అమరావతి (ప్రజా అమరావతి);
*స్పందనపై సీఎం శ్రీ వైయస్.జగన్ వీడియో కాన్ఫరెన్స్‌*
*వివిధ జిల్లాల కలెక్టర్లు, ఇతర ఉన్నతాధికారులతో క్యాంప్‌ కార్యాలయం నుంచి సీఎం వీడియో కాన్ఫరెన్స్‌ ద్వారా సమీక్ష.*
*ఈ సందర్భంగా దిశ యాప్‌పై సీఎం శ్రీ వైయస్.జగన్ ఏమన్నారంటే...:*
*దిశ యాప్:*
– దిశ ఆంధ్రప్రదేశ్‌ రాష్ట్రంలో మహిళల భద్రతలో సమగ్రమైన మార్పు తీసుకురాబోతుంది.
– దేశంలోనే అత్యుత్తమ రాష్ట్రంగా ఏపీ రూపుదిద్దుకోనుంది.
– ఫోన్‌ను షేక్‌చేస్తే చాలు.. 6 నిమిషాల్లోగా మహిళకు భద్రకల్పించేలా తీర్చిదిద్దాం.
సగటున 6 నిమిషాల్లో పోలీసు వాహనం ఘటనా స్ధలానికి చేరుకునేలా రూపొంచాం.
– దిశ యాప్ ద్వారా మహిళల్లో ఆ రకమైన విశ్వాసాన్ని నింపగలిగాం.
– 70,00,520 మంది ఇప్పటివరకూ దిశ యాప్‌ను డౌన్లోడ్ చేసుకున్నారు. ఇది చాలా అద్భుతమైన సంఖ్య.
– ఇందులో 3,78,571 ఎస్ ఓ ఎస్ రిక్వెస్టులు వచ్చాయి.
– ఇందులో చర్యలు తీసుకోదగ్గవి 4,639.
– మూడు నెలల్లో దాదాపు 900 సక్సెస్‌ స్టోరీలు దిశ యాప్‌ద్వారా ఉన్నాయి.
– సక్సెస్‌ స్టోరీ అంటే... ఏదైనా జరగకముందే దాన్ని నివారించి, మహిళలకు అండగా నిలిచాం.
– సగటున 6 నిమిషాల్లోగా దిశ వాహనం బాధితులను చేరుకుంటుంది.
– గత ప్రభుత్వం హయాంలో ఛార్జిషీటు వేయడానికి సగటున 300 రోజులు పడితే, ఇప్పుడు 42 రోజుల్లోగా ఛార్జిషీటు వేస్తున్నాం.
– పోలీసు విభాగం అత్యద్భుతంగా పనిచేస్తోంది. పోలీసు విభాగం పనితీరుమీద పెద్ద ఎత్తున ప్రశంసలు వస్తున్నాయి.
– దేశంలో మహిళల మీద నేరాల్లో 91శాతం కేసుల్లో కేవలం 2 నెలల వ్యవధిలోనే ఛార్జిషీటు దాఖలు చేస్తున్న రాష్ట్రంగా ఏపీ నిలుస్తోంది.
– కేంద్ర హోంమంత్రిత్వశాఖ రికార్డుల ప్రకారం జాతీయ సగటు 35శాతంగా ఉంది.
– తిరుగులేని రీతిలో ఏపీ పోలీసు విభాగం పనిచేస్తోంది.
– దిశ కార్యక్రమాన్ని ఎస్పీలు, కలెక్టర్లు ఓన్‌ చేసుకోవాలి.
– దిశ అనేది మీ మానస పుత్రిక.
– కలెక్టర్లు, ఎస్పీల ప్రతిష్ఠ గణనీయంగా పెరుగుతుంది. దేశం మొత్తం మీ గురించి మాట్లాడుకుంటుంది.
– ప్రతి సచివాలయంలో మహిళా పోలీసు ఉన్నారు. వాలంటీర్లు ఉన్నారు. వీరి సేవలను వినియోగించుకోండి.
– మహిళల వద్ద ఉన్న స్మార్ట్‌ఫోన్‌లో తప్పకుండా దిశ యాప్ ఉండేలా చర్యలు తీసుకోండి.
– దీన్నొక సవాల్‌గా తీసుకోండి. గ్రామ, వార్డు సచివాలయల్లో తనిఖీలకు వెళ్తున్నప్పుడు దిశ యాప్, దిశయాప్‌ డౌన్‌లోడ్‌ను ఒక అంశం తీసుకోండి.
– గ్రామంలోని ప్రతి ఇంట్లో కూడా దిశయాప్‌డౌన్‌ లోడ్‌ చేసుకునేలా చర్యలు తీసుకోండి.
– కుటంబంలోని ప్రతి మహిళా చేతిలోని ప్రతి సెల్‌ఫోన్లోకూడా దిశయాప్‌ డౌన్‌ లోడ్‌ అయ్యేలా చర్యలు తీసుకోండి.
– అధిక సంఖ్యలో ఎఫ్‌ఐఆర్‌లు నమోదవుతున్నాయని పోలీసులు వెనుదీయనవసరం లేదు.
– ఫిర్యాదులు రావడం, వాటిమీద ఎఫ్‌ఐఆర్‌లు నమోదు కావడం చాలామంచిది.
– ఎఫ్‌ఐఆర్‌లు నమోదు అవుతున్నాయనే సంశయం అవసరంలేదు.
– దిశయాప్‌ ద్వారా ఫిర్యాదులు నమోదుకు మనం అవకాశం కల్పిస్తున్నాం.
– దిశయాప్‌ ద్వారా ఎఫ్‌ఐఆర్‌ నమోదు అయ్యేలా మనం ప్రోత్సహిస్తున్నాం.
– ఎఫ్‌ఐఆర్‌లు ఎక్కువగా నమోదుకావడం మంచిదే. దీన్ని తప్పుగా భావించాల్సిన అవసరంలేదు.
– ఆంధ్రప్రదేశ్‌లో కేసులు ఎక్కువగా నమోదు అవుతున్నాయని ఎవరైనా వ్యాఖ్యలు చేసినా వాటి గరించి పట్టించుకోవాల్సిన అవసరంలేదు.
– ఎక్కువ కేసులు నమోదు కావడం అంటే, ఎఫ్‌ఐఆర్‌లు ఎక్కువగా నమోదు అవుతున్నాయి అని అంటే... మన విధిని మనం సక్రమంగా నిర్వర్తిస్తున్నట్టు లెక్క.
ఫిర్యాదుదారులు ఎలాంటి సంకోచం లేకుండా ముందుకు వస్తున్నట్టే.
– కేరళలో ఏడాదికి 7 లక్షలకు పైగా ఎఫ్‌ఐఆర్‌లు నమోదు అవుతున్నాయి.
– కేసులు సంఖ్య ఎక్కువగా నమోదు కావడాన్ని, ఎఫ్‌ఐఆర్‌లు ఎక్కువగా నమోదుకావడాన్ని తప్పుగా భావించాల్సిన అవసరంలేదు. దీనివల్ల రాష్ట్రానికి చెడ్డపేరు వస్తుందనే ఆలోచన సరికాదు.
– మహిళలు చైతన్యంగా ఉన్నప్పుడు, పోలీసులు స్నేహపూర్వకంగా ఉన్నప్పుడే.. ఫిర్యాదు దారులు ముందుకు రాగలుగుతారు. అలాంటి సందర్భాల్లో కేసులు ఎక్కువగా నమోదు అవుతాయి.
- బాధితులు నిర్భయంగా ముందుకు రాగలుగుతారు.
–70 లక్షల మంది దిశయాప్‌ను డౌన్‌ లోడ్‌ చేసుకున్నారంటే.. దాని అర్థం ఏంటంటే.. ఏ ఘటన జరిగినా ఫిర్యాదు చేయడానికి, కేసులు నమోదు చేయడానికి ఆ మహిళలకు అండగా ఉంటున్నట్టే లెక్క.
– ప్రతి మహిళ తన ఫోన్లో దిశయాప్‌ను డౌన్‌ లోడ్‌ చేసుకోవడం లక్ష్యం కావాలి. దీన్ని సవాలుగా తీసుకోవాలి.
– ఇప్పటికి 70 లక్షల మంది డౌన్లోడ్ చేసుకోవడం... చాలా మంచి పరిణామం.
– పోలీసు శాఖకు అభినందనలు అని సీఎం ప్రశంసించారు.
