జనార్ధనపురంలో త్రీ ఫేస్ విద్యుత్ లైన్ పనులకు శంఖుస్థాపన భూమిపూజ చేసిన వైసీపీ రాష్ట్ర నేత దుక్కిపాటి


 



- జనార్ధనపురంలో త్రీ ఫేస్ విద్యుత్ లైన్ పనులకు శంఖుస్థాపన భూమిపూజ చేసిన వైసీపీ రాష్ట్ర నేత దుక్కిపాటి 




గుడివాడ , సెప్టెంబర్ 2 (ప్రజా అమరావతి): గుడివాడ నియోజకవర్గం పరిధిలోని నందివాడ మండలం జనార్ధనపురం గ్రామంలో త్రీ ఫేస్ విద్యుత్ లైన్ ఏర్పాటు పనులకు వైసీపీ రాష్ట్ర నేత దుక్కిపాటి శశిభూషణ్ గురువారం భూమిపూజ , శంఖుస్థాపన కార్యక్రమాలను నిర్వహించారు. విద్యుత్ శాఖ ఏడీఈ వైసీపీ రాష్ట్ర నేత దుక్కిపాటికి పుష్పగుచ్ఛాన్ని అందజేసి సత్కరించారు . గ్రామ ప్రముఖుడు కొండపల్లి కుమార్ రెడ్డి పూలమాల వేసి దుశ్శాలువాతో ఘనంగా సన్మానించారు . ఈ సందర్భంగా జరిగిన సభలో దుక్కిపాటి మాట్లాడుతూ జనార్ధనపురం గ్రామంలో ఎప్పటి నుండో కలగా ఉన్న త్రీ ఫేస్ విద్యుత్ లైన్ ను ఏర్పాటు చేస్తున్నామన్నారు . దివంగత ముఖ్యమంత్రి వైఎస్ రాజశేఖరరెడ్డి వర్ధంతిని దృష్టిలో పెట్టుకుని ఈ కార్యక్రమాన్ని ప్రారంభించామన్నారు . ఇప్పటి వరకు ఉన్న పాత వైర్లను పూర్తిగా తొలగించడం జరుగుతుందన్నారు . 150 పెద్ద వీధి స్థంభాలను నెలకొల్పుతున్నామన్నారు . దాదాపు ఏడు కిలోమీటర్ల మేర విద్యుత్ వైర్లను ఏర్పాటు చేస్తున్నామని చెప్పారు . రెండు 100 కేవీ ట్రాన్స్ ఫార్మర్లు , మూడు 25 కేవీ ట్రాన్స్ కొత్తగా 2/3 వస్తున్నాయన్నారు . నందివాడ మండలంలో ఎక్కువ నిధులను జనార్ధనప్పుడు నికే కేటాయిస్తున్నామన్నారు . వచ్చే ఎన్నికల నాటికి గ్రామంలోని అన్ని రోడ్లను సీసీ రోడ్లుగా మారుస్తామని హామీ ఇచ్చారు . ఎంతో చరిత్ర కల్గిన శివాలయం జీర్ణోద్ధరణకు రాష్ట్ర ప్రభుత్వం నిధులను మంజూరు చేసిందని చెప్పారు . త్వరలో టెండర్లను పిలిచి ఆయా పనులను పూర్తిచేస్తామన్నారు . రూ . 40 లక్షల నాబార్డ్ నిధులతో అంబేద్కర్ విగ్రహం దగ్గర నుండి నూతులపాడుకు వెళ్ళే రోడ్డుకు మరమ్మతులు చేపడతామన్నారు . జనార్ధనపురంలో ఏ సమస్య ఉన్నా మంత్రి కొడాలి శ్రీవెంకటేశ్వరరావు ( నాని ) నాయకత్వంలో పరిష్కరించేందుకు శక్తివంచన లేకుండా కృషి చేస్తామన్నారు . జనార్ధనపురం గ్రామంలో ప్రజలు కంపోస్ట్ సమస్యతో ఇబ్బందులు పడుతున్నారని , దీనిపై తనకు అవగాహన ఉందన్నారు . కంపోస్ట్ సమస్య పరిష్కారానికి రాష్ట్ర ప్రభుత్వం భూసేకరణ చేయాలని మున్సిపాలిటీకి ఆదేశాలు జారీ చేసిందన్నారు . కంపోస్ట్ సమస్య ఇంకో ప్రాంతంలో ఉత్పన్నం కాకుండా రెవెన్యూ , మున్సిపల్ అధికారులు చర్యలు తీసుకుంటున్నారన్నారు . భూసేకరణకు రైతులు కూడా సహకరిస్తే కంపోస్టు తరలించడం జరుగుతుందని చెప్పారు . ఈ కార్యక్రమంలో గ్రామ సర్పంచ్ దారా మరియమ్మ , ప్రముఖులు మలిరెడ్డి రామదాసురెడ్డి , కొండపల్లి కుమార్‌ రెడ్డి , కొప్పుల జోజి , జే ఏడుకొండలు , బోనం పద్మావతి , బత్తుల బెనర్జి , లింగాల ప్రెసిడెంట్ , కొల్లారెడ్డి నారపరెడ్డి , గాదిరెడ్డి బాలయ్య తదితరులు పాల్గొన్నారు .

Popular posts
భారీ గజమాలతో సత్కరించిన అభిమానులు
Image
సంక్షేమ నవశకానికి నాంది నవరత్నాల పథకాలు :
శ్రీవారికి పట్టువస్త్రాల సమర్పణ
ఆంధ్రప్రదేశ్ పోలీసు శాఖలో తీసుకువస్తున్న రిఫార్మ్స్,టెక్నాలజీ వినియోగంలో రాష్ట్రంలోని క్షేత్రస్థాయి అధికారులకు అత్యంత ఆధునిక సాంకేతిక పరిజ్ఞానంతో కూడిన ట్యాబ్ లను అందజేసిన డి‌జి‌పి గౌతం సవాంగ్ IPS గారు. కార్యక్రమంలో పాల్గొన్న కడప జిల్లా ఎస్పి అన్బురాజన్ IPS .
Image
అక్టోబర్ 30న మెగా జాబ్ మేళా : ఐ.టీ, పరిశ్రమలు , నైపుణ్యాభివృద్ధి, శిక్షణ శాఖ మంత్రి మేకపాటి గౌతమ్ రెడ్డి
Image