నాలుగో ఏడాది వైఎస్సార్‌ నేతన్న నేస్తం


పెడన, కృష్ణా జిల్లా (ప్రజా అమరావతి);


*నాలుగో ఏడాది వైఎస్సార్‌ నేతన్న నేస్తం


*


*కృష్ణా జిల్లా పెడనలో బటన్‌ నొక్కి నేరుగా లబ్ధిదారుల ఖాతాల్లో జమ చేసిన సీఎం శ్రీ వైయస్‌ జగన్‌*


*ఈ సందర్భంగా మాట్లాడిన మంత్రులు, లబ్ధిదారులు ఏమన్నారంటే...వారి మాటల్లోనే*


*జోగి రమేష్, గృహనిర్మాణ శాఖ మంత్రి*


ఈ నియోజకవర్గానికి ఈ రోజు పండుగ వచ్చింది, జగనన్న వచ్చారు పండుగ తెచ్చారు. అన్నా ఇది మంచి సందర్భం, నేతన్నలకు తోడుగా, బాసటగా, బడుగు వర్గాలకు అండగా నేనుంటానని మీరు పాదయాత్రలో చెప్పారు, మీరు సీఎం అయిన వెంటనే నేతన్నలకు అండగా నేతన్న నేస్తం కార్యక్రమం ప్రకటించి వారి పట్ల మీ హృదయంలో ఎంత పెద్ద స్ధానముందో చెప్పకనే చెప్పారు, ఈ రోజు మా పెడన పట్టణానికి రావడం గర్వకారణం, మాది పేద నియోజకవర్గం, కృష్ణా జిల్లా తీర ప్రాంతంలో ఉన్నాం, మా దేవుడు డాక్టర్‌ వైఎస్‌ రాజశేఖర్‌రెడ్డి గారు పెడన వెళ్ళమన్నారు, ఇక్కడి ప్రజలు ఆశీర్వదించడంతో నేను ఎమ్మెల్యేనయ్యాను, చిన్నగొల్లపాలెంలో బ్రిడ్జి కడతామంటే ఎవరూ నమ్మలేదు, కానీ డాక్టర్‌ వైఎస్‌ఆర్‌ గారు రెండు బ్రిడ్జిలు కట్టించారు, కృతివెన్ను మండలంలో ఉప్పునీటి సమస్యను తీర్చడానికి డాక్టర్‌ వైఎస్‌ఆర్‌ గారు మెగావాటర్‌ స్కీమ్‌తో వారి దాహార్తిని తీర్చారు, కృష్ణా డెల్టా ఆధునీకరణ చేసి చివరి భూముల వరకూ కూడా నీళ్ళు పారించిన మహనీయుడు ఆయన, తర్వాత చంద్రబాబు పాలనలో ఎడారిలా మారింది, మీ హయాంలో మళ్ళీ రెండు పంటలు పండిస్తున్నారు, మా దేవుడు వైఎస్‌ఆర్‌ గారు నన్ను ఎమ్మెల్యేను చేస్తే ఆయన తనయుడు మీరు నన్ను మంత్రిని చేశారు. మీ రుణం ఏమిచ్చినా తీర్చుకోలేను, మీ సైనికుడిగా ఊపిరి ఉన్నంతవరకూ మీ వెంటే ఉంటానన్నా, ఈ రోజు గడప గడపకూ వెళ్తున్నప్పుడు అందరూ ఒకటే చెబుతున్నారు, నాడు జగనన్న ఇచ్చిన హామీలన్నీ నెరవేర్చిన మేం ఆయన వెంటే నడుస్తాం అంటుంటే సంతోషంగా ఉంది. గతంలో నాకు వ్యతిరేకంగా పనిచేసిన ఒక కుర్రాడు ఇప్పుడు నాతో పనిచేస్తున్నాడు, నేను ఎందుకు నాతో తిరుగుతున్నావని అడిగితే కులం కూడు పెట్టదు అన్నా, మనసున్నవాడే కడుపునిండా అన్నం పెడతాడన్నాడు, మా అమ్మకు కాపునేస్తం వస్తుంది, నా భార్యకు అమ్మ ఒడి వస్తుంది, నాకు ఇంటి పట్టా వచ్చింది, కులాలు కూడుపెట్టవు, జగనన్నే ప్రేమను పంచుతాడని ఆ కుర్రాడు అంటే నాకు మాట రాలేదు, ఇంతమంది జగనన్నను చూడాలని, అన్న మాట వినాలని, అన్న కోసం ఎందాకైనా ఉంటామని స్వాగతం పలుకుతుంటే ఆనందంగా ఉంది. గతంలో బీసీలకు చిన్న చిన్న పరికరాలు ఇచ్చి సరిపెడితే ప్రతి ఇంటికి కూడా ఈ రోజు జగనన్న లైఫ్‌ ఇస్తున్నారు, ఒకటి కాదు రెండు కాదు ఇన్ని పథకాలు ఇస్తున్న మనసున్న మనిషి మన జగనన్న, మనం ఏం అడగకుండానే మనకు ఇన్ని చేస్తున్నారు, పేదల పక్షాన అన్న ఉన్నారు, మీకు మా నియోజకవర్గ ప్రజల పక్షాన ధన్యవాదాలు. 


*గుడివాడ అమర్‌నాథ్, చేనేత, జౌళి, పరిశ్రమల శాఖ మంత్రి*


ఈ రోజు నాలుగో విడత నేతన్న నేస్తం ద్వారా నేతన్నలకు సాయం చేస్తున్నాం, ప్రతి ఏటా రూ. 24 వేలు ఈ పథకం క్రింద అందిస్తున్నాం, సీఎంగారు తన పాదయాత్రలో ఇచ్చిన మాట ప్రకారం నేతన్నలకు అండగా ఉంటున్నారు. రానున్న రోజుల్లో మరింతగా అండగా ఉండి నేతన్నలను ఆదుకుంటాం, ఈ–కామర్స్‌ ద్వారా ఆప్కో ద్వారా రూ. 100 కోట్ల ఈ ఆర్ధిక సంవత్సరంలో వ్యాపారం చేయాలన్న లక్ష్యంతో రాష్ట్ర ప్రభుత్వం ముందుకెళుతుంది. చేనేత కార్మికులకు సీఎంగారు అండగా నిలబడతారు, మీరు కూడా ఆశీస్సులు అందించాలని కోరుకుంటూ సెలవు తీసుకుంటున్నాను. 


*సత్యాకుమారి, లబ్ధిదారు, బ్రహ్మపురం, పెడన* 


అందరికీ నమస్కారం, నేను గత 15 సంవత్సరాలుగా చేనేత వృత్తిలో ఉన్నాను, మా నేత కార్మికులకు ఒక ప్రత్యేకత ఉంది, శ్రీశైల మల్లిఖార్జునుడికి మేం పాగా నేసి ఆ పాగాని మేమే స్వయంగా స్వామికి సమర్పించే కుటుంబంలో జన్మించినందుకు సంతోషంగా ఉంది, అలాగే అమ్మవారి ఉత్సవాలు కూడా మా నేతన్న చీరలు ఇచ్చాకే జరిపేవారు, కానీ మా నేతన్నల కుటుంబాల పోషణ భారమైంది, వర్షాకాలం వస్తే ఎన్నో ఇబ్బందులు పడేవాళ్ళం, జగనన్నా మీరు పాదయాత్రలో ఇచ్చిన హామీ మేరకు మీ పుట్టినరోజు నాడే డిసెంబర్‌ 21న ఈ పథకం ప్రవేశపెట్టి నేరుగా రూ. 24 వేలు మా బ్యాంకు ఖాతాలో జమ చేశారు, మేం కలలో కూడా ఊహించలేదు, కరోనా టైంలో చాలా ఇబ్బందులు పడ్డాం, అప్పుడు కూడా మీరు సాయం చేశారు, మీరు మా కుటుంబ భారాన్ని తగ్గించి, మాకు ధైర్యాన్నిచ్చారు. మాకు సచివాలయ వ్యవస్ధ దగ్గరలో రావడం వల్ల అందరికీ ఉపయోగంగా ఉన్నాయి, వలంటీర్లు కూడా చాలా సహాయం చేస్తున్నారు, నాకు ఇద్దరు పిల్లలు, మా పిల్లలు చదువుతున్న స్కూల్స్‌ నాడు నేడు ద్వారా రూపురేఖలు మార్చేశారు, నాకు అమ్మ ఒడి అందుతుంది, డ్వాక్రా సంఘంలో సున్నా వడ్డీ కూడా అందింది. మా ఊరికి వచ్చి ఈ కార్యక్రమాన్ని ప్రారంభిస్తున్నందుకు మా చేనేత కార్మికుల తరపున మీకు ధన్యవాదాలు, మాకు మార్కెటింగ్‌ సౌకర్యం కల్పించాలని మీకు విజ్ఞప్తి చేస్తున్నాను, చేనేత కార్మికులకు గుర్తింపు వచ్చేలా చేయాలని, అది మీ వల్లే సాధ్యమవుతుందని నమ్ముతున్నాను, ధన్యవాదాలు.


*కొసరం వాసు, లబ్ధిదారుడు, పోలవరం గ్రామం, గూడూరు మండలం*


జగనన్నా నేను గత 20 సంవత్సరాలుగా చేనేత వృత్తి మీదే జీవనం కొనసాగిస్తున్నాను. మీరు మా నేతన్నల కష్టాలు గమనించి మాకు ఈ పథకం అమలుచేస్తున్నారు, మీకు రుణపడి ఉంటాం, మాకు వర్షాకాలంలో పని చేసుకోవడం కుదిరేది కాదు, కానీ మీరు చేస్తున్న సాయంతో మా మగ్గాలు ఆధునీకరించుకోవడంతో పాటు వృత్తి నైపుణ్యం పెంచుకున్నాం, మేం సంతోషంగా జీవిస్తున్నాం, నాకు ఇద్దరు పిల్లలు, అమ్మ ఒడి వచ్చింది, విద్యాకానుక కిట్లు వచ్చాయి, నాడు నేడు పథకం ద్వారా పాఠశాలలను ఆధునీకరించి అందని ద్రాక్షలాంటి ఇంగ్లీష్‌ మీడియంను మాలాంటి పేదలకు చేరువ చేశారు, నవరత్నాల పేరుతో ఇన్ని సంక్షేమ పధకాలు ఇస్తున్న మీరే మాకు ఎప్పటికీ సీఎంగా ఉండాలని మనస్పూర్తిగా కోరుకుంటున్నాం. మీకు హృదయపూర్వక ధన్యవాదాలు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image