ఆ సమయంలో నిద్రలేని రాత్రులు గడిపా...

 *ఆ సమయంలో నిద్రలేని రాత్రులు గడిపా...*





*ISB జ్ఞాపకాలను గుర్తుచేసుకున్న చంద్రబాబు*

అమరావతి (ప్రజా అమరావతి);

_ప్రఖ్యాత బిజినెస్ స్కూల్ ఐఎస్‌బీ హైదరాబాద్‌లో ఏర్పాటు చేయడం వెనుక ఎలాంటి కృషి జరిగింది? గచ్చిబౌలి ప్రాంతంలోనే ఈ విద్యాసంస్థను ఎందుకు ఏర్పాటు చేశారు. బెంగళూరు, ముంబైలో ఏర్పాటు చేయాల్సిన బిజినెస్ స్కూల్‌ను హైదరాబాద్‌కు తీసుకురావడం వెనుక నాటి ముఖ్యమంత్రి చంద్రబాబు నాయుడు ఎలాంటి ప్రయత్నాలు చేశారు. ఐఎస్‌బీ ఏర్పాటు గురించి టీడీపీ అధినేత చంద్రబాబు నాయుడు వెల్లడించిన ఆసక్తికర వివరాలు ఇవిగో.._


దరాబాద్‌లోని ఇండియన్ స్కూల్ ఆఫ్ బిజినెస్ (ISB) ఖండాంతరాలుగా గుర్తింపు సాధించింది. ఈ సంస్థ నుంచి వచ్చిన పూర్వ విద్యార్థులు దిగ్గజ కంపెనీల్లో కీలక బాధ్యతల్లో ఉన్నారు. చాలా మంది విద్యార్థులు ఎంటర్‌ప్రెన్యూయర్లుగా రాణిస్తున్నారు. ఐఎస్‌బీ పేరు చెబితే మాజీ ముఖ్యమంత్రి చంద్రబాబు నాయుడు గుర్తుకొస్తారు. ఈ సంస్థ ఏర్పాటు కోసం 1990వ దశకంలో ఆయన ఏవిధమైన కృషి చేశారు? ఐఎస్‌బీ అంకురార్పణ ఎలా జరిగింది? ఐఎస్‌బీ 20వ వార్షికోత్సవాన్ని పురస్కరించుకొని ఆ పాత జ్ఞాపకాలను టీడీపీ అధినేత Chandrababu Naidu గుర్తుచేసుకున్నారు. ఈ మేరకు వరుస ట్వీట్లు చేశారు.


‘గ‌చ్చిబౌలి ప్రాంతాన్ని ఫైనాన్సియ‌ల్ డిస్ట్రిక్ట్‌గా మార్చే దిశ‌గా ప్రణాళిక‌లు సిద్ధం చేస్తున్న స‌మయమది. కార్పొరేట్, అకడమిక్ విద్యా సంస్థల నుంచి బెస్ట్ మైండ్స్‌ను ఆకట్టుకునే మంచి సంస్థ ఒకటి అక్కడ ఉంటే బావుంటుందని నేను భావించాను. అప్పుడే ప్రపంచ స్థాయి బిజినెస్ స్కూల్ నా దృష్టికి వచ్చింది’ అని చంద్రబాబు నాయుడు రాసుకొచ్చారు.


ISB ఒక కప్పు టీ ద్వారా ఆవిర్భవించిందని చెప్పడంలో అతిశయోక్తి లేదంటూ ఆ సంస్థ ఏర్పాటుకు బీజం పడిన విధానాన్ని చంద్రబాబు నాయుడు చెప్పుకొచ్చారు.


‘1998లో ఫార్చ్యూన్ టాప్ 500 కంపెనీల్లో కొన్ని సంయుక్తంగా కలిసి బిజినెస్ స్కూల్‌ను ప్రారంభించాలని నిర్ణయించాయి. అభివృద్ధి చెందుతున్న ఆసియా ఆర్థిక వ్యవస్థలకు అవసరమైన నాయకత్వ అవసరాలను తీర్చగలిగేలా ఆ సంస్థ ఉండాలని భావించాయి. ఈ విషయం నా చెవిన పడగానే ఆ టీమ్‌ను కలిసేందుకు నేను ప్రయత్నాలు ప్రారంభించాను’ అని చంద్రబాబు నాయుడు తెలిపారు.


‘ఐతే, అప్పటికే అభివృద్ధి చెందిన ముంబై, బెంగళూరు, చెన్నై లాంటి నగరాల్లో ఐఎస్‌బీ ఏర్పాటు చేయాలని పలువురు పారిశ్రామిక దిగ్గజాలు భావించారు. అందుకు సంబంధించి సమాలోచనలు జరుపుతుండగా నేను హైదరాబాద్ ప్రతిపాదన వారి ముందు ఉంచాను’ అని చంద్రబాబు తెలిపారు.


‘ఇదిలా ఉండగానే ఒకరోజు వాళ్లు తుది నిర్ణయానికి వచ్చినట్లు నాకు తెలిసింది. ముంబై లేదా బెంగళూరు నగరంలో ఐఎస్‌బీ ఏర్పాటు చేయాలనే నిర్ణయానికి వచ్చారు. వారి జాబితాలో హైదరాబాద్ పేరు లేనే లేదు. ఈ విషయం తెలిసేటప్పటికి పెద్దగా సమయం కూడా లేదు. ఇక ఏమాత్రం ఆలస్యం చేయకుండా నేను వారితో నేరుగా మాట్లాడేందుకు నిర్ణయం తీసుకున్నా’ అని చంద్రబాబు నాయుడు రాసుకొచ్చారు.


*ఒక ముఖ్యమంత్రి నేరుగా సంప్రదిస్తారని వాళ్లు ఊహించలేదు!*


ఒక ముఖ్యమంత్రి తమకు నేరుగా కాల్ చేస్తారని, హైదరాబాద్‌లో మీటింగ్ కోసం తమను ఆహ్వానిస్తారని ఐఎస్‌బీ బోర్డు సభ్యులు ఊహించలేదని చంద్రబాబు తెలిపారు. నేరుగా తానే మాట్లాడటంతో సమావేశానికి వచ్చేందుకు వాళ్లు ఆమోదం తెలిపారని ఆయన వెల్లడించారు.


‘ఐఎస్‌బీ బోర్డు సభ్యులను ఎలా కన్వీన్స్ చేయాలనే ఆలోచనలతో ఆ 4 రోజులు నేను నిద్రలేని రాత్రులు గడిపా. ఇద్దరు క్యాబినెట్ మంత్రులను బేగంపేట విమానాశ్రయానికి పంపించా. మంత్రులు వారిని వ్యక్తిగతంగా పికప్ చేసుకొని నా నివాసానికి తీసుకొచ్చారు. నేను ప్రొటొకాల్‌ను కూడా పక్కనపెట్టి వాళ్లకు బ్రేక్‌ఫాస్ట్ వడ్డించా. ఆ తర్వాత పవర్ పాయింట్ ప్రజెంటేషన్ ద్వారా హైదరాబాద్ ప్రత్యేకతలు, ఐఎస్‌బీ ఏర్పాటుకు నగరం ఏవిధంగా మెరుగైందో అర గంట పాటు వివరించా..’ అని చంద్రబాబు నాటి అనుభవాలను వివరించారు.


లంచ్ టైమ్ వరకూ ఆ సమావేశం కొనసాగిందని, వాళ్ల అనుమానాలన్నింటినీ నివృత్తి చేశానని చంద్రబాబు నాయుడు తెలిపారు. ‘మొత్తానికి వాళ్ల మెదళ్లలో ఒక ఆలోచన అయితే మొగ్గ తొడిగింది. ఒక నిర్ణయం తీసుకొని మీకు తెలియజేస్తామని చెప్పి వాళ్లు తిరిగి వెళ్లిపోయారు. ఇక ఆ తర్వాత జరిగింది చరిత్రే’ అని ఆయన వెల్లడించారు.


2001 డిసెంబర్ 2న ఐఎస్‌బీ క్యాంపస్ ప్రారంభోత్సవంలో నాటి ప్రధాని అటల్ బిహారీ వాజ్‌పేయి పాల్గొనడం ఒక గౌరవం అని చంద్రబాబు నాయుడు అన్నారు. ఐఎస్‌బీ ఏర్పాటు జర్నీ ఆసాంతం తమకు ఒక గొప్ప నాయకుడి మద్దతు ఉందంటూ వాజ్‌పేయిని కీర్తించారు.


ఐఎస్‌బీ రాక‌ముందు గ‌చ్చిబౌలి ప్రాంతం ఎలా ఉండేది? ఇప్పుడు ఎలా ఉంది? అన్న ఫొటోల‌తో చంద్రబాబు నాయుడు షేర్ చేశారు. ఐఎస్‌బీ ప్రారంభోత్సవం సందర్భంగా వాజ్‌పేయితో తాను క‌లిసి ఉన్న ఫొటోను కూడా అభిమానులతో పంచుకున్నారు. ‘ISB మరింత శక్తిమంతంగా ఎదగాలి. భవిష్యత్ దార్శనిక ఆలోచనా నాయకులను తీర్చిదిద్దుతూ అగ్రశ్రేణి బిజినెస్ స్కూల్‌గా కొనసాగాలని నేను కోరుకుంటున్నాను’ అంటూ చంద్రబాబు నాయుడు తన ట్వీట్లను ముగించారు.

Comments
Popular posts
భారత త్రో బాల్ జట్టు కెప్టెన్ శ్రీ చావలి సునీల్ కి ఆర్థిక సహాయం క్రింద 25 లక్షల చెక్కును అందించిన రాష్ట్ర పర్యాటక సాంస్కృతిక వ్యవహారాల యువజన సర్వీసుల శాఖ మంత్రి శ్రీమతి ఆర్.కే. రోజా
Image
అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ ధ్యేయం.
Image
దిశ పెట్రోలింగ్‌ వెహికల్స్‌ను ప్రారంభించనున్న సీఎం శ్రీ వైఎస్‌ జగన్*
Image
వీఆర్వో లు రెవెన్యూ చట్టాల గురించి క్షుణ్ణంగా తెలుసుకుని క్షేత్ర స్థాయిలో సక్రమంగా అమలు చేయాలి : జిల్లా కలెక్టర్ గంధం చంద్రుడు అనంతపురం,(ప్రజాఅమరావతి ): ఆగస్టు 27: నూతనంగా పదోన్నతులు పొందిన గ్రామ రెవెన్యూ అధికారులు చట్టాలను క్షుణ్ణంగా అవగాహన చేసుకొని ప్రజలకు సక్రమంగా సేవలు అందించాలని జిల్లా కలెక్టర్ గంధం చంద్రుడు సూచించారు. గురువారం నూతనంగా పదోన్నతి పొందిన వీఆర్వోలకు 2వ రోజు శిక్షణ కార్యక్రమం నిర్వహించారు. ఈ సందర్భంగా జిల్లా కలెక్టర్ మాట్లాడుతూ రాష్ట్ర ముఖ్యమంత్రి వైయస్ జగన్మోహన్ రెడ్డి గ్రామ వార్డు సచివాలయ వ్యవస్థ ను ఏర్పాటు చేసి గాంధీజీ కలలుగన్న గ్రామస్వరాజ్యం స్థాపన కోసం ఎంతో కృషి చేస్తున్నారన్నారు. ఈ క్రమంలో విఆర్వోలు అంతా మెరుగ్గా పనిచేసి ప్రభుత్వ లక్ష్యసాధనకు బాధ్యతగా విధులు నిర్వర్తించాలన్నారు. విధి నిర్వహణలో ఎలాంటి సందేహాలు ఉన్నా వాటిని అనుభవజ్ఞులైన సీనియర్లతో నివృత్తి చేసుకోవాలన్నారు. రెవెన్యూ శాఖ నిర్దేశించిన ఉత్తర్వుల మేరకు వీఆర్వో లు నాలుగు విభాగాలలో పనిచేయాల్సి ఉంటుందన్నారు. ఇందులో రెవెన్యూ భూ రికార్డులు, సామాజిక సంక్షేమం, అభివృద్ధి, పోలీసు తదితర విభాగాల వారీగా విధులు నిర్వర్తించాలన్నారు. రెవెన్యూ కు సంబంధించి అన్ని గ్రామ అకౌంట్లు, భూ రికార్డులు పక్కాగా నిర్వహించాలన్నారు. నీటి పన్ను సెస్ తో పాటు రెవెన్యూ శాఖకు సంబంధించిన వసూళ్లు చేయాలన్నారు. క్షేత్రస్థాయిలో రెవెన్యూ భూములను తనిఖీ చేయాలన్నారు. సర్వే రాళ్లను ప్రతి ఏటా రెండు సార్లు పరిశీలించాలని, రాళ్లు లేనిచోట ఏర్పాటు చేసేందుకు చర్యలు చేపట్టాల్సి ఉంటుందన్నారు. ప్రభుత్వ భూములు, చెట్లు, చెరువులు, ఇతర ప్రభుత్వ ఆస్తుల పరిరక్షణ బాధ్యత విఆర్ఓ లపై ఉంటుందన్నారు. ఎవరైనా అక్రమాలకు పాల్పడితే ఆక్రమణల తొలగింపు చర్యలు చేపట్టాలన్నారు. రెవెన్యూ రికవరీ చట్టం కింద రికవరీ చేయాల్సి వస్తే ఆ ఆస్తుల వివరాలు అందించి అధికారులకు సహకరించాలన్నారు. అలాగే పోలీసు విధులకు సంబంధించి రెవెన్యూ అధికారులు మెజిస్ట్రేట్ అధికారాలు వినియోగించే సమయంలో వీఆర్వోలు సహాయకులుగా పనిచేయాలని, ఎలాంటి అనుమానిత సమాచారాలు తెలిసినా వాటిని పోలీసులకు అందించాల్సి ఉంటుందన్నారు. నేరాలు జరిగిన సమయంలో ఆధారాలతో వాస్తవ నివేదికలు సమర్పించాలన్నారు. సామాజిక సంక్షేమం, అభివృద్ధి, విధులకు సంబంధించి వివిధ ప్రభుత్వ పథకాలను అర్హులైన వారిని లబ్ధిదారులుగా ఎంపిక చేయాల్సి ఉంటుందన్నారు. అంటరానితనం నిర్మూలనలో బాధ్యతగా పని చేయాలని, పౌరసరఫరాల విషయంలో అధికారులకు సహకారం అందించాలన్నారు. పంట నష్టం జరిగినప్పుడు ఆ నష్టం అంచనా కు సంబంధించి వ్యవసాయ అధికారులకు సహకారం అందించాలన్నారు. తహశీల్దార్, సబ్ కలెక్టర్, ఆర్డిఓ, జిల్లా కలెక్టర్, రాష్ట్ర భూపరిపాలన ప్రధాన కమిషనర్ ఆదేశాల మేరకు విధులను వీఆర్వోలు నిర్వర్తించాల్సి ఉంటుందన్నారు. అలాగే గ్రామాలలో అవసరమైన సమాచారాన్ని ప్రజలందరికీ చేరువుగా తీసుకువెళ్ళే క్రమంలో దండోరా వేయించడం, లీగల్ నోటీసులు జారీ ప్రక్రియ లాంటి విధులు కూడా వీఆర్వోల పరిధిలో ఉంటాయన్నారు. అందువల్ల ఆయా గ్రామ సచివాలయంలో పనిచేసే విఆర్వోలు ముందస్తుగా చట్టాలపై అవగాహన చేసుకొని జాగ్రత్తగా తమ విధులను నిర్వర్తించాలన్నారు. వీఆర్వోల విధి విధానాల గురించి జిల్లా కలెక్టర్ వివరించారు. ఈ కార్యక్రమంలో జాయింట్ కలెక్టర్ (రెవిన్యూ మరియు రైతు భరోసా) నిశాంత్ కుమార్, డిఆర్ఓ గాయత్రీ దేవి, హ్యాండ్ సెట్ సీఈవో హరి ప్రసాద్, కలెక్టరేట్ ఏవో విజయలక్ష్మి, తహసిల్దార్ లు విశ్వనాథ్, నాగరాజు, హరి కుమార్, డి టి శ్రీధర్, పెనుగొండ, కదిరి, కళ్యాణదుర్గం డివిజన్ నుండి 111 మంది పదోన్నతులు పొందిన విఆర్వోలు శిక్షణ కార్యక్రమంలో పాల్గొన్నారు..
Amravati (prajaamaravati), *సోమశిల ప్రాజెక్టు హైలెవెల్‌ లిఫ్ట్‌ కెనాల్‌ రెండో దశ పనులను క్యాంప్‌ కార్యాలయం నుంచి వర్చువల్‌ విధానంలో ప్రారంభించిన సీఎం శ్రీ వైయస్‌ జగన్‌:* *నెల్లూరు జిల్లా మర్రిపాడు మండలం కృష్ణాపురంలో పైలాన్‌ ఆవిష్కరణ:* ఈ కాలువ ద్వారా దుత్తలూరు, వింజమూరు, ఉదయగిరి, మర్రిపాడు, అనంతసాగరం, ఆత్మకూరు మండలాల్లోని 46,453 ఎకరాలకు సాగు నీరందనుంది. రివర్స్‌ టెండరింగ్‌ విధానంలో పనులు అప్పగించడం వల్ల రూ.459 కోట్లకే టెండర్‌ ఖరారైంది. దీని వల్ల ఖజానాపై రూ.68 కోట్ల భారం తగ్గింది. *ఈ సందర్భంగా సీఎం శ్రీ వైయస్‌ జగన్‌ ఏమన్నారంటే..* – పెన్నా నీటిని సద్వినియోగం చేసుకుంటూ, ఇవాళ నెల్లూరు జిల్లాలోని ఆత్మకూరు, ఉదయగిరి నియోజకవర్గాల మెట్ట ప్రాంతాలకు సాగు, తాగు నీరు అందించే సోమశిల రెండో దశ పనులకు ఇక్కడి నుంచి పునాది వేస్తున్నాను. – నీటి విలువ, వ్యవసాయం విలువ తెలిసిన ప్రభుత్వంగా నెల్లూరు జిల్లాలోని ఆత్మకూరు, ఉదయగిరి నియోజకవర్గాలలోనిమెట్ట ప్రాంతాలకు నీరు అందించే సోమశిల రెండో దశ పనులకు ఈరోజు వర్చువల్‌గా శంకుస్థాపన చేస్తున్నాను. – ఈ పనుల ద్వారా ఆత్మకూరు నియోజకవర్గంలో 10,103 ఎకరాలు, ఉదయగిరి నియోజకవర్గంలో 36,350 ఎకరాలకు.. మొత్తంగా 46,453 ఎకరాలకు కొత్తగా నీటి సదుపాయం కల్పించడం జరుగుతుంది. – ఇందుకోసం బ్యాలెన్సింగ్‌ రిజర్వాయర్లుగా కంప సముద్రం, గుండె మడకల రిజర్వాయర్ల నిర్మాణం, క్రాస్‌ మిషనరీ (సీఎం), క్రాస్‌ డ్రైనేజీ (సీడీ) పనుల ద్వారా 18.5 కి.మీ గ్రావిటీ కాల్వల నిర్మాణం. పంపింగ్‌ స్టేషన్, రెండు ఎలక్ట్రో ప్రెషర్‌ మెయిన్లు.. వీటన్నింటిని నిర్మించబోతున్నాం. – గతంలో ఇదే ప్రాజెక్టును రూ.527.53 కోట్లతో గత ప్రభుత్వం ఎన్నికల ముందు హడావిడిగా పనులు మొదలు పెట్టినా ఏదీ జరగలేదు. కానీ ఈ ప్రభుత్వం వచ్చాక రివర్స్‌ టెండరింగ్‌కు వెళ్లడం ద్వారా వ్యయాన్ని రూ.459 కోట్లకు తగ్గించడం జరిగింది. తద్వారా ప్రభుత్వానికి దాదాపు రూ.68 కోట్లు ఆదా అయింది. – ఒకే పనికి గతంలో రూ.527 కోట్లు, ఇప్పుడు అదే పనికి రూ.459 కోట్లు అంటే రివర్స్‌ టెండరింగ్‌ ద్వారాఅవినీతికి చెక్‌ పెట్టడం జరిగింది. ఇలా ఎక్కడా అవినీతికి తావు లేకుండా ప్రతి చోటా చర్యలు చేపడుతున్నాం. – ఈ ప్రాజెక్టులో రూ.68 కోట్లు మిగిలించి ఇవాళ పనులు మొదలు పెడుతున్నాం. యుద్ధప్రాతిపదికన పనులు పూర్తి చేస్తాం. *మరో విషయం:* – ఇదే నెల్లూరు జిల్లాలో సంగం బ్యారేజీ, నెల్లూరు బ్యారేజీ పనులు కూడా పూర్తయ్యే దశలో ఉన్నాయి. వచ్చే జనవరిలో వాటిని ప్రజలకు అంకితం చేయబోతున్నాం. – వాటి పనులు నత్తనడకన జరుగుతా ఉంటే, పరిస్థితి మార్చాం. యుద్ధ ప్రాతిపదికన పూర్తి చేస్తున్నాం. దేవుడి దయతో పనులు పూర్తవుతున్నాయి. – దీంతోపాటు సోమశిల కండలేరు డబ్లింగ్‌ వర్క్స్‌,12 వేల క్యూసెక్కుల నుంచి 24 వేల క్యూసెక్కుల సామర్థ్యానికి రూ.918 కోట్ల వ్యయంతో పెంచబోతున్నాం. – అదే విధంగా సోమశిల–రాళ్లపాడు డబ్లింగ్‌ వర్క్స్‌, 720 క్యూసెక్కుల నుంచి 1440 క్యూసెక్కుల సామర్థ్యానికి రూ.632 కోట్ల వ్యయంతో పెంచబోతున్నాం. – సాగునీటి రంగంలో జలయజ్ఞం ద్వారా ప్రాధాన్యత క్రమంలో పనులు కొనసాగిస్తున్నాం. 2022 ఖరీఫ్‌ నాటికి నీరు ఇచ్చే విధంగా, పోలవరం ప్రాజెక్టు పూర్తి చేసే దిశగా అడుగులు వేస్తున్నాం. *ఈ ఏడాదిలో ఆరు ప్రాధాన్యత ప్రాజెక్టులు*.. వంశధార ఫేజ్‌–2. వంశధార–నాగావళి అనుసంధానం, వెలిగొండ ఫేజ్‌–1, అవుకు టన్నెల్, సంగం బ్యారేజీ, నెల్లూరు బ్యారేజీలను పూర్తి చేసేందుకు వేగంగా అడుగులు వేస్తున్నాం. *మూడు రాజధానులతో పాటు, మూడు ప్రాంతాలకు సమ న్యాయం చేస్తాం.* రాష్ట్రానికి సంబంధించిన సాగు నీటి పనుల్లో ఎక్కడా రాజీ పడబోము. – మూడు ప్రాంతాలకు సమ న్యాయం చేయాలన్న ఉద్దేశంతో రాయలసీమ, నెల్లూరు, ప్రకాశం జిల్లాల సాగు నీరు, తాగు నీటి అవసరాలు తీర్చే విధంగా రూ.40 వేల కోట్లతో రాయలసీమ కరువు నివారణ ప్రాజెక్టు చేపడుతున్నాం. – ఉత్తరాంధ్రకు నీటి పరంగా న్యాయం చేసేలా ఉత్తరాంధ్ర సుజల స్రవంతిని సాకారం చేసేలా రూ.15 వేల కోట్ల ప్రాజెక్టులో భాగంగా మొదటి దశలో రూ.3500 కోట్ల విలువైన పనులకు త్వరలో టెండర్లు పిలవబోతున్నాం. – పల్నాడులో కరువు నివారణ కోసం వైయస్సార్‌ పల్నాడుకరువు నివారణ ప్రాజెక్టుకు రూపకల్పన చేశాం. – కృష్ణా నది దిగువన రెండు బ్యారేజీలు, పైన ఒక బ్యారేజీ నిర్మాణంతో పాటు, చింతలపూడి లిఫ్ట్‌ పనుల వేగాన్ని పెంచుతున్నాం. – నీటి విలువ, రైతు విలువ, నీటి ద్వారా ప్రాంతాలకు జరిగే ఆర్థిక న్యాయం, అవసరం తెలిసిన ప్రభుత్వంగా చిత్తశుద్ధితో ఈ ప్రాజెక్టులన్నింటినీ పూర్తి చేస్తాము. – దేవుడి దయ, మీ అందరి ఆశీస్పులతో ఇంకా పనులు, కార్యక్రమాలు చేయాలని కోరుకుంటున్నాను. అంటూ సీఎం శ్రీ వైయస్‌ జగన్‌ ప్రసంగం ముగించారు. ఎంపీలు వేమిరెడ్డి ప్రభాకర్‌రెడ్డి, పిల్లి సుభాష్‌చంద్రబోస్, నీటి పారుదల శాఖ ప్రత్యేక ప్రధాన కార్యదర్శి ఆదిత్యనాథ్‌దాస్, ఆ శాఖ ఈఎన్‌సీ నారాయణరెడ్డి కార్యక్రమంలో పాల్గొనగా, పైలాన్‌ ఆవిష్కరణ వద్ద మంత్రులు అనిల్‌కుమార్‌ యాదవ్, మేకపాటి గౌతమ్‌రెడ్డి, పలువులు ప్రజాప్రతినిధులు, అధికారులు హాజరయ్యారు.
Image