గతంలో ఎప్పుడూ జరగని విధంగా ఇవాళ పరిపాలన జరుగుతోంది

*శ్రీకాకుళం జిల్లా టెక్కలి నియోజకవర్గ కార్యకర్తలతో క్యాంపు కార్యాలయంలో సీఎం శ్రీవైయస్‌.జగన్‌ భేటీ.*

*సమావేశంలో ప్రతి కార్యకర్తతో విడివిడిగా మాట్లాడిన సీఎం.*

*వారి యోగక్షేమాలు అడిగి తెలుసుకున్న సీఎం శ్రీ వైయస్‌.జగన్‌.* 

*నియోజకవర్గ కార్యకర్తలకు దిశానిర్దేశం చేసిన సీఎం.* 

*ఈ ప్రభుత్వం వచ్చిన తర్వాత నియోజకవర్గంలో చేసిన మంచిని గణాంకాలతో వివరించిన ముఖ్యమంత్రి.* 

అమరావతి (ప్రజా అమరావతి);

*ఈ సందర్భంగా సీఎం ఏమన్నారంటే.... :* 

ఇవాళ మిమ్మల్ని కలుసుకోవడానికి ప్రధానంగా రెండు కారణాలు ఉన్నాయి:

ఒకటి మిమ్మల్ని కలవడం ఒక కారణం అయితే, ఇక రెండోది మరో 18 నెలల్లో రానున్న ఎన్నికలకు సన్నద్ధం కావాల్సిన అవసరం ఉంది:

18 నెలలంటే చాలా కాలం ఉందికదా? ఇవ్వాళ్టి నుంచే ఆలోచన చేయాలా? అనుకోవచ్చు:

18 నెలల తర్వాత ఎన్నికలు ఉన్నా కూడా ఆ అడుగులు ఇవ్వాళ్టి నుంచి కరెక్టుగా పడితేనే.. మనం క్లీన్‌స్వీప్‌ చేయగలుగుతాం:

చాలా నియోజకవర్గాలకు సంబంధించిన ఇలాంటి సమీక్షా సమావేశాలు జరుగుతూ ఉన్నాయి:

దీంట్లో భాగంగా టెక్కలికి సంబంధించి రివ్యూ చేస్తున్నాం:

గడపగడపకూ మన ప్రభుత్వం కార్యక్రమం జరుగుతోంది:

మీరు అందరూ కూడా అందులో పాల్గొంటున్నారు:

గతంలో ఎప్పుడూ జరగని విధంగా ఇవాళ పరిపాలన జరుగుతోంది:

గతానికి భిన్నంగా పరిపాలన కొనసాగుతోంది:

మంచి చేశామని సగర్వంగా తలెత్తుకునేలా మన పరిపాలన జరుగుతోంది:

ఒక్క టెక్కలి నియోజకవర్గంలోనే 3 సంవత్సరాల 4 నెలల కాలంలో అక్షరాల రూ.1026 కోట్ల రూపాయలు గడపగడపకూ చేర్చగలిగాం:

ఎవరెవరికి ఇచ్చామో.. వివరాలతో సహా, అక్కచెల్లెమ్మల పేర్లతో సహా చెప్పగలిగేలా ప్రతి పథకాన్ని అంత పారదర్శకంగా అమలు చేశాం : 

అవినీతి లేకుండా, పక్షపాతం లేకుండా, ఎవ్వరూ మిస్‌కాకుండా, సంతృప్తస్థాయిలో, ప్రతి 50 ఇళ్లకు ఒక వాలంటీర్‌ ద్వారా, ప్రతి 2వేల జనాభాకు ఒక సచివాలయం ద్వారా వీటిని చేర్చాం:

అర్హత ఉన్నవారు మిస్‌కాకూడదనే తపన, తాపత్రయంతో అడుగులు వేశాం:

గతానికి భిన్నంగా ప్రతి కుటుంబానికి మేలు చేశాం:

ఇలాంటి అనుకూల పరిస్థితులు ఉన్నప్పుడు 175 కి 175 నియోజకవర్గాలు ఎందుకు మనం కొట్టలేం?:

తప్పకుండా గెలవగలుగుతాం :

ప్రతి నియోజకవర్గాన్ని ఒక యూనిట్‌గా తీసుకుంటే... ఆ నియోజకవర్గంలో ప్రతి గ్రామాన్ని ఒక యూనిట్‌గా తీసుకుంటే... ప్రతి గ్రామంలోనూ 87శాతం ఇళ్లకు మంచిచేశాం:

మంచి జరిగిన ఇళ్లలో ఉన్న వారు మనల్ని ఆశీర్వదిస్తున్నప్పుడు ఎందుకు మనం 175 కి 175 సాధించలేం?:

ఈరోజు గ్రామాలు మారుతున్నాయి. మన గ్రామంలోనే ఇంగ్లిషు మీడియం స్కూళ్లు, గ్రామ సచివాలయాలు, విత్తనం నుంచి పంటకొనుగోలు దాకా ఆదుకునే ఆర్బీకేలు, విలేజ్‌క్లినిక్స్‌ కనిపిస్తున్నాయి. ఫ్యామిలీ డాక్టర్‌ కాన్సెప్ట్‌ పైలట్‌ ప్రాజెక్టు ఈ వారంలో ప్రారంభిస్తున్నాం, ఉగాది నుంచి రాష్ట్ర వ్యాప్తంగా పూర్తిస్థాయిలో అమలవుతుంది. ప్రతి యాభై ఇళ్లకు వాలంటీరు కనిపిస్తున్నారు:

ఇలా గ్రామ రూపురేఖలన్నీ మార్చాం:

ఇలాంటి మార్పులు కనిపిస్తున్నప్పుడు ప్రతి కార్యకర్తా, నాయకుడూ కూడా 175 కి 175 స్థానాలు ఎందుకు సాధించలేమని మనం గుండెలమీద చేయి వేసుకుని ప్రశ్నించుకోవాలి ?:

మనం అందరం కలిసికట్టుగా ఉంటేనే ఇది సాధ్యం:

జగన్‌ చేసే పని జగన్‌ చేయాలి:

అదే మాదిరిగా ప్రతి గ్రామంలోనూ, ప్రతి నియోజకవర్గంలోనూ కార్యకర్తలుగా, నాయకులుగా మనం చేసే పని మనం చేయాలి:

ప్రతి గడపకూ వెళ్లాలి.. మనంచేసిన మంచిని వారికి గుర్తుచేయాలి, వారి ఆశీర్వాదాన్ని తీసుకోవాలి:

కేవలం ఏ ఒక్కరి వల్లనో ఇది జరగదు :

నేను చేయాల్సింది నేను చేయాలి, మీరు చేయాల్సింది మీరు చేయాలి:

అందరూ కలిసికట్టుగా అడుగులేస్తేనే సాధ్యం అవుతుంది:

టెక్కలి నియోజకవర్గంలో సర్పంచి ఎన్నికల్లో 136కు 119 పంచాయతీలు, ఎంపీటీసీలు78 కి 74, ఎంపీపీలు 4 కి 4, జడ్పీటీసీలు 4 కి 4 గెలిచాం:

ఒక్క టెక్కలిలోనే కాదు.. కుప్పం నియోజకవర్గంలోకూడా ఇలాగే మంచి విజయాలు నమోదుచేశాం:

మార్పు ప్రస్ఫుటంగా కనిపిస్తోంది:

175 కి 175 ఎందుకు మనం తెచ్చుకోలేమన్న ప్రశ్నను ప్రతి ఒక్కరూ వేసుకోవాలి:

మనకు ఎన్ని గొడవలు ఉన్నాసరే.. పక్కనపెడదాం:

బిగ్గర్‌పిక్చర్‌ గుర్తుకు తెచ్చుకుందాం:

రేపు ఎన్నికల్లో మనం గెలిస్తే.. వచ్చే 30 ఏళ్లూ మనం ఉంటాం:

ఇవాళ మనం చేసిన కార్యక్రమాలన్నింటి వల్ల రానున్న కాలంలో మంచి ఫలితాలు వస్తాయి:

ఎలాంటి గొడవలున్నా అన్నీ పక్కనపెట్టేసి ముందడుగు వేద్దాం:

అందరం కలిసికట్టుగా ఒక్కటి కావాలి:

నియోజకవర్గంలో భావనపాడు పోర్టు కూడా రాబోతుంది:

సుమారు రూ.4362 కోట్లు ఖర్చు చేస్తున్నాం:

డిసెంబరులో దీనికి శంకుస్థాపన చేయబోతున్నాం:

మహేంద్ర తనయ ఆఫ్‌షోర్‌ ప్రాజెక్టు పనులు డిసెంబరులో పునరుద్ధరణ చేయబోతున్నాం: సీఎం

 

ఈ సమావేశంలో ఎమ్మెల్సీ దువ్వాడ శ్రీనివాస్, మాజీ కేంద్రమంత్రి కిల్లి కృపారాణి, కాళింగకార్పొరేషన్‌ ఛైర్మన్‌ పేరాడ తిలక్‌ పాల్గొన్నారు.