దేశాన్ని కాపాడేవారు సైనికులైతే సమాజాన్ని కాపాడేవారు పోలీసులు



నెల్లూరు ఆగస్టు 26 (ప్రజా అమరావతి):దేశాన్ని కాపాడేవారు సైనికులైతే సమాజాన్ని కాపాడేవారు పోలీసుల


ని రాష్ట్ర వ్యవసాయ సహకార మార్కెటింగ్ ఫుడ్ ప్రాసెసింగ్ శాఖ మంత్రివర్యులు శ్రీ కాకాని గోవర్ధన్ రెడ్డి ప్రశంసించారు. 


శుక్రవారం మధ్యాహ్నం నెల్లూరు నగరంలోని పోలీసు కవాతు మైదానం లోని ఉమేష్ చంద్ర కాన్ఫరెన్స్ హాలులో జరిగిన అవార్డు ప్రధానోత్సవ కార్యక్రమంలో రాష్ట్ర మంత్రివర్యులు ముఖ్యఅతిథిగా పాల్గొన్నారు.


ఈ సందర్భంగా మంత్రివర్యులు మాట్లాడుతూ పోలీసు వ్యవస్థ ఎంతో గొప్పదని అది నిర్వీర్యం అయితే సమాజం అంతరించే ప్రమాదం ఉందని చెప్పారు. సాధారణంగా ఉద్యోగస్తులకు  విధుల్లో కొన్ని పరిమితులు ఉంటాయని, కానీ పరిమితులు లేకుండా సమయానికి నిద్ర, తిండి లేకుండా అనేకమైన రాజకీయ ఒత్తిళ్లకు గురవుతూ పోలీసులు ఎంతో సమతుల్యతను పాటిస్తూ విధులు నిర్వహించాల్సి ఉంటుందన్నారు. పోలీసుల్లో కచ్చితంగా కరకుతనం ఉండాలని లేకుంటే సంఘవిద్రోహశక్తులను నియంత్రించడం సాధ్యపడదన్నారు. అలాగే బలహీనులు మనుగడ సాగించే విధంగా కూడా పోలీసులు విధులు నిర్వహించాలన్నారు. ప్రజలు ఖద్దరు ధరించే రాజకీయ నాయకులను ప్రశ్నిస్తారని, అదే కాకి వస్త్రం ధరించే పోలీసులంటే భయపడతారన్నారు. ఈ పోలీసు వ్యవస్థ సజావుగా సాగాలంటే వారిలో ఉన్న మానసిక  ఒత్తిళ్ళను తొలగించేందుకు అప్పుడప్పుడు క్రీడలు ఎంతగానో ఊరట  కలిగిస్తాయన్నారు. ప్రభుత్వానికి మంచి పేరు గాని లేదా చెడ్డ పేరు గాని రావాలన్నా పోలీసు వ్యవస్థ పై ఆధారపడి ఉంటుందన్నారు.  జిల్లా చాలా ప్రశాంతమైనదని రాజకీయంగా ఎంతో చైతన్యవంతమైనదని చెప్పారు. ఇటీవల జిల్లా పోలీసు అధికారి పోలీసుల్లో ఉత్సాహాన్ని నింపేందు కోసం క్రీడలు, సాంస్కృతిక  కార్యక్రమాలు నిర్వహించడం ఎంతో అభినందనీయమన్నారు.   రాష్ట్ర ముఖ్యమంత్రి పోలీసులకు  వారాంతపు సెలవు ఇచ్చినప్పటికీ సిబ్బంది కొరత వలన అది సరిగా అమలు కానప్పటికీ జిల్లాలో సజావుగా అమలు చేస్తుండటం అభినందనీయమన్నారు.  రాష్ట్ర ప్రభుత్వం అన్ని వార్డు గ్రామ సచివాలయాల్లో మహిళా పోలీసులను ప్రత్యేకంగా నియమించిందన్నారు. దిశా చట్టం చేసే సమయంలో అసెంబ్లీలో తాను కూడా సభ్యులుగా ఉండటం తనకెంతో గర్వంగా ఉందన్నారు. దిశా చట్టం అమలు గురించి ఇతర రాష్ట్రాల వారు వివరాలు అడిగి తెలుసుకుంటున్నారంటే అది మన రాష్ట్ర గొప్పతనమన్నారు.  ప్రత్యేకించి విదేశీ వనిత పై జరిగిన దాడి సంఘటన చేదించడం,  దొంగలింపబడిన రు.1.26 కోట్ల రూపాయల పెన్షన్ డబ్బులు తిరిగి వసూలు అయ్యేలా చేయడం,  అనేక దొంగతనాలు, హత్యలు, బాలికల అక్రమ రవాణా, ఆయుధాల అక్రమ అమ్మకాలు వంటి కేసులను చాకచక్యంగా చేదించడంతోపాటు శాంతిభద్రతలను కాపాడటంలో ఎస్పీ నేతృత్వంలో పోలీస్ యంత్రాంగం చేస్తున్న కృషి అభినందనీయమన్నారు.  అంతే కాకుండా స్పందన కార్యక్రమాన్ని వినూత్నంగా చేపట్టి ఆవేదన ఆక్రందనతో వస్తున్న అర్జీదారులకు స్వాంతన చేకూరుస్తూ వారికి భోజనం తదితర ఏర్పాట్లు చేసి వారిలో ప్రభుత్వం న్యాయం చేస్తుందనే భరోసాను కల్పించడం ద్వారా జిల్లా పోలీసు యంత్రాంగం ఇతర జిల్లాలకు ఆదర్శవంతంగా నిలిచిందన్నారు.  ఈ సందర్భంగా అవార్డులు అందుకుంటున్న ప్రతి ఒక్కరికి అభినందనలు తెలుపుతున్నానన్నారు.


అంతకుమునుపు జిల్లా పోలీసు అధికారి సిహెచ్ విజయ రావు మాట్లాడుతూ జిల్లాలో వివిధ నేరాలను అదుపు చేయడంతో పాటు చేదించడంలోనూ చాకచక్యంగా వ్యవహరించిన పోలీస్ అధికారులు సిబ్బందిని గుర్తించిన కేంద్ర రాష్ట్ర ప్రభుత్వాలు 72 మందికి వివిధ పతకాలు ప్రకటించాయన్నారు. ఇందులో కేంద్ర హోం మంత్రిత్వ శాఖ నుండి 57 మందికి అతి ఉత్కృష్ట, ఉత్కృష్ట సేవా పతకాలు 2018 సంవత్సరానికి వచ్చాయన్నారు. అలాగే రాష్ట్ర డిజిపి కమాండేషన్ డిస్కులు 15 మంది పోలీస్ అధికారులు సిబ్బందికి 2020 సంవత్సరానికి వచ్చాయన్నారు. జిల్లాలో రొట్టెల పండుగ తదితర ఉత్సవాలను సజావుగా నిర్వహించడం, వివిధ నేరాలను ఛేదించడంలో చూపిన ప్రతిభకు  గాను మరో 107 మందికి అవార్డులు అందజేయడం జరుగుతుందన్నారు.  జిల్లాలో గత ఒకటిన్నర సంవత్సర కాలంగా  శాంతి భద్రతల సమస్యలను,  వరదలు వంటి ప్రకృతి వైపరీత్యాలను సమర్ధవంతంగా పోలీసు యంత్రాంగం ఎదుర్కొని 30 వేల మంది ప్రాణాలను కాపాడిందన్నారు.  చెన్నై మార్గంలో గూడూరు వద్ద రాకపూర్వకలకు ఎలాంటి ఇబ్బంది లేకుండా రాత్రింబవళ్లు శ్రమించిందన్నారు. ఆస్తుల నేరాలు, రహదారి ప్రమాదాల పై వెంటనే స్పందించి  చాలామంది ప్రాణాలు కోల్పోకుండా కాపాడగలిగామన్నారు. జిల్లాలో 30 శాతం  రహదారి ప్రమాదాలను తగ్గించగలిగామన్నారు.  దిశా యాప్ ను డౌన్లోడ్ చేయడంతో పాటు సజావుగా అమలు చేయడంలో రాష్ట్రంలోనే జిల్లా ముందంజలో ఉందన్నారు.   బారాషాహిద్ దర్గా రొట్టెల పండగ, ఏసి సుబ్బారెడ్డి స్టేడియంలో శ్రీ వెంకటేశ్వర వైభవోత్సవాల సందర్భంగా గట్టి పోలీసు బందోబస్తు ఏర్పాటు చేసి శాంతి భద్రతలను కాపాడడంతో ప్రజలనుండి మన్ననలు పొందగలిగామన్నారు. రానున్న గణేష్ చతుర్థి ఉత్సవాలు ఇతర ఉత్సవాలలో కూడా ప్రజలకు ఎలాంటి ఇబ్బందులు కలగకుండా గట్టి పోలీసు బందోబస్తు ఏర్పాటు చేసి శాంతి  భద్రతలు కాపాడేందుకు కృషి చేస్తామన్నారు.  పలు నేరాల కేసుల్లో గట్టిగా వాదనలు వినిపించి నేరస్తులకు కఠిన శిక్షలు పడే విధంగా కృషిచేసిన పబ్లిక్ ప్రాసిక్యూటర్లను కూడా ఈ సందర్భంగా సన్మానించుకోవడం జరుగుతుందన్నారు.


అనంతరం విశిష్ట సేవలు అందించిన పలువురు పోలీసు అధికారులు సిబ్బందికి పబ్లిక్ ప్రాసిక్యూటర్లు సహాయ పబ్లిక్ ప్రాసిక్యూటర్లకు రాష్ట్ర మంత్రివర్యులు వివిధ పతకాలను   ప్రశంసా పత్రాలను అందజేశారు.


తదనంతరం  జిల్లా పోలీసు అధికారి అదనపు ఎస్పీలు జ్ఞాపికలు శాలువాలు పూల మొక్కలతో ఘనంగా మంత్రిగారిని సత్కరించారు.



ఈ కార్యక్రమంలో అదనపు ఎస్పీలు శ్రీమతి హిమావతి శ్రీమతి చౌడేశ్వరి, సెబ్ అదనపు ఎస్పీ శ్రీమతి శ్రీలక్ష్మి శ్రీ శ్రీనివాసరావు పలువురు డిఎస్పీలు సిఐలు ఎస్సైలు పోలీస్ కానిస్టేబుళ్లు పబ్లిక్ ప్రాసిక్యూటర్లు సహాయ పబ్లిక్ ప్రాసిక్యూటర్లు తదితరులు పాల్గొన్నారు




Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
बर्खास्त होंगे उत्तराखंड विधानसभा सचिवालय के 228 कर्मी, हाईकोर्ट ने फैसला सही कहा।
Image