ఢిల్లీ మద్యం కుంభకోణంలో అరెస్టయిన వారితో వైఎస్సార్‌సీపీకి గానీ, విజయసాయిరెడ్డికి గానీ ఎలాంటి సంబంధం లేదు : సజ్జల రామకృష్ణారెడ్డి



 తాడేపల్లి (ప్రజా అమరావతి);


*సంక్షేమం, అభివృద్ధిని సహించలేకే.. జగన్ ప్రభుత్వంపై  టీడీపీ-జనసేన విష ప్రచారం:  వైఎస్సార్ సీపీ* 


*ఢిల్లీ మద్యం కుంభకోణంలో అరెస్టయిన వారితో వైఎస్సార్‌సీపీకి గానీ, విజయసాయిరెడ్డికి గానీ ఎలాంటి సంబంధం లేదు : సజ్జల రామకృష్ణారెడ్డి*.


విశాఖలో మొదలైన చంద్రబాబు, పవన్ కళ్యాణ్ డ్రామా ఇప్పటంలో తారస్థాయికి చేరిందని వైఎస్సార్ సీపీ ప్రధాన కార్యదర్శి సజ్జల రామకృష్ణారెడ్డి విమర్శించారు. ఇద్దరూ కలిసి ఒక ప్రణాళికతో విశాఖ ఎయిర్ పోర్ట్ లో మంత్రులపై దాడి చేయించారని, ఆ తర్వాత విజయవాడ నోవాటెల్ లో ప్రజాస్వామ్య పరిరక్షణ పేరుతో కలిసి మంతనాలు చేశారని విమర్శించారు. ఇప్పుడు ఇప్పటానికి అప్పులోళ్లు వచ్చి వెళ్తున్నట్లుగా వాయిదాల పద్ధతిలో వస్తూ రాజకీయం చేస్తున్నారని ఆగ్రహం వ్యక్తం చేశారు. తాడేపల్లిలోని వైఎస్సార్ సీపీ కేంద్ర కార్యాలయంలో గురువారం నిర్వహించిన విలేకరుల సమావేశంలో ఆయన తెలుగుదేశం, జనసేన పార్టీల అసత్య ప్రచారాలను తిప్పికొట్టారు. చంద్రబాబు ప్లాన్ చేస్తే, పవన్ అమలు చేస్తారని, ఇప్పటంలో ఎక్కడా ఇళ్ల కూల్చివేత జరగకపోయినా దుష్ప్రచారం చేస్తున్నారని మండిపడ్డారు. 


గతంలో టీడీపీతో పొత్తు పెట్టుకోనని, ఓట్లు చీల్చనని ప్రతిజ్ఞ చేసిన పవన్ కల్యాణ్ ఇప్పుడు ప్రజాస్వామ్యాన్ని కాపాడుకోవాల్సిన అవసరం వస్తే టీడీపీతో పొత్తు పెట్టుకుంటానని చెబుతున్నారని సజ్జల అన్నారు. వైఎస్సార్‌ సీపీ పాలనలో ప్రజాస్వామ్యం నాశనమైందని చూపేందుకు అనేక చోట్ల వారే సమస్యలు సృష్టించి, తిరిగి వైఎస్సార్‌ సీపీ నుంచి ప్రజాస్వామ్యాన్ని కాపాడేందుకు టీడీపీ, జేఎస్‌పీ అధికారంలోకి రావాలని ప్రచారం చేస్తున్నారని దుయ్యబట్టారు. అయితే వారు ప్రచారం చేస్తున్నది తప్పుడు సమాచారమని తాము ఆధారాలతో స్పష్టం చేస్తున్నామని వివరించారు. 


బాబు, పవన్ ల కలయికకు హేతుబద్ధమైన కారణాలేంటో ప్రజలకు చెప్పాల్సిన అవసరం ఉందని సజ్జల డిమాండ్ చేశారు. అవాస్తవాలను ప్రచారం చేస్తూ, ప్రజాస్వామ్యాన్ని పరిరక్షించడానికంటూ వారు చెబుతున్న మాటలను ప్రజలు విశ్వసించబోరన్నారు. అధికారంలోకి రావడానికి ఆయన చేసే చీప్ ట్రిక్స్ ను ప్రజలు నమ్మరని స్పష్టం చేశారు.


ఇప్పటంలో పవన్ కళ్యాణ్ సృష్టించిన డ్రామా చూసి షాక్ అయ్యామని, అతడి ప్రవర్తన, కారుపై కూర్చున్న తీరు, ఆవేశంగా చేసే ప్రసంగం అవన్నీ సమస్యాత్మకంగా ఉన్నాయని సజ్జల పేర్కొన్నారు.  


*పవన్ సభకి స్థలమిచ్చిన ఎవ్వరి ఇళ్లు కూల్చలేదు...*

జనసేన సభకు స్థలాలిచ్చిన వారెవ్వరి ఇళ్లు కూల్చలేదని, అసలు ఇళ్లే పడగొట్టలేదని సజ్జల స్పష్టం చేశారు. రోడ్డు విస్తరణ కోసం ప్రహరీలను మాత్రమే తొలగించాల్సి వచ్చిందని, వాటిలో వైసీపీ వాళ్ల ఇళ్ల ప్రహరీలు కూడా ఉన్నాయని తెలిపారు. టీడీపీ, జనసేన కావాలనే ప్రభుత్వంపై బురదజల్లే ప్రయత్నం చేస్తున్నాయని వివరించారు.  


ఇప్పటం ఘటనపై విడతల వారీగా స్క్రిప్ట్‌ను రూపొందించి, నిజం కాని కథను రచించి, దానితో రాజకీయ మైలేజ్ పొందాలనుకుంటున్నారని, లేని సమస్యలను సృష్టించి విషం చిమ్ముతున్నారని మండిపడ్డారు.  


ప్రభుత్వం ఇప్పటికే ఎంతో చేస్తోందని, ఇంకా ఏమైనా చేయాలంటే సూచనలు అందిస్తే.. చేయడానికి తామెప్పుడూ సిద్ధమని సజ్జల హితవు పలికారు. డీబీటీ పథకాల ద్వారా సంక్షేమం, దిశ యాప్ ద్వారా భద్రత అందిస్తున్నామని, గత ప్రభుత్వం అలా చేయడంలో విఫలమైనందునే ప్రజలు ఓట్లతో శిక్షించారని గుర్తు చేశారు. 


ఎల్లో మీడియా ప్రజలకు తప్పుడు సమాచారం ఇస్తోందని, ప్రతి పథకాన్ని 70-80% సంతృప్తి శాతంతో పూర్తి చేశామని వివరించారు. కానీ ఎల్లో మీడియా మాత్రం ప్రభుత్వం చేయని 20 శాతాన్నే చూపిస్తూ వ్యతిరేక ప్రచారానికి దిగుతోందని ఆగ్రహం వ్యక్తం చేశారు. ప్రభుత్వంలోకి వచ్చాక రెండేళ్లపాటు కోవిడ్ వల్ల ఎన్నో ఇబ్బందులు ఎదురయ్యాయని, వాటిని అధిగమించి మేనిఫెస్టోలో ఇచ్చిన హామీలు నెరవేరుస్తున్నామని చెప్పారు. ప్రజలు దాన్ని గుర్తిస్తుంటే.. ఎల్లో మీడియా మాత్రం కళ్లు మూసుకుపోయి చూడలేకపోతోందని దుయ్యబట్టారు. 


*టీడీపీ, జనసేనలకు  జగనన్న హౌసింగ్ స్కీమ్ పై ఆడిట్ చేసే నైతిక హక్కు లేదు*

2014లో కలిసి పోటీ చేసినప్పుడు లబ్ధిదారులకు 3 సెంట్ల భూమి ఇస్తామన్న హామీ గుర్తుందా, మేనిఫెస్టోలో పెట్టిన హామీపై పీకే ఎప్పుడైనా చంద్ర బాబుని ప్రశ్నించారా అని సజ్జల నిలదీశారు. వైఎస్సార్ సీపీ ప్రజా ప్రభుత్వం వచ్చాక 71 వేల ఎకరాల్లో 17 వేల లే అవుట్‌లలో 31 లక్షల పట్టాలను సీఎం జగన్ పేదలకు పంపిణీ చేశారని, అది కనీసం కనిపించడం లేదా అని ప్రశ్నించారు. ఈ భూమి విలువ రూ. 56 వేల కోట్లుంటే ఇప్పుడు అక్కడ ఇళ్లు నిర్మించి ఇవ్వడం ద్వారా ఆర్థిక కార్యకలాపాలు పెరిగి, రూ. 3 లక్షల కోట్ల సంపదను ఉత్పత్తి చేస్తుందని వివరించారు. పేదల కోసం సంపద సృష్టించింది ఎవరో చూడాలని, దుష్ప్రచారం చేస్తున్న బాబు జీవితంలో ఎప్పుడైనా ఇలాంటి సంక్షేమ కార్యక్రమాలు చేశారా అని నిలదీశారు. పరస్పర విరుద్ధ వ్యాఖ్యలు చేయడం బాబుకు అలవాటని, ఏదో కుంభకోణం జరుగుతోందని చెబుతారని, తిరిగి పేదలకు భూమి లేదంటూ బురద జల్లే ప్రయత్నం చేస్తారని మండిపడ్డారు. దేశంలో ఇలాంటి సంక్షేమ కార్యక్రమాలు అమలవుతున్న దాఖలాలు లేవని, ఇంతటి సంక్షేమం సీఎం జగన్ ప్రభుత్వంతో తప్ప మరే ప్రభుత్వంతోనూ సాధ్యం కాదని స్పష్టం చేశారు. కోవిడ్‌ పరిస్థితులు ఉన్నా ఏ ఒక్క పథకాన్ని వదిలేయకుండా అమలు చేస్తున్నామన్నారు. ప్రతిపక్ష టీడీపీ దత్తపుత్రుడు పవన్ తో కలిసి రాజకీయ మైలేజ్ కోసం కట్టుకథలను ప్రచారం చేయడానికి ప్రయత్నిస్తున్నారని ఆగ్రహం వ్యక్తం చేశారు. చంద్రబాబు కుట్రలకు, దుష్ప్రచారానికి వచ్చే ఎన్నికల్లో ప్రజలే సమాధానం చెప్తారన్నారు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
Shiv Nadar University Chennai inaugurated its flagship Quiz Competition - QUBIZ
Image
మేలైన యాజమాన్య పద్ధతులు పాటించేలా చేసే రైతులకు సర్టిఫికేషన్
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image