టిటిడి నుంచి కనకదుర్గమ్మకు పట్టు వస్త్ర సమర్పణ



టిటిడి నుంచి కనకదుర్గమ్మకు పట్టు వస్త్ర సమర్పణ



విజయవాడ ఇంద్రకీలాద్రి : అక్టోబర్, 4 (ప్రజా అమరావతి);


శరన్నవరాత్రి ఉత్సవాలలో భాగంగా మంగళవారం 9వ రోజు కనకదుర్గమ్మ మహిషాసుర మర్దని దేవి అంకారంలో భక్తులకు దర్శనమిస్తున్న కనకదుర్గమ్మకు తిరుమల తిరుపతి. దేవస్థానం తరపున సారెను  చైర్మన్ వై.వి. సుబ్బారెడ్డి పట్టు వస్త్ర సమర్పణ గావించారు. ముందుగా ఆలయ ఈవో డి.భ్రమరాంబ, జిల్లా కలెక్టర్ ఎస్. డిల్లీరావు, నగర మేయర్ రాయన భాగ్యలక్ష్మీ, మంగళవాయిద్యముల నడుమ ఆలయ మర్యాదలతో పూర్ణకుంభతో స్వాగతం పలికారు. పట్టు వస్త్ర సమర్పణ, అమ్మవార్ల దర్శనానంతరం వేదపండితులు ఆశీర్వచనం చేయగా ఆలయ ఈవో భ్రమరాంబ అమ్మవారి శేషవస్త్రం, అమ్మవారి చిత్రపటము, ప్రసాదములు అందజేశారు.


అనంతరం దేవస్థాన మీడియా పాయింట్ వద్ద టిటిడి చైర్మన్ వై.వి. సుబ్బారెడ్డి మాట్లాడుతూ టిటిడి దేవస్థానం తరఫున ఇంద్రకీలాద్రిపై వేంచేసియున్న కనకదుర్గమ్మకు పట్టు వస్త్రాలు సమర్పించడం ఆనవాయితీగా వస్తుందని అన్నారు. తిరుమల తిరుపతి దేవస్థానంలో స్వామివారి సాలికట్ల బ్రహ్మోత్సవాల సందర్భంగా ముఖ్యమంత్రి వైయస్ జగన్మోహన్రెడ్డి ఆదేశాల మేరకు  భక్తులకు ప్రత్యేక ఏర్పాట్లు చేయడం జరిగిందన్నారు.


అదే రీతిలో విజయవాడ ఇంద్రకీలాద్రిపై వేంచేసియున్న దుర్గమ్మకు కూడా అదే మాదిరిగా ఏర్పాట్లు చేసారన్నారు.  భక్తులకు ఎటువంటి అసౌకర్యం కలగకుండా త్వరితగతిన శీఘ్రదర్శనం కలిగే విధంగా ఏర్పాట్లు చేశారని అన్నారు. మూలా నక్షత్రం రోజున సుమారు 2 లక్షల 50 వేల మంది భక్తులు అమ్మవారిని దర్శించుకున్నారని తెలిపారు. రాష్ట్రంలో ప్రజలందరు సుఖంగా సంతోషంగా ఉండాలని ముఖ్యమంత్రి జగన్మోహన్ రెడ్డి పాలనలో రాష్ట్రంలో సకాలంలో వర్షాలు పడి పంటలు బాగా పండాలని రైతులు సుఖంగా సంతోషంగా ఉండాలని కలియుగ దైవం వెంకటేశ్వరస్వామిని, విజయవాడ కనకదుర్గమ్మను వేడుకుంటున్నానన్నారు. కుమ్మరిపాలెం సెంటర్ లోని టిటిడికి చెందిన స్థలంలో చౌల్ట్రీగాని, షెడ్లుగాని నిర్మిస్తామని అలాగే ఇంద్రకీలాద్రి కనకదుర్గమ్మ ఎదురుగా వేంచేసియున్న ప్రాచీన క్షేత్రపాలకుడు ఆంజనేయస్వామికి దాతల సహాయంతో ఆలయాభివృద్ధి గావించి బంగారపు తొడుగు గావిస్తామని టిటిడి చైర్మన్ వై వి సుబ్బారెడ్డి తెలిపారు.



Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image