శ్రీకాళహస్తికి మరో భారీ పెట్టుబడి

 

*శ్రీకాళహస్తికి మరో భారీ  పెట్టుబడి*

 *రూ.1000 కోట్లతో ఎలక్ట్రోస్టీల్ క్యాస్టింగ్స్ లిమిటెడ్ విస్తరణ ప్రణాళిక*

*22 ఏళ్లుగా డక్టయిల్ ఐరన్ ప్రెషర్ పైప్స్ తయారీ రంగంలో ఉన్న ఎలక్ట్రోస్టీల్ క్యాస్టింగ్స్ లిమిటెడ్*

*సీఎంతో సమావేశమమైన ఎలక్ట్రోస్టీల్ క్యాస్టింగ్స్ లిమిటెడ్ ఎండి ఉమంగ్ కేజ్రీవాల్, సీఓఓ సురేష్ ఖండేల్వాల్*

అమరావతి (ప్రజా అమరావతి);

శ్రీకాళహస్తిలోని ఎలక్ట్రోస్టీల్ క్యాస్టింగ్స్ లిమిటెడ్ ఎండి ఉమంగ్ కేజ్రీవాల్, సీఓఓ సురేష్ ఖండేల్వాల్ క్యాంప్ కార్యాలయంలో సీఎం శ్రీ వైయస్.జగన్ తో సమావేశమయ్యారు. రాష్ట్రంలో పారిశ్రామిక వేత్తలకు ప్రోత్సాహకర వాతావరణం నెలకొందని వారు తెలిపారు. 22 ఏళ్లుగా డక్టయిల్ ఐరన్ ప్రెషర్ పైప్స్ తయారీ రంగంలో ఉన్న ఎలక్ట్రోస్టీల్ క్యాస్టింగ్స్ లిమిటెడ్ శ్రీకాళహస్తిలోని తమ ప్లాంట్లో రానున్న కాలంలో 1000 కోట్లతో 0.5 మిలియన్ టన్నులకు ఉత్పత్తిని విస్తరించే ప్రణాళికలు సీఎం కు వివరించారు. గత రెండున్నరేళ్లుగా ఏపి యువ సీఎం శ్రీ వైయస్.జగన్ నాయకత్వంలో అభివృద్ధి పథంలో పయనిస్తోందని ఎలక్ట్రోస్టీల్ క్యాస్టింగ్స్ లిమిటెడ్ ప్రతినిధులు తెలిపారు. స్కూల్స్, ఆస్పత్రుల్లో నాడు నేడు కార్యక్రమాలు 16 మెడికల్ కాలేజీల నిర్మాణంతో రాష్ట్ర ప్రభుత్వం మౌలిక వసతుల కల్పన, సంక్షేమ అభివృద్ధి కార్యక్రమాలకు పెద్ద పీట వేయడం సంతోషకరమని తెలిపారు. మొదటి సారి కలిసినా చాలా స్నేహపూర్వకంగా తమ సమావేశం జరిగిందని చక్కటి విజన్ తో రాష్ట్రాన్ని ప్రగతి పథంలో ముందుకు తీసుకెళ్తున్న సీఎం వై యస్.జగన్ ప్రభుత్వంతో కలిసి పనిచేస్తామని శ్రీకాళహస్తిలోని ఎలక్ట్రోస్టీల్ క్యాస్టింగ్స్ లిమిటెడ్ ప్రతినిధులు తెలిపారు.