జిల్లా సమగ్రాభివృద్ధికి కృషి చేద్దాం ప్రజా ప్రతినిధులు అధికారులు సమన్వయంతో పని చేద్దాం

రాజమహేంద్రవరము, (ప్రజా అమరావతి);

జిల్లా సమగ్రాభివృద్ధికి కృషి చేద్దాం ప్రజా ప్రతినిధులు అధికారులు సమన్వయంతో పని చేద్దాం

జూన్ 1 నాటికి ఖరీఫ్ సాగుకు రైతాంగం సిద్ధంగా ఉండాలి

               ..జిల్లా ఇన్చార్జి మంత్రి వేణు గోపాల కృష్ణ 

             ..హోం మంత్రి తానేటి వనిత

జిల్లాను అభివృద్ధి పథంలో నడిపేందుకు ప్రజా ప్రతినిధులు, అధికారులు సమన్వయంతో పనిచేయాలని  డిఆర్సి ఛైర్మన్, జిల్లా ఇన్చార్జి మంత్రి, రాష్ట్ర బీసీ సంక్షేమం, సమాచార పౌర సంబంధాలు, సినీ ఆటోగ్రఫీ శాఖ మంత్రి  చెల్లుబోయిన శ్రీనివాస వేణు గోపాల కృష్ణ పేర్కొన్నారు.

 బుధవారం నగరపాలక సంస్థ కార్యాలయంలో  తూర్పు గోదావరి జిల్లా తొలి  జిల్లా సమీక్ష కమిటీ సమావేశానికి జిల్లా కలెక్టర్ అధ్యక్షతన జరిగింది.. ఈ సందర్భంగా మంత్రి సిహెచ్. శ్రీనివాస్ వేణుగోపాల కృష్ణ మాట్లాడుతూ,  సమన్వయంతో ప్రజాప్రతినిధులు అధికారులు ప్రజా అవసరాలకి ప్రాధాన్యత   ఇచ్చినట్లయితే ప్రజలు సంతృప్తి చెందుతారన్నారు .  ముఖ్యంగా ముఖ్యమంత్రి ఆలోచించినట్టు ప్రజల అవసరాలకు పరిష్కారం చూపాలన్నారు.    సమయానికి విలువ,  అవసరాన్ని గుర్తించి  వివిధ  స్థాయిలో ప్రజలు ఇబ్బందులు పడుతున్నారని, వారి అవసరాలు తీరక ఇబ్బందులు అది తెలిసినటు వంటి మనసున్న వ్యక్తి  ముఖ్యమంత్రిగా జగన్ మోహన్ రెడ్డి గారు తీసుకున్న నిర్ణయం అందరికీ తెలుసునన్నారు.  తూర్పుగోదావరి జిల్లా గోదావరి, ఏజెన్సీ, మెట్ట తదితర అన్ని ప్రాంతాల సమతుల్యత కలిగిన  లక్షణాలను  తూర్పుగోదావరి జిల్లా లో ఉన్నాయన్నారు. గోదావరి జిల్లాలోని 347 ప్రాచీన సాంప్రదాయ కళలకు రాజమహేంద్రవరం చరిత్ర పుటల్లో సుస్థిర స్థానం సంపాదించుకున్న విషయం విదితమన్నారు.   ముఖ్యమంత్రి జగన్మోహన్ రెడ్డి గారి ఆశీస్సులతో ఈ స్థాయిలో రాష్ట్ర మంత్రివర్గంలో బీసీ సంక్షేమ, సినిమాటోగ్రఫీ మంత్రిగా అలాగే ఇన్ఫర్మేషన్ అండ్ పబ్లిక్ రిలేషన్ మంత్రిగా,  జిల్లా ఇంచార్జ్ మంత్రిగా అవకాశం ఇచ్చినందుకు  ముఖ్యమంత్రి వైఎస్ జగన్మోహన్ రెడ్డి గారికి ప్రత్యేకంగా ధన్యవాదాలు కృతజ్ఞతలు తెలియజేసుకుంటూన్నానన్నారు. ప్రజాసేవ కు ప్రధాన మార్గం రాజకీయం అయితే రాజకీయాల్లో ఎన్నిక కాబడిన అటువంటి వ్యక్తికి లభించే అవకాశాలు పదవులు అన్నారు.  ప్రజల అవసరాలను ఎప్పటికప్పుడు తెలుసుకుని  ప్రభుత్వం ఇచ్చినటువంటి పథకాలను  ప్రాధాన్యతా క్రమంలో అమలు చేసెందుకు నూతన జిల్లాల వ్యవస్థ ఏర్పాటు చేశారన్నారు.

పార్లమెంట్ సభ్యులు శాసన మండలి, శాసన సభ్యులు, ప్రజా ప్రతినిధులు  వీరందరికి నిత్యం వారికి ఎదురైన సమస్యలు,  ప్రజా సమస్యల్ని పరిష్కారం కోసం వారికి  ఉన్నటువంటి అనుభవాన్ని సమావేశంలో చర్చించి పరిష్కారం చూపడం జరగాలన్నారు. జిల్లా స్థాయిలో  ప్రతి అంశంలోనూ పరిష్కారం కోసం పనిచేస్తామని,  ఇక్కడ పరిష్కారం సాధ్యం కాకపోతే  ప్రభుత్వ దృష్టికి తీసుకు వెళ్ళడానికి ఈ కీలక సమావేశంలో నిర్ణయాలు దోహదం చేస్తాయని మంత్రి పేర్కొన్నారు.

ప్రతి జూన్, డిసెంబర్ నెలల్లో ఇంకా అర్హులైన లబ్ధిదారులకు ఉంటే సామాజిక తనిఖీ చేసి మంజూరు చెయ్యడం ముఖ్యమంత్రి దూరదృష్టికి నిదర్శనం అన్నారు. టిడ్కో ఇళ్ల నిర్మాణం తో పాటు మౌలిక సదుపాయాలు ప్రాధాన్యత ఇవ్వాలన్నదే మన ప్రభుత్వ విధానం అన్నారు. మంత్రి మాట్లాడుతూ  ప్రజలు సంతృప్తి పరచడంలక్ష్యంగా పనుల్లో పురోగతి చూపించాల్సి ఉంటుందని తెలిపారు. నరేగా పనులు ప్రారంభించి  12 సంత్సరకాలం అయిందన్నారు. ఉపాధి హామీ పనులతో పాటు, గ్రామాల అభివృద్ది సాధ్యం అవుతుందని తెలిపారు.

నాడు నేడు ఫేజ్ .2 పై క్షేత్ర స్థాయిలో ఎంపిక చేయ్యాని స్కూల్స్ ఏమైనా ఉన్నాయా అని అడిగారు. అటువంటి ప్రతిపాదనలు ఉంటే వాటికి ప్రాధన్యత ఇవ్వాలని మంత్రి వేణు గోపాల కృష్ణ పేర్కొన్నారు.

మీ అందరి సహకారంతో జిల్లాను అగ్రస్థానం లో నిలిపెందుకు సమన్వయంతో పని చెయ్యడం జరుగుతుందన్నారు.  సమస్యపై చర్చించి  స్పష్టంగా క్లుప్తంగా పరిష్కార మార్గం తో పాటు సమస్య పరిష్కారం కూడా మీకు తెలిసిన సమస్యల ప్రస్తావన చేసేటప్పుడు పరిష్కారం మీకు తెలపాల్సి ఉంటుందన్నారు.  జిల్లా ఇంఛార్జి మంత్రి గా భాధ్యతల్ని ఇచ్చిన ముఖ్యమంత్రికి ధన్యవాదాలు తెలిపారు.

రాజ్యసభ సభ్యులు పిల్లి సుభాష్ చంద్రబోస్ మాట్లాడుతూ, ఇండ్ల స్థలాలు కోసం ప్రజల నుంచి వచ్చిన డిమాండ్, ఇప్పటి వరకు ఇచ్చిన వివరాలు పై ప్రశ్నించారు. ఇంటి నిర్మాణాలు చేపడుతున్న లబ్ధిదారులకు చెల్లింపుల విషయంపై ప్రసించగ.  15/20 రోజుల్లో చెల్లింపులు జరుగుతున్నాయని అధికారులు వివరించారు. ఇసుక సరఫరా విషయంలో ఇబ్బందులు పై అడుగగా ఎటువంటి ఇబ్బందులూ లేవని అధికారులు తెలిపారు.  రైతు కు ఉన్న సాగు భూమి  మొత్తాన్ని ఆధార్ లింక్ చెయ్యక పోవడంతో చిన్న సన్నకారు రైతులు నష్ట పోతున్నారని పేర్కొన్నారు. గ్రామ స్థాయిలో ఈ క్రాప్ బుకింగ్ లో లోపాలను సరిచేయ్యాలని సమావేశం దృష్టకి తీసుకుని వచ్చారు.

ఇంటి నిర్మాణాలు చేపట్టడంలో ఆసక్తి చూపుతున్న లబ్ధిదారులకు ఐరన్ సరఫరా చేయాలని రాష్ట్ర హోం మంత్రి తానేటి వనిత సూచించారు. కొన్ని ప్రాంతాల్లో భారీ గా నిలవలు ఉన్నాయని, వాటినీ ఇంటి నిర్మాణం జరుగుతున్న లే అవుట్ లలో ప్రజలకు అందుబాటులో ఉంచాలని ఆదేశించారు. ముఖ్యమంత్రి గారి నిర్ణయం తో పరిపాలన సౌలభ్యం సాధ్యం అయిందన్నారు. ఏ నియోజకవర్గం పరిధిలో అభివృద్ధి పనులు చేపట్టే సందర్భం లో ప్రజా ప్రతినిధులతో కలిసి పని చేయడం ముఖ్యం అని తెలిపారు. సమన్వయం లోపించకుండా చూసుకోవాలని ఉందన్నారు.  నరెగా పనుల్లో భాగంగా ఉపాధి హామీ చట్టం ప్రాధాన్యత కలిగినదని , ఏ నియోజకవర్గం పరిధిలో అయినా పనిదినాలు కల్పన లో ఇబ్బందులు ఏర్పడితే స్థానిక  ప్రజా ప్రతినిధులతో కలిసి వెళ్ళాలని స్పష్టం చేశారు. లక్ష్యాలను సాధించడానికి చర్యలు తీసుకోవాలని ఆదేశించారు.

రాజమహేంద్రవరం, కొవ్వూరు డివిజన్ లను అనుసంధానం చేసుకుంటూ,  సమన్వయం చేసుకుంటూ ముందుకు వెళ్లేలా  ప్రణాళిక రూపొందించుకోవడం జరుగుతోందని జిల్లా కలెక్టర్ డా. కె. మాధవీలత పేర్కొన్నారు.

ప్రతి నియోజకవర్గం లో ఒక మోడల్ కాలనీ నిర్మాణం చేపట్టి, వాటి అనుభవంతో మరిన్ని నిర్మాణాలు పూర్తి చెయ్యగల మన్నరు. అగ్రి సలహా మండలి ని ఏర్పాటు చెయ్యడం జరిగిందని జిల్లా కలెక్టర్ డా. కె. మాధవీలత తెలిపారు. ఈ మండలికి బురుగుపల్లి సుబ్బారావు ని ఛైర్మన్ గా నియమించామన్నారు.  వీరితో పాటుమరో  10 సభ్యులను కూడా నియమించనున్నారు.  మండల స్థాయిలో కమిటీ లు ఏర్పాటు చేసి , ప్రతి రెండు రోజుల కి ఒక సారి రైతులతో సమావేశం నిర్వహిస్తామని ఆమె తెలిపారు. సంప్రదాయ సాగు మరిచి పోతున్న ఈ సమయంలో ముందస్తు సాగు విధానం అభినందిచవలసినదని ఆమె పేర్కొన్నారు.

రాజమండ్రి ఎంపి మార్గని భరత్ రామ్ మాట్లాడుతూ, కొత్త జిల్లాలు ఏర్పాటు నేపథ్యంలో డిఅర్సి లో ఎంపిల కి తగిన ప్రాధాన్యత ఇవ్వాలని సూచించారు. హౌసింగ్ కార్యక్రమంలో భాగంగా మౌలిక సదుపాయాలు కల్పించేందుకు, రహదారులు, త్రాగునీరు, విద్యుత్, పార్కులు,  లే అవుట్ వద్దకు బస్సు సౌకర్యం కల్పించాలని సూచించారు. యుద్ద ప్రాతిపదికపై పనులు పూర్తిచేసి, ప్రజల్లో భరోసాఇవ్వాలనికోరారు. అధికారులు సమాధానం చెపుతూ, ఇప్పటికే 47 లే అవుట్ లలో సర్వే చేపట్టామని, పెద్ద లే అవుట్ లలో విద్యుత్ పనులు ప్రాధాన్యత క్రమంలో చేపడుతున్నామన్నారు. టిడ్కో ఇళ్ల ను త్వరలోనే లబ్ధిదారులకు పంపిణీ చేయడం జరుగుతుందన్నారు.

ఏం ఎల్ ఎ జక్కంపూడి రాజా మాట్లాడుతూ తోర్రిగడ్డ అభివృద్ధి పనులు జరుగుతున్న దృష్ట్యా శాశ్వత పనులు చేపట్టడం రైతులకు ఎంతో మేలు చేకూరుతుందని తెలిపారు.  లైనింగ్ పనులు సివిల్ పనులు పూర్తి చెయ్యాలని చగల్నాడు, పుష్కర పనులు జాప్యం వలన ఇబ్బందులు పడుతున్నారని తెలిపారు. వేగవంతం చేయాలని కోరారు. కలెక్టర్ స్పందిస్తూ , అధికారులతో సమన్వయ శాఖల అధికారులతో సమావేశం ఏర్పాటు చేస్తానని తెలిపారు.  జిల్లాలో పలు తహశీల్దార్లు భూ సంబంధ విషయాల్లో కోర్టు కేసులు వలన ఇబ్బందులు పడుతున్నారని, వాటి సత్వర పరిష్కారం కోసం లైజనింగ్ అధికారి ని నియమించాలని పేర్కొన్నారు.  మండల వారీగా పనులు గుర్తించి కరపత్రాలు ద్వారా ప్రజలకు తెలియ చేయాలన్నారు.

అనపర్తి శాసన సభ్యులు సత్తి సూర్యనారాయణరెడ్డి మాట్లాడుతూ కొన్ని నియోజక వర్గాలలో  కాలువ పూడిక పనులు పూర్తి చేయాల్సి ఉన్నా, ఇంకా ప్రతిపాదనలకు అనుమతులు జాప్యం అవుతున్నాయని తెలిపారు. కలెక్టర్ స్పందిస్తూ గౌరవ శాసన సభ్యులు పంపే ప్రతిపాదన లతో నివేదిక పంపాలని తక్షణం చర్యలకు  అధికారులను కలెక్టర్ ఆదేశించారు.

తలారి వెంకట్రావు మాట్లాడుతూ, కొన్ని పంచాయతీల్లో ఒక్క పట్టాకూడా రాని గ్రామాలు ఉన్నాయన్నారు. రెండో ఫేజ్ లో ఇళ్ళ ను మంజూరు చేయాలని కోరారు. గోపాలపురం 2 విడతలో ఇళ్ల నిర్మాణాలు చేసేందుకు అనుమతులు మంజూరు చేయాలన్నారు. అదేవిధంగా ఎర్ర కాలవ లో గల  ఇసుక మట్టిని ఇళ్ల స్థలాల పూడికకు అనుమతి కోరారు.

ఏమెల్సి షేక్ షాబ్జి మాట్లాడుతూ, ఇంటి నిర్మాణానికి అధిక మొత్తం ఖర్చు చెయ్యడం అవుతోందని, అందుకు అనుగుణంగా నిధులు మంజూరు చేయాలని సూచించారు.

ఏమ్ఎల్ఎ జీ. శ్రీనివాస నాయుడు మాట్లాడుతూ, ఇంటి నిర్మాణాలు వేగవంతం అవుతున్నాయని,  రాబోయే రోజుల్లో అవసరాలకు ఇసుకకు ఇబ్బంది లేకుండా చర్యలు తీసుకోవాలని కోరారు. రాబోయే వర్షాకాలాన్ని దృష్టి లో ఉంచుకుని ముందుగానే ఇళ్ల నిర్మాణానికి సంబంధించి ఇసుక నిల్వలు ఉంచాలన్నారు. వర్షాలు వల్ల ఇబ్బందులు కలుగకుండా ముందస్తు గా  ఐరన్, సిమెంట్ తదితర మెటీరియల్ సిద్దం చేసుకోవలసి ఉందన్నారు. అర్బన్ ప్రాంతాల్లో , లే అవుట్ ప్రాంతాల్లో రహదారుల ఏర్పాటు పై సూచనలు చేశారు. కలెక్టర్ స్పందించి క్షేత్ర స్థాయిలో పర్యటన చేసి చర్యలు తీసుకుంటామని తెలిపారు.

ఎమ్ఎ.ల్.సి   చిక్కాల రామచంద్రరావు మాట్లాడుతూ , ఇంటి నిర్మాణం కోసం లబ్ధిదారులకు ఇచ్చిన మొత్తం సరిపోవడం లేదని పేర్కొనగా ఛైర్మన్ స్పందిస్తూ రు.50 వేలు ఆర్థిక చేయూత, అదనంగా 50 బస్తాలు సిమెంట్ ఇచ్చామని సభకు తెలిపారు.

నూతనంగా తూర్పు గోదావరి జిల్లా పశ్చిమ గోదావరి జిల్లాలోని  3 నియోజకవర్గాలు,  తూర్పు గోదావరి జిల్లాలోని 4 నియోజకవర్గాలతో ఏర్పడిందని, గ్రామస్థాయి నుంచి సెక్రటేరియట్ వ్యవస్థ, మండల , జిల్లా పరిషత్ వ్యవస్థలతో పాటుగా తూర్పుగోదావరి జిల్లాలో ఈరోజు మనం జిల్లా రివ్యూ కమిటీ మీటింగ్ చేసుకుంటున్నామన్నారు.

సమావేశంలో  తొలుత ఛైర్మన్ హౌసింగ్ పై  సమీక్ష చేశారు. తదుపరి  పేదలందరికీ ఇళ్లు, టిడ్కో పైన, వ్యవసాయం  రైతు భరోసా అమలు,  ఖరీఫ్ ప్రణాళిక,  కస్టమ్ హైరింగ్ సెంటర్ పైన, మహాత్మా గాంధీ జాతీయ ఉపాధి హామీ పధకం లో భాగంగా లేబర్ బడ్జెట్ పైన గ్రామ సచివాలయ ఆర్బికే, హెల్త్ క్లినిక్, తదితర భవనాలు నిర్మాణాల పై సమీక్ష చేశారు. విద్యా సమీక్షలో రెండో విడత నాడు నేడు పనులు పై, ఆరోగ్యశాఖ సమీక్ష లో నాడు నేడు, పట్టణ ఆరోగ్య కేంద్రాలు పై, పౌరసరఫరాలు శాఖ సమీక్షలు ధాన్యం సేకరణపై, హార్టికల్చర్, సెరికల్చర్, మత్స్య శాఖ లపై సమీక్ష,  గ్రామీణ నీటి సరఫరా , ఇరిగేషన్,  గ్రామ వార్డు సచివాలయాలు, వివిధ ప్రభుత్వ సంక్షేమ అభివృద్ధి కార్యక్రమాలపై సమీక్ష నిర్వహించారు.

ఈ సమావేశంలో జాయింట్ కలెక్టర్ సిహెచ్ శ్రీధర్, నగరపాలక సంస్థ కమిషనర్ దినేష్ కుమార్, తూర్పు గోదావరి జిల్లా పరిషత్ చైర్మన్  వేణు గోపాలరావు ,పశ్చిమగోదావరి జిల్లా  పరిషత్ చైర్మన్ పశ్చిమ గోదావరి జిల్లా పరిషత్ చైర్మన్ కౌరు శ్రీనివాస్, పార్లమెంట్ సభ్యులు మార్గాన్ని భరత్ రామ్, శాసనమండలి సభ్యులు రామచంద్రుడు చిక్కాల రామచంద్రరావు, పిల్ల వెంకటేశ్వరరావు, షేక్ షాబ్జి,  అనంత ఉదయ భాస్కర్, శాసనసభ్యులు తలారి వెంకట్రావు, జి శ్రీనివాస్ నాయుడు, జక్కంపూడి రాజా, డాక్టర్ సత్తి సూర్యనారాయణ రెడ్డి, జిల్లా కలెక్టర్ కె మాధవీలత, రాజ్యసభ సభ్యులు పిల్లి సుభాష్ చంద్రబోస్, వ్యవసాయ శాఖ అధికారి ఎస్ మాధవ్ రావు, జిల్లా మత్స్యశాఖ అధికారి వి కృష్ణారావు, జిల్లా హార్టికల్చర్ అధికారి వి రాధాకృష్ణ, జిల్లా పశుసంవర్ధక శాఖ అధికారి డాక్టర్ ఎస్ టి జి గోవిందం, జిల్లా హౌసింగ్ అధికారి తారాచంద్, పౌరసరఫరాల అధికారి టి.తులసి, జిల్లా సాంఘిక సంక్షేమ శాఖ అధికారిని ఎమ్మెస్ శోభారాణి, రాజమండ్రి, కొవ్వూరు ఆర్ డి వో లు చైతన్య వర్షిని, ఎస్ మల్లిబాబు, సివిల్ సప్లై డిఎస్ఓ ప్రసాద్ రావు,  విద్యాశాఖ అధికారి అబ్రహం ఇరిగేషన్ అధికారి  రాంబాబు   డి ఎం హెచ్ ఓ డాక్టర్ స్వర్ణలత,  డి సి హెచ్ ఓ డాక్టర్  సనత్ కుమారి వివిధ శాఖల అధికారులు పాల్గొన్నారు.