విద్యా దీవెన నాల్గో విడత భోధనా రుసుము ఈనెలలోనే విడుదల చేస్తాం


విద్యా దీవెన నాల్గో విడత భోధనా రుసుము ఈనెలలోనే విడుదల చేస్తాం 

రాష్ట్ర ఉన్నత విద్యా కౌన్సిల్ చైర్మన్ కె.హేమచంద్రారెడ్డి

అమరావతి, మార్చి 9 (ప్రజా అమరావతి): జగనన్న విద్యా దీవెన పథకం క్రింద పూర్తి స్థాయిలో బోధనా రుసుమును ప్రభుత్వమే చెల్లిస్తుందని విద్యార్థులు, తల్లిదండ్రులు ఎటు వంటి ఆందోళన చెందాల్సిన పని లేదని రాష్ట్ర ఉన్నత విద్యా కౌన్సిల్ చైర్మన్ కె.హేమ చంద్రా రెడ్డి విజ్ఞప్తి చేశారు.  గత ఏడాది  అక్టోబరు, నవంబరు, డిశంబరు త్రైమాసికానికి చెందిన జగనన్న విద్యా దీవెన నాల్గో విడత బోధనా రుసుమును  ప్రస్తుతం జరుగుచున్న అసెంబ్లీ సమావేశాల తదుపరి  ఈ నెలలోనే విడుదల చేస్తామని, ఈ ఏడాది జనవరి, ఫిబ్రవరి మరియు మార్చి త్రైమాసికానికి సంబందించి జగనన్నవిద్యా దీవెన మొదటి విడత బోధనా రుసుమును వచ్చే నెలలో విడుదల చేయనున్నట్లు ఆయన స్పఈ


ష్టంచేశారు. బుధవారం సచివాలయం నాల్గో బ్లాక్ లోని  పబ్లిసిటీ సెల్ లో పాత్రికేయులతో ఆయన మాట్లాడుతూ  రాష్ట్రంలో ఉన్నత విద్యను ప్రోత్సహించేందుకు  విద్యా దీవెన పథకాన్ని ప్రభుత్వం ఏవిధంగా  అమలు చేస్తున్నదో వివరించారు.  రాష్ట్రంలోని నిరుపేద విద్యార్థులు అందరికీ  నాణ్యమైన విద్యను అందించాలనే లక్ష్యంతో  జగనన్న విద్యా దీవెన పధకాన్ని ప్రభుత్వం పెద్ద ఎత్తున అమలు చేస్తున్నట్లు ఆయన తెలిపారు.   విద్యార్థులు కళాశాలలకు చెల్లించే ఫీజును ప్రభుత్వమే పూర్తి ఫీజు రీయింబర్స్ మెంట్ క్రింద తల్లుల ఖాతాలో జమచేయడం జరుగుచున్నదన్నారు.  ఫీజు రీయింబర్స్ మెంట్ పథకం క్రింద ఏమైనా బకాయిలు ఉంటే విద్యార్థులకు  కళాశాలలు నాణ్యమైన విద్యను అందించలేవని, ఆర్థిక భారంతో కళాశాలలు సతమతం అవుతాయనే విషయాన్ని గుర్తించిన ముఖ్యమంత్రి శ్రీ వై.ఎస్.జగన్మోహన్ రెడ్డి ఈ పథకాన్ని ఎంతో పటిష్టంగా అమలు పర్చే అంశంపై ప్రత్యేక దృష్టిసారించారన్నారు. ఈ ప్రభుత్వం అధికారంలోకి వచ్చినప్పటి నుండి ఫీజు రీయింబర్స్ మెంట్ పథకం క్రింద ఎటు వంటి బకాయిలు లేకుండా పూర్తి స్థాయిలో అమలు పర్చేందుకై గత ప్రభుత్వ బకాయిలు రూ.1,880 కోట్లు కలుపుకుని 2019-20 ఆర్థిక సంవత్సరం మార్చి మాసంలో మొత్తం రూ.4 వేల కోట్లను ముఖ్యమంత్రి  విడుదల చేశారన్నారు. కరోనా ప్రభావంతో ప్రభుత్వం పలు సమస్యలు ఎదుర్కొంటున్నప్పటికీ 2020-21 ఆర్థిక సంవత్సరంలో  మొదటి త్రైమాసికానికి సంబందించి 2021 ఏప్రిల్ మాసంలో రూ.671.03 కోట్లను, రెండో త్రైమాసికానికి సంబంధించి జూలై మాసంలో రూ.693.27 కోట్లను, మూడో త్రైమాసికానికి సంబంధించి  నవంబరు మాసంలో రూ.683.13 కోట్లను జగనన్న విద్యా దీవెన పథకం క్రింద ప్రభుత్వం విడుదల చేసినట్లు ఆయన తెలిపారు. నాల్గో త్రైమాసికానికి సంబందించి  అసెంబ్లీ సమావేశాలు అయిన తదుపరి ఈ నెలలోనే విడుల చేయనున్నట్లు ఆయన తెలిపారు. 


ఈ ఫీజు రీయింబర్స్ మెంట్ పథకం అమలుపై గత ప్రభుత్వం ఏమాత్రం శ్రద్ద చూపలేదని క్రమ పద్దతిలో కళాశాలలకు పీజులు చెల్లించకుండా పెద్ద ఎత్తున బకాయిలు పెట్టిందని,  గత ప్రభుత్వ బకాయిలు  రూ.1,880 కోట్లను ఈ ప్రభుత్వం అధికారంలోకి వచ్చిన తదుపరి చెల్లించడం జరిగిందని ఆయన తెలిపారు.  గత ప్రభుత్వ హయాంలో ఏ ఆర్థిక సంవత్సరంలో కూడా పూర్తి స్థాయిలో బోధనా రుసుమును కళాశాలలకు చెల్లించలేదని, కొద్ది కొద్ది మొత్తాలను మాత్రమే చెల్లిస్తూ ఏళ్ల తరబడి బకాయిలు పెట్టిందని అన్నారు.  ఈ పథకం క్రింద గత ప్రభుత్వం 2012-13 నుండి 2016-17 ఆర్థిక సంత్సరాలకు సంబందించి  2016-17 అర్థిక సంవత్సరంలో రూ.2,391.30 కోట్లను, 2012-13 నుండి 2017-18 ఆర్థిక సంత్సరాలకు సంబందించి  2017-18 అర్థిక సంవత్సరంలో రూ.2,828.30 కోట్లను మరియు 2012-13 నుండి 2018-19 ఆర్థిక సంత్సరాలకు సంబందించి  2018-19 అర్థిక సంవత్సరంలో రూ.1,687.13 కోట్లను చెల్లించినట్లు ఆయన వివరించారు. ఇలా ఆలశ్యంగా చెల్లించడం వల్ల 7 శాతం వడ్డీగా లెక్కకడితే దాదాపు రూ.1,000 కోట్ల వడ్డీ భారం కళాశాలలపై పడిందని తెలిపారు, అదే 14 శాతం వడ్డీ అయితే రూ.2,000 కోట్ల భారం పడుతుందని ఆయన తెలిపారు. 


తమ ప్రభుత్వం అధికారంలోకి వచ్చినప్పటి నుండి జగనన్న విద్యా దీవెన పథకాన్ని ఎంతో చిత్తశుద్దితో  అమలుచేస్తూ పూర్తి స్థాయిలో బోధనా రుసుమును సకాలంలో చెల్లించడం వల్ల మంచి ఫలితాలు వస్తున్నట్లు ఆయన తెలిపారు.  2018-19 మరియు 2019-20 మద్య కాలంలో గ్రాస్ ఎన్రోల్మెంట్ రేషియో (GER) గ్రోత్ రేట్ 32.4 శాతం నుండి 35.2 శాతానికి పెరిగిందన్నారు.  గత రెండేళ్ల కాలంలో పలు కళాశాలల్లో  70 వేలకు పైబడి అడ్మిషన్లు జరిగాయని ఆయన తెలిపారు. భారత దేశం  గ్రోత్ రేటు కంటే ఈ గ్రోత్ రేటు ఎంతో అదికమన్నారు. అదే విధంగా ఎస్సీ విద్యార్థుల గ్రాస్ ఎన్రోల్మెంట్ రేషియో (GER) గ్రోత్ రేట్ దేశంలో 1.7 శాతం ఉంటే రాష్ట్రంలో 7.5 శాతంగాను, ఎస్టీ విద్యార్థుల గ్రాస్ ఎన్రోల్మెంట్ రేషియో (GER) గ్రోత్ రేట్ దేశంలో 4.5 శాతం ఉంటే రాష్ట్రంలో 9.5 శాతంగాను మరియు మహిళా విద్యార్థుల గ్రాస్ ఎన్రోల్మెంట్ రేషియో (GER) గ్రోత్ రేట్ దేశంలో 2.28 శాతం ఉంటే రాష్ట్రంలో 11.03 శాతంగా నమోదైనట్లు ఆయన తెలిపారు. 


రాష్ట్రంలోనే  ప్రప్రథమంగా  హైకోర్టు రిటైర్డు జడ్జి చైర్మన్ గా ఉన్నత విద్యా రెగ్యులేషన్ అండ్ మానిటరింగ్ కమిషన్ తమ ప్రభుత్వం ఏర్పాటు చేయడం జరిగిందని, కళాశాలలపై వచ్చే ఫిర్యాదులపై  తగు చర్యలు తీసుకొనేందుకు ఈ కమిషన్ కు అధికారం ఉందన్నారు.  జగనన్న విద్యా దీవెన పథకం క్రింద పూర్తి స్థాయిలో బోధనా రుసుమును ప్రభుత్వమే చెల్లిస్తుందని, అంతకు మించి ఎటు వంటి సొమ్మును అధనంగా కళాశాలలకు చెల్లించాల్సిన పనిలేదని ఆయన తెలిపారు. నాణ్యమైన విద్యను అందించని మరియు నియమ, నిబంధనలను అతిక్రమించే కళాశాలలపై ఈ కమిషన్కు ఫిర్యాదు చేయవచ్చని విద్యార్థులకు, తల్లిదండ్రులకు ఆయన విజ్ఞప్తిచేశారు. 

      

Comments
Popular posts
భారత త్రో బాల్ జట్టు కెప్టెన్ శ్రీ చావలి సునీల్ కి ఆర్థిక సహాయం క్రింద 25 లక్షల చెక్కును అందించిన రాష్ట్ర పర్యాటక సాంస్కృతిక వ్యవహారాల యువజన సర్వీసుల శాఖ మంత్రి శ్రీమతి ఆర్.కే. రోజా
Image
అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ ధ్యేయం.
Image
దిశ పెట్రోలింగ్‌ వెహికల్స్‌ను ప్రారంభించనున్న సీఎం శ్రీ వైఎస్‌ జగన్*
Image
వీఆర్వో లు రెవెన్యూ చట్టాల గురించి క్షుణ్ణంగా తెలుసుకుని క్షేత్ర స్థాయిలో సక్రమంగా అమలు చేయాలి : జిల్లా కలెక్టర్ గంధం చంద్రుడు అనంతపురం,(ప్రజాఅమరావతి ): ఆగస్టు 27: నూతనంగా పదోన్నతులు పొందిన గ్రామ రెవెన్యూ అధికారులు చట్టాలను క్షుణ్ణంగా అవగాహన చేసుకొని ప్రజలకు సక్రమంగా సేవలు అందించాలని జిల్లా కలెక్టర్ గంధం చంద్రుడు సూచించారు. గురువారం నూతనంగా పదోన్నతి పొందిన వీఆర్వోలకు 2వ రోజు శిక్షణ కార్యక్రమం నిర్వహించారు. ఈ సందర్భంగా జిల్లా కలెక్టర్ మాట్లాడుతూ రాష్ట్ర ముఖ్యమంత్రి వైయస్ జగన్మోహన్ రెడ్డి గ్రామ వార్డు సచివాలయ వ్యవస్థ ను ఏర్పాటు చేసి గాంధీజీ కలలుగన్న గ్రామస్వరాజ్యం స్థాపన కోసం ఎంతో కృషి చేస్తున్నారన్నారు. ఈ క్రమంలో విఆర్వోలు అంతా మెరుగ్గా పనిచేసి ప్రభుత్వ లక్ష్యసాధనకు బాధ్యతగా విధులు నిర్వర్తించాలన్నారు. విధి నిర్వహణలో ఎలాంటి సందేహాలు ఉన్నా వాటిని అనుభవజ్ఞులైన సీనియర్లతో నివృత్తి చేసుకోవాలన్నారు. రెవెన్యూ శాఖ నిర్దేశించిన ఉత్తర్వుల మేరకు వీఆర్వో లు నాలుగు విభాగాలలో పనిచేయాల్సి ఉంటుందన్నారు. ఇందులో రెవెన్యూ భూ రికార్డులు, సామాజిక సంక్షేమం, అభివృద్ధి, పోలీసు తదితర విభాగాల వారీగా విధులు నిర్వర్తించాలన్నారు. రెవెన్యూ కు సంబంధించి అన్ని గ్రామ అకౌంట్లు, భూ రికార్డులు పక్కాగా నిర్వహించాలన్నారు. నీటి పన్ను సెస్ తో పాటు రెవెన్యూ శాఖకు సంబంధించిన వసూళ్లు చేయాలన్నారు. క్షేత్రస్థాయిలో రెవెన్యూ భూములను తనిఖీ చేయాలన్నారు. సర్వే రాళ్లను ప్రతి ఏటా రెండు సార్లు పరిశీలించాలని, రాళ్లు లేనిచోట ఏర్పాటు చేసేందుకు చర్యలు చేపట్టాల్సి ఉంటుందన్నారు. ప్రభుత్వ భూములు, చెట్లు, చెరువులు, ఇతర ప్రభుత్వ ఆస్తుల పరిరక్షణ బాధ్యత విఆర్ఓ లపై ఉంటుందన్నారు. ఎవరైనా అక్రమాలకు పాల్పడితే ఆక్రమణల తొలగింపు చర్యలు చేపట్టాలన్నారు. రెవెన్యూ రికవరీ చట్టం కింద రికవరీ చేయాల్సి వస్తే ఆ ఆస్తుల వివరాలు అందించి అధికారులకు సహకరించాలన్నారు. అలాగే పోలీసు విధులకు సంబంధించి రెవెన్యూ అధికారులు మెజిస్ట్రేట్ అధికారాలు వినియోగించే సమయంలో వీఆర్వోలు సహాయకులుగా పనిచేయాలని, ఎలాంటి అనుమానిత సమాచారాలు తెలిసినా వాటిని పోలీసులకు అందించాల్సి ఉంటుందన్నారు. నేరాలు జరిగిన సమయంలో ఆధారాలతో వాస్తవ నివేదికలు సమర్పించాలన్నారు. సామాజిక సంక్షేమం, అభివృద్ధి, విధులకు సంబంధించి వివిధ ప్రభుత్వ పథకాలను అర్హులైన వారిని లబ్ధిదారులుగా ఎంపిక చేయాల్సి ఉంటుందన్నారు. అంటరానితనం నిర్మూలనలో బాధ్యతగా పని చేయాలని, పౌరసరఫరాల విషయంలో అధికారులకు సహకారం అందించాలన్నారు. పంట నష్టం జరిగినప్పుడు ఆ నష్టం అంచనా కు సంబంధించి వ్యవసాయ అధికారులకు సహకారం అందించాలన్నారు. తహశీల్దార్, సబ్ కలెక్టర్, ఆర్డిఓ, జిల్లా కలెక్టర్, రాష్ట్ర భూపరిపాలన ప్రధాన కమిషనర్ ఆదేశాల మేరకు విధులను వీఆర్వోలు నిర్వర్తించాల్సి ఉంటుందన్నారు. అలాగే గ్రామాలలో అవసరమైన సమాచారాన్ని ప్రజలందరికీ చేరువుగా తీసుకువెళ్ళే క్రమంలో దండోరా వేయించడం, లీగల్ నోటీసులు జారీ ప్రక్రియ లాంటి విధులు కూడా వీఆర్వోల పరిధిలో ఉంటాయన్నారు. అందువల్ల ఆయా గ్రామ సచివాలయంలో పనిచేసే విఆర్వోలు ముందస్తుగా చట్టాలపై అవగాహన చేసుకొని జాగ్రత్తగా తమ విధులను నిర్వర్తించాలన్నారు. వీఆర్వోల విధి విధానాల గురించి జిల్లా కలెక్టర్ వివరించారు. ఈ కార్యక్రమంలో జాయింట్ కలెక్టర్ (రెవిన్యూ మరియు రైతు భరోసా) నిశాంత్ కుమార్, డిఆర్ఓ గాయత్రీ దేవి, హ్యాండ్ సెట్ సీఈవో హరి ప్రసాద్, కలెక్టరేట్ ఏవో విజయలక్ష్మి, తహసిల్దార్ లు విశ్వనాథ్, నాగరాజు, హరి కుమార్, డి టి శ్రీధర్, పెనుగొండ, కదిరి, కళ్యాణదుర్గం డివిజన్ నుండి 111 మంది పదోన్నతులు పొందిన విఆర్వోలు శిక్షణ కార్యక్రమంలో పాల్గొన్నారు..
Amravati (prajaamaravati), *సోమశిల ప్రాజెక్టు హైలెవెల్‌ లిఫ్ట్‌ కెనాల్‌ రెండో దశ పనులను క్యాంప్‌ కార్యాలయం నుంచి వర్చువల్‌ విధానంలో ప్రారంభించిన సీఎం శ్రీ వైయస్‌ జగన్‌:* *నెల్లూరు జిల్లా మర్రిపాడు మండలం కృష్ణాపురంలో పైలాన్‌ ఆవిష్కరణ:* ఈ కాలువ ద్వారా దుత్తలూరు, వింజమూరు, ఉదయగిరి, మర్రిపాడు, అనంతసాగరం, ఆత్మకూరు మండలాల్లోని 46,453 ఎకరాలకు సాగు నీరందనుంది. రివర్స్‌ టెండరింగ్‌ విధానంలో పనులు అప్పగించడం వల్ల రూ.459 కోట్లకే టెండర్‌ ఖరారైంది. దీని వల్ల ఖజానాపై రూ.68 కోట్ల భారం తగ్గింది. *ఈ సందర్భంగా సీఎం శ్రీ వైయస్‌ జగన్‌ ఏమన్నారంటే..* – పెన్నా నీటిని సద్వినియోగం చేసుకుంటూ, ఇవాళ నెల్లూరు జిల్లాలోని ఆత్మకూరు, ఉదయగిరి నియోజకవర్గాల మెట్ట ప్రాంతాలకు సాగు, తాగు నీరు అందించే సోమశిల రెండో దశ పనులకు ఇక్కడి నుంచి పునాది వేస్తున్నాను. – నీటి విలువ, వ్యవసాయం విలువ తెలిసిన ప్రభుత్వంగా నెల్లూరు జిల్లాలోని ఆత్మకూరు, ఉదయగిరి నియోజకవర్గాలలోనిమెట్ట ప్రాంతాలకు నీరు అందించే సోమశిల రెండో దశ పనులకు ఈరోజు వర్చువల్‌గా శంకుస్థాపన చేస్తున్నాను. – ఈ పనుల ద్వారా ఆత్మకూరు నియోజకవర్గంలో 10,103 ఎకరాలు, ఉదయగిరి నియోజకవర్గంలో 36,350 ఎకరాలకు.. మొత్తంగా 46,453 ఎకరాలకు కొత్తగా నీటి సదుపాయం కల్పించడం జరుగుతుంది. – ఇందుకోసం బ్యాలెన్సింగ్‌ రిజర్వాయర్లుగా కంప సముద్రం, గుండె మడకల రిజర్వాయర్ల నిర్మాణం, క్రాస్‌ మిషనరీ (సీఎం), క్రాస్‌ డ్రైనేజీ (సీడీ) పనుల ద్వారా 18.5 కి.మీ గ్రావిటీ కాల్వల నిర్మాణం. పంపింగ్‌ స్టేషన్, రెండు ఎలక్ట్రో ప్రెషర్‌ మెయిన్లు.. వీటన్నింటిని నిర్మించబోతున్నాం. – గతంలో ఇదే ప్రాజెక్టును రూ.527.53 కోట్లతో గత ప్రభుత్వం ఎన్నికల ముందు హడావిడిగా పనులు మొదలు పెట్టినా ఏదీ జరగలేదు. కానీ ఈ ప్రభుత్వం వచ్చాక రివర్స్‌ టెండరింగ్‌కు వెళ్లడం ద్వారా వ్యయాన్ని రూ.459 కోట్లకు తగ్గించడం జరిగింది. తద్వారా ప్రభుత్వానికి దాదాపు రూ.68 కోట్లు ఆదా అయింది. – ఒకే పనికి గతంలో రూ.527 కోట్లు, ఇప్పుడు అదే పనికి రూ.459 కోట్లు అంటే రివర్స్‌ టెండరింగ్‌ ద్వారాఅవినీతికి చెక్‌ పెట్టడం జరిగింది. ఇలా ఎక్కడా అవినీతికి తావు లేకుండా ప్రతి చోటా చర్యలు చేపడుతున్నాం. – ఈ ప్రాజెక్టులో రూ.68 కోట్లు మిగిలించి ఇవాళ పనులు మొదలు పెడుతున్నాం. యుద్ధప్రాతిపదికన పనులు పూర్తి చేస్తాం. *మరో విషయం:* – ఇదే నెల్లూరు జిల్లాలో సంగం బ్యారేజీ, నెల్లూరు బ్యారేజీ పనులు కూడా పూర్తయ్యే దశలో ఉన్నాయి. వచ్చే జనవరిలో వాటిని ప్రజలకు అంకితం చేయబోతున్నాం. – వాటి పనులు నత్తనడకన జరుగుతా ఉంటే, పరిస్థితి మార్చాం. యుద్ధ ప్రాతిపదికన పూర్తి చేస్తున్నాం. దేవుడి దయతో పనులు పూర్తవుతున్నాయి. – దీంతోపాటు సోమశిల కండలేరు డబ్లింగ్‌ వర్క్స్‌,12 వేల క్యూసెక్కుల నుంచి 24 వేల క్యూసెక్కుల సామర్థ్యానికి రూ.918 కోట్ల వ్యయంతో పెంచబోతున్నాం. – అదే విధంగా సోమశిల–రాళ్లపాడు డబ్లింగ్‌ వర్క్స్‌, 720 క్యూసెక్కుల నుంచి 1440 క్యూసెక్కుల సామర్థ్యానికి రూ.632 కోట్ల వ్యయంతో పెంచబోతున్నాం. – సాగునీటి రంగంలో జలయజ్ఞం ద్వారా ప్రాధాన్యత క్రమంలో పనులు కొనసాగిస్తున్నాం. 2022 ఖరీఫ్‌ నాటికి నీరు ఇచ్చే విధంగా, పోలవరం ప్రాజెక్టు పూర్తి చేసే దిశగా అడుగులు వేస్తున్నాం. *ఈ ఏడాదిలో ఆరు ప్రాధాన్యత ప్రాజెక్టులు*.. వంశధార ఫేజ్‌–2. వంశధార–నాగావళి అనుసంధానం, వెలిగొండ ఫేజ్‌–1, అవుకు టన్నెల్, సంగం బ్యారేజీ, నెల్లూరు బ్యారేజీలను పూర్తి చేసేందుకు వేగంగా అడుగులు వేస్తున్నాం. *మూడు రాజధానులతో పాటు, మూడు ప్రాంతాలకు సమ న్యాయం చేస్తాం.* రాష్ట్రానికి సంబంధించిన సాగు నీటి పనుల్లో ఎక్కడా రాజీ పడబోము. – మూడు ప్రాంతాలకు సమ న్యాయం చేయాలన్న ఉద్దేశంతో రాయలసీమ, నెల్లూరు, ప్రకాశం జిల్లాల సాగు నీరు, తాగు నీటి అవసరాలు తీర్చే విధంగా రూ.40 వేల కోట్లతో రాయలసీమ కరువు నివారణ ప్రాజెక్టు చేపడుతున్నాం. – ఉత్తరాంధ్రకు నీటి పరంగా న్యాయం చేసేలా ఉత్తరాంధ్ర సుజల స్రవంతిని సాకారం చేసేలా రూ.15 వేల కోట్ల ప్రాజెక్టులో భాగంగా మొదటి దశలో రూ.3500 కోట్ల విలువైన పనులకు త్వరలో టెండర్లు పిలవబోతున్నాం. – పల్నాడులో కరువు నివారణ కోసం వైయస్సార్‌ పల్నాడుకరువు నివారణ ప్రాజెక్టుకు రూపకల్పన చేశాం. – కృష్ణా నది దిగువన రెండు బ్యారేజీలు, పైన ఒక బ్యారేజీ నిర్మాణంతో పాటు, చింతలపూడి లిఫ్ట్‌ పనుల వేగాన్ని పెంచుతున్నాం. – నీటి విలువ, రైతు విలువ, నీటి ద్వారా ప్రాంతాలకు జరిగే ఆర్థిక న్యాయం, అవసరం తెలిసిన ప్రభుత్వంగా చిత్తశుద్ధితో ఈ ప్రాజెక్టులన్నింటినీ పూర్తి చేస్తాము. – దేవుడి దయ, మీ అందరి ఆశీస్పులతో ఇంకా పనులు, కార్యక్రమాలు చేయాలని కోరుకుంటున్నాను. అంటూ సీఎం శ్రీ వైయస్‌ జగన్‌ ప్రసంగం ముగించారు. ఎంపీలు వేమిరెడ్డి ప్రభాకర్‌రెడ్డి, పిల్లి సుభాష్‌చంద్రబోస్, నీటి పారుదల శాఖ ప్రత్యేక ప్రధాన కార్యదర్శి ఆదిత్యనాథ్‌దాస్, ఆ శాఖ ఈఎన్‌సీ నారాయణరెడ్డి కార్యక్రమంలో పాల్గొనగా, పైలాన్‌ ఆవిష్కరణ వద్ద మంత్రులు అనిల్‌కుమార్‌ యాదవ్, మేకపాటి గౌతమ్‌రెడ్డి, పలువులు ప్రజాప్రతినిధులు, అధికారులు హాజరయ్యారు.
Image