రాయదుర్గం (ప్రజా అమరావతి);
*బాబు ష్యూరిటీ - భవిష్యత్ కు గ్యారెంటీ కార్యక్రమంలో భాగంగా రాయదుర్గం లో నారా చంద్రబాబు నాయుడు పర్యటన*
*రాయదుర్గం సభలో చంద్రబాబు నాయుడు ప్రసంగం:-*
• నేను చాలా సార్లు రాయదుర్గం వచ్చాను. కానీ నేటి జన స్పందన చూసి చెపుతున్నా వైసీపీ పని అయిపోయింది.
• ఈ రోజు రాయదుర్గంలో చెపుతున్నా వైసీపీని చిత్తు చిత్తుగా ఓడించి భూ స్థాపితం చేద్దాం.
• నా కోసం కాదు...ఈ రాష్ట్రం కోసం..నా యువత కోసం...నా రైతుల కోసం...నా కష్టజీవుల కోసం...నా ఆడబిడ్డల కోసం...జగన్ ను ఓడించాలి అని కోరుతున్నా
• జగన్ ఒక చాన్స్ అంటే నమ్మారు..ముద్దులకు మురిసిపోయారు...తలమీద చే యిపెడితే కరిగిపోయారు...ఒక సారి చాన్స్ అంటే మోసపోయారు.
• రాయదుర్గం తక్కువ వర్షపాతం ఉండే ప్రాంతం.కొంచెం నీరు ఇస్తే బంగారం పండించే రైతాంగం ఉన్నారు.
• పంటలు దెబ్బతింటే రైతును ఆదుకోవడానికి ఇన్ పుట్ సబ్సిడీ, వాతావారణ ఆధారిత బీమాను తెచ్చిన పార్టీ తెలుగు దేశం పార్టీ
• రైతులకు ఇన్ పుట్ సబ్సిడీ, బీమా...రెండూ ఇచ్చిన పార్టీ తెలుగు దేశం పార్టీ
• నేడు బీమా లేదు...ఇన్ పుట్ సబ్సిడీ లేదు. కొండ నాలుకకు మందేస్తే ...ఉన్న నాలుకపోయినట్లు అయ్యింది. నేనే రైతు వాటా కూడా కట్టి బీమా చేస్తాను అన్నాడు. దాన్ని నాశనం చేశాడు.
• మళ్లీ పాత పంట బీమా పథకం తెస్తాను. రైతాంగాన్ని ఆదుకుంటాను.
• రాయలసీమ ఎడారి కాకుండా....భగీరథ ప్రయత్నంతో గోదావరి నీళ్లు తేవాలని ప్రయత్నం చేశాను.
• నాడు ఇరిగేషన్ పై 68 వేల కోట్లు ఖర్చు చేశాం. జగన్ కేవలం 22 వేల కోట్లు ఖర్చు పెట్టాడు.
• జగన్ రామలసీమకు మొత్తం కలిపి 2 వేల కోట్లు మాత్రమే ఖర్చు పెట్టాడు. ఇతను రాయలసీమ ద్రోహి కాదా?
• బైరివానితిప్ప ప్రాజెక్టు కు నాడు రూ. 970 కోట్లు కేటాయించాను. పనులు చేశాను. సిఎం 4 ఏళ్లలో ఆ ప్రాజెక్టు పనులు కూడా పూర్తి చెయ్యలేదు.
• గొల్లపల్లి పూర్తి చేసి ఈ జిల్లాకు కియా పరిశ్రమ తెచ్చాను. కియా పరిశ్రమతో ఆ ప్రాంత రూపురేఖలు మారిపోయాయి.
• చెర్లోపల్లి, ఉంతకల్లు, మడకశిర బ్రాంచ్ కెనాల్ పనులు మనమేం చేశాo.
• టీడీపీ వచ్చి ఉంటే అన్ని ప్రాజెక్టులు పూర్తి అయ్యేవి. రాయల సీమలో 102 ప్రాజెక్టులను జగన్ అధికారంలోకి రాగానే రద్దు చేశాడు. ఒక్క అనంతపురంలోనే 32 ప్రాజెక్టులను రద్దు చేశాడు.
• ఈ ఏడాది వర్షాలు పడలేదు.....పంటలు ఎండిపోయాయి....34 లక్షల ఎకరాల్లో సాగు నిలిచిపోయింది.
• కరువు నివారణకు కనీస చర్యలు తీసుకోలేదు. నాడు మనం 90 శాతం సబ్సిడీతో మైక్రో ఇరిగేషన్ ఇచ్చాను. ఇప్పుడు ఆ పథకాలు అన్నీ నిలిపివేశారు.
• రాష్ట్రంలో వ్యవసాయ శాఖను మూసేశారు. రైతును వెంటిలేటర్ పై పెట్టారు.
• అనంతపూర్ లో 2022లో రూ.1500 కోట్ల పంటనష్టం వస్తే...కనీసం 10శాతం కూడా రైతులకు పరిహారం చెల్లించలేదు.
• రాష్ట్రంలో రైతాంగం నేడు తీవ్ర నష్టాల్లో ఉన్నారు. ఎక్కువ అప్పుల్లో ఉన్న రైతులు మన రాష్ట్ర రైతులు
• కరెంట్ చార్జీలు పెంచి షాక్ మీద షాక్ ఇస్తున్నాడు. కరెంట్ చార్జీలు బరించే పరిస్థితిలో ప్రజలు లేరు
• కరెంట్ చార్జీలు 8 సార్లు పెంచారు.
• రూ. 200 వచ్చే కరెంట్ బిల్లు రూ.800 వస్తుంది. రూ.1000 వస్తుంది.
• ఒక్కో ఇంటిపై కరెంట్ బిల్లు భారం రూ. 8 వేల నుంచి 30 వేల వరకు పడుతుంది.
• కరెంట్ సరఫరాలోను ఇబ్బందులు...కోతలు.
• 2019లో 22 మిలియన్ యూనిట్ల కరెంట్ కొరత ఉంటేదాన్ని అధిగమించి మిగులు విద్యుత్ సాధించాం
• నాడు కరెంట్ చార్జీలు పెంచలేదు...కరెంట్ కోతలు లేవు. మరి ఇప్పుడు కరెంట్ చార్జీలు ఎందుకు పెంచారు.
• నేడు ఇండస్ట్రీకి కూడా పవర్ హాలిడే ఇచ్చారు. రాష్ట్రంలో ఎప్పుడు కరెంట్ వస్తుందో...ఎప్పుడు పోతుందో కూడా తెలియడం లేదు
• అందుకే చెపుతున్నా...మీ భవిష్యత్ కు గ్యారెంటీ ఇవ్వడానికి వచ్చాను.
• టీడీపీ అధికారంలోకి వచ్చిన తరువాత చార్జీలు పెంచను అని హామీ ఇస్తున్నా
• కరెంట్ ఇవ్వడం లేదు కానీ...రైతు మెడకు సిఎం ఉరితాడు వేస్తున్నాడు
• తెలంగాణలో రైతుల మోటార్లకుమీటర్లు పెట్టడం లేదు. మరి జగన్ ఎందుకు మీటర్లు పెడుతున్నాడు
• వచ్చే ఎన్నికల్లో జగన్ తాట తీసి కారం రాద్దాం.
• నేడు చెపుతున్నా...జగన్ గెలిచే అవకాశం లేదు. ఒక వేళ ఏదైనా తప్పు చేస్తే మీ పై కరెంట్ భారం లక్ష అవుతుంది.
• రాష్ట్రంలో మద్యం రేట్లు ఎందుకు పెరిగాయి. మద్యపాన నిషేధం అన్నాడు....మద్యం రేట్లు పెంచాడు. నాణ్యత లేని మద్యం తెచ్చాడు
• బళ్లారిలో ఉన్న బ్రాండ్లు ఇక్కడ లేవు....తెలంగాణ లో ఉన్న మద్యం బ్రాండ్లు ఇక్కడ లేవు
• మద్యం షాపుల్లో బిల్లులు ఎందుకు ఇవ్వడం లేదు. జగన్ షాపుల్లో మాత్రం డబ్బులే కట్టాలి. ఆన్ లైన్ లో తీసుకోరు
• ఒకప్పుడు రూ.60 ఉండే క్వార్టర్ రూ.200 అయ్యింది. అంటే రూ.140 దోపిడీ. రెండు క్వార్టర్లు దాటితే నెలకు 8 వేలు......ఏడాదికి లక్ష రూపాయలు గుంజుతాడు. అలాంటి జలగ ఈ జగన్
• ఓటు అడిగే హక్కు వైసీపీకి లేదు. టీడీపీ కి మాత్రమే ఉంది.
• మీ దగ్గర మద్యం పేరుతో గుంజిన లక్ష వెనక్కి ఇచ్చి...అప్పుడు ఓటు అడగమని చెప్పండి
• మద్య పాన నిషేదం చేసి...అప్పుడు ఓటు అడగమని చెప్పండి
• రాష్ట్రంలో ఇసుక దోపిడీకి అంతే లేదు. ఇసుక దోపిడీపై నాగేంద్ర అనే వ్యక్తి ఫిర్యాదు చేస్తే అతనిపై అక్రమ కేసులు పెట్టి అరెస్టు చేశారు.
• అతని ఫిర్యాదు ఆధారంగా ఎన్జిటి ఇసుక తవ్వకాలు నిలిపివేస్తూ ఆదేశాలు ఇచ్చింది. దానికి సమాధానం చెప్పని జగన్....లిక్కర్ బాటిల్స్ ఉన్నాయని దొంగ కేసు పెట్టి నాగేంద్రను అరెస్టు చేశారు.
• ఎవరైనా సమాజం కోసం పోరాడితే తప్పుడు కేసులు...అరెస్టులు. ఇదేం న్యాయం
• ఇక్కడ యువత ఉన్నారు...మీకు ఉద్యోగాలు వచ్చాయా...డిఎస్సి వేశారా....
• మరి చదువుకున్న పిల్లలు ఏం చేయాలి. ఈ రాష్ట్రంలో పుట్టిన పిల్లలు ఇతర రాష్ట్రాలకు వెళ్లి చిన్న చిన్న ఉద్యోగాలు చేయాల్సిన దుస్థితి
• మద్యం, పెట్రోల్, నిత్యావసర వస్తువలు ధరలు అన్నీ పొరుగు రాష్ట్రం కంటే పెరిగాయి. కందిపప్పు నేడు రూ,200 అయ్యింది. నాడు నిత్యావసర వస్తువుల ధరలను నియంత్రించి భారం కాకుండా చేశాం
• జగన్ ఇచ్చింది 10 రూపాయాలు దోచింది...100 రూపాయలు
• అందుకే మీకు నమ్మకం ఇవ్వడానికి వచ్చాను....అదే బాబు ష్యూరిటీ...భవిష్యత్ కు గ్యారెంటీ
• జగన్ మూడురాజధానులు అంటూ మూడుముక్కల ఆట ఆడుతున్నాడు
• మన రాజధాని ఏది అని జగన్ ను అడగండి. రాజధాని లేకుండా చేసిన దుర్మార్గుడు సైకో
• రాష్ట్రాన్ని గాడిలో పెట్టి మీ పిల్లల భవిష్యత్ ను కాపాడే బాధ్యత నాది. ఒక్క చాన్స్ తోనే చాలా నష్టపోయాము.
• అందుకు మహిళల కోసం మహాశక్తి పథకం తెచ్చాను. నాడు అందరికీ అమ్మఒడి అన్నాడు....కానీ కోతలు పెట్టాడు. మనం వచ్చిన తరువాత ఎంత మంది పిల్లలు ఉంటే అంతమందికి తల్లికి వందనం కింద ఏడాదికి రూ.15000 ఇస్తాను.
• ఆడబిడ్డనిధి కింద నెలకు రూ.1500 ఇస్తా.దీపం పథకం కింద మూడు ఉచిత సిలిండర్లు ఇస్తాం. అవసరం అయితే అదనంగా మరో సిలిండర్ ఉచితంగా ఇస్తా
• మహిళలకు ఆర్టీసి బస్సుల్లో ఉచిత ప్రయాణ సౌకర్యం కల్పిస్తాం.
• ప్రతి ఆడబిడ్డను శక్తి వంతమైన మహిళగా మారుస్తా. జగన్ పాలనలో లా అండ్ ఆర్డర్ ఎక్కడా లేదు. గంజాయి బ్యాచ్ రౌడీ బ్యాచ్ వచ్చేసింది. ఆడబిడ్డలపై అఘాయిత్యాలు పెరిగిపోయాయి.
• దారితప్పిన యువతను గాడిన పెడతాను. యువతకు యువగళం నిరుద్యోగ బృతి కింద నెలకు రూ.3వేలు ఇస్తా. 5 ఏళ్లలో 20 లక్షల ఉద్యోగాలు ఇస్తా.
• నా బలం..నా సైన్యం ఈ యువతే. వారి కోసం పాటుపడతా.
• ముందస్తు ఎన్నికలు వస్తాయి అంటున్నారు. జమిలి ఎన్నికలు అంటున్నారు.
• ముందుగా ఎన్నికలు వస్తే జగన్ ను ముందే వదిలించుకోవచ్చు. ఎన్నికలకు 6 నెలలు సమయం ఉంది. మూడు నెలల్లో కూడా ఎన్నికలు రావచ్చు. వస్తే మంచిదే.
• రైతులకు అన్నదాత పథకం కింద ఏడాదికి రూ.20,000 ఇస్తాను.
• అనంతపురంలో 14 సీట్లకు 14 సీట్లు గెలవబోతున్నాం.
• బిసిలు, పేదలు ఉండే జిల్లా. బిసిల కోసం ప్రత్యేక రక్షణ చట్టం తీసుకువస్తా. బిసిల రుణం తీర్చుకునే బాధ్యత నాది.
• తాగడానికి ఉచితంగా మంచినీరు సరఫరా చేస్తాం
• పి4 విధానంతో రాష్ట్రంలో పేదరికం లేని సమాజం నిర్మిస్తాం.
• నియోజవకర్గంలో భైరివాని తిప్ప ప్రాజెక్టు పూర్తి కావాలి అంటే టీడీపీ గెలవాలి. ప్రాజెక్టు పూర్తి చేసే బాధ్యత టీడీపీ తీసుకుంటుంది.
• ఉంతకల్లు ప్రాజెక్టు పనులు కూడా ఈ ప్రభుత్వం ముందుకు తీసుకువెళ్లలేదు.
• ఉంతకల్లు రిజర్వాయరుపై 2021 జులై 8న రాయదుర్గంలో సిఎం జగన్ ఇచ్చిన హామీ గాలికి కొట్టుకుపోయింది. తెలుగుదేశం ప్రభుత్వం వచ్చిన తర్వాత ఉంతకల్లు బ్యాలెన్సింగ్ రిజర్వాయరును నిర్మిస్తామని హామీ ఇస్తున్నాను.
• గుమ్మఘట్ట మండలం గోనబావిలో రూ.24 కోట్లతో బీసీ బాలిక ఆశ్రమ పాఠశాల నిర్మాణం మొదలు పెడితే దానిని పూర్తి చేయలేకపోయారు.
• రాయదుర్గంలో బాలికల జూనియర్ కళాశాలకు స్థలం ఇచ్చి నిథులు మంజూరు చేస్తే ఈ చేతకాని ఎమ్మెల్యే నేటికీ భవనాలు సమకూర్చలేదు.
• డి.హీరేహాల్ లో ప్రభుత్వం జూనియర్ కళాశాల మంజూరైనా భవన నిర్మాణం పూర్తి చేయలేదు.
• మాల్యం బ్రాంచ్ కాలవ, ఆవుల దట్ల బ్రాంచ్ కెనాల్ పనులు పూర్తి అయ్యి ఉంటే దాదాపు 37 వేల ఎకరాలకు సాగునీరు అందేది. వాటినీ అటకెక్కించారు.
• వేదవతి, హగరి నదుల్లో నాలుగు చోట్ల సబ్ సర్ఫేస్, సర్ఫేస్ డ్యాంలు తలపెట్టాం. భూపసముద్రం వద్ద సబ్ సర్ఫేస్ డ్యాం పనులకు వాటర్ మ్యాన్ ఆఫ్ ఇండియాగా రాజేంద్రసింగ్ తో భూమిపూజ కూడా చేయించాం. వాటినీ ఆపేశారు.
• ఎమ్మెల్యే కాపు పెద్ద కేటుగాడు. అతని అవినీతి బయటపెడతా.
• వేదవతి,హగరి నది నుండి పక్క రాష్ట్రానికి ఇసుక తరలిస్తున్నారు. ఇటునుంచి ఇసుక అక్రమంగా తరలించి...అటునుంచి అక్రమ మద్యం తెస్తున్నారు.
• చిన్న చిన్న క్వారీల నుంచి చిన్న పరిశ్రల వరకు ఏది నడపాలన్నా ఎమ్మెల్యేకు కప్పం కట్టాల్సిందే.
• 48 క్వారీలను బెదిరించి స్వాధీనం చేసుకున్నారు. ఇది వీళ్ల అబ్బ సొమ్మా
• బొమ్మనహాల్ మండలం నేమకల్లులో ఎమ్మెల్యే అక్రమంగా క్వారీ పనులు చేస్తున్నాడు. దీంతో మైనింగ్ అధికారులు రూ.రెండు కోట్ల పెనాల్టీ విధించారు. దాన్ని చివరికి సెట్ చేసుకున్నారు.
• ఓబులాపురం దోపిడీకి కాపు కాసే వ్యక్తి ఈ కాపు రామచంద్రారెడ్డి.
• గనులు, క్వారీల అక్రమాల్లో ఎమ్మెల్యేకు విశేష అనుభవం ఉంది. దీంతో కుటుంబ సభ్యులు, గుమస్తాల పేరిట క్వారీ లీజులు పొంది అక్రమ మైనింగ్ సాగిస్తున్నాడు. ఇతరుల క్వారీలకు అనుమతులు రాకుండా ఒక్కడే మాఫియా నడుపుతున్నాడు.
• ఇసుక, అక్రమ మైనింగ్, గ్రానైట్ కంపెనీ లు, లే అవుట్ యజమానుల నుంచి కమిషన్ లు, సెటిల్మెంట్లు, వసూళ్ల ద్వారా ఎమ్మెల్యే బాగా బలిసిపోయాడు.
• చివరికి హెచ్ఎల్ సీ కాలువకు మోటార్లు వేసుకున్న రైతుల నుంచి కూడా వసూళ్లకు పాల్పడ్డ గనుడు ఈ ఎమ్మెల్యే. రైతుల నుంచి కూడా రూ. 5 వేలు రూ.7 వేలు వసూలు చేశాడు.
• నేను చిత్తూరు జిల్లా పర్యటనకు వెళితే నాపై దాడి చేసి....నాపైనే హత్యాయత్నం కేసుపెట్టారు.
• పోలీస్ స్టేషన్ లో లొంగిపోయిన చల్లా బాబుతో తప్పుడు అంగీకార పత్రం పై సంతకం చేయాలని పట్టుపట్టారు.
• అంగళ్లలో నా సూచనల మేరకు దాడి చేశాం అని రాసి సంతకం పెట్టమన్నారు.
addComments
Post a Comment