రాష్ట్రంలో అత్యంత నాణ్య‌తా ప్ర‌మాణాల‌తో ర‌హ‌దారుల ప‌నులు

 

తుని/కాకినాడ‌, జూన్ 11 (ప్రజా అమరావతి);


*రాష్ట్రంలో అత్యంత నాణ్య‌తా ప్ర‌మాణాల‌తో ర‌హ‌దారుల ప‌నులు*


- రివ‌ర్స్ టెండ‌రింగ్ విధానంతో పార‌ద‌ర్శ‌క విధానాల అమ‌లు

- రూ. 2,205 కోట్ల‌తో ముమ్మ‌రంగా జ‌రుగుతున్న అభివృద్ధి ప‌నులు

- యుద్ధ ప్రాతిప‌దిక‌న పూర్తిచేసేందుకు చ‌ర్య‌లు

- రాష్ట్ర ర‌హ‌దారులు, భ‌వ‌నాల శాఖ మంత్రి దాడిశెట్టి రాజా

- పాత ఫొటోల‌తో కొంద‌రు దుష్ప్ర‌చారం చేస్తున్నార‌ని వ్యాఖ్య‌

- ఒక్కో వ్య‌వ‌స్థ‌నూ ప్ర‌ణాళికాయుతంగా బాగుచేసుకుంటూ వ‌స్తున్నామ‌ని మంత్రి రాజా స్ప‌ష్టీక‌ర‌ణ‌


రాష్ట్రంలో అత్యంత నాణ్య‌తా ప్ర‌మాణాల‌తో, పార‌ద‌ర్శ‌క విధానాల‌తో ర‌హ‌దారుల అభివృద్ధి ప‌నులు జ‌రుగుతున్న‌ట్లు రాష్ట్ర ర‌హ‌దారులు, భ‌వ‌నాల శాఖ మంత్రి దాడిశెట్టి రాజా వెల్ల‌డించారు. శ‌నివారం కాకినాడ జిల్లా, తుని మునిసిప‌ల్ కార్యాల‌యంలో మంత్రి దాడిశెట్టి రాజా.. ఆర్ అండ్ బీ అధికారుల‌తో ర‌హ‌దారుల ప‌నుల‌పై స‌మీక్షా స‌మావేశం నిర్వ‌హించారు. అనంత‌రం మీడియా స‌మావేశంలో మాట్లాడారు. రాష్ట్ర ప్ర‌భుత్వం అత్యంత ప్రాధాన్య‌త‌నిస్తూ ర‌హ‌దారుల ఆధునికీక‌ర‌ణ‌, అభివృద్ధి ప‌నులు చేప‌డుతున్న‌ట్లు వెల్ల‌డించారు. ప్ర‌స్తుతం రూ. 2,205 కోట్ల‌తో ప‌నులు జ‌రుగుతున్నాయ‌ని.. వీటిలో కొన్ని పూర్తికాగా, మ‌రికొన్ని వివిధ ద‌శ‌ల్లో ఉన్నాయ‌న్నారు. కాంట్రాక్ట‌ర్ల‌కు రూ. 705 కోట్ల మేర బిల్లుల చెల్లింపు జ‌రిగింద‌ని వివ‌రించారు. వ‌ర్షాలు మొద‌ల‌య్యే నాటికి ప‌నుల పూర్తికి చ‌ర్య‌లు తీసుకున్న‌ట్లు వెల్ల‌డించారు. అత్యంత పార‌ద‌ర్శ‌కంగా అవినీతికి తావులేకుండా రివ‌ర్స్ టెండ‌రింగ్ విధానంలో ప‌నులు చేప‌డుతున్న‌ట్లు మంత్రి వివ‌రించారు. గ‌తంలో జ‌రిగిన నిర్ల‌క్ష్యం కార‌ణంగా ర‌హ‌దారులు దెబ్బ‌తిన్నాయ‌ని.. ప్ర‌స్తుత ప్ర‌భుత్వం ఆ ర‌హ‌దారుల‌న్నింటినీ అభివృద్ధి చేసేందుకు కంక‌ణం క‌ట్టుకొని, ప‌నులు చేప‌డుతోంద‌న్నారు. ఒక‌ప్పుడు ర‌హ‌దారులు ఎలా ఉండేవి? ప్ర‌స్తుతం అభివృద్ధి చేసిన ర‌హ‌దారులు ఎలా ఉన్నాయి? అనే విష‌యాల‌ను అంద‌రికీ తెలియ‌జేసేలా నాడు-నేడు ఫొటో ప్ర‌ద‌ర్శ‌న‌ను రాష్ట్రంలోని అన్ని క‌లెక్ట‌రేట్ల‌లో ఏర్పాటు చేసిన‌ట్లు తెలిపారు. ఓ వ‌ర్గం మీడియా ప‌ని గ‌ట్టుకొని పాత ఫొటోలు చూపించి, దుష్ప్ర‌చారం చేస్తోంద‌ని పేర్కొన్నారు. గ‌త పాల‌కుల చ‌ర్య‌ల‌తో పాడైన ఒక్కో వ్య‌వ‌స్థ‌ను క‌చ్చిత‌మైన ప్ర‌ణాళికల‌తో స‌రిదిద్దుకుంటూ వ‌స్తున్నామ‌ని మంత్రి వివ‌రించారు. రాష్ట్రంలో ముఖ్య‌మంత్రి వైఎస్ జగ‌న్ మోహ‌న్‌రెడ్డి ప‌రిపాల‌న‌కు మెచ్చి ఏ రాష్ట్రానికి ఇవ్వ‌నన్ని జాతీయ ర‌హ‌దారుల ప్రాజెక్టుల‌ను కేంద్ర రోడ్డు ర‌వాణా, హైవేల శాఖా మంత్రి నితిన్ గ‌డ్క‌రీ మ‌న రాష్ట్రానికి మంజూరు చేసిన‌ట్లు మంత్రి దాడిశెట్టి రాజా వివ‌రించారు. రాష్ట్రంలో రూ. 2,205 కోట్లతో 8,268 కి.మీ. మేర రాష్ట్ర  హైవేలు, మేజ‌ర్ జిల్లా ర‌హ‌దారుల అభివృద్ధికి సంబంధించి 1,167  ప‌నులు చేప‌ట్టేందుకు బ్యాంక్ ఆఫ్ బ‌రోడా రుణ స‌హాయం తీసుకోవ‌డం జ‌రిగింద‌న్నారు. 438 ప‌నులు ఇప్ప‌టికే పూర్త‌య్యాయ‌ని.. మిగిలిన ప‌నులు జ‌రుగుతున్నాయ‌న్నారు. వీటిని జూన్ చివ‌రినాటికి పూర్తిచేసేందుకు చ‌ర్య‌లు తీసుకుంటున్న‌ట్లు వెల్ల‌డించారు. పూర్త‌యిన ప‌నుల నిడివి 2,756 కి.మీ.కు సంబంధించి దాదాపు రూ. 700 కోట్ల మేర కాంట్రాక్ట‌ర్ల‌కు చెల్లింపులు జ‌రిగిన‌ట్లు వివ‌రించారు.

*ఇంకా ఏమ‌న్నారంటే:*

- గ‌త ప్ర‌భుత్వ హ‌యాంలో మంజూరై ఆగిపోయిన 233 ప్లాన్ ప‌నుల (99-స్టేట్ హైవేలు, 93 మేజ‌ర్ జిల్లా ర‌హ‌దారులు, 41 జిల్లా ర‌హ‌దారులు)ను చేప‌ట్టేందుకు ఎన్ఐడీఏ ప‌థ‌కం కింద రూ. 1,158 కోట్లు నాబార్డు రుణం ల‌భించింది. ఈ ప‌నుల్లో 182 ప‌నులు ఇప్ప‌టికే పూర్త‌య్యాయి. మ‌రో 51 ప‌నులు ఈ నెల చివ‌రినాటికి పూర్తికానున్నాయి. వీటికి సంబంధించి రూ. 667 కోట్లు మేర కాంట్రాక్ట‌ర్ల‌కు చెల్లింపులు జ‌రిగాయి.

- ఏటా గుంతలు పూడ్చ‌డానికి, అదే విధంగా యుద్ధ‌ప్రాతిప‌దిక‌న మ‌ర‌మ్మ‌తులు చేప‌ట్టేందుకు, వ‌ర‌ద‌ల వ‌ల్ల పాడైన ర‌హ‌దారుల మ‌ర‌మ్మ‌తుల‌కు 2019-20లో రూ. 105 కోట్లు, 2020-21లో రూ. 237 కోట్లు, 2021-22లో రూ. 86 కోట్లు మంజూరు చేశాం.

2019-20కు సంబంధించి కాంట్రాక్ట‌ర్ల‌కు రూ. 124 కోట్ల చెల్లింపులు జ‌రిగాయి. అదే విధంగా 2020-21కు సంబంధించి రూ. 245 కోట్లు, 2021-22కు సంబంధించి రూ. 266 కోట్ల మేర చెల్లింపులు జ‌రిగాయి.

- న్యూ డెవ‌ల‌ప్‌మెంట్ బ్యాంకు (ఎన్‌డీబీ) స‌హాయంతో 2,600 కి.మీ. మేర ర‌హ‌దారులను రెండు ద‌శ‌ల్లో అభివృద్ధి చేయ‌డం జ‌రుగుతుంది. రూ. 4,480 కోట్ల ఎన్‌డీబీ రుణంతో పాటు రాష్ట్ర ప్ర‌భుత్వం రూ. 1,920 కోట్లు ఖ‌ర్చు చేస్తోంది. ఈ ప‌నుల‌కు సంబంధించి తొలిద‌శ‌లో రూ. 3,014 కోట్ల‌తో 1,260 కి.మీ. మేర ప‌నులు జ‌రుగుతున్నాయి. ఈ ప‌నుల‌న్నీ ప్ర‌స్తుతం వివిధ ద‌శ‌ల్లో ఉన్నాయి. వ‌చ్చే మార్చి చివ‌రినాటికి తొలిద‌శ పూర్తిచేయాల‌ని ల‌క్ష్యంగా నిర్దేశించుకున్నాం. రెండో ద‌శ‌లో రూ. 3,386 కోట్ల‌తో 1,268 కి.మీ. రాష్ట్ర ర‌హ‌దారుల విస్త‌ర‌ణ ప‌నుల‌కు టెండ‌ర్లు పిల‌వాల్సి ఉంది.

........


స‌మావేశంలో పాల్గొన్న కాకినాడ పార్లమెంటు సభ్యులు వంగాగీత విశ్వనాథ్ మాట్లాడుతూ రాష్ట్రంలో  రహదార్ల అభివృద్దికి అమల‌వుతున్న పనులు, కార్యక్రమాల పట్ల  కేంద్ర ఉపరితల రవాణా శాఖ మంత్రి నితిన్ గడ్కరీ హర్షం వ్యక్తంచేసి మరిన్ని నిధుల విడుదలకు పరిశీలిస్తామన్నారని తెలిపారు. గడచిన 3 సంవత్సరాల్లో కరోనా, లాక్ డౌన్ వంటి అవరోధాలు, గత ప్రభుత్వం పెండింగ్ పెట్టిన చెల్లింపులు, కోర్టు కేసుల వల్ల రోడ్ల అభివృద్ది పనులు కొంత జాప్యమైయ్యాయని, ప్రస్తుతం రాష్ట్రంలో ఆర్ అండ్ బి,  పంచాయితీరాజ్, మున్సిపల్, స్మార్ట్ సిటీ రోడ్ల అభివృద్ధికి పెద్ద మొత్తంలో నిధులతో పనులు చేపట్టడం జరిగిందన్నారు.  ఇందులో భాగంగా కాకినాడ‌ జిల్లాలో 38 కోట్ల నిధులతో 142 కి.మీ. నిడివిన 63 పంచాయితీ రాజ్ రోడ్ల అభివృద్ది పనులు మంజూరు చేసారన్నారు. అలాగే 270 కోట్ల నిధులతో ఆర్ అండ్ బి అభివృద్దికి 39 పనులు చేపట్టగా, ఇప్పటికే 100 కోట్ల నిధుల వ్యయంతో 20 పనులు పూర్తయ్యాయన్నారు.  కాకినాడ సిటీ, పరివృత ప్రాంతంలో 250 కిమీల రహదార్ల అభివృద్దికి 500 కోట్ల నిధులతో 260 పనులు జరుగుతున్నాయన్నారు. 14వ, 15వ ఆర్ధిక సంఘం నిధులతో మున్సిపల్ రహదారుల అభివృద్ది పనులు పెద్ద ఎత్తున చేపట్టడం జరిగిందన్నారు. రహదార్ల అభివృద్ధితో రాష్ట్రాభివృద్ది వేగం పుంజుకోనుందని, ఇందుకు రాష్ట్ర ముఖ్యమంత్రి వై.ఎస్.జగన్‌మోహ‌న్‌రెడ్డి, ఆర్.అండ్.బి.శాఖ మంత్రి దాడిశెట్టి రాజా అంకిత భావంతో కృషి చేస్తున్నారని కొనియాడారు. జిల్లా కలెక్టర్ డా. కృతికా శుక్లా మాట్లాడుతూ జిల్లాలో వివిధ పథ‌కాల క్రింద ఆయా శాఖల ద్వారా చేపట్టిన పనులను యుద్దప్రాతిపదికన ప్రణాళికాబద్దంగా పూర్తి చేస్తున్నామని, 170 కోట్ల నిధులతో 19 ఆర్ అండ్ బి రోడ్లు పనులు పురోగతిలో ఉన్నాయని,  39 కోట్ల అంచనాతో ప్రతిపాదించిన మరో 69 పనులు టెండర్ల ఖరారు దశలో ఉన్నాయని తెలియజేశారు. పనులన్నిటిని నాణ్యతా ప్రమాణాలతో త్వరితగతిన నిర్వహించడం జరుగుతోందన్నారు. 

ఈ సమావేశంలో ఆర్ అండ్ బి ఎస్ఈ  కె.హరిప్రసాద్‌బాబు, పంచాయితీరాజ్ ఎస్ఈ ఎం.శ్రీనివాస్, కాకినాడ మున్సిపల్ కమిష‌న‌ర్ కె.రమేష్ తదితరులు పాల్గొన్నారు. 


Comments
Popular posts
రైతు పండించిన పంటను కచ్చితంగా ఇ–క్రాపింగ్‌ చేయాలి:
Image
భారత త్రో బాల్ జట్టు కెప్టెన్ శ్రీ చావలి సునీల్ కి ఆర్థిక సహాయం క్రింద 25 లక్షల చెక్కును అందించిన రాష్ట్ర పర్యాటక సాంస్కృతిక వ్యవహారాల యువజన సర్వీసుల శాఖ మంత్రి శ్రీమతి ఆర్.కే. రోజా
Image
అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ ధ్యేయం.
Image
#దక్షిణదేశసంస్థానములచరిత్ర - 10 : #తెలుగువారిసంస్థానాలు - #జటప్రోలు (#కొల్లాపూరు) #సంస్థానము, మహబూబ్ నగర్ జిల్లా (తెలంగాణ రాష్ట్రం) - తెలంగాణ మైసూర్ ''కొల్లాపూర్" సంస్థాన ప్రభువులు (సంస్థానాధీశులు) పద్మనాయక రాచవెలమ వంశస్థులగు “#సురభివారు” (మొదటి భాగం)... కొల్లాపురం సంస్థానం పాలమూరు జిల్లాలో, నల్లమల అటవీ క్షేత్రంలో కృష్ణానది పరీవాహక ప్రాంతంలో ఉంది. ఈ సంస్థానాధీశులు 'కొల్లాపూరును' రాజధానిగా చేసుకొని పరిపాలించడం వల్ల ఈ సంస్థానాన్ని "కొల్లాపూరు సంస్థానమని" కూడా వ్యవహరిస్తారు. వీరు మొదట #జటప్రోలు రాజధానిగా పాలించి, తర్వాత 'కొల్లాపూర్, పెంట్లవెల్లి' రాజధానులుగా పాలించారు. 'నల్లమల ప్రాంతంలో' రెండవ శతాబ్దానికి చెందిన 'సోమేశ్వర, సంగమేశ్వర, మల్లేశ్వర' ఆలయాలున్నాయి. వీటికి ఎంతో గణనీయమైన పురావస్తు ప్రాముఖ్యత ఉంది. ఈ ఆలయాలు పదిహేను వందల ఏళ్ల క్రితం నిర్మించారు. వెడల్పయిన రహదారులు, దట్టమైన చెట్లతో ఈ ప్రాంతం నిండి ఉండడంతో కొల్లాపూర్ ను ''#తెలంగాణమైసూర్'' గా కూడా ప్రజలు పిలుస్తారు. ఈ సంస్థానం మొదట "విజయనగర చక్రవర్తులకు, చివరి నిజాం ప్రభువుకు" సామంత రాజ్యముగా వ్యవహరించబడింది. భారత దేశం స్వాతంత్య్రం పొందిన తర్వాత, ‘తెలంగాణలోని సంస్థానాలు’ భారత్ లో విలీనం అయ్యేవరకు ఈ సంస్థానం సివిల్ మెజిస్ట్రేట్ అధికారాలతో ఉంది. ‘నిజాం ప్రభువులు’ తమ ఆధీనంలో ఉన్న సంస్థానాలకు సర్వాధికారాలు ఇవ్వటం వల్ల ఆయా సంస్థానాలు స్వేచ్ఛగా పరిపాలన సాగించినాయి. 'నిజాం భూభాగం' బ్రిటిష్ రాజ్యంలో ఓ భాగమైతే 'సంస్థానాలు' నైజాం రాజ్యంలో చిన్న చిన్న 'రాజ్యాలుగా' వ్యవహరించబడ్డాయి. అలా వ్యవహరించబడిన సంస్థానాలలో #కొల్లాపురంసంస్థానం ఒకటి. ఇక్కడి సువిశాలమైన కోట ప్రాంగణంలో కొలువుదీరిన సుందరమైన రాజభవనాలు నాటి సంస్థానాధీశుల పాలనా వైభవాన్ని చాటు తున్నాయి. 'ఆలయాల అభివృద్ధి, ఆధ్యాత్మిక కృషికి' తోడు వివిధ రంగాల కవిపండిత సాహిత్య, కళాపోషణకూ వారు అధిక ప్రాధాన్యమిచ్చారు. అన్నింటికంటే ముఖ్యంగా ప్రజావసరాలకు అనుగుణమైన సౌకర్యాలను కల్పించడం ద్వారా ‘కొల్లాపూర్ సురభి సంస్థానాధీశులు’ జనరంజకమైన పాలన కొనసాగించారు. ఈ ప్రాంతాన్ని కేంద్రంగా చేసుకుని కొన్ని శతాబ్దాల పాటు తమ సంస్థానాన్ని ఏలారు ‘#సురభిరాజులవారసులు’. ఈ సంస్థానం వైశాల్యం 191 చ.మైళ్ళు. ఇందులో 30 వేల జనాభా దాదాపు 90 గ్రామాలు ఉండేవి. వార్షిక ఆదాయం ఇంచుమించుగా రెండు లక్షలు. ఈ సంస్థానం కృష్ణానది పరీవాహక ప్రాంతంలో ఉన్నది. పూర్వం జటప్రోలు సంస్థానానికి 'కొల్లాపురం' రాజధాని. ‘#సురభిలక్ష్మారాయబహద్దూర్’ వరకు అంటే సుమారు క్రీ.శ.1840 వరకు రాజధాని 'జటప్రోలు' గా ఉండేది. వీరి కాలం నుండి రాజధాని 'కొల్లాపూర్' కు మారింది. అప్పటి నుంచి 'కొల్లాపురం సంస్థానం' గా పేరొంది, ఈ ప్రాంతాన్ని పరిపాలించిన వారంతా 'కొల్లాపురం సంస్థాన ప్రభువులుగా' ప్రసిద్ధులయ్యారు. వీరు మొదట్లో 'పెంటవెల్లి' రాజధానిగా పాలన సాగించారు. #సురభివంశస్థులపూర్వీకులు 'దేవరకొండ' (నల్గొండ) ప్రాంతం నుంచి ఇక్కడికి వలస వచ్చారని చరిత్రకారుల అభిప్రాయం. ఈ సంస్థానాధీశులు మొదట జటప్రోలులో కోటను నిర్మించుకొని నిజాం ప్రభువులకు సామంతులుగా ఉన్నారు. ఇక్కడి సువిశాలమైన కోటలు, చక్కని భవనాలు సురభి సంస్థానాధీశుల కళాభిరుచిని చాటుతున్నాయి. నిజాం కాలంలో కొల్లాపూర్ పరిపాలన పరంగా ప్రముఖపాత్ర వహించింది. కొల్లాపూర్ రాజుకు మంత్రి లేదా సెక్రటరీగా వ్యవహరించిన 'కాట్ల వెంకట సుబ్బయ్య' ఇక్కడివారే. అనంతరం మంత్రిగా పని చేసిన 'మియాపురం రామకృష్ణారావు' కూడా ఇక్కడివారే. #జటప్రోలుసంస్థానస్థాపకులు - #సురభివంశచరిత్ర…. #పిల్లలమర్రిభేతాళనాయుడుమూలపురుషుడు!.... ఈ సంస్థానాన్ని స్థాపించిన పాలకులు విష్ణుపాదోధ్భవమగు పద్మనాయకశాఖలో డెబ్బది యేడు గోత్రములు గల #రాచవెలమతెగకు చెందిన "పద్మనాయక వంశ వెలమవీరులు". వీరిలో 'పది గోత్రములు గల 'ఆదివెలమలకు' సంస్థానములు లేవు. వీరు కాకతీయ రాజ్య కాలంలో రాజ్యరక్షణలో యుద్ధవీరులుగా చేరారు. ఒక దశలో వీరు స్వతంత్ర రాజ్యాలగు #రాచకొండ, #దేవరకొండ (క్రీ. శ. 1335 - 1475) కూడా స్థాపించారు. వీరు శాఖోపశాఖలుగా తెలుగు ప్రాంతంలో అనేక ప్రాంతాలలో పాలకులుగా అధికారాలు చెలాయించారు. 'వేంకటగిరి, పిఠాపురం, బొబ్బిలి, జటప్రోలు' సంస్థానాధీశులకు మూలపురుషుడు ఒక్కడే. “రేచర్ల గోత్రికుడైన పిల్లలమర్రి చెవిరెడ్డి (లేదా) భేతాళ నాయుడు” వీరికి మూలపురుషుడు. వెంకటగిరి, నూజివీడు, బొబ్బిలి సంస్థాన పాలకులకు ఇతడే మూలపురుషుడు (ఈ చరిత్ర గతంలో వెంకటగిరి సంస్థానములో వివరించాను). ఈ 'భేతాళనాయుడు / చెవిరెడ్డి' కాకతీయ చక్రవర్తి గణపతి దేవుని (క్రీ. శ. 1199 - 1262) పరిపాలన కాలం వాడు. 'భేతాళనాయునికి' తొమ్మిదవ తరం వాడైన 'రేచర్ల సింగమ నాయుడు (1291 -1361)' వంశస్థుడు 'రేచర్ల అనపోతనాయుడు (1331 -1384)' క్రీ.శ. 1243 లో "#కాకతీయసామ్రాజ్యవిస్తరణమునకు" ఎంతో దోహదం చేశాడు. సాహితీ రంగమునకు, సమరాంగణమునకు సవ్యసాచిత్వము నెఱపిన #సర్వజ్ఞసింగభూపాలుడు (1405 - 1475) ఈ కుదురుకు చెందినవాడు. ఈ సింగభూపాలాన్వయుడు #పెద్దమహీపతి. ఈయనే "సురభి" వారికి కూటస్థుడు. 'సురభి' అనునది జటప్రోలు పాలకుల గృహనామము, గోత్రము 'రేచర్ల'. పెద్దమహీపతికి అయిదవ తరమువాడు #సురభిమాధవరాయలు. ఈతడు ప్రసిద్ధమగు "చంద్రికా పరిణయం" ప్రబంధ కర్త. ఈ వంశం వారికి ‘కంచి కవాట చూరకార, పంచపాండ్య దళవిభాళ, ఖడ్గనారాయణ’ అనే బిరుదులున్నాయి. సుమారు రెండువందల సంవత్సరాల క్రితం ప్రస్తుతమున్న 'కొల్లాపురం' రాజధానిగా చేసుకొని పరిపాలన సాగించారు. ఈ వంశాన్ని '30 మంది రాజులు' దాదాపు 700 ఏళ్లు పరిపాలించారు. జటప్రోలు సంస్థాన స్థాపకుడు, రేచర్ల అనపోతనాయుడు వంశస్థుడు "రేచర్ల కుమార మదానాయుడు" జటప్రోలు సంస్థానాన్ని అభివృద్ధి చేశాడు. 36 వంశాలకు మూల పురుషుడైన భేతాళరాజు తర్వాత సామంతరాజులుగా కొల్లాపూర్ సంస్థానాన్ని 26 మంది 'సురభి వంశ రాజులు' పరిపాలించినట్టు చారిత్రక, సాహిత్య ఆధారాలు వెల్లడిస్తున్నాయి. 12వ శతాబ్ధం చివరి భాగంలో, 13వ శతాబ్ధం ఆరంభంలో అంటే 1195 నుంచి 1208 ఏండ్ల మధ్యకాలంలో 'భేతాళరాజు' పరిపాలన కొనసాగించినట్టు శాసన ఆధారాలున్నట్టు 'శ్రీ వేదాంతం మధుసూదన శర్మ' తాను స్వయంగా రచించిన #కొల్లాపూర్ #సాహితీవైభవం పుస్తకంలో పేర్కొన్నారు. ఆయన తరువాత మాదానాయుడు, వెన్నమనాయుడు, దాచానాయుడు, సింగమనాయుడు, అనపోతానాయుడు, ధర్మానాయుడు, తిమ్మానాయుడు, చిట్టి ఆచానాయుడు, రెండో అనపోతానాయుడు, చిన్న మాదానాయుడు, ఎర్ర సూరానాయుడు, చిన్న మాదానాయుడు, మల్లానాయుడు, పెద్దినాయుడు, మల్లభూపతి, పెద్ద మల్లానాయుడు, మాధవరాయలు, నరాసింగరావు, మాధవరావు, బారిగడపలరావు, పెద్ద రామారాయుడు, జగన్నాథరావు, వెంటలక్ష్మారావు, వేంకట జగన్నాథరావు, వేంకట లక్ష్మారావు, జగన్నాథరావులు కొల్లాపూర్ సంస్థానాన్ని పాలించారు. ప్రస్తుతం వారి వారసుడిగా వేంకట కుమారకృష్ణ, బాలాదిత్య, లక్ష్మారావులు సంస్థానాధీశులుగా ఉన్నారు. "#సురభిమాధవరాయలు" విజయనగర ప్రభువు #అరవీటివంశ #అళియరామరాయలు (ఈయన శ్రీకృష్ణదేవరాయల అల్లుడు, చాళుక్య సోమవంశ క్షత్రియులు, రాచవారైన 'అరవీటి రామరాజు') కాలమున 'జటప్రోలు సంస్థానమును' బహుమతుగా పొందెను. "అళియ రామరాయలు" ఇచ్చిన సన్నదులో "ఆనెగొంది తక్తుసింహాసనానికి అధిపతులయిన..." అని కలదు (సురభి మాధవరాయలు, సారస్వత సర్వస్వము). 'సురభి వారి పూర్వీకుల' నుండీ వచ్చుచున్న వారసత్వ హక్కును 'అళియ రామరాయలు' సురభి మాధవరాయలకు స్థిరపరిచెను. "విజయనగర సామ్రాజ్య పతనానంతరం", మాధవరాయల పుత్రులు గోల్కొండ నవాబు "అబ్దుల్ హసన్ కుతుబ్ షా (తానీషా)" వలన క్రీ.శ. 1650లో మరల సంస్థానమునకు కొత్త సనదును సంపాదించెనట. వీరి తరువాత "సురభి లక్ష్మారాయ బహద్దరు" గారి వరకూ (సుమారు క్రీ.శ. 1840) సురభి వారి రాజధాని 'జటప్రోలు'. వీరి కాలమునుండి రాజధాని 'కొల్లాపురము' నకు మారినది. అప్పటినుండి వీరు '#కొల్లాపురముప్రభువులు' గా ప్రసిద్ధులయ్యారు. #సురభివారిరాజవంశవృక్షము.... 'సర్వజ్ఞ సింగభూపాలుని' వంశజులగు ఈ సంస్థానాధీశులందరూ శారదామతల్లికి సమర్పించిన మణిహారాలు తెలుగు సాహితీలోకమునకు వెలలేనివి. నిత్యకళ్యాణము పచ్చతోరణముగ విలసిల్లిన వీరి సాహితీమండపము విశ్వవిఖ్యాతమై విలసిల్లినది. (1) సర్వజ్ఞ సింగభూపాలుడు (1405 - 1475) (2) ఎఱ్ఱ సూరానాయుడు (3) మాధవ నాయుడు (4) పెద్దమహీపతి (5) ముమ్మిడి మల్లభూపాలుడు (1610 - 1670) (6) చినమల్లనృపతి (7) రామరాయలు (8) మల్లభూపతి (9) మాధవ రాయలు (10) నరసింగరావు (11) సురభి లక్ష్మారాయ బహద్దరు (1840) (12) రావు బహద్దర్ సురభి లక్ష్మీ జగన్నాధ రావు (1851 - 1884) (13) శ్రీ రాజా వేంకట లక్ష్మారావు బహద్దరు. "సురభి లక్ష్మారావు" గారి కుమారుడు 'సురభి లక్ష్మీ జగన్నాధరావు' క్రీ.శ. 1851 - 84 వరకూ రాజ్యము చేసిరి. నిజాం ప్రభువు నుండి 'రాజా బహద్దరు, నిజాం నవాజ్ వంత్' బిరుదులు పొందారు. వీరు దేవబ్రాహ్మణ తత్పరులు. వీరికి సంతానం లేకపోవడంతో, 'వెంకటగిరి ప్రభువులగు మహారాజా శ్రీ సర్వజ్ఞకుమార యాచేంద్ర బహద్దరు' గారి చతుర్థ పుత్రులగు 'నవనీత కృష్ణ యాచేంద్రులను' దత్తపుత్రులుగా స్వీకరించారు. వీరే 'శ్రీ రాజా వేంకట లక్ష్మారావు బహద్దరు' అను పేరిట 1884 నుండి జటప్రోలు సంస్థానమును పాలించారు. వీరికి 'బొబ్బిలి సంస్థాన పాలకులగు మహారాజా సర్ రావు వెంకట శ్వేతాచలపతి రంగారావు' గారు అగ్రజులు. ఈయన 'వెంకటగిరి' నుండి 'బొబ్బిలి' సంస్థానమునకు దత్తు వచ్చెను. వీరికిద్దరు పుత్రికా సంతానము. లక్ష్మారాయ బహద్దరు వారి కుమార్తెను 'తేలప్రోలు రాజా' గారికిచ్చి వివాహం చేసెను. లక్ష్మారాయ బహద్దర్ వారి ప్రధమ కుమార్తె 'నూజివీడు సంస్థానమున' తేలప్రోలు రాజావారి ధర్మపత్ని 'రాణి రాజరాజేశ్వరీ దేవి' గారు. రెండవ కుమార్తె శ్రీ రాజా ఇనుగంటి వెంకట కృష్ణారావు గారి ధర్మపత్ని 'రాణి సరస్వతీ దేవి గారు'. శ్రీ రాజా సురభి లక్ష్మారాయ బహద్దర్ గారికి పురుష సంతతి లేదు. కావున, వీరు తమ వారసులుగా ప్రఖ్యాత 'బొబ్బిలి సంస్థానమునుండి శ్రీ రాజా వెంకటశ్వేతా చలపతి రామకృష్ణ రంగారావు బహద్దర్' వారి కుమారులను దత్తు చేసుకొనెను. వారిని 'శ్రీ రాజా సురభి వేంకట జగన్నాధరావు బహద్దర్' అను పేర సంస్థాన వారసులుగా నిర్ణయించెను. ప్రస్తుత 'కొల్లాపూర్ రాజవంశీయులు' వీరి అనువంశీకులే. శ్రీ రాజా వేంకట లక్ష్మారావు గారి అనంతరము వారి ధర్మపత్ని '#రాణివెంకటరత్నమాంబ' గారు సంస్థానమును కొంతకాలం పాలించారు. తరువాత వీరి దత్తపుత్రులు 'శ్రీ రాజా సురభి వెంకట జగన్నాధ రావు బహద్దరు' గారు సంస్థాన బాధ్యతలు నిర్వహించారు. వీరు 'తిరుపాచూరు' జమిందారులైన 'రాజా ఇనుగంటి వెంకట కృష్ణరావు (1899 - 1935)' కుమార్తె యగు 'ఇందిరాదేవిని' వివాహమాడెను. వీరి కాలముననే అన్ని సంస్థానములతో పాటుగా జటప్రోలు కూడా విశాలాంధ్రమున విలీనమైనది. లక్ష్మారావు 1928లో స్వర్గస్తులైనారు. ఆయన ధర్మపత్ని రాణిరత్నమాంబ జగన్నాథరావుకు సంరక్షకురాలిగా ఉంటూ రాజ్యభారం మోశారు. ఆమె సింగవట్నంలో #రత్నగిరికొండపై #రత్నలక్ష్మిఅమ్మవారిని ప్రతిష్టించి ఆలయాన్ని నిర్మించారు. 'పద్మనిలయం' పేరుతో విడిది కోసం ఒక బంగ్లాను కళాత్మకంగా కట్టించారు. ఆ కొండపై నుంచి దుర్భిణిలో చూస్తే 'జటప్రోలు, పెంట్లవెల్లి, కొల్లాపూర్' రాజసౌధాలేగాక ఆయా ప్రాంతాలు కళ్లముందున్నట్టుగా కనిపిస్తాయి. కొల్లాపూర్లోని బండయ్యగుట్ట సింగవట్నంలోని #లక్ష్మీనృసింహస్వామిఆలయం గుడి గోపురాలను కూడా ఆమె నిర్మించారు. 'జగన్నాథరావు' మేజర్ అయిన తర్వాత 1943లో పట్టాభిషేకం చేశారు. ఈయన తన పూర్వికుల మాదారిగానే పరిపాలన సాగించారు. 'రాజా జగన్నాథరావ
Image
దిశ పెట్రోలింగ్‌ వెహికల్స్‌ను ప్రారంభించనున్న సీఎం శ్రీ వైఎస్‌ జగన్*
Image