ఈ రోజు నెల్లూరు రాకపోయి ఉంటే జీవితంలో ఓ మంచి అనుభూతిని కోల్పోయి ఉండేవాణ్నని



నెల్లూరు, అక్టోబర్ 3 (ప్రజా అమరావతి);


అంత్యోదయ మార్గంలో గ్రామీణ ప్రజలకు, యువతకు, అణగారిన వర్గాలకు స్వర్ణభారత్ ట్రస్ట్ అందిస్తున్న సేవలు అభినందనీయమని లోక్ సభ సభాపతి శ్రీ ఓం బిర్లా తెలిపారు. 


సోమవారం ఉదయం హెలికాఫ్టర్ ద్వారా వెంకటాచలం లోని అక్షర విద్యాలయానికి చేరుకున్న లోక్ సభ స్పీకర్ శ్రీ ఓంబిర్లా కు జిల్లా కలెక్టర్ శ్రీ కెవియన్ చక్రధర్ బాబు, పార్లమెంట్ సభ్యులు శ్రీ వేమిరెడ్డి ప్రభాకర రెడ్డి, శ్రీ ఆదాల ప్రభాకర రెడ్డి,జిల్లా ఎస్ పి విజయారావు జాయింట్ కలెక్టర్ రొనంకి కూర్మనాధ్, నగరపాలక సంస్థ కమిషనర్ హరిత పుష్ప గుచ్చాలతో ఘనంగా స్వాగతం పలికారు.



అనంతరం లోక్ సభ స్పీకర్ ఓంబిర్లా పూర్వ ఉపరాష్ట్రపతి శ్రీ ముప్పవరపు వెంకయ్యనాయుడు తో కలిసి స్వర్ణభారత్ ట్రస్ట్ – సోమ సాంకేతిక శిక్షణా సంస్థ అందిస్తున్న పలు శిక్షణా కార్యక్రమాలను పరిశీలించారు. అనంతరం సోమ ప్రాంగణంలో ఏర్పాటు చేసిన విజయ సారధి డ్రైవింగ్ పాఠశాలను ప్రారంభించారు. అనంతరం స్వర్ణభారత్ ట్రస్ట్ కు చేరుకున్న ఆయన ట్రస్ట్ అందిస్తున్న పలు సేవా కార్యక్రమాల గురించి అడిగి తెలుసుకున్నారు. ముప్పవరపు ఫౌండేషన్ ను సందర్శించి అక్కడి శిక్షణార్థులతో ముచ్చటించారు. అనంతరం స్వర్ణభారత్ ట్రస్ట్ లో అనన్య పారామెడికల్ కోర్సుల శిక్షణా కేంద్రాన్ని, అక్కడి కౌసల్యా సదన్ లో ఏర్పాటు చేసిన ప్రజ్ఞ డ్రోన్ పైలట్ ట్రైనింగ్  కేంద్రాన్ని ప్రారంభించారు. అనంతరం దసరా ఉత్సవాలను ప్రారంభించిన ఆయన, ప్రతిభను కనపరచిన పలువురు విద్యార్థులకు ప్రతిభా పురస్కారాలను అందజేశారు.


ట్రస్ట్ అందిస్తున్న సేవా కార్యక్రమాలు తనకు ఎంతో ఆనందాన్ని పంచాయన్న లోక్ సభ స్పీకర్ ఓం బిర్లా, ఈ రోజు నెల్లూరు రాకపోయి ఉంటే జీవితంలో ఓ మంచి అనుభూతిని కోల్పోయి ఉండేవాణ్నని


తెలిపారు. గ్రామీణ ప్రాంతాలకు అధునాతన సాంకేతికతను చేరువ చేస్తున్న స్వర్ణభారత్ సేవలను అభినందించిన ఆయన, జీవితంలో యువత నిలదొక్కుకునేందుకు డ్రైవింగ్ శిక్షణా కేంద్రాన్ని ప్రారంభించటం, అదే విధంగా ఈ రోజు పుష్కలమైన అవకాశాలు ఉన్న డ్రోన్ పైలట్ శిక్షణా కేంద్రాన్ని ప్రారంభించటం ఆనందంగా ఉందని తెలిపారు. కోవిడ్ సమయంలో వైద్య సిబ్బంది కొరత ప్రస్ఫుటంగా కనిపించిందని, ఈ నేపధ్యంలో పారామెడికల్ కోర్సుల ద్వారా వైద్య రంగంలో సహాయకుల కొరత తీరగలదని ఆకాంక్షించారు.


వెంకయ్యనాయుడు గారిని విద్యార్థి దశ నుంచి చూస్తూ, పార్టీలో కార్యకర్త స్థాయి నుండి ప్రస్తుత స్థితి కి ఎదిగానన్న ఓంబిర్లా, రాజకీయాలతో సంబంధం లేకుండా వారు అందించిన, అందిస్తున్న స్ఫూర్తి ఎంతో విలువైనదన్నారు. వారన్నా, వారు మాట్లాడే తీరన్నా అభిమానించని వారు ఎవరూ ఉండరన్న ఆయన, ఈతరానికి స్ఫూర్తిని పంచే నాయకుల్లో ఆయన ప్రథమ స్థానంలో ఉంటారని తెలిపారు. ఓ వైపు రాజకీయాల్లో బిజీగా ఉంటూ, స్వర్ణభారత్ ట్రస్ట్ లాంటి సేవా సంస్థను ఏర్పాటు చేయాలన్న వారి ఆలోచన, వారిలోని సేవా నిరతి కి మంచి ఉదాహరణని తెలిపారు.


విజయదశమి దుష్టసంహారం – సామాజిక జాఢ్యాలపై పోరాటం

                       ........వెంకయ్యనాయుడు


ఈ సందర్భంగా విద్యార్థులనుద్దేశించి మాట్లాడిన పూర్వ ఉపరాష్ట్రపతి శ్రీ ముప్పవరపు వెంకయ్యనాయుడు జీవితంలో అన్నీ మనం ఊహించినట్లు జరగవని తెలిపారు. ముఖ్యంగా అధికారానికి మనం దగ్గరగా వెళ్ళే కొలదీ దూరమౌతుందని, దూరంగా జరిగే కొలదీ దగ్గరవుతుందన్నారు. జీవితంలో ఏదీ ఆశించకుండా పని చేసుకుంటూ ముందు సాగడం వల్ల ప్రశాంతంగా అనుకున్నది చేయగలిగానని, ప్రజలకు చేసిన సేవ అధికారంగా మారి, మరింత సేవ చేసే అవకాశానిచ్చిందన్నారు.

సేవకు తావు లేని జీవితం రుచి లేని భోజనం లాంటిదన్న వెంకయ్యనాయుడు ప్రతి ఒక్కరూ జీవితంలో సేవను ఓ భాగంగా చేసుకోవాలని ఆకాంక్షించారు. ఈ  సందర్భంగా ప్రజలకు దసరా శుభాకాంక్షలు తెలియజేసిన ఆయన విజయదశమి దుష్టసంహారానికి చిహ్నమని, అవినీతి లాంటి సామాజిక జాఢ్యాలపై విజయదశమి పోరాట స్ఫూర్తిని రగిలించాలని ఆకాంక్షించారు.


ఈ కార్యక్రమంలో లోక్ సభ సభ్యులు మాగుంట శ్రీనివాసులు రెడ్డి, మాజీ కేంద్ర మంత్రి సుజనా చౌదరి, స్వర్ణభారత్ ట్రస్ట్ ఛైర్మన్ కామినేని శ్రీనివాస్, స్వర్ణభారత్ ట్రస్టీ దీపా వెంకట్, ముప్పవరపు ఫౌండేషన్ చైర్మన్ ముప్పవరపు హర్షవర్ధన్, ప్రముఖ గాయకులు గంగాధర శాస్త్రి తదితరులు పాల్గొన్నారు.


కార్యక్రమ ప్రారంభంలో అక్షర విద్యాలయంలోని స్వామి వివేకానంద, సర్దార్ వల్లభభాయ్ పటేల్ విగ్రహాలకు లోక్ సభ స్పీకర్ ఓం బిర్లా, భారత పూర్వ ఉపరాష్ట్రపతి ముప్పవరపు వెంకయ్యనాయుడు నివాళులు అర్పించారు.


కార్యక్రమ అనంతరం స్వర్ణభారత్ ట్రస్ట్ లోని బ్రిడ్జి స్కూలును తమ వివాహ మహోత్సవం సందర్భంగా దత్తత తీసుకుంటున్నట్లు వెంకయ్యనాయుడు గారి మనుమరాలు  సుష్మ – కిషన్ దంపతులు ప్రకటించారు. వారికి ఓంబిర్లా, వెంకయ్య నాయుడు అభినందనలు తెలియజేశారు. శుభాకార్యాల్లో భాగంగా సేవా కార్యక్రమాలను సైతం నిర్వహించాలన్న వారి చొరవ యువతరానికి ఆదర్శనీయమని తెలిపారు.



Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
Shiv Nadar University Chennai inaugurated its flagship Quiz Competition - QUBIZ
Image
మేలైన యాజమాన్య పద్ధతులు పాటించేలా చేసే రైతులకు సర్టిఫికేషన్
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image