మండల, డివిజనల్ అధికారులు ప్రత్యేక శ్రద్ధ తీసుకోవాలని జాయింట్ కలెక్టర్ శ్రీ హరేందిర ప్రసాద్, అధికారులను ఆదేశించారు.

 

నెల్లూరు (ప్రజా అమరావతి);


రాష్ట్ర ప్రభుత్వం అమలు చేస్తున్న  సంక్షేమ పథకాలను,    ప్రభుత్వ సేవలను ప్రజలకు  సంతృప్త స్థాయిలో అందించడంలో  మండల, డివిజనల్ అధికారులు ప్రత్యేక శ్రద్ధ తీసుకోవాలని జాయింట్ కలెక్టర్ శ్రీ  హరేందిర ప్రసాద్, అధికారులను ఆదేశించారు. 



బుధవారం ఉదయం   కలెక్టరేట్ లోని తిక్కన ప్రాంగణంలో  జరిగిన నెల్లూరు  డివిజన్ స్థాయి సమీక్షా సమావేశంలో జాయింట్ కలెక్టర్ శ్రీ హరెందిర ప్రసాద్, జిల్లా రెవెన్యూ అధికారి శ్రీమతి  వెంకట నారాయణమ్మ, నెల్లూరు రెవెన్యూ డివిజన్ అధికారి శ్రీ కొండయ్య లతో కలసి, వివిధ శాఖల జిల్లా అధికారులు, నెల్లూరు డివిజన్ పరిధిలోని  మండల అధికారులతో సమావేశమై, సచివాలయంలో అమలు జరుగుతున్న సర్వీసెస్ పురోగతి,  స్పందన దరఖాస్తులు పరిష్కారం, పేదలందరికి ఇళ్ల   నిర్మాణాల పురోగతి, ఓటిఎస్ అమలు,  స్వచ్ఛ సంకల్పం, రీ సర్వే, జల్ జీవన్ మిషన్, ఉపాధి హామీ పథకం కింద చేపడుతున్న పనుల పురోగతి, జల కల, శానిటేషన్  అమలు మరియు శానిటేషన్ కాంప్లెక్స్ నిర్మాణాల పురోగతి,  పంచాయతీ రాజ్ శాఖ ద్వారా చేపడుతున్న పనుల పురోగతి, వాటర్ టాక్స్ కలెక్షన్స్, భూసేకరణ ప్రక్రియ తదితర అంశాలపై శాఖల వారిగా సమీక్షించి, ప్రభుత్వం నిర్దేశించిన లక్ష్యం మేరకు  ప్రతి ఒక్కరూ నిబద్దతతో పని చేసి లక్ష్య సాధనకు    కృషి చేయాలన్నారు.   


ఈ సంధర్బంగా జాయింట్  కలెక్టర్ మాట్లాడుతూ, మండల, డివిజన్ స్థాయి అధికారులు ప్రత్యేక శ్రద్ద తీసుకుని సంక్షేమ పథకాలు, ప్రభుత్వ సేవలు  ప్రజలకు సంతృప్త స్థాయిలో కచ్చితంగా అందేలా కృషి చేయాలన్నారు. స్పందన పోర్టల్, మీసేవా, ఏపీ సేవ పోర్టల్ లో ప్రతిరోజు వచ్చే  సర్వీసు రిక్వెస్టులను పరిశీలించి సంబందిత రిపోర్టులు, పరిష్కార నివేదికలను నమోదు చేయాలన్నారు. ఈ విషయంలో మండల అధికారులు లక్ష్య సాధన కోసం ప్రత్యేక దృష్టి సారించాలన్నారు.  జగనన్న హౌసింగ్ కాలనీల నిర్మాణాల పురోగతిపై  జాయింట్ కలెక్టర్  సమీక్షిస్తూ,   డివిజన్ పరిధిలో చేపట్టిన  లే అవుట్లలో గృహ నిర్మాణ పనుల పురోగతిపై మండలాల వారీగా  అడిగి తెలుసుకున్నారు.  రోజు  వారీగా లక్ష్యాలను నిర్ధేశించుకొని జగనన్న హౌసింగ్ కాలనీల నిర్మాణ ప్రక్రియను మరింత వేగవంతం చేయాలని జాయింట్  కలెక్టర్, హౌసింగ్ అధికారులను ఆదేశించారు. పేదల ఇళ్ల నిర్మాణాల్లో పురోగతి కనిపించాలని, ప్రారంభంకాని ఇళ్లన్నీ సత్వరమే ప్రారంభించి పునాది స్థాయికి తీసుకురావాలని అన్నారు. స్వచ్ఛ సంకల్ప కార్యక్రమంలో భాగంగా డివిజన్ పరిధిలోని అన్ని గ్రామాల్లో  పారిశుద్ధ్య కార్యక్రమ పనులను  పటిష్టంగా అమలు చేయాలని, డివిజన్ పరిధిలో చేపట్టిన శానిటేషన్ కాంప్లెక్స్ నిర్మాణాలను, చెత్త నుండి సంపద తయారీ కేంద్రాల భవన నిర్మాణాలను  నిర్దేశించిన గడువు లోగా  పూర్తి చేయాలని  జాయింట్ కలెక్టర్,  అధికారులను ఆదేశించారు. జగనన్న  సంపూర్ణ గృహ హక్కు పధకంనకు సంబందించి  ఓ.టి.ఎస్. ప్రక్రియ పురోగతి పై సమీక్షిస్తూ,   ఓటిఎస్ ప్రక్రియను నిర్దేశించిన గడువు లోపు పూర్తిచేయాలని  జాయింట్ కలెక్టర్  శ్రీ హారెంధిరా ప్రసాద్, అధికారులను ఆదేశించారు. ఓ.టి.ఎస్ ప్రక్రియకు సంబందించి రిజిస్ట్రేషన్, స్కాన్నింగ్, డిజిటల్ సిగ్నేచర్ ప్రక్రియ వేగవంతం చేయాలని జాయింట్  కలెక్టర్, ఎం.పి.డి.ఓ లను ఆదేశించారు.  డివిజన్ పరిధిలో చేపట్టిన  భూముల సమగ్ర  రీ సర్వే పటిష్టంగా  వేగవంతంగా జరిగేలా చర్యలు తీసుకోవాలని జాయింట్  కలెక్టర్, సర్వే అధికారులను ఆదేశించారు. డివిజన్ పరిధిలో పంచాయతీ రాజ్ శాఖ ద్వారా ఉపాధిహామీ పథకం క్రింద చేపట్టిన పనులు  త్వరగా పూర్తి చేయాలని జాయింట్  కలెక్టర్, పంచాయతీ రాజ్ ఇంజనీరింగ్ అధికారులను ఆదేశించారు. అలాగే ప్రతి పంచాయతీ లో ఉపాధిహామీ పనులను గుర్తించి పని దినాలు పెంచేలా చర్యలు తీసుకోవాలన్నారు.


భూగర్భజలాలు పెంచడం ద్వారా తాగు, సాగునీటి సౌకర్యం కల్పించే లక్ష్యంతో చెరువులను అభివృద్ది  చేసేందుకు కేంద్ర  ప్రభుత్వం అమృత్ సరోవర్ స్కీం ను ప్రవేశపెట్టిందని, ఈ పధకం కింద గుర్తించిన చెరువులను పూర్తిస్థాయిలో అభివృద్ధి చేసేందుకు చర్యలు చేపట్టాలని జాయింట్ కలెక్టర్, మండల అధికారులను ఆదేశించారు. స్పందన కార్యక్రమంలో వచ్చే అర్జీలను నిర్ణీత సమయంలో పరిష్కరించేలా  అధికారులు ప్రత్యేక శ్రద్ధ తీసుకోవాలని జాయింట్  కలెక్టర్, అధికారులను ఆదేశించారు. వార్డు, గ్రామ సచివాలయాల్లో ప్రభుత్వం అందిస్తున్న సేవలు కచ్చితంగా ప్రజలకు అందేలా చూడాలన్నారు. కోర్టు కేసులకు సంబందించి  అధికారులు ప్రత్యేక శ్రద్ద తీసుకోవడంతో పాటు  కోర్టు ఆదేశాలు కచ్చితంగా అమలు జరిగేలా చర్యలు తీసుకోవాలన్నారు. చుక్కల భూముల సమస్యపై మండల అధికారులు ప్రత్యేక శ్రద్ద తీసుకొని, ఈ నెల 22 వ తేది నాటికి మండల వారీగా చుక్కల భూముల సమస్యలకు సంబందించిన జాబితా సిద్దం చేయాలని జాయింట్ కలెక్టర్, తహశీల్దార్లను ఆదేశించారు.  డివిజన్ పరిధిలో వివిద ప్రాజెక్ట్స్ కు సంబందించి చేపట్టాల్సిన భూ సేకరణ ప్రక్రియను త్వరగా పూర్తి చేయాలని జాయింట్ కలెక్టర్, రెవెన్యూ అధికారులను ఆదేశించారు.


ఈ సమావేశంలో జడ్పీ సి.ఈ.ఓ శ్రీమతి వాణి, డి.పి.ఓ శ్రీమతి ధనలక్ష్మి, డ్వామా, డి.ఆర్.డి.ఏ పి.డి లు శ్రీ తిరుపతయ్య, శ్రీ సాంబశివారెడ్డి,  ఆర్డబ్ల్యూఎస్ ఎస్ఇ శ్రీ రంగ ప్రసాద్, పౌర సరపరాల శాఖ డి.ఎం. శ్రీమతి పద్మ, డి.ఎస్.ఓ శ్రీ వెంకటేశ్వర్లు, నెల్లూరు డివిజన్ పరిధిలోని తహసీల్దార్లు, ఎం.పి.డి.ఓ లు, వివిధ శాఖల డివిజన్, మండల  అధికారులు తదితరులు పాల్గొన్నారు.



Comments
Popular posts
భారత త్రో బాల్ జట్టు కెప్టెన్ శ్రీ చావలి సునీల్ కి ఆర్థిక సహాయం క్రింద 25 లక్షల చెక్కును అందించిన రాష్ట్ర పర్యాటక సాంస్కృతిక వ్యవహారాల యువజన సర్వీసుల శాఖ మంత్రి శ్రీమతి ఆర్.కే. రోజా
Image
అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ ధ్యేయం.
Image
దిశ పెట్రోలింగ్‌ వెహికల్స్‌ను ప్రారంభించనున్న సీఎం శ్రీ వైఎస్‌ జగన్*
Image
వీఆర్వో లు రెవెన్యూ చట్టాల గురించి క్షుణ్ణంగా తెలుసుకుని క్షేత్ర స్థాయిలో సక్రమంగా అమలు చేయాలి : జిల్లా కలెక్టర్ గంధం చంద్రుడు అనంతపురం,(ప్రజాఅమరావతి ): ఆగస్టు 27: నూతనంగా పదోన్నతులు పొందిన గ్రామ రెవెన్యూ అధికారులు చట్టాలను క్షుణ్ణంగా అవగాహన చేసుకొని ప్రజలకు సక్రమంగా సేవలు అందించాలని జిల్లా కలెక్టర్ గంధం చంద్రుడు సూచించారు. గురువారం నూతనంగా పదోన్నతి పొందిన వీఆర్వోలకు 2వ రోజు శిక్షణ కార్యక్రమం నిర్వహించారు. ఈ సందర్భంగా జిల్లా కలెక్టర్ మాట్లాడుతూ రాష్ట్ర ముఖ్యమంత్రి వైయస్ జగన్మోహన్ రెడ్డి గ్రామ వార్డు సచివాలయ వ్యవస్థ ను ఏర్పాటు చేసి గాంధీజీ కలలుగన్న గ్రామస్వరాజ్యం స్థాపన కోసం ఎంతో కృషి చేస్తున్నారన్నారు. ఈ క్రమంలో విఆర్వోలు అంతా మెరుగ్గా పనిచేసి ప్రభుత్వ లక్ష్యసాధనకు బాధ్యతగా విధులు నిర్వర్తించాలన్నారు. విధి నిర్వహణలో ఎలాంటి సందేహాలు ఉన్నా వాటిని అనుభవజ్ఞులైన సీనియర్లతో నివృత్తి చేసుకోవాలన్నారు. రెవెన్యూ శాఖ నిర్దేశించిన ఉత్తర్వుల మేరకు వీఆర్వో లు నాలుగు విభాగాలలో పనిచేయాల్సి ఉంటుందన్నారు. ఇందులో రెవెన్యూ భూ రికార్డులు, సామాజిక సంక్షేమం, అభివృద్ధి, పోలీసు తదితర విభాగాల వారీగా విధులు నిర్వర్తించాలన్నారు. రెవెన్యూ కు సంబంధించి అన్ని గ్రామ అకౌంట్లు, భూ రికార్డులు పక్కాగా నిర్వహించాలన్నారు. నీటి పన్ను సెస్ తో పాటు రెవెన్యూ శాఖకు సంబంధించిన వసూళ్లు చేయాలన్నారు. క్షేత్రస్థాయిలో రెవెన్యూ భూములను తనిఖీ చేయాలన్నారు. సర్వే రాళ్లను ప్రతి ఏటా రెండు సార్లు పరిశీలించాలని, రాళ్లు లేనిచోట ఏర్పాటు చేసేందుకు చర్యలు చేపట్టాల్సి ఉంటుందన్నారు. ప్రభుత్వ భూములు, చెట్లు, చెరువులు, ఇతర ప్రభుత్వ ఆస్తుల పరిరక్షణ బాధ్యత విఆర్ఓ లపై ఉంటుందన్నారు. ఎవరైనా అక్రమాలకు పాల్పడితే ఆక్రమణల తొలగింపు చర్యలు చేపట్టాలన్నారు. రెవెన్యూ రికవరీ చట్టం కింద రికవరీ చేయాల్సి వస్తే ఆ ఆస్తుల వివరాలు అందించి అధికారులకు సహకరించాలన్నారు. అలాగే పోలీసు విధులకు సంబంధించి రెవెన్యూ అధికారులు మెజిస్ట్రేట్ అధికారాలు వినియోగించే సమయంలో వీఆర్వోలు సహాయకులుగా పనిచేయాలని, ఎలాంటి అనుమానిత సమాచారాలు తెలిసినా వాటిని పోలీసులకు అందించాల్సి ఉంటుందన్నారు. నేరాలు జరిగిన సమయంలో ఆధారాలతో వాస్తవ నివేదికలు సమర్పించాలన్నారు. సామాజిక సంక్షేమం, అభివృద్ధి, విధులకు సంబంధించి వివిధ ప్రభుత్వ పథకాలను అర్హులైన వారిని లబ్ధిదారులుగా ఎంపిక చేయాల్సి ఉంటుందన్నారు. అంటరానితనం నిర్మూలనలో బాధ్యతగా పని చేయాలని, పౌరసరఫరాల విషయంలో అధికారులకు సహకారం అందించాలన్నారు. పంట నష్టం జరిగినప్పుడు ఆ నష్టం అంచనా కు సంబంధించి వ్యవసాయ అధికారులకు సహకారం అందించాలన్నారు. తహశీల్దార్, సబ్ కలెక్టర్, ఆర్డిఓ, జిల్లా కలెక్టర్, రాష్ట్ర భూపరిపాలన ప్రధాన కమిషనర్ ఆదేశాల మేరకు విధులను వీఆర్వోలు నిర్వర్తించాల్సి ఉంటుందన్నారు. అలాగే గ్రామాలలో అవసరమైన సమాచారాన్ని ప్రజలందరికీ చేరువుగా తీసుకువెళ్ళే క్రమంలో దండోరా వేయించడం, లీగల్ నోటీసులు జారీ ప్రక్రియ లాంటి విధులు కూడా వీఆర్వోల పరిధిలో ఉంటాయన్నారు. అందువల్ల ఆయా గ్రామ సచివాలయంలో పనిచేసే విఆర్వోలు ముందస్తుగా చట్టాలపై అవగాహన చేసుకొని జాగ్రత్తగా తమ విధులను నిర్వర్తించాలన్నారు. వీఆర్వోల విధి విధానాల గురించి జిల్లా కలెక్టర్ వివరించారు. ఈ కార్యక్రమంలో జాయింట్ కలెక్టర్ (రెవిన్యూ మరియు రైతు భరోసా) నిశాంత్ కుమార్, డిఆర్ఓ గాయత్రీ దేవి, హ్యాండ్ సెట్ సీఈవో హరి ప్రసాద్, కలెక్టరేట్ ఏవో విజయలక్ష్మి, తహసిల్దార్ లు విశ్వనాథ్, నాగరాజు, హరి కుమార్, డి టి శ్రీధర్, పెనుగొండ, కదిరి, కళ్యాణదుర్గం డివిజన్ నుండి 111 మంది పదోన్నతులు పొందిన విఆర్వోలు శిక్షణ కార్యక్రమంలో పాల్గొన్నారు..
Amravati (prajaamaravati), *సోమశిల ప్రాజెక్టు హైలెవెల్‌ లిఫ్ట్‌ కెనాల్‌ రెండో దశ పనులను క్యాంప్‌ కార్యాలయం నుంచి వర్చువల్‌ విధానంలో ప్రారంభించిన సీఎం శ్రీ వైయస్‌ జగన్‌:* *నెల్లూరు జిల్లా మర్రిపాడు మండలం కృష్ణాపురంలో పైలాన్‌ ఆవిష్కరణ:* ఈ కాలువ ద్వారా దుత్తలూరు, వింజమూరు, ఉదయగిరి, మర్రిపాడు, అనంతసాగరం, ఆత్మకూరు మండలాల్లోని 46,453 ఎకరాలకు సాగు నీరందనుంది. రివర్స్‌ టెండరింగ్‌ విధానంలో పనులు అప్పగించడం వల్ల రూ.459 కోట్లకే టెండర్‌ ఖరారైంది. దీని వల్ల ఖజానాపై రూ.68 కోట్ల భారం తగ్గింది. *ఈ సందర్భంగా సీఎం శ్రీ వైయస్‌ జగన్‌ ఏమన్నారంటే..* – పెన్నా నీటిని సద్వినియోగం చేసుకుంటూ, ఇవాళ నెల్లూరు జిల్లాలోని ఆత్మకూరు, ఉదయగిరి నియోజకవర్గాల మెట్ట ప్రాంతాలకు సాగు, తాగు నీరు అందించే సోమశిల రెండో దశ పనులకు ఇక్కడి నుంచి పునాది వేస్తున్నాను. – నీటి విలువ, వ్యవసాయం విలువ తెలిసిన ప్రభుత్వంగా నెల్లూరు జిల్లాలోని ఆత్మకూరు, ఉదయగిరి నియోజకవర్గాలలోనిమెట్ట ప్రాంతాలకు నీరు అందించే సోమశిల రెండో దశ పనులకు ఈరోజు వర్చువల్‌గా శంకుస్థాపన చేస్తున్నాను. – ఈ పనుల ద్వారా ఆత్మకూరు నియోజకవర్గంలో 10,103 ఎకరాలు, ఉదయగిరి నియోజకవర్గంలో 36,350 ఎకరాలకు.. మొత్తంగా 46,453 ఎకరాలకు కొత్తగా నీటి సదుపాయం కల్పించడం జరుగుతుంది. – ఇందుకోసం బ్యాలెన్సింగ్‌ రిజర్వాయర్లుగా కంప సముద్రం, గుండె మడకల రిజర్వాయర్ల నిర్మాణం, క్రాస్‌ మిషనరీ (సీఎం), క్రాస్‌ డ్రైనేజీ (సీడీ) పనుల ద్వారా 18.5 కి.మీ గ్రావిటీ కాల్వల నిర్మాణం. పంపింగ్‌ స్టేషన్, రెండు ఎలక్ట్రో ప్రెషర్‌ మెయిన్లు.. వీటన్నింటిని నిర్మించబోతున్నాం. – గతంలో ఇదే ప్రాజెక్టును రూ.527.53 కోట్లతో గత ప్రభుత్వం ఎన్నికల ముందు హడావిడిగా పనులు మొదలు పెట్టినా ఏదీ జరగలేదు. కానీ ఈ ప్రభుత్వం వచ్చాక రివర్స్‌ టెండరింగ్‌కు వెళ్లడం ద్వారా వ్యయాన్ని రూ.459 కోట్లకు తగ్గించడం జరిగింది. తద్వారా ప్రభుత్వానికి దాదాపు రూ.68 కోట్లు ఆదా అయింది. – ఒకే పనికి గతంలో రూ.527 కోట్లు, ఇప్పుడు అదే పనికి రూ.459 కోట్లు అంటే రివర్స్‌ టెండరింగ్‌ ద్వారాఅవినీతికి చెక్‌ పెట్టడం జరిగింది. ఇలా ఎక్కడా అవినీతికి తావు లేకుండా ప్రతి చోటా చర్యలు చేపడుతున్నాం. – ఈ ప్రాజెక్టులో రూ.68 కోట్లు మిగిలించి ఇవాళ పనులు మొదలు పెడుతున్నాం. యుద్ధప్రాతిపదికన పనులు పూర్తి చేస్తాం. *మరో విషయం:* – ఇదే నెల్లూరు జిల్లాలో సంగం బ్యారేజీ, నెల్లూరు బ్యారేజీ పనులు కూడా పూర్తయ్యే దశలో ఉన్నాయి. వచ్చే జనవరిలో వాటిని ప్రజలకు అంకితం చేయబోతున్నాం. – వాటి పనులు నత్తనడకన జరుగుతా ఉంటే, పరిస్థితి మార్చాం. యుద్ధ ప్రాతిపదికన పూర్తి చేస్తున్నాం. దేవుడి దయతో పనులు పూర్తవుతున్నాయి. – దీంతోపాటు సోమశిల కండలేరు డబ్లింగ్‌ వర్క్స్‌,12 వేల క్యూసెక్కుల నుంచి 24 వేల క్యూసెక్కుల సామర్థ్యానికి రూ.918 కోట్ల వ్యయంతో పెంచబోతున్నాం. – అదే విధంగా సోమశిల–రాళ్లపాడు డబ్లింగ్‌ వర్క్స్‌, 720 క్యూసెక్కుల నుంచి 1440 క్యూసెక్కుల సామర్థ్యానికి రూ.632 కోట్ల వ్యయంతో పెంచబోతున్నాం. – సాగునీటి రంగంలో జలయజ్ఞం ద్వారా ప్రాధాన్యత క్రమంలో పనులు కొనసాగిస్తున్నాం. 2022 ఖరీఫ్‌ నాటికి నీరు ఇచ్చే విధంగా, పోలవరం ప్రాజెక్టు పూర్తి చేసే దిశగా అడుగులు వేస్తున్నాం. *ఈ ఏడాదిలో ఆరు ప్రాధాన్యత ప్రాజెక్టులు*.. వంశధార ఫేజ్‌–2. వంశధార–నాగావళి అనుసంధానం, వెలిగొండ ఫేజ్‌–1, అవుకు టన్నెల్, సంగం బ్యారేజీ, నెల్లూరు బ్యారేజీలను పూర్తి చేసేందుకు వేగంగా అడుగులు వేస్తున్నాం. *మూడు రాజధానులతో పాటు, మూడు ప్రాంతాలకు సమ న్యాయం చేస్తాం.* రాష్ట్రానికి సంబంధించిన సాగు నీటి పనుల్లో ఎక్కడా రాజీ పడబోము. – మూడు ప్రాంతాలకు సమ న్యాయం చేయాలన్న ఉద్దేశంతో రాయలసీమ, నెల్లూరు, ప్రకాశం జిల్లాల సాగు నీరు, తాగు నీటి అవసరాలు తీర్చే విధంగా రూ.40 వేల కోట్లతో రాయలసీమ కరువు నివారణ ప్రాజెక్టు చేపడుతున్నాం. – ఉత్తరాంధ్రకు నీటి పరంగా న్యాయం చేసేలా ఉత్తరాంధ్ర సుజల స్రవంతిని సాకారం చేసేలా రూ.15 వేల కోట్ల ప్రాజెక్టులో భాగంగా మొదటి దశలో రూ.3500 కోట్ల విలువైన పనులకు త్వరలో టెండర్లు పిలవబోతున్నాం. – పల్నాడులో కరువు నివారణ కోసం వైయస్సార్‌ పల్నాడుకరువు నివారణ ప్రాజెక్టుకు రూపకల్పన చేశాం. – కృష్ణా నది దిగువన రెండు బ్యారేజీలు, పైన ఒక బ్యారేజీ నిర్మాణంతో పాటు, చింతలపూడి లిఫ్ట్‌ పనుల వేగాన్ని పెంచుతున్నాం. – నీటి విలువ, రైతు విలువ, నీటి ద్వారా ప్రాంతాలకు జరిగే ఆర్థిక న్యాయం, అవసరం తెలిసిన ప్రభుత్వంగా చిత్తశుద్ధితో ఈ ప్రాజెక్టులన్నింటినీ పూర్తి చేస్తాము. – దేవుడి దయ, మీ అందరి ఆశీస్పులతో ఇంకా పనులు, కార్యక్రమాలు చేయాలని కోరుకుంటున్నాను. అంటూ సీఎం శ్రీ వైయస్‌ జగన్‌ ప్రసంగం ముగించారు. ఎంపీలు వేమిరెడ్డి ప్రభాకర్‌రెడ్డి, పిల్లి సుభాష్‌చంద్రబోస్, నీటి పారుదల శాఖ ప్రత్యేక ప్రధాన కార్యదర్శి ఆదిత్యనాథ్‌దాస్, ఆ శాఖ ఈఎన్‌సీ నారాయణరెడ్డి కార్యక్రమంలో పాల్గొనగా, పైలాన్‌ ఆవిష్కరణ వద్ద మంత్రులు అనిల్‌కుమార్‌ యాదవ్, మేకపాటి గౌతమ్‌రెడ్డి, పలువులు ప్రజాప్రతినిధులు, అధికారులు హాజరయ్యారు.
Image