స్పందనకు .... స్పందించి..



*స్పందనకు .... స్పందించి..


.*


పార్వతీపురం (ఇజ్జకాయ, గుమ్మలక్ష్మిపురం మండలం), అక్టోబరు 26 (ప్రజా అమరావతి): స్పందనలో అందిన ఆర్జీకి స్పందించారు పంచాయతీరాజ్ పర్యవేక్షణ ఇంజినీర్ డా.ఎం.వి.జి.కృష్ణాజి. బుధవారం స్వయంగా గుమ్మ లక్ష్మీ పురం మండలం ఇజ్జకాయ గ్రామానికి బయలుదేరారు.  దబ్బాలపాడు వరకు కారులో వెళ్లారు. ఇజ్జకాయ వెళ్లాలంటే కారు వెళ్లదు. దబ్బలపాడు నుండి ఇజ్జకాయ వరకు 3.50 కిలోమీటర్లు. వెంటనే అచ్చట ఉన్న ఒక వ్యక్తి మోటార్ సైకిల్ పై గ్రామాన్ని చేరుకున్నారు. రహదారి, గ్రామ పరిస్థితులను పరిశీలించారు. జిల్లా కలెక్టర్ స్పందనకు ఇజ్జకాయ గిరిజన గ్రామస్తులు కిల్లక రాజు, ప్రభాకర రావు, భీమా రావు బృందం వచ్చి గ్రామానికి దబ్బలపాడు నుండి రహదారి సౌకర్యం కల్పించాలని కోరారు. జిల్లా కలెక్టర్ ఇజ్జకాయ రహదారి దరఖాస్తును పంచాయతీరాజ్  పర్యవేక్షణ ఇంజినీర్ కు అందిస్తూ నివేదిక సమర్పించాలని ఆదేశించారు.


*రహదారి అవసరం*


"మాకు రహదారి కావాలి. రహదారి లేక అనేక ఇబ్బందులను గ్రామం ఎదుర్కొంటుంది. రహదారి వస్తే సమస్యలు తీరుతాయి" - ఇది ఇజ్జకాయ గ్రామస్తుల విజ్ఞప్తి. సరైన రహదారి సౌకర్యం లేక విలువైన ప్రాణాలు కోల్పోతున్నట్లు గ్రామస్తులు తెలిపారు. శ్రమ దానంతో వేసిన రహదారి రాళ్ళు తేలి దుర్భరంగా తయారయ్యిందని పేర్కొన్నారు. అత్యవసర పరిస్థితుల్లో అగమ్యగోచరంగా ఉందని వివరించారు. రేషన్ తీసుకోవాలి అంటే కొండ దిగి బీరుపాడు వెళ్ళాలని, అనారోగ్యం ఉన్న వ్యక్తిని లేదా గర్భిణీలకు ఆసుపత్రికి ప్రసవానికి తీసుకువెళ్లాలన్నా దబ్బలపాడు వరకు డోలి మీద తీసుకు వెళ్లి గుమ్మలక్ష్మి పురంకు వాహనం మీద తీసుకు వెళ్ళాలని వివరించారు. రహదారి సౌకర్యం లేక ఎన్నో విలువైన ప్రాణాలు కోల్పోయిన సంఘటనలు ఉన్నాయని పేర్కొన్నారు. ఇజ్జకాయ గ్రామంలో 70 గిరిజన కుటుంబాలు ఉన్నాయి. రహదారి సౌకర్యం కోసం అనేక సార్లు స్పందన కార్యక్రమంలో దరఖాస్తు సమర్పించారు. చివరగా 2016లో  శ్రమదానంతో గ్రావెల్ రోడ్ నిర్మించుకున్నారు. కొంత మేర రహదారి సౌకర్యం ఏర్పడిందని ఆనందం కలిగింది. ఆనందం ఎక్కువ రోజులు నిలవలేదు. తరచూ వర్షాలు పడటంతో రహదారి కొద్ది రోజులలో కొట్టుకుపోయి మరల మామూలుగా మారింది. మరల స్పందనకు దరఖాస్తులు ప్రారంభం అయింది. పార్వతీపురం మన్యం జిల్లా ఏర్పడిన తరువాత స్పందనకు మరల దరఖాస్తులు చేయడంతో కలెక్టర్ స్పందించి పరిశీలనకు ఆదేశించారు. మోటారు సైకిల్ పై గ్రామానికి చేరుకున్న ఇంజినీరింగ్ అధికారిని చూసి గ్రామస్తులు ఆనందించారు. ఇప్పటి వరకు ఏ అధికారి రాలేదని మా రహదారి పరిశీలనకు రావడం సంతోషదాయకమని చెప్పారు. 


 గ్రామస్తులతో డా.ఎం.వి.జి.కృష్ణాజి మాట్లాడుతూ గొయ్యిపాడు నుండి ఇజ్జకాయ రోడ్ మంజూరు అయిందన్నారు. దానిని పూర్తి చేయుటకు ముందుగా చర్యలు తీసుకుంటామని కృష్ణాజి చెప్పారు. దబ్బలపాడు నుండి ఇజ్జకాయ వరకు 3.50 కిలోమీటర్లు మంజూరు ప్రయత్నిస్తామని చెప్పారు. గ్రామాన్ని బాగుచేసుకోవాలనే ఆలోచన ఉందని దానిని పక్కాగా అమలు చేయాలని కృష్ణాజి కోరారు. సామాజిక దృష్టితో గ్రామస్తులు ఉండటాన్ని కొనియాడారు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image