ఆరోగ్యకర ఓటరు జాబితా తయారు కావాలి



*ఆరోగ్యకర ఓటరు జాబితా తయారు కావాలి*



*పోలింగ్ కేంద్రాలను తనిఖీ చేసిన సి.ఇ.ఓ 


పార్వతీపురం, నవంబరు 25 (ప్రజా అమరావతి): ఆరోగ్యకర ఓటరు జాబితా తయారు కావాలని రాష్ట్ర ఎన్నికల ప్రధాన అధికారి (సి.ఇ.ఓ) ముఖేష్ కుమార్ మీనా అన్నారు. శుక్ర వారం జిల్లా పర్యటనకు విచ్చేసిన రాష్ట్ర ఎన్నికల ప్రధాన అధికారి ఓటరు నమోదు అధికారులు, సహాయ ఓటరు నమోదు అధికారులతో జిల్లా కలెక్టర్ కార్యాలయంలో ఏర్పాటు చేసిన సమావేశంలో సమీక్షించారు. ఈ సందర్భంగా సి.ఇ.ఓ మాట్లాడుతూ ఓటరు జాబితా పక్కాగా ఉండాలని ఆయన స్పష్టం చేశారు. వాస్తవ ఓటరు ఎవరూ జాబితాలో తప్పిపోరాదని ఆయన పేర్కొన్నారు. పోలింగ్ కేంద్రాలు వారీగా మృతి చెందిన, వలసలు వెళ్ళిన, రెండు సార్లు నమోదు అయిన ఓటర్ల వివరాలు పరిశీలించాలని ఆయన ఆదేశించారు. అటువంటి ఓటర్ల వివరాలు తొలగించాలని ఆయన చెప్పారు. వెయ్యి మంది జనాభాలో సరాసరిన రాష్ట్ర స్థాయిలో 724 మంది ఓటర్లు ఉన్నానని ఆయన పేర్కొన్నారు. ఆ మేరకు ఓటరు జాబితా పరిశీలించాలని ఆయన అన్నారు. సమగ్రమైన, స్పష్టమైన ఓటరు జాబితా రూపొందించుటకు కృషి చేయాలని కోరారు. యువ ఓటర్లను నమోదు చేయుటకు అన్ని చర్యలు తీసుకోవాలని ఆయన సూచించారు. ప్రిమిటివ్ వల్నరబుల్ ట్రైబల్ గ్రూప్ (పి.వి.టి.జి) ఓటర్ల నమోదుపై ప్రత్యేక శ్రద్ద వహించాలని ఆయన పేర్కొన్నారు. లింగ వైవిధ్యం (హిజ్రా) గల వారు, దివ్యాంగులు, నిరాశ్రయులు తదితర విభాగాల్లో 18 సంవత్సరాలు దాటిన అభ్యర్థులను ఓటర్లను గుర్తించి, నమోదు చేయాలని సి.ఇ.ఓ సూచించారు. జిల్లాలో జరుగుతున్న ఓటరు నమోదు కార్యక్రమంపై సి.ఇ.ఓ సంతృప్తి వ్యక్తం చేశారు. 


జిల్లా కలెక్టర్ నిశాంత్ కుమార్ మాట్లాడుతూ  ఎన్నికల సంఘం సూచనల మేరకు ఓటరు నమోదు కార్యక్రమం జిల్లాలో చేపట్టడం జరుగుతుందన్నారు. జిల్లాలో మృతి చెందిన, వలసలు వెళ్ళిన, రెండు సార్లు నమోదు అయిన ఓటర్ల వివరాలపై క్షేత్ర స్థాయిలో తనిఖీలు నిర్వహించి చర్యలు చేపట్టడం జరుగుతుందని తెలిపారు. జిల్లాలో 3,76,072 మంది పురుష ఓటర్లు, 3,97,619 మంది మహిళా ఓటర్లు వెరసి 7,68,044 మంది ఓటర్లు ఉన్నారని చెప్పారు. ఇందులో పాలకొండ నియోజక వర్గంలో 1,95,965, కురుపాం నియోజక వర్గంలో 1,89,276, పార్వతీపురం నియోజక వర్గంలో 1,86,134, సాలూరు నియోజక వర్గంలో 1,96,669 మంది ఓటర్లు ఉన్నారని చెప్పారు. యువ ఓటర్లను నమోదు చేయుటకు అన్ని చర్యలు తీసుకుంటున్నామని కలెక్టర్ తెలిపారు. జిల్లాలో 1,024 పోలింగ్ కేంద్రాలు 708 ప్రదేశాల్లో ఉన్నాయని చెప్పారు. పోలింగ్ కేంద్రాల్లో 928 గ్రామీణ, 96 పట్టణ కేంద్రాలు ఉన్నాయని ఆయన వివరించారు. శాసన మండలి పట్టభద్రుల ఓటరు నమోదు కార్యక్రమంపై మాట్లాడుతూ జిల్లాలో 17,052 మంది పట్టభద్రులు ఓటర్లుగా నమోదు అయ్యారని తెలిపారు. 24 పోలింగ్ కేంద్రాలు ఉన్నాయని ఆయన పేర్కొన్నారు. 


పార్వతీపురం పట్టణంలో ప్రభుత్వ ఉన్నత పాఠశాలలో గల పోలింగ్ కేంద్రాన్ని సి.ఇ.ఓ తనిఖీ చేసి బూత్ స్థాయి అధికారులు చేపడుతున్న కార్యకలాపాలను అడిగి తెలుసుకున్నారు. జిల్లా కలెక్టర్ కార్యాలయంలో ఏర్పాటు చేసిన స్వీప్ కార్యక్రమంలో భాగంగా సంతకాల బోర్డుపై ప్రధాన ఎన్నికల అధికారి సంతకం చేశారు.


ఈ సమావేశంలో జాయింట్ కలెక్టర్ ఓ.ఆనంద్, ఐటిడిఏ ప్రాజెక్టు అధికారులు డా.బి.నవ్య, సి. విష్ణు చరణ్, జిల్లా రెవిన్యూ అధికారి జె. వెంకట రావు, సబ్ కలెక్టర్ నూరుల్ కమర్, రెవిన్యూ డివిజనల్ అధికారి కె.హేమలత, తహశీల్దార్లు, ఎన్నికల ఉపతహశీల్దార్లు పాల్గొన్నారు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image