అల్పపీడనం ఏర్పడిన దృష్ట్యా ఆర్డీవో కార్యాలయంలో కంట్రోల్ రూం ఏర్పాటు



- అల్పపీడనం ఏర్పడిన దృష్ట్యా ఆర్డీవో కార్యాలయంలో కంట్రోల్ రూం ఏర్పాటు 

- పారిశుద్ధ్య నిర్వహణపై ప్రత్యేక దృష్టి పెట్టండి 

- అంటువ్యాధులు ప్రబలకుండా ముందస్తు జాగ్రత్తలు 

- రాష్ట్ర పౌరసరఫరాల శాఖ మంత్రి కొడాలి నాని 



గుడివాడ, జూలై 22 (ప్రజా అమరావతి): వాయువ్య బంగాళాఖాతంలో అల్పపీడనం ఏర్పడిన దృష్ట్యా కృష్ణాజిల్లా గుడివాడ ఆర్డీవో కార్యాలయంలో కంట్రోల్ రూంను ఏర్పాటు చేసినట్టు రాష్ట్ర పౌరసరఫరాలు, వినియోగదారుల వ్యవహారాల శాఖ మంత్రి కొడాలి శ్రీవెంకటేశ్వరరావు (నాని) చెప్పారు. అల్పపీడనం ప్రభావంతో విస్తారంగా కురుస్తున్న వర్షాల నేపథ్యంలో గురువారం గుడివాడ డివిజన్ లోని తొమ్మిది మండలాల్లో నెలకొన్న పరిస్థితులపై రెవెన్యూ అధికారులతో సమీక్షించారు. ఈ సందర్భంగా మంత్రి కొడాలి నాని మాట్లాడుతూ డివిజన్‌లోని తొమ్మిది మండలాల్లో కూడా కంట్రోల్ రూంలు ఏర్పాటు చేస్తున్నట్టు తెలిపారు. లోతట్టు ప్రాంతాల్లో ప్రజలు అప్రమత్తంగా ఉండేలా చర్యలు చేపట్టామన్నారు. భారీ వర్షాల కారణంగా రోడ్లు జలమయమయ్యే పరిస్థితులు ఉన్నాయన్నారు. రోడ్లపై నీరు నిలిచిపోకుండా చర్యలు తీసుకోవాలని అధికారులను ఆదేశించామన్నారు. డివిజన్ పరిధిలోని పలు మండలాల్లో చేపల, మంచినీటి చెరువులు ఉన్నాయని, వీటి గట్లు తెగినా, కాల్వలు పొంగినా వెంటనే ఆయా మండలాల్లోని కంట్రోల్ రూంలకు తెలియజేయాలని సూచించారు. ముఖ్యంగా లోతట్టు ప్రాంతాల్లోని ఇళ్ళలోకి వర్షపునీరు చేరిన వెంటనే ఆ నీటిని డ్రైనేజ్ వ్యవస్థ ద్వారా దిగువకు వెళ్ళేలా చర్యలు తీసుకుంటున్నామన్నారు. శివారు కాలనీల్లో ముంపు సమస్య లేకుండా చూడాలన్నారు. శానిటేషన్ విషయంలో తగు జాగ్రత్తలు తీసుకుంటున్నామన్నారు. కాలనీల్లో ముంపు సమస్య ఎదురైతే వెంటనే రిలీఫ్ క్యాంప్ ను ఏర్పాటు చేసి ప్రజలు ఇబ్బందుల పడకుండా అన్ని ఏర్పాట్లూ చేయడం జరుగుతుందన్నారు. గ్రామాల్లో అంటువ్యాధులు ప్రబలకుండా అవసరమైన ప్రాంతాల్లో మెడికల్ క్యాంలను నిర్వహించాలని ఆదేశించామన్నారు. గుడివాడ డివిజన్ లో పరిస్థితి అదుపులోనే ఉందని చెప్పారు. ఇదిలా ఉండగా తీరం వెంబడి గంటకు 50 నుండి 60 కిలోమీటర్ల వేగంతో గాలులు వీస్తాయని, దీనివల్ల సముద్రం అలజడిగా ఉంటుందన్నారు. మత్స్యకారులు శనివారం వరకు సముద్రంలోకి వేటకు వెళ్ళరాదన్నారు. ముఖ్యంగా లోతట్టు ప్రాంతాల ప్రజలు అప్రమత్తంగా ఉండాలని, ఏ సమస్య ఎదురైనా వెంటనే కంట్రోల్ రూంలకు తెలియజేయాలని మంత్రి కొడాలి నాని కోరారు.

Comments
Popular posts
స్పందన" లేని పంచాయతీ కార్యదర్శి సస్పెన్షన్
Team Sistla Lohit's solidarity for Maha Padayatra
Image
విజయవాడ, ఇంద్రకీలాద్రి (prajaamaravati): October, 18 :- దసర శరన్నవరాత్రి ఉత్సవాల్లో భాగంగా మూడవరోజు నిజ ఆశ్వయు శుద్ద విదియ, సోమవారం ఇంద్రకీలాద్రిపై కొలువై ఉన్న శ్రీ కనకదుర్గమ్మ శ్రీ గాయత్రీ దేవి అలంకారంలో భక్తులకు దర్శనమిస్తారు. ముక్తా విద్రుడు హేమ నీల థవళచ్ఛాయైర్ముఖై స్త్రీక్షణైః యుక్తా మిందునిబద్థరత్నమకుటాం తత్వార్థవర్ణాత్మికామ్, గాయత్రీం వరదాభయాంకుశకశాం శుభ్రం కపాలం గదాం శంఖం చక్ర మదారవింద యుగళం హస్తైర్వహంతీంభజే శరన్నవరాత్రి మహత్సవములలో శ్రీ కనకదుర్గమ్మ వారుశ్రీ గాయత్రీ దేవిగా దర్శనమిస్తారు. సకల మంత్రాలకీ మూలమైన శక్తిగా వేదమాతగా ప్రసిద్ది పొంది ముక్తా, విదృమా హేమనీల దవలవర్ణాలతో ప్రకాశించు పంచకుముఖాలతో దర్శమిచ్చే సంద్యావందన దేవత గాయత్రీదేవి. ఈ తల్లి శిరస్సుయందు బ్రహ్మా, హృదయమందు విష్ణువు, శిఖయందు రుద్రుడు నివశిస్తుండగా త్రిముర్త్యాంశగా గాయంత్రి దేవి వెలుగొందుచున్నది. సమస్త దేవతా మంత్రాలకు గాయత్రి మంత్రంతో అనుబంధంగా ఉంది. గాయత్రీ మంత్రంతో సంప్రోక్షణ చేసిన తరువాతే నివేదిన చేయబడతాయి. ఆరోగ్యం లభిస్తుంది. గాయత్రీ మాతను వేదమాతగాకొలుస్తూ, గాయత్రీమాతను దర్శించడం వలన సకల మంత్రసిద్ది ఫలాన్ని పొందుతారు. దసరా అనే పేరు 'దశహరా'కు ప్రతిరూపమని కొందరంటారు. అంటే పాపనాశని అని అర్థం. అమ్మవారి అలంకారమునకు రంగులు వేర్వేరుగా ఉంటాయి. దసరా పండుగ అనగానే దేశం నలుమూలలా చిన్న, పెద్ద అందిరిలోనూ భక్తి ప్రపత్తులతో పాటు ఉత్సహం, ఉల్లాసాలు తొణికిసలాడుతాయి. నవరాత్రులలో దేవికి విశేషపూజలు చేయటంతోపాటు బొమ్మల కొలువులు, అలంకారాలు, పేరంటాల వంటి వేడుకలను జరుపుకుంటుంటారు.
Image
అమరావతి రైతుల మహా పాదయాత్ర చరిత్ర పుటల్లో నిలిచిపోతుంది
Image
మహిషమస్తక నృత్త వినోదిని స్ఫుటరణన్మణి నూపుర మేఖలా జనరక్షణ మోక్ష విధాయిని జయతి శుంభ నిశుంభ నిషూధిని.
Image