రాష్ట్ర ముసాయిదా ఓటర్ల జాబితా ఖరారు

 *రాష్ట్ర ముసాయిదా ఓటర్ల జాబితా ఖరారు


*

*•3,98,54,093 సాధారణ,సర్వీస్ ఓటర్లతో ముసాయిదా జాబితా ప్రచురణ*

*•క్లైమ్స్ మరియు అభ్యంతరాలను  డిశంబరు 8 వరకూ స్వీకరిస్తారు*

*•నవంబరు 19,20&డిశంబరు 3,4 తేదీల్లో ప్రత్యేక క్యాంపైన్ల నిర్వహణ*

*•2023 జనవరి 1 నాటికి 18 ఏళ్లు నిండే వాళ్లు ఓటర్లుగా నమోదు అయ్యేందుకు అర్హులు*

*•2023 ఏప్రిల్, జూలై & అక్టోబర్ 1 నాటికి 18 ఏళ్లు నిండే వాళ్లు ఓటర్లుగా నమోదు అయ్యేందుకు ముందుగా ధరఖాస్తు చేసుకోవచ్చు*

*•నిరాశ్రయులకూ ఓటరుకార్డు ఇవ్వాలని భారతఎన్నికల సంఘం నిర్ణయం*

*•2023 జనవరి 5 న తుది ఓటర్ల జాబితా ప్రచురణ*

*రాష్ట్ర ప్రధాన ఎన్నికల అధికారి ముకేష్ కుమార్ మీనా* 

                                                 

అమరావతి, నవంబరు 9 (ప్రజా అమరావతి): భారత ఎన్నికల సంఘం ఓటర్ల జాబితా సవరణ కార్యక్రమాన్ని ప్రకటించిన నేపథ్యంలో రాష్ట్రానికి సంబందించిన ముసాయిదా ఓటర్ల జాబితాను నేడు ప్రకటించడం జరిగిందని రాష్ట్ర ప్రధాన ఎన్నికల అధికారి ముకేష్ కుమార్ మీనా తెలిపారు. బుధవారం అమరావతి సచివాలయం నాల్గోబ్లాక్ లోని పబ్లిసిటీ సెల్ లో ఆయన పాత్రికేయులతో మాట్లాడుతూ మొత్తం 3,98,54,093 మంది సాధారణ, సర్వీస్ ఓటర్లతో ఈ ముసాయిదా జాబితా ఖరారు చేయడం జరిగిందన్నారు. ఈ మొత్తం ఓటర్లలో 3,97,85,978 మంది సాధారణ ఓటర్లు కాగా మిగిలిన 68,115 మంది సర్వీసు ఓటర్లని ఆయన తెలిపారు. అదే విధంగా ఈ మొత్తం ఓటర్లలో 2,01,34,621 మంది మహిళా ఓటర్లు, 1,97,15,614 మంది పురుష ఓటర్లు కాగా మిగిలిన 3,858 మంది ట్రాన్స్ జెండర్ ఓటర్లని ఆయన వివరించారు. జనాభా నిష్పత్తి ప్రకారం 724 మంది ఓటర్లు, లింగ నిష్పత్తి ప్రకారం 1,025 మంది ఓటర్లు ఉన్నారన్నారు. తుది ఓటర్ల                జాబితా-2022 తదుపరి ఈ ముసాయిదా ఓటర్ల జాబితాలో 2,41,463 మందిని ఓటర్లుగా నమోదు చేయడం జరిగిందని, 11,23,829 మంది తొలగించడం జరిగిందన్నారు. ఈ తొలగించిన ఓటర్లలో 40,345 మంది మరణించినట్లుగా, 31,158 మంది వేరే ప్రాంతాలకు తరలి పోయినట్లుగా మరియు 10,52,326 మంది ఓటర్ల పేర్లు పునరావృతం అయినట్లుగా గుర్తించడం జరిగిందని తెలిపారు.  ఓటర్ల జాబితాలో బహుళ ఎంట్రీలతో పాటు ఫొటో, జనాభా పరంగా సారూప్యంగా ఉన్న ఓటర్లను తొలగించేందుకు ఒక ప్రత్యేక సాప్టువేర్ ను అభివృద్ది పర్చడం జరిగిందన్నారు. ఈ ప్రక్రియ ద్వారా గత ఓటర్ల జాబితాలో భారత ఎన్నికల సంఘం గుర్తించిన ఓటర్ల వివరాలను ఇ.ఆర్.ఓ.ల పరిశీలనకోసం అందుబాటులో ఉంచగా, పరిశీలన తదుపరి 10,52,326 మంది ఓటర్లను ఓటర్ల జాబితా నుండి తొలగించడం జరిగిందని ఆయన తెలిపారు.   ఈ విధంగా గత ఏడాది ఓటర్ల జాబితాతో పోలిస్తే ప్రస్తుత ముసాయిదా ఓటర్ల జాబితాలో  8,82,366 మంది ఓటర్లు తగ్గినట్లు ఆయన తెలిపారు. 

                                                                                                                                                                                                 ఈ ముసాయిదా ఓటర్ల జాబితా ప్రకారం అత్యధిక స్థాయిలో ఓటర్లు ఉన్న జిల్లాలు వరుసగా అనంతపురం (19,13,813 ఓటర్లు), కర్నూలు (19,13,654 ఓటర్లు), శ్రీ పొట్టి శ్రీరాములు నెల్లూరు (18,99,103 ఓటర్లు)  జిల్లాలు నిలిచాయని, అదే విధంగా అత్యల్ప స్థాయిలో ఓటర్లు ఉన్న జిల్లాలు వరుసగా అల్లూరిసీతారామరాజు (7,15,990 ఓటర్లు), పార్వతీపురం మన్యం (7,70,175 ఓటర్లు) మరియు బాపట్ల (12,66,110 ఓటర్లు) జిల్లాలు నిలిచాయని ఆయన తెలిపారు. 

                                                                                                                                                                                       ముసాయిదా ఓటర్ల జాబితాకు సంబందించి క్లైమ్స్ మరియు అభ్యంతరాలను ఈ ఏడాది  డిశంబరు 8 వరకూ స్వీకరించడం జరుగుతుందన్నారు.  ఓటర్ల నమోదు ప్రక్రియను వేగవంతం చేసేందుకు నవంబరు 19,20 మరియు డిశంబరు 3,4 తేదీల్లో ప్రత్యేక క్యాంపైన్లను కూడా  నిర్వహించడం జరుగుచున్నదన్నారు. 2023 జనవరి 1 నాటికి 18 ఏళ్లు నిండే వాళ్లు ఓటర్లుగా నమోదు అయ్యేందుకు అర్హులని, 2023 ఏప్రిల్, జూలై & అక్టోబర్ 1 నాటికి 18 ఏళ్లు నిండే వాళ్లు కూడా ఓటర్లుగా నమోదు అయ్యేందుకు ముందుగా ధరఖాస్తు చేసుకోవచ్చని ఆయన తెలిపారు. ఈ సారి నిరాశ్రయులకూ ఓటరు కార్డు ఇవ్వాలని భారత ఎన్నికల సంఘం నిర్ణయించిందని, ఎలాంటి గుర్తింపూ లేకపోయినా విచారణ అనంతరం వారికి ఓటరు కార్డు జారీ చేయడం జరుగుతుందని ఆయన తెలిపారు. 2023 జనవరి 5 న తుది ఓటర్ల జాబితాను ప్రచురించడం జరుగుతుందని ఆయన తెలిపారు. 

                                                                                                                                                                                            అదే విధంగా పలువురు పాత్రికేయులు అడిగిన ప్రశ్నలకు రాష్ట్ర ప్రధాన ఎన్నికల అధికారి సమాదానం చెపుతూ ఓటరు కార్డు కోసం ఆధార్ ను తప్పనిసరి చేయటం జరుగలేదని, అయితే ఓటరు కార్డుతో ఆధార్ అనుసంధాన ప్రక్రియ ఇప్పటికే 60 శాతం మేర పూర్తి అయ్యిందని ఆయన తెలిపారు. ఓటరు నమోదు ప్రక్రియలో  వాలంటీర్ల సేవలను వాడుకోవద్దని ఇప్పటికే కలెక్టర్లకు ఆదేశాలను జారీచేశామన్నారు. ఎమ్మెల్సీ పట్టభద్రులు, టీచర్ల ఓటర్ల నమోదు ప్రక్రియపై ఫిర్యాదులు వచ్చాయని,  దీనిపై  విచారణ జరిపి తప్పుడు ధృవీకరణ ఇచ్చే అధికారులపై చర్యలు తీసుకుంటామన్నారు. 

                                                                                                                                                                                                 రాష్ట్ర ప్రధాన ఎన్నికల అధికారి కార్యాలయం డిప్యూటీ సెక్రటరీ వెంకటేశ్వరరావు  సమావేశంలో పాల్గొన్నారు. 

                                                                                                                                                                                     

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
बर्खास्त होंगे उत्तराखंड विधानसभा सचिवालय के 228 कर्मी, हाईकोर्ट ने फैसला सही कहा।
Image