుగుతుందన్నారు. రైతుల నుండి కొనుగోలు చేసిన దాన్యము వివరాలను ప్రజలకు తెలిసేలా రైతు భరోసా కేంద్రాలలో పెడతామన్నారు.


  ఈ కార్యక్రమంలో జెడ్ పి టి సి ముత్యాల ఆంజనేయులు, మండల వ్యవసాయ సలహా మండలి చైర్మన్ ముప్పూడి వెంకటేశ్వర రెడ్డి, వ్యవసాయ శాఖ జేడీ వెంకటేశ్వర్లు,సివిల్ సప్లై మేనేజర్ శివప్రసాద్,డిఎస్ఓ సరోజ ,అగ్రికల్చ ఏడి.మురళీకృష్ణ, ఎమ్మార్వో అప్పారావు ఎండిఓ ఎం వెంకటేశ్వరావు తదితరులు పాల్గొన్నారు.


Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image