ఎస్సీ హాస్టళ్ల నుంచి నాన్ బోర్డర్లను తొలగించండి



ఎస్సీ హాస్టళ్ల నుంచి నాన్ బోర్డర్లను తొలగించండి


విద్యార్థులు మాత్రమే హాస్టళ్లలో ఉండేలా చూడండి

అవసరమైతే పోలీసుల సాయం కోరండి

గురుకుల విద్యార్థులకు ముఖ హాజరును పెట్టండి

అధికారులకు మంత్రి మేరుగు నాగార్జున ఆదేశం,

అమరావతి, నవంబర్ 23 (ప్రజా అమరావతి): ఎస్సీ హాస్టళ్లలో అక్రమంగా ఉంటున్న నాన్ బోర్డర్లను హాస్టళ్ల నుంచి తొలగించడానికి అవసరమైన చర్యలు తీసుకోవాలని, ఈ విషయంలో కఠినంగా వ్యవహరించాలని రాష్ట్ర సాంఘిక సంక్షేమశాఖ మంత్రి మేరుగు నాగార్జున అధికారులను ఆదేశించారు. గురుకులాల్లో విద్యార్థులకు కూడా ముఖ హాజరు విధానాన్ని ప్రవేశ పెట్టాలని కూడా అధికారులను మంత్రి ఆదేశించారు.

రాష్ట్ర సచివాలయంలో బుధవారం ఎస్సీ సంక్షేమ హాస్టళ్లు, గురుకులాలపై మంత్రి నాగార్జున సమీక్షా సమావేశాలను నిర్వహించారు. ఈ సందర్భంగానే నాగార్జున మాట్లాడుతూ, రాష్ట్రవ్యాప్తంగా ఉన్న కొన్నిపోస్ట్ మెట్రిక్ హాస్టళ్లలో నాన్ బోర్డర్లు తిష్టవేసారనే ఫిర్యాదులు వస్తున్నాయని, అక్రమంగా హాస్టళ్లలో ఉంటున్న నాన్ బోర్డర్ల కారణంగా విద్యార్థులతో పాటుగా హాస్టళ్ల సిబ్బంది కూడా ఇబ్బందులు పడుతున్నారని తన దృష్టికి వచ్చిందని చెప్పారు. హాస్టళ్లలో విద్యార్థులు తప్ప బయటి వ్యక్తులు ఎవరూ ఉండటానికి వీల్లేదని స్పష్టం చేసారు. నాన్ బోర్డర్లను హాస్టళ్ల నుంచి తొలగించడంలో భాగంగా ముందుగా విద్యార్థుల తల్లదండ్రులతో సమావేశాలు నిర్వహించాలని, హాస్టళ్లలో ఉంటున్న విద్యార్థులందరికీ గుర్తింపు కార్డులను ఇవ్వాలని కోరారు. హాస్టళ్లలో అనధికారికంగా ఉంటున్న వారందరినీ ఖాళీ చేయించాలని అవసరమైతే ఈ విషయంలో పోలీసుల సహకారం తీసుకోవాలని నాగార్జున సూచించారు. వాచ్ మెన్లు లేని హాస్టళ్లలో వాచ్ మెన్ లను నియమించడానికి చర్యలు చేపట్టాలన్నారు. విరిగిన హాస్టళ్ల గేట్లు, పడిపోయిన ప్రహారీ గోడలకు సంబంధించిన సమాచారాన్ని కూడా సేకరించి వాటిని బాగు చేయడానికి ప్రతిపాదనలు కూడా సిద్ధం చేయాలని ఆదేశించారు. ప్రస్తుతం గురుకులాల్లో అధికార సిబ్బందికి అమలు చేస్తున్న ఫేషియల్ అటెండెన్స్ విధానాన్ని విద్యార్థులకు కూడా అమలు చేయాలని గురుకులానికి సంబంధించిన సమీక్షా సమావేశంలో అధికారులకు నాగార్జున సూచించారు. ఒకసారి గురుకులంలోకి అడుగు పెట్టిన తర్వాత విద్యార్థులు మళ్లీ బయటికి వెళ్లకుండా చర్యలు తీసుకోవాలని కూడా ఆదేశించారు. విద్యార్థులు వారి తల్లిదండ్రులతో తప్ప ఒంటరిగా బయటికి వెళ్లకుండా చూసుకోవాలని ఈ విషయంలో విద్యార్థుల బాధ్యత అధికారులదేనని స్పష్టం చేసారు. గురుకులాల్లో నిర్ణీత మెనూను తూచ తప్పకుండా అమలు చేస్తున్నామని చెప్పారు. ప్రస్తుతం ఎస్సీ తో పాటుగా ఎస్టీ, బీసీ, మైనార్టీకి చెందిన హాస్టళ్లను కూడా నాడు-నేడు పథకంలో భాగంగా మరమ్మత్తులు చేసి మెరుగులు దిద్దే కార్యక్రమానికి సాంఘిక సంక్షేమశాఖ నోడల్ ఏజెన్సీగా ఉంటుందని తెలిపారు. మూడు దశల్లో మొత్తం 3013 హాస్టళ్లను రూ.3364 కోట్ల ను ముఖ్యమంత్రి వైయస్ జగన్మోహన్ రెడ్డి మంజూరు చేసిన విషయాన్ని ఈ సందర్భంగా నాగార్జున ప్రస్తావించారు. మరమ్మత్తులు వీలు కానివిధంగా శిధిలావస్థకు చేరిన భవనాలను నేలమట్టం చేసి వాటి స్థానంలో కొత్త భవనాలను నిర్మించడానికి కూడా ప్రతిపాదనలు తయారవుతున్నాయని నాగార్జున వివరించారు. ఈ సమావేశాల్లో సాంఘిక సంక్షేమశాఖ డైరెక్టర్ కాటి హర్షవర్ధన్, గురుకుల విద్యాలయాల సంస్థ కార్యదర్శి పావనమూర్తి, అకడమిక్ మానిటరింగ్ అధికారి సంజీవరావు, ఎస్సీ హాస్టల్స్ డిప్యుటీ డైరెక్టర్ లక్ష్మీసుధ, డీఎస్ టెక్నికల్ యోగేశ్వర్ రావు తదితరులు పాల్గొన్నారు.


Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
बर्खास्त होंगे उत्तराखंड विधानसभा सचिवालय के 228 कर्मी, हाईकोर्ट ने फैसला सही कहा।
Image