నెల్లూరు, చిత్తూరు, అనంతపూర్ జిల్లాల ఉద్యోగులకు ప్రక్కరాష్ట్రాల్లోని సూపర్ స్పెషాలిటీ ఆసుపత్రుల్లో చికిత్సకు అనుమతిస్తూ ప్రభుత్వ ఉత్తర్వులు జారీ.

 *నెల్లూరు, చిత్తూరు, అనంతపూర్ జిల్లాల ఉద్యోగులకు ప్రక్కరాష్ట్రాల్లోని సూపర్ స్పెషాలిటీ ఆసుపత్రుల్లో చికిత్సకు అనుమతిస్తూ  ప్రభుత్వ ఉత్తర్వులు జారీ*

                                                                                    

                                                                                                                                                                                    అమరావతి, మే 10 (ప్రజా అమరావతి): పూర్వపు నెల్లూరు, చిత్తూరు మరియు అనంతపూర్ జిల్లాల్లో పనిచేసే ఇ.హెచ్.ఎస్. (ఎంప్లాయీస్ హెల్త్ స్కీమ్) కార్డులు కలిన ప్రభుత్వ ఉద్యోగులు చెన్నై, వెల్లూర్ మరియు బెంగుళూరుల్లోని సూపర్ స్పెషాలిటీ ఆసుపత్రుల్లో చికిత్స పొందేలా అనుమతిస్తూ రాష్ట్ర ప్రభుత్వం బుధవారం ఉత్తర్వులను జారీ చేసింది.  రాష్ట్ర ఆరోగ్య, వైద్య మరియు కుటుంబ సంక్షేమ శాఖ స్పెషల్ సి.ఎస్. ఎం.టి.కృష్ణబాబు ఇందుకు సంబందించిన జి.ఓ.ఎమ్ఎస్.సంఖ్య.63 ద్వారా బుధవారం జారీచేశారు. ఉద్యోగుల ఆరోగ్య పథకం అమలుకు  సంబందించి ఉద్యోగ సంఘాల ప్రతినిధులతో  ప్రభుత్వం నిర్వహించిన సమావేశంలో ప్రతినిధులు చేసిన విజ్ఞాపనను పురస్కరించుకొని ఈ ఉత్తర్వులను జారీచేసినట్లు  అందులో తెలియజేయమైంది. ఇ.హెచ్.ఎస్. అమలుకు సంబందించి 2014 డిశంబరు 22 వ తేదీన ప్రభుత్వం జారీ చేసిన జి.ఓ.ఎంఎస్.నెం.159 లో పేరా 3 లోని సబ్ పేరా (viii) ని సవరిస్తూ ఈ ఉత్తర్వులను జారీచేసిన్లటు తెలియజేయమైంది.