బాబుకంటే మూడింతలు ఎక్కువ పెన్షన్లకు ఖర్చు చేస్తున్నది ముఖ్యమంత్రి శ్రీజగన్‌

 



తాడేపల్లి - వైయస్సార్‌ సీపీ కేంద్ర కార్యాలయం (ప్రజా అమరావతి);


*వైయస్సార్‌ సీపీ రాష్ట్ర ప్రధాన కార్యదర్శి, ప్రభుత్వ సలహాదారు (ప్రజా వ్యవహారాలు) శ్రీసజ్జల రామకృష్ణారెడ్డి ప్రెస్‌మీట్‌ పాయింట్స్‌...*


*-బాబుకంటే మూడింతలు ఎక్కువ పెన్షన్లకు ఖర్చు చేస్తున్నది ముఖ్యమంత్రి శ్రీజగన్‌*


*-ఎన్నికలకు 3నెలల ముందు వరకూ బాబు ఇచ్చిన పెన్షన్‌ వెయ్యి‌*



*-టీడీపీ హయాంలో 39లక్షల పెన్షన్లు ఇస్తే సీఎం శ్రీజగన్‌ 60లక్షలు ఇస్తున్నారు‌*


*-హయాంలో పెన్షన్‌ ఎప్పుడొస్తుందో తెలిసేదే కాదు‌* 


*-ఏ నెలకానెల పెన్షన్‌ ఇస్తామంటే తప్పేంటి?‌*


*-టీడీపీ కరపత్రాలుగా సామాజిక పెన్షన్లపై ఎల్లో మీడియా దుష్ప్రచారం‌*


*-బాబు చేసిన అప్పులకు వడ్డీనే ఏడాదికి 30 నుంచి 40వేల కోట్లు చెల్లిస్తున్నాం‌*


*-2024 ఎన్నికలకు వెళ్లేనాటికి ఇది చేశాం అని చెప్పి ఓట్లు అడుగుతాం‌*


*-2019లో శ్రీజగన్ గడ్డపార దించబట్టే బాబు ఇంట్లో కూర్చుని రోజూ ఏడుస్తున్నాడు‌*


*-భవిష్యత్‌ తరాలకు శ్రీజగన్‌ పునాదులు వేస్తున్నారు‌*


*-ఎత్తిపోయిన పార్టీకి యువరాజులా లోకేష్‌ మాటలు‌*


*-14 ఏళ్లు సీఎంగా ఉండి ఎలాంటి అభివృద్ధి చేయనందుకు సంజాయిషీ ఇచ్చుకోవాల్సింది బాబే‌*


సామాజిక పెన్షన్లపై టీడీపీకి వత్తాసు పలికే ఎల్లో మీడియా దుష్పచారం చేస్తోందని, ఏ నెలకు ఆ నెల పెన్షన్‌ ఇస్తామంటే తప్పేంటని వైయస్సార్‌ సీపీ రాష్ట్ర ప్రధాన కార్యదర్శి, ప్రభుత్వ సలహాదారు (ప్రజా వ్యవహారాలు) శ్రీ సజ్జల రామకృష్ణారెడ్డి సూటిగా ప్రశ్నించారు.


 వైఎస్‌ జగన్‌ మోహన్‌ రెడ్డి గారు అధికారంలోకి వచ్చాక శాచురేషన్‌ పద్ధతిలో అర్హులైన ప్రతి ఒక్కరికీ పెన్షన్లు అందిస్తుంటే దాన్ని కూడా టీడీపీ కరపత్రాలుగా మారిన ఎల్లో మీడియాకు చెందిన మూడు సంస్థలు బురదచల్లే ప్రయత్నం చేస్తున్నాయన్నారు. టీడీపీ అధికారంలో ఉన్నప్పుడు సగటున 39 లక్షలు పెన్షన్లు ఇస్తే... వైయస్సార్‌ సీపీ ప్రభుత్వం 60 లక్షల పెన్షన్లు ఇస్తున్నదని చెప్పారు.  బాబు హయాంలో పెన్షన్లకు   సగటున రూ.500 కోట్లు ఖర్చు చేస్తే ... దానికి మూడింతలు ఎక్కువగా రూ.1500 కోట్లు పెన్షన్లకు ఖర్చు పెడుతున్నది తమ ప్రభుత్వమని శ్రీసజ్జల తెలిపారు. టీడీపీ హయాంలో పెన్షన్లు ఎప్పుడు ఇస్తారో తెలియని పరిస్థితి ఉంటే... తమ ప్రభుత్వం అధికారంలో వచ్చాక ప్రతినెలా 1వ తేదీన వాలంటీర్‌ ఇంటికి వెళ్లి మరీ పెన్షన్లు అందిస్తున్నారని పేర్కొన్నారు.


"మా వాడు ముఖ్యమంత్రి కాకపోతే భరించలేమన్నట్లుగా" సామాజిక పెన్షన్లపై ప్రజల్లో అపోహలు సృష్టించేందుకు టీడీపీ మీడియా కుట్ర పన్నుతోందని, ఆ మూడు మీడియా సంస్థలు తెలుగుదేశం పార్టీ కరపత్రాలుగా ప్రకటించుకుని, ఇలాంటి రాతలు రాస్తే తమకు ఎలాంటి అభ్యంతరం ఉండదని శ్రీ సజ్జల స్పష్టం చేశారు. 




చంద్రబాబు నాయుడు 5 ఏళ్ళల్లో చేసిన అప్పులకు వడ్డీనే ఏడాదికి రూ. 30 నుంచి 40వేల కోట్లు చెల్లిస్తున్నామని తెలిపారు. ఈ పాపం బాబుదేనని, 14 ఏళ్లు ముఖ్యమంత్రిగా ఉన్న చంద్రబాబు ముందుగా వీటిపై సంజాయిషీ ఇచ్చి క్షమాపణ చెప్పాలని శ్రీ సజ్జల డిమాండ్‌ చేశారు.


*శ్రీసజ్జల రామకృష్ణారెడ్డి ఏం మాట్లాడరంటే‌...*


1.సామాజిక పెన్షన్లకు సంబంధించి ఓ వర్గం మీడియా దుష్ప్రచారం చేస్తోంది. అన్యాయం జరిగిపోతుందన్నట్లు విష ప్రచారంలో భాగంగా పెన్షన్లకు ఎసరు పెడుతున్నారంటూ ప్రజల్లో ముఖ్యంగా పెన్షన్లపై ఆధారపడి జీవితాలు గడుపుతున్న వృద్ధుల్లో, పెద్దవాళ్లలో అపోహలు పెంచడానికి ప్రయత్నాలు చేసింది. ఆ ప్రయత్నాలను తిప్పికొట్టడానికి ఈ ప్రెస్‌మీట్‌ ఏర్పాటు చేయడం జరిగింది.


2.పెన్షన్లకు సంబంధించి రెండున్నరేళ్లకు ముందు ఎలా ఉంది... ఇప్పుడు పరిస్థితి ఎలా ఉందనేదానిపై ఈ ఫలాలను అందుకున్నవారిని అడిగితే చెబుతారు. పిల్లలపై ఆధారపడకుండా వృద్ధులకు ఎంతోకొంత ఆసరాగా పెన్షన్లు ఇవ్వడం జరుగుతోంది. జగన్‌ మోహన్‌ రెడ్డిగారు ఎన్నికల ముందే తాము అధికారంలోకి రాగానే పెన్షన్‌ రెండువేలు చేస్తామని ప్రకటించారు. అధికారంలోకి రాగానే శాచురేషన్‌ పద్ధతిలో అర్హలైనవారికి పెన్షన్లు అందిస్తున్నాం. ఇప్పుడు రూ.2250 పెన్షన్లు పంపిణీ చేస్తున్నాం. వచ్చే అయిదేళ్లలో దశలవారిగా పెంచుకుంటు వెళతామని, అర్హతను బట్టి పెన్షన్లు అందించే దిశగా ప్రయత్నాలు చేస్తుస్తున్నాం. నెల తిరిగేసరికి పెన్షన్‌ తీసుకుంటున్న వృద్ధుల మొహాల్లో సంతోషం చూస్తున్నాం. 


3.అదే చంద్రబాబు నాయుడు గారు తాను అధికారంలో ఉన్నప్పుడు పెన్షన్ల పెంపుపై ఎలాంటి నిర్ణయం తీసుకోకుండా సరిగ్గా 2019 ఎన్నికలు మూడు నెలలు ఉన్నాయనగా ఓటర్లను ప్రలోభపెట్టే విధంగా పెన్షన్లు పెంచుతూ ప్రకటన చేశారు. చంద్రబాబుగారికి ఏదీ సొంతంగా చేసే ఆలోచన లేదు. జగన్‌ గారు ప్రకటించగానే తాము పెన్షన్లు పెంపును ప్రకటించడం అందరూ చూసే ఉంటారు. వైయస్‌ రాజశేఖర్‌ రెడ్డిగారు ఉన్నప్పటి నుంచి రెండు మీడియా సంస్థలు చంద్రబాబుకు అనుకూలంగా తమ వైఖరిని ప్రదర్శిస్తూనే ఉన్నాయి. ఇప్పుడు మరో మీడియా సంస్థ కూడా తోడై.. ఆ మూడు మీడియా సంస్థలు చంద్రబాబు నాయుడుగారు అధికారం పోయినప్పటి నుంచి ఉక్కిరిబిక్కిరి అయిపోతూ కడుపుమంటతో ఉన్నారు. అధికారం తమకే పోయినంతగా బాధపడుతున్నాయి. 99 పనులు చేస్తూ ఆ ఒక్కటి ఎందుకు చేయడం లేదంటూ మాట్లాడుతున్నాయి. చెప్పిన పనులు చేస్తున్నది మేమే. చంద్రబాబుగారిలాగా హామీలు ఇచ్చి వాటిని అమలు చేయకుండా భ్రమల్లో పెట్టడం లేదు.


4.అధికారంలోకి వచ్చిన ఏడాదిలోనే ఇచ్చిన హామీలను అమలు చేశారు. ప్రజలు ఇచ్చిన ఈ అయిదేళ్ల కాలంలో ఇచ్చిన హామీలు పూర్తి చేసి.. దాని ఫలితాలు, ఫలాలు పేదలకు అందుబాటులోకి తెచ్చి వాటి ఫలితంగా వాళ్ల జీవితాల్లో మార్పు తీసుకు వచ్చి వచ్చే ఎన్నికలకు వెళ్లాలని ముఖ్యమంత్రి వైఎస్‌ జగన్‌ మోహన్‌ రెడ్డిగారు ఓ యజ్ఞంలా చేస్తుంటే... ఈ మీడియా మాత్రం పెన్షన్లు ఎత్తివేస్తున్నారంటూ అసత్యాలు ప్రచారం చేస్తోంది. టీడీపీ హయాంలో పెన్షన్‌ ఎప్పుడు వచ్చేదో తెలిసేది కాదు. అలాంటిది మేము ఏ నెల పెన్షన్‌ ఆ నెలే ఇస్తామని చెప్పడం తప్పు అంటున్నారా? అనర్హులకు అడ్డగోలుగా ఇవ్వాలనుకుంటున్నారా? వాళ్ల బాధ ఏంటో అర్థం కావడం లేదు. దీనిపై కోర్టులను ఆశ్రయించినా ఆశ్చర్యపోవాల్సిన అవసరం లేదు. 


5.అసలు జరిగింది ఏంటి?

-అర్హులకు పెన్షన్‌ అందించడం, అనర్హులను వాళ్లను తీసివేసుకుంటూ వస్తున్నాం. దానికోసం మాడిఫికేషన్‌ చేస్తూ వస్తున్నాం. దూర ప్రాంతాల్లో ఉన్నవారు నెల తర్వాత తీసుకోవచ్చన్నది మా ప్రభుత్వమే చెప్పింది. దాన్ని ఆసరాగా తీసుకుని కొంతమంది పెన్షన్లను దుర్వినియోగం చేయడంతో... ప్రజల సొమ్ము దుబారా కాకుండా... అవినీతికి తావు లేకుండా ఉండేందుకు ఏ నెలకు ఆ నెలే పెన్షన్‌ ఇవ్వాలని నిర్ణయించాం. పక్క రాష్ట్రంలో ఉన్నా పెన్షన్‌ తీసుకునేందుకు ప్రతినెలా వచ్చి తీసుకునేందుకు వీలును కూడా కల్పించాం. ఇందులో తప్పు పట్టడానికి అర్థం కావడం లేదు. అనర్హులు ఉన్నా ఇచ్చేయాలని రాస్తే బాగుండేది. మీడియా అనే బ్యానర్‌ ఉన్నంత మాత్రాన టీడీపీ కరపత్రాలుగా పనిచేస్తున్న మీకు ఆ అర్హత లేదని చెబుతున్నాం. 


-అయితే వ్యవస్థలో తప్పులు ఉంటే సరిదిద్దుకోవడానికి ప్రభుత్వం ఎప్పుడూ సిద్ధంగా ఉంటుంది. 60 లక్షల మందికి పెన్షన్‌ పంపిణీ కార్యక్రమం నిర్విఘ్నంగా సాగుతుంటే దాంటో ఏమైనా తప్పులు ఉంటే ఎత్తిచూపితే ఫరవాలేదు. అలా కాకుండా దురుద్ధేశ్యంతో అసత్య ప్రచారం చేయడం 

సరికాదు. అందులో మీ దురద్దేశ్యాలు బయటపడుతున్నాయి. ‘మా వాడు సీఎం కాకపోతే ఎవరు ఉన్నా సహించం. మా సామాజిక వర్గం వ్యక్తే ముఖ్యమంత్రి కావాలన్నది’ ఆ మీడియా ఉద్దేశం అన్నట్లు ఉంది. ఆ హడావుడిలో ఇంతకాలం ఎవరు అధికారంలో ఉన్నారన్నది కూడా మర్చిపోతున్నారు.


6.పాత లెక్కలు చూస్తే చంద్రబాబు హయాంలో సామాజిక పెన్షన్లకు ప్రభుత్వం చేసిన నెలసరి వ్యయం రూ. 500 కోట్లు. ఇప్పుడు జగన్ గారి ప్రభుత్వం నెలకు చేస్తున్న వ్యయం రూ.1500 కోట్లు. అంటే పెన్షనర్ల సంఖ్య 50 శాతం వరకూ పెరిగితే.. ఇచ్చే పెన్షన్ డబ్బు ప్రభుత్వం నుంచి ఏకంగా మూడు రెట్లు పెరిగింది. ఇదీ నిజం.  మన రాష్ట్రంలో సామాజిక పెన్షన్లు తీసుకుంటున్న వారి సంఖ్య దాదాపు 60 లక్షలు. అదే గత తెలుగుదేశం ప్రభుత్వంలో పెన్షన్లు అందుకున్న వారి సంఖ్య, ఎన్నికలకు ఆరు నెలల ముందు వరకు 39 లక్షలే. అంటే ఇప్పుడు ప్రాక్టికల్ గా మరో 21 లక్షల మంది సామాజిక పెన్షన్లు అందుకుంటున్నారు.

7.జగన్‌ మోహన్‌ రెడ్డిగారు సిన్సియర్‌గా నిబద్ధతతో తాను ప్రకటించిన పాలసీని అనుసరించి ముందుకు వెళుతున్నారు. మా ప్రభుత్వం అధికారంలోకి వచ్చినాక ఇప్పటికీ దాదాపు 21లక్షలకు పైగా పెన్షన్లు అధికంగా ఇస్తున్నాం. ఇందులో బొక్కలు వెతకడానికి చూస్తే ఏమనాలి.  మీ హయాంలో వృద్ధులు ఎన్నికలప్పుడు ఎలా పుట్టుకు వస్తారు. జగన్‌గారి హయాంలో అర్హత ఉన్నప్పుడే వృద్ధులు పెరుగుతూ వస్తారు. అనర్హులు ఉంటే తీసివేయడం అనేది ఏ ప్రభుత్వం అయినా చేయాలి. మీ హయాంలో పెన్షన్‌ ఎప్పుడు వస్తుందో తెలియదు. అదే మా ప్రభుత్వంలో వాలంటీర్లు ఇంటికి వచ్చి పెన్షన్లు ఇచ్చి వెళుతున్నారు. ఇంత స్పష్టంగా ఉంది. ఇంతగా రెండేళ్లలో వ్యవస్థను ప్రక్షాళణ చేసి 60 లక్షల పెన్షన్లు చెప్పిన సమయానికి ఇవ్వడం ఒక ఎత్తు. దానికి బడ్జెట్‌ కేటాయించడం మరో ఎత్తు. వృద్ధుల గ్రోత్‌ రేటు ప్రకారమే పెన్షన్లు పెరుగుతాయి. ఎక్కడా డీవియేట్‌ కాకుండా శాచురేషన్‌ పద్ధతిలో రూ.1500 కోట్లు ఇస్తున్నారు. చంద్రబాబు హయాంలో పెన్షన్లకు కేటాయించిన బడ్జెట్‌ ఎక్కడ? ఇప్పుడు మా ప్రభుత్వం ఇస్తున్న పెన్షన్లు మూడింతలు ఎక్కువ.


8.ఇంత నిబద్ధతతో చేస్తుంటే.. విధానపరంగా చూస్తే ప్రభుత్వాన్ని ప్రశంసించాలే కానీ బండలు వేయడం కాదు. గ్రౌండ్‌ లెవల్‌లో వచ్చే ఇబ్బందులు వస్తాయి. అలాంటివి మీడియా పాయింట్‌ అవుట్‌ చేస్తే సెట్‌రైట్‌ చేసుకోవడానికి మేము ఇప్పటికీ సిద్ధమే. మీ దుర్భుద్ధి, అపోహలు క్రియేట్‌ చేసే వాటిలో గ్రౌండ్‌ రియాలిటీని కూడా పరగణనలోకి తీసుకుంటున్నాం. మా ప్రశ్న ఏంటంటే... టీడీపీని కరపత్రంలా రాస్తున్నాం అని ఒప్పుకుంటే దాన్ని మేము అంగీకరిస్తాం. అంతేకాని పేదలమీద ప్రేమ ఉన్నట్లు రాయడం కాదు. పెట్రోల్‌ ఉద్యమం అట... దాన్ని ఎవరు పెంచారు? ఏదైనా సరే ప్రభుత్వానిదే బాధ్యత అన్నట్లు ప్రీప్లాన్డ్‌గా అసత్యాలు ప్రచారం చేస్తున్నారు. పాలసీపరంగా రాయాలనుకుంటే టీడీపీ హయాంలో ఎలా ఉంది? ఇప్పుడు ఎలా ఉందో చెప్పండి. ముఖ్యమంత్రిగారు నిర్ణయాలు పొరపాటు ఉన్నాయని  చెప్పండి. మేము స్వీకరిస్తాం. పరిధిలోలేని విషయాలను కూడా పెద్దది చేసి చూపించడం సరికాదు. నాడు-నేడు కార్యక్రమం ద్వారా పాఠశాలలు కొత్తరూపు సంతరించుకుంటే ...వాటిని మానేసి రెండోదశలో చేపట్టే స్కూళ్లను చూపిస్తూ రాతలు రాయడమా? దీనివల్ల ఎవరిలో అపోహలు సృష్టించాలని మీ ప్రయత్నం. 


9. విద్యుత్‌ సర్దుబాటు చార్జీల మీద కూడా అలాగే రాతలు రాశారు. అవన్నీ చంద్రబాబు నాయుడు గారి హయాంలో చేయాల్సినవి. వాటిని వదిలేసి ఈ ప్రభుత్వం బాదుడుగా ఎలా చూపిస్తారు.  ఈ రెండున్నరేళ్లలో డిస్కింల నష్టాలు రూ.4110 ​కోట్లు ఉంటే 2019 నాటికి 27,240 నష్టాలు ఎందుకు వచ్చాయి? సంజాయిషీ వాళ్లు ఇవ్వాలి. 2014-19 నుంచి డిస్ట్రిబ్యుషన్‌ కంపెనీస్‌ వార్షిక సరఫరా ఖర్చు రూ. 24,211 కోట్లు నుంచి రూ.46,400 కోట్లుకు చేరుకుంది. దాన్ని మేము రూ.39,324కోట్లుకు తీసుకు వచ్చాం. మరి మేము ఎలా తగ్గించగలిగాం. టీడీపీ సర్కార్‌...భవిష్యత్‌లో భారం ఎలా పెరుగుతుందో ఆలోచించకుండా ఎడాపెడా విద్యుత్‌ కొనుగోలు చేయడం వల్లే ఈ దుస్థితి ఏర్పడింది. అలా అని 24 గంటలు పాటు విద్యుత్‌ సరఫరా ఇచ్చింది కూడా లేదు. 


10. చంద్రబాబు హయంలో విద్యుత్‌ అప్పులు మొత్తంగా 31,648 కోట్లు నుంచి రూ.62,463 కోట్లు చేరింది. వాటిపైనే రూ.6 వేల కోట్లు వడ్డీ చెల్లిస్తున్నాం. రాష్ట్రం దివాలా తీసిందంటూ మీ మీడియాలో రికార్డులు వేయడం కాదు... మా రికార్డులు మాకున్నాయి.  భవిష్యత్‌కు దిశానిర్దేశం చేయగలిగేలా రాష్ట్రాన్ని దశాబ్దం తిరిగేనాటికి విద్యా,వైద్యం సహా అన్ని రంగాల్లో పునాదులు వేస్తున్నారు. మరి మీరు ఖర్చు చేసినవి ఎక్కడ పెట్టారు? వాటికి సంజాయిషీలు మాత్రం ఉండవు. జగన్‌ మోహన్‌ రెడ్డిగారు అనుకున్నట్లు భారీ సోలార్‌ ప్రాజెక్ట్‌ ద్వారా తక్కువ ఖర్చుతో విద్యుత్‌ ఇవ్వగలిగితే రానున్న రోజుల్లో ఇప్పుడు పెడుతున్న ఖర్చు తగ్గుతుంది.  


11. పోలవరం ప్రాజెక్ట్‌ విషయానికి వస్తే... ఎత్తిపోయిన యువరాజు అక్కడ పర్యటించారట. చంద్రబాబు హయాంలో పునరావాస పనులు ఏవిధంగా ఉన్నాయి. కాపర్‌ డ్యామ్‌ గోడ ఎత్తితే నిర్వాసితులు ఎక్కడ ఉంటారనుకున్నారు. వారి కోసం ఎందుకు ఆలోచించలేదు. పోలవరం పనులు దాదాపు పూర్తవుతున్నాయి. కేంద్రం నుంచి రావాల్సిన నిధులు పెండింగ్‌ ఉన్నా.. నిర్వాసితులు ఇబ్బంది పడకుండా ఆర్‌అండ్‌ఆర్‌ ప్యాకేజీ కింద వాళ్లకు అందచేయడం జరిగింది. వాళ్ల కష్టాలకు కారణం అయిన చంద్రబాబు 14 ఏళ్లు ముఖ్యమంత్రిగా ఉన్నారు. అప్పుడేమి చేశారో దీనిపై మీరు సంజాయిషీ ఇవ్వాలి. 


12. మా జగన్‌గారు అధికారంలోకి వచ్చిందే రెండున్నరేళ్లు. మరి ఉత్తరాంధ్రలో ఏంచేశారు, పోలవరం అంటూ ప్రశ్నలు చేయడం కాదు. ప్రతిచోట పనులు జరుగుతున్నాయి. 2024 ఎన్నికలకు వెళ్లే సమయానికి ప్రతిరంగంలోనూ విజిబుల్‌గా కనిపించే ప్రోగ్రెస్‌ను చూపిస్తాం. అలాంటి మా నాయకుడి గురించి... అనుచిత వ్యాఖ్యలు చేయడం సిగ్గుచేటు. జగన్‌గారు గాలిగాడో.. గడ్డపారో ప్రజలే 2019 ఎన్నికల్లో చూపించారు. అది కూడా స్పృహ లేకుండా ఉంటే ఎలా? ఆ రెండు పత్రికలు ఎందుకు రాయలేదో? మేము కూడా దాని గురించి పెద్దగా మాట్లాడాల్సిన అవసరం లేదు. బూతుల మాట్లాడేవారి మీద ప్రజలే ఉమ్మేస్తారు. ప్రజలకు ఇచ్చిన హామీలను నిలబెట్టాలనే మా లక్ష్యం. పాజిటివ్‌ క్రిటిసిజమ్‌ ఉంటే మేము స్పందిస్తాం. కడుపు మంటతో మాట్లాడేవాటి గురించి మాట్లాడటానికి ఏముంటుంది. 


-పవన్‌ కల్యాణ్‌ ఎక్కడ ఉన్నారు? రాష్ట్రంలో ఏం జరుగుతుందో, ఏమవుతుందో ఆయనకు ఏమి తెలుసు?

-చంద‍్రబాబు చేసిపోయిన ఛండాలాన్ని కొద్దిరోజులు భరించాల్సిందే. వర్షాకాలం అయిపోగానే రహదారులు పనులు ప్రారంభం అవుతాయి. 

-అప్పు లేకుండా రాష్ట్రాన్ని జగన్‌గారి చేతిలో పెట్టి వెళితే టీడీపీ పాయింట్‌ అవుట్‌ చేయడానికి వీల్లేకుండా అప్పు చేయకుండా ప్రజలకు అభివృద్ధి అందించేవాళ్లం.

-మీరు చేసిన అప్పులకు వడ్డీలు కట్టడానికే మాకు రూ.30 నుంచి 40వేల కోట్లు అవుతున్నాయి.

Popular posts
జగనన్న తోడు కార్యక్రమం బుధవారానికి వాయిదా : గ్రామ, వార్డు సచివాలయ ప్రత్యేక ముఖ్య కార్యదర్శి అజయ్ జైన్
పొదుపు సంఘాల మహిళలకు బాసటగా నిలుస్తున్న వైయస్సార్ ఆసరా అనంతపురం (ప్రజాఅమరావతి), సెప్టెంబర్ 16: వైయస్సార్ ఆసరా పథకం పొదుపు సంఘాల అక్కాచెల్లెళ్లకు బాసటగా నిలుస్తోంది. నామినేషన్ పనుల్లో 50 శాతం రిజర్వేషన్లు అమలు నుండి జగనన్న అమ్మ ఒడి, వసతి దీవెన, కాపు నేస్తం, విద్యాదీవెన, వైయస్సార్ చేయుత, రుణమాఫీ, ఇళ్లపట్టాలు మంజూరు, దిశ చట్టం అమలుతోపాటు ప్రస్తుతం అనేక ప్రభుత్వ పథకాలలో మహిళలకు అత్యధిక ప్రాధాన్యత కల్పిస్తున్న రాష్ట్ర ముఖ్యమంత్రి వైఎస్ జగన్ మోహన్ రెడ్డికి మహిళా లోకం చేతులెత్తి నమస్కరిస్తున్నారు. మహిళలందరి తరఫున వైయస్ జగన్ కలకాలం రాష్ట్రానికి ముఖ్యమంత్రిగా కొనసాగాలని మనసారా ఆశీర్వదిస్తున్నారు. అనంతపురం రూరల్ మండలం శివారు ప్రాంతంలోని శిల్పారామం లో బుధవారం వైఎస్ఆర్ ఆసరా పథకం వారోత్సవాలను నిర్వహించారు. ఈ సందర్భంగా మొదటి విడతగా వైయస్సార్ ఆసరా పథకం ద్వారా 543 సంఘాలకు సుమారు రూ. 5.08 కోట్లు మంజూరు కావడంతో రుద్రంపేట, నారాయణపురం, రాజీవ్ కాలని, అనంతపురం రూరల్ పంచాయతీల గ్రామాల నుండి పొదుపు సంఘం మహిళలు ఎంతో ఉత్సాహంగా, ఆనందంగా కార్యక్రమంలో పాల్గొన్నారు. ఆసరా పథకం పై పలువురు పొదుపు సంఘాల మహిళలు తమ అభిప్రాయాలు తెలియజేశారు. 1) వైయస్సార్ ఆసరా పథకం ప్రారంభించిన రోజు నుండి తమలాంటి పేద కుటుంబాల్లో పండుగ వాతావరణం వచ్చిందని శ్రీ భాగ్యలక్ష్మి పొదుపు మహిళా సంఘం సభ్యురాలు టీవీ టవర్ ప్రాంత నివాసి ఉష పేర్కొన్నారు. ఇచ్చిన మాటను నిలబెట్టుకుంటూ మహిళల జీవితాలకు బంగారు బాటగా, ఒక మార్గదర్శిగా వైయస్సార్ ఆసరా పథకం ప్రవేశ పెట్టినట్లు పేర్కొంది. అక్కా చెల్లెమ్మలకు ముఖ్యమంత్రి వైఎస్ జగన్ మోహన్ రెడ్డి అన్ని విధాలా అండగా నిలుస్తూ ఈ పథకం ద్వారా పొదుపు సంఘాల మహిళల అప్పులన్నీ నాలుగు దశల్లో తమ ఖాతాల్లోకి జమ చేయడం ఎంతో ఆనందాన్ని కలిగిస్తోందని తెలిపింది. దేశంలో ఏ రాష్ట్రంలో ఇలాంటి కార్యక్రమాలు జరగడం లేదని మహిళల పక్షపాతిగా ప్రభుత్వం పని చేస్తున్నదన్నారు. ప్రస్తుతం తనకు వైయస్సార్ ఆసరా పథకం ద్వారా రూ.14,000 ఖాతాలో జమ అయిందని, తన కుటుంబానికి ఫీజు రీఎంబర్స్మెంట్ మంజూరు కావడంతో తన పిల్లలు బాగా చదువుతున్నారని పేర్కొంటూ ప్రభుత్వానికి కృతజ్ఞతలు తెలియజేసింది. 2) ముఖ్యమంత్రిగా వైఎస్ జగన్ మోహన్ రెడ్డి ప్రభుత్వం వచ్చిన అనతి కాలంలోనే అన్ని వర్గాల ప్రజలకు న్యాయం చేస్తున్నారు.. అందులో భాగంగా వైయస్సార్ ఆసరా పథకం ప్రవేశ పెట్టడం చాలా సంతోషం కలిగిస్తోందని అనంతపురం రూరల్ మండలం నగరం తపోవనంకు చెందిన ఈశ్వర సంఘం సభ్యురాలు ముత్యాలమ్మ తెలిపింది. గత ప్రభుత్వం మాకు రుణమాఫీ చేస్తామని చెప్పి చేయలేదని, దానివల్ల చాలా నష్టపోయినట్లు తెలిపింది. ముఖ్యమంత్రి వైయస్ జగన్ మోహన్ రెడ్డి మహిళల జీవితాల్లో వెలుగు నింపుతున్నట్లు తెలిపింది. మహిళలకు కాపు నేస్తం ద్వారా ఐదు సంవత్సరాల్లో సుమారు రూ.75 వేల రూపాయలు ఆర్థిక సహాయం చేస్తూ మొదటి సంవత్సరంలోనే ఇప్పటికే రూ.15 వేల రూపాయలు ప్రభుత్వం ఇచ్చిందన్నారు. అలాగే ఒంటరి మహిళలకు, వితంతువులకు గతంలో పింఛన్లు కూడా సక్రమంగా మంజూరు కాలేదని, ప్రస్తుతం అర్హులైన వారందరికీ ప్రతినెల 1వ తేదీన ఇంటి వద్దకే పెన్షన్లు అందుతున్నాయని తెలియజేసింది. ప్రజాసంక్షేమం కోసం, మహిళల అభ్యున్నతి కోసం కృషి చేస్తున్న ఈ ప్రభుత్వానికి ముఖ్యమంత్రికి ఈశ్వర మహిళా పొదుపు సంఘం తరఫున కృతజ్ఞతలు ధన్యవాదాలు తెలిపింది. ప్రస్తుతం తనకు వైయస్సార్ ఆసరా పథకం ద్వారా రూ.13 వేల రూపాయలు అందుతున్నదని, తమ్ సంఘ సభ్యులకు మొత్తం సుమారు ఒక లక్షా 31వేల రూపాయలు వారి ఖాతాల్లోకి జమ కాబడినది అని తెలిపింది. తాను అమ్మబడి, పెన్షన్ లాంటి పథకాల ద్వారా లబ్ది పొందుతున్నట్లు పేర్కొంది. ప్రభుత్వం ద్వారా లబ్ధి పొందిన ఈ డబ్బుతో చిన్న వ్యాపారాన్ని ప్రారంభించుకొని తన కుటుంబాన్ని పోషించుకుంటానని తన అభిప్రాయాన్ని తెలియజేసింది. 3) మహిళల ఆర్థిక అభివృద్ధి కోసం స్వయం సహాయక సంఘాలను బలోపేతం చేయడానికి ముఖ్యమంత్రి వైయస్ జగన్మోహన్ రెడ్డి వైఎస్ఆర్ ఆసరా పథకాన్ని అందిస్తున్నారని నారాయణపురం పంచాయతీకి చెందిన అల్లామదీనా ముస్లిం మైనారిటీ పొదుపు సంఘం సభ్యురాలు ఎస్. ఫాతీమా తెలియజేసింది. వైయస్సార్ ఆసరా లాంటి పథకం గతంలో ఎక్కడా కూడా ప్రారంభించలేదని, కుటుంబాలలోని మహిళలకు ఆర్థిక ఇబ్బందులు, కుటుంబ పోషణ బాధ్యతలు ఎక్కువగా ఉంటాయని ముఖ్యమంత్రి గుర్తించి పొదుపు సంఘాలను ఆదుకుంటున్నట్లు తెలిపింది. చిన్న చిన్న వ్యాపారంతో తామంతా ఉపాధి పొందాలన్న ఆశయంతో ప్రభుత్వం బ్యాంకుల ద్వారా రుణాలను మంజూరు చేయుటకు చర్యలు తీసుకోవడం ఎంతో సంతోషంగా ఉందని పేర్కొంది. మా కుటుంబాల బంగారు భవిష్యత్తుకు ముఖ్యకారకులు ముఖ్యమంత్రి వైయస్ జగన్ మోహన్ రెడ్డి ప్రభుత్వమేనని తెలియజేసింది. ప్రస్తుతం తమ సంఘానికి సుమారు రూ. 3,97,591 రూపాయలు తమ ఖాతాల్లోకి జమ చేసినట్లు తెలిపింది. ఇంత పెద్ద సహాయాన్ని అందించిన ప్రభుత్వానికి కృతజ్ఞతలు తెలియజేస్తూ లబ్ధి పొందిన ఈ డబ్బుతో కిరాణా కొట్టు ఏర్పాటు చేసుకుని కుటుంబాన్ని పోషించు ఉంటానని తెలియజేసింది. 4) గత ప్రభుత్వాల మాదిరిగా కాకుండా ఇచ్చిన మాటకు కట్టుబడి హామీలను నెరవేరుస్తూ చేతల ప్రభుత్వంగా ప్రజలకు అన్ని విధాలుగా సేవలందిస్తూ ముఖ్యమంత్రి వైయస్ జగన్ మోహన్ రెడ్డి రాష్ట్రాన్ని పరిపాలిస్తున్నారని శ్రీ షిరిడీ సాయి పొదుపు మహిళా సంఘం సభ్యురాలు భువనేశ్వరి తన అభిప్రాయాన్ని తెలియజేసింది. పొదుపు సంఘాల కష్టసుఖాలను తెలుసుకొని ప్రభుత్వం ద్వారా ఆదుకోవాలని వైయస్సార్ ఆసరా పథకాన్ని ముఖ్యమంత్రి వైయస్ జగన్ మోహన్ రెడ్డి అమలు చేస్తున్నారని తెలిపింది. మా లాంటి నిరుపేద కుటుంబాలకు ఈ పథకం ఎంతో మేలు చేస్తున్నట్లు తెలిపింది. మహిళా అభివృద్ధి ద్వారానే కుటుంబ అభివృద్ధి సాధ్యమవుతుందని గ్రహించిన ప్రభుత్వం ప్రతి పథకాల్లో మహిళలకు చేయూత అందిస్తున్నట్లు తెలిపింది. మహిళా సంక్షేమానికి కృషి చేసిన ముఖ్యమంత్రికి ధన్యవాదాలు తెలిపింది. తన ఖాతాల్లోకి జమ అయిన డబ్బు ద్వారా పండ్ల వ్యాపారం చేసుకుంటానని, తమకోసం జగనన్న ఉన్నాడనే ఆత్మవిశ్వాసంతో జీవిస్తానని పేర్కొంది. ప్రస్తుతం తమ పొదుపు సంఘానికి 50వేల రూపాయలు మంజూరు అయినట్లు తెలిపింది. ఇంత పెద్ద మనస్సుతో మమ్మల్ని ఆదుకుంటున్న ముఖ్యమంత్రికి కృతజ్ఞతలు తెలియజేసింది.
Image
సంక్షేమ నవశకానికి నాంది నవరత్నాల పథకాలు :
*BHEL center of excellence in AP* New Delhi (prajaamaravathi), September 11: Industries Minister Mekapati Goutham Reddy said Bharat Heavy Electrical Limited has agreed in principle to set up BHEL Centre of Excellence in Andhra Pradesh. The Minister requested BHEL CMD Nalin Singhal to partner in awarding skill certificates by state government and BHEL to the students who completed school education to which he responded positively and said they would partner in Skill development and support ITI Colleges. The Minister said entrepreneur program will start under the auspices of BHEL, and invited him to setup one solar panels plant in each district. Minister Mekapati Goutham Reddy met Niti Aayog CEO Amitab Kant and sought cooperation in upcoming 30 skill development colleges in the state. The Minister said the main sources for revenue in the state are Agriculture and Industries and sought cooperation of Niti Aayog in those sectors to which Amitab Kant responded positively and expressed his willingness to organise Digital Conclave in Vizag at any time from October. The Minister also met DRDO Chairman Gundra Satish Reddy and Officials of Navy and Airforce and said the Government of Andhra Pradesh has laid special focus on 'Defence' in its new industrial policy and sought DRDO cooperation in this sector. The Minister asked Navy Chief Admiral Karambhir Singh to setup Sonic system in Donakonda and also to establish Naval Base at Ramayapatnam port. Later, The Minister met Airforce Chief Air chief Marshal B.S Dhanova and sought cooperation for development of Defence systems in the state.
Image
భారీ గజమాలతో సత్కరించిన అభిమానులు
Image