ఆయకట్టు చివరి భూముల వరకు సాగునీరు అందించడం జరుగుతుంది


నెల్లూరు (ప్రజా అమరావతి);


జిల్లాలో  సుధీర్గ కాలంగా పెండింగ్ లో వున్న సంగం బ్యారేజి, నెల్లూరు బ్యారేజి  నిర్మాణాలను పూర్తి చేసి  జిల్లా రైతాంగానికి అందించిన  రాష్ట్ర ముఖ్యమంత్రి శ్రీ వైఎస్. జగన్మోహన్ రెడ్డి గారికి, జిల్లా రైతు సంఘాల పక్షాన, రైతుల పక్షాన ప్రత్యేక ధన్యవాదాలు తెలుపుతున్నట్లు రాష్ట్ర వ్యవసాయ, సహకార, మార్కెటింగ్, ఫుడ్ ప్రాసెసింగ్  శాఖ మంత్రి శ్రీ కాకాణి గోవర్ధన్ రెడ్డి పేర్కొన్నారు.

ఆదివారం  ఉదయం  జిల్లా పరిషత్ సమావేశ మందిరంలో  జిల్లా కలెక్టర్ అధ్యక్షతన జరిగిన  జిల్లా సాగునీటి సలహా బోర్డు సమావేశంలో మంత్రి శ్రీ  గోవర్ధన్ రెడ్డి  ముఖ్య అతిధిగా పాల్గొని మాట్లాడుతూ,  జిల్లాలో సోమశిల, కండలేరు జలాశయాల కింద ఆయకట్టుకు సంబందించి 2022-23 సంవత్సరం మొదటి   పంటకు  సాగునీరు అందించేందుకు   ఈ రోజు జరిగిన  జిల్లా సాగునీటి సలహా బోర్డు సమావేశంలో 8.46 లక్షల ఎకరాలకు సంబందించి  84.6  టిఎంసిల నీటిని  కేటాయిస్తూ కమిటి తీర్మానించడం జరిగిందన్నారు.  జిల్లాలోని సాగు, త్రాగునీటి అవసరాలను దృష్టిలో వుంచుకొని ప్రణాళికాబద్దంగా ఖరీఫ్ పంట సాగుకు సంబందించి  ఆయకట్టు చివరి భూముల వరకు   సాగునీరు అందించడం జరుగుతుంద


ని   మంత్రి శ్రీ గోవర్ధన్ రెడ్డి తెలిపారు.  రైతులకు గిట్టుబాటు ధర కల్పించేలా  అన్నీ చర్యలు తీసుకోవడంతో పాటు  వారి సంక్షేమాన్ని దృష్టిలో వుంచుకొని  జిల్లాలో గడిచిన మూడు సంవత్సరాల్లో  సుమారు 14 లక్షల  మెట్రిక్ టన్నుల ధాన్యాన్ని కొనుగోలు చేయడం జరిగిందన్నారు. క్షేత్రస్థాయిలో పండించిన పంటకు మద్దతు ధర లేక   క్షేత్రస్థాయిలో రైతులు ఎదుర్కుంటున్న  సమస్యలను,  సాగునీటి పారుదల కాలువలకు  చేపట్టాల్సిన మరమ్మత్తులు, ఆధునీకరణ  పనులు,  తదితర అంశాలను   గౌరవ శాసన సభ్యులు,    రైతు సంఘాల నాయకులు కమిటీ దృష్టికి తీసుకురాగ మంత్రి శ్రీ  గోవర్ధన్ రెడ్డి స్పందిస్తూ,   శాసన సభ్యులు,  నీటి సంఘాల సభ్యుల సూచనలు, సలహాలను పరిగణలోకి తీసుకొని  రైతాంగానికి అవససరమైన సాగునీరు అందించేందుకు ప్రణాళికాబద్దంగా చర్యలు తీసుకోవడం జరుగుతుందన్నారు.  జిల్లాలో ప్రతిపాదించిన సాగునీటి కెనాల్స్ మరమ్మతులు, ఆధునీకరణ పనులు త్వరగా జరిగేలా  సంబంధిత శాఖల అధికారులకు ఆదేశాలు ఇవ్వడం జరుగుతుందని మంత్రి తెలిపారు. క్రాప్ డైవర్షన్ గురించి చర్చించడం జరుగుచున్నదని,  వరికి ప్రత్యామ్నాయ పంటలు  సాగు చేసేలా  రైతుల్లో అవగాహన కల్పిస్తున్నట్లు మంత్రి శ్రీ గోవర్ధన్ రెడ్డి తెలిపారు. పౌర సరఫరాల శాఖలో జరిగిన అవినీతిపై పూర్తి స్థాయిలో విచారణ జరుగుచున్నదని, అవినీతికి పాల్పడిన వారిని  వదిలిపెట్టడం జరగదని ఈ సంధర్భంగా మంత్రి  తెలిపారు. 


జిల్లా కలెక్టర్ శ్రీ కె.వి.ఎన్. చక్రధర్ బాబు మాట్లాడుతూ,  ఈ సంవత్సరం సకాలంలో వర్షాలు పడటం వలన  సోమశిల, కండలేరు జలాశయాల్లో  నీరు సమృద్దిగా ఉన్నాయని, జిల్లాలో  2022-23   ఖరీఫ్   పంటకు సాగునీటిని కేటాయించేందుకు  సోమశిల జలాశయం కింద  మొత్తం 5.51 లక్షల ఎకరాల ఆయకట్టుకు 55.1 టి.ఎం.సి.లు, అలాగే కండలేరు జలాశయం కింద   నెల్లూరు, తిరుపతి జిల్లాలో గల 2.95 లక్షల ఎకరాల ఆయకట్టుకు  29.5 టి.ఎం.సిల సాగు నీటిని  కేటాయించేలా ఈ సమావేశంలో ప్రతిపాదించడం జరిగిందని కలెక్టర్ తెలిపారు.  వరదలు, తుఫాన్లు వంటి  ప్రకృతి వైపరీత్యాలకు  గురి కాకుండా  ఖరీఫ్ సీజన్ కు  సంబందించి క్రాప్ సీజన్ కొంత ముందుకు తీసుకు రావడం జరిగిందని,   గ్రామ స్థాయిలో  నీటి సంఘాల సభ్యులను,  నీటిపారుదల శాఖ అధికారులను సమన్వయం చేసి  కేటాయించిన సాగునీటిని  ప్రతి చివరి ఆయకట్టు వరకు సాగు నీరు అందేలా చర్యలు తీసుకోవడం జరుగుతుందన్నారు.  పెండింగ్ లో వున్న  ఇరిగేషన్ కెనాల్స్ ఆధునీకరణ పనులపై ప్రత్యేక దృష్టి సారించి త్వరగా పూర్తి చేసేలా చర్యలు తీసుకోవడం జరుగుతుందని జిల్లా కలెక్టర్ తెలిపారు. 

ఈ సమావేశంలో   శాసన మండలి సభ్యులు శ్రీ వాకాటి నారాయణ రెడ్డి,  శ్రీ విఠపు బాలసుబ్రమణ్యం, కందుకూరు, ఉదయగిరి, కావలి శాసన సభ్యులు  శ్రీ మానుగుంట మహిధర్ రెడ్డి, శ్రీ మేకపాటి చంద్రశేఖర్ రెడ్డి,  శ్రీ రామిరెడ్డి ప్రతాప్ కుమార్ రెడ్డి, రైతు సంఘాల ప్రతినిధులు శ్రీ గోవింద రెడ్డి, శ్రీ కోటి రెడ్డి తదితరులు   ఆయా నియోజ వర్గాల్లో, జిల్లాలో  రైతులు ఎదుర్కుంటున్న సమస్యలు,   సాగునీటి కెనాల్స్ కు చేపట్టాల్సిన  మరమ్మత్తులు, ఆధునీకరణ పనులు  తదితర అంశాలను కమిటీ దృష్టికి తీసుకురావడం జరిగింది.


ఈ సమావేశంలో   జిల్లా వ్యవసాయ సలహా మండలి ఛైర్మన్ శ్రీ దొడ్డంరెడ్డి నిరంజన్ బాబు రెడ్డి,  జాయింట్ కలెక్టర్ శ్రీ కూర్మనాథ్, జిల్లా రెవెన్యూ అధికారి శ్రీమతి వెంకట నారాయణమ్మ, తెలుగు గంగ ప్రాజెక్ట్ సి.ఈ  శ్రీ కె. హరి నారాయణ రెడ్డి,  నీటి పారుదల శాఖ ఎస్.ఈ శ్రీ పి. కృష్ణమోహన్,  సోమశిల ప్రాజెక్ట్ ఎస్.ఈ శ్రీ రమణా రెడ్డి, తెలుగు గంగ ప్రాజెక్ట్ స్పెషల్ కలెక్టర్ శ్రీ సుధాకర రావు,  నెల్లూరు, ఆత్మకూరు, కావలి ఆర్.డి.ఓ లు శ్రీ మాలోల, శ్రీమతి కరుణకుమారి, శ్రీ శీనా నాయక్, జిల్లా వ్యవసాయ శాఖాధికారి శ్రీ సుధాకర రాజు,  జిల్లాలోని నీటి  యాజ్యమాన్య  సంఘాల ప్రతినిధులు,  రైతు సంఘాల ప్రతినిధులు, నీటి పారుదల శాఖ ఇంజినీరింగ్ అధికారులు  తదితరులు పాల్గొన్నారు. 


Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image