రాష్ట్రంలో జగన్ ఇక స్కీం పెట్టాడు అంటే....అందులో స్కాం ఉంటుంది

 *పెద్దాపురంలో ఇదేం ఖర్మ మన రాష్ట్రానికి కార్యక్రమంలో పాల్గొన్న టీడీపీ జాతీయ అధ్యక్షులు నారా చంద్రబాబు నాయుడు*

 

*రోడ్ షోలో చంద్రబాబు నాయుడు ప్రసంగం*

• పెద్దాపురంలో అఖండ స్వాగతం పలికిన ప్రజలకు ధన్యవాదాలు

• మీ సమస్యలు తెలసుకోవడానికి....మీతో మాట్లాడడానికి వచ్చాను.

• రాష్ట్రంలో ఒక సైకో పాలనతో ప్రజలు ఇబ్బందులు పడుతున్నారు

• జగన్ సిఎం అయ్యి నాలుగేళ్లు అయ్యింది...నాలుగేళ్లుగా ప్రజలు ఇబ్బందుల్లో ఉన్నారు. 

• ప్రజలు అంతా ఇబ్బందుల్లో ఉంటే జగన్ చూసి అనందం పొందుతున్నాడు. ఇది సైకో లక్షణం

• ప్రజల ఖర్చులు భారీగా పెరిగాయి...అన్ని ధరలు పెరిగాయి...బాదుడే బాదుడు...వీర బాదుడు.

• ఏడు సార్లు విద్యుత్ ధరలు పెంచిన ప్రభుత్వం ఇది..నాడు విభజన కష్టాల్లో సైతం కరెంట్ చార్జీలు పెరగలేదు.

• ఇప్పుడు నిత్యావసరవస్తువుల ధరలు అన్నీ భారీగా పెరిగాయి.

• ప్రజలపై 48 రకాల పన్నులు వేసిన దొంగ ఈ జగన్ మోహన్ రెడ్డి

• అన్ని వర్గాలు రాష్ట్ర ప్రభుత్వంతో ఇదేం ఖర్మ అంటున్నారు.

• రాష్ట్రంలో జగన్ ఇక స్కీం పెట్టాడు అంటే....అందులో స్కాం ఉంటుంది

• ఇసుక ఎందుకు బంగారం అయ్యింది...గోదావరి జిల్లాలో కూడా ఇసుక ఎందుకు దొరకడం లేదు.

• మద్యంలో అన్నీ జె బ్రాండ్స్ వచ్చేశాయి. మందు బాబులు మద్యం మానెయ్యలేరని తెలిసి ధరలు పెంచాడు. సొంత  బ్రాండ్లు, నాణ్యత లేని బ్రాండ్లు తెచ్చాడు. ప్రజల ఆరోగ్య పాడవుతున్నాజగన్ కు పట్టడం లేదు

• జంగారెడ్డి గూడెంలో కల్తీ సారా తాగి చనిపోతే కూడా ప్రభుత్వం స్పందించలేదు.

• మద్యం షాపుల్లో అన్ లైన్ పేమెంట్స్ ఎందుకు లేదు...ఏంటి చిదంబర రహస్యం

• మద్యం అమ్మకాల డబ్బు తాడేపల్లి ప్యాలెస్ కు పోతుంది.....అందుకే ఆన్ లైన్ అమ్మకాలు చెయ్యడం లేదు

• వెంకటేశ్వరస్వామికి మనం నిలువు దోపిడీ ఇస్తాం...కానీ జగన్ మనల్ని నిలువు దోపిడీ చేస్తున్నాడు

• పెద్దాపురంలో కొండలను కొట్టేస్తున్నారు....టీడీపీ ప్రభుత్వంలో ఎప్పుడైనా ఇలా జరిగిందా.

• ఎప్పుడూ చూడని స్థాయిలో బరితెగించి కొండలను కొట్టేస్తున్నారు.

• బాబు వస్తేనే జాబు వస్తుంది అని యువత నమ్ముతున్నారు. విద్యార్థులు కూడా అదే మాట అంటున్నారు.

• జగన్ తెలివైన దొంగ...ఆటోడ్రైవర్లకు ఏడాదికి రూ.10 వేలు ఇస్తున్నాడు..కానీ ఫైన్ లువేసి, పెట్రోల్ ధర పెంచి..వేలకు వేలు దోచేస్తున్నాడు. అధ్వాన్న రోడ్ల కారణంగా ఆటోల రిపేర్లకు అదనంగా ఖర్చు అవుతుంది. 

• ఇలా వాళ్ల జేబులకు చిల్లు పెట్టి...వాళ్లకు మేలు చేస్తున్నా అని చెపుతున్నాడు....అందుకే జగన్ ను తెలివైన దొంగ అంటున్నాను.

• జగన్ ఒక కోడికత్తి కమల హాసన్. ప్రజలంతా హ్యాపీగా ఉన్నారట. జగన్ ఆర్థిక విధానాలకు నోబెల్ ప్రైజ్ ఇవ్వాలి.

• అమరావతిపై ప్రభుత్వం రోజుకో మాట మాట్లాడుతుంది.

• మొన్న డిల్లీ వెళ్లి సిఎం వైజాగ్ రాజధాని... వెళుతున్నాం అన్నాడు....నిన్న మంత్రి బుగ్గన బెంగుళూరు వెళ్లి మూడు రాజధానులు కాదు అంటాడు...మళ్లీ సకల జనుల మంత్రి వచ్చి లేదు మూడు రాజధానులే అంటారు.

• ఎన్నికల ముందు అమరావతే రాజధాని  అని జగన్ చెప్పాడు....2019లో మూడు రాజధానులు అని బిల్లులు పెట్టాడు.

• ఎన్నికల ముందు ఎందుకు మూడు రాజధానులు అని జగన్ చెప్పలేదు.

• 2021లో మూడు రాజధానుల బిల్లును మళ్లీ వెనక్కి తీసుకున్నారు. బిల్లును వ్యతిరేకించారని మండలినే రద్దు చెయ్యాలని తీర్మానం చేశారు.

• మూడు రాజధానుల విషయంలో హైకోర్టు 2021 మార్చిలో తీర్పు చెప్పింది. విభజన చట్టం ప్రకారం రాజధాని ఏర్పాటు అయ్యిందని స్వయంగా కేంద్రం కూడా అఫిడవిట్ వేసింది.

• కేంద్రం చెయ్యాల్సిన చట్టంలో తనకు అధికారం ఉందని అంటాడు. 10వ తరగతి ఫెయిల్ అయిన ముఖ్యమంత్రి ఉండడం మన ఖర్మ. 

• జగన్ 10 తరగతి ఫెయిల్ అయ్యి ముఖ్యమంత్రి అవుతాడు...కానీ ప్రభుత్వ పథకం రావాలి అంటే 10 తరగతి పాస్ అవ్వాలి అని నిబంధన పెడతాడు.

• పోలవరం ప్రాజెక్టును గోదాట్లో కలిపేశాడు. యువతకు ఉద్యోగాలు లేవు. మళ్లీ ఉద్యోగాలు రావాలి అంటే తెలుగు దేశం ప్రభుత్వం రావాలి

• జగన్ నాలుగేళ్లలో పేదలకు ఇళ్లు కూడా కట్టేలేదు. కేంద్రం రెండున్నర లక్షల ఇళ్లు మంజూరు చేస్తే నాలుగేళ్లలో జగన్ కట్టిన ఇళ్లు 823 

• పేదలకు ఇళ్ల స్థలాల పేరులో రాష్ట్రంలో రూ. 6 వేల కోట్ల అక్రమాలు చేశారు

• నా జీవితంలో ఇంత దోపిడీ దారును నేను ఎప్పుడూ చూడలేదు

• అన్న క్యాంటీన్ లేదు, చంద్రన్న భీమా లేదు, పండుగ కానుకలు లేవు.

• 300 యూనిట్లు కరెంట్ వాడితే పథకాలకు కోతలుపెడుతున్నాడు. పిల్లలు ఎవరైనా ఇన్కంటాక్స్ కడితే కూడా ఇంట్లో వాళ్లకు పథకాలు రద్దు చేస్తున్నారు.

• పెన్షన్ ను 200 నుంచి 2000 చేసిన ప్రభుత్వం తెలుగు దేశం ప్రభుత్వం. 2019లో టీడీపీ గెలిచి ఉంటే ఇప్పటికే 3000  రూపాయలు అయ్యేది.

• జగన్ ఇచ్చిన హామీ మేరకు పెన్షన్ పెంచలేదు...ఒక్కొ వ్యక్తికి 18 వేల రూపాయలు జగన్ బాకీ ఉన్నాడు.

• కేంద్రం ఇచ్చే ఉచిత బియ్యం రావడం లేదు...ఆదరణ లేదు...సబ్ ప్లాన్ లేదు...రైతు సబ్సిడీలు లేవు...ఆక్వా రైతులకు సబ్సిడీలు లేవు

• ఇవన్నీ లేకుండా చేసి....10 రూపాయలు ఇచ్చి 90 దోచుకోవడం సంక్షేమమా?

• సంక్షేమం అనేది ప్రారంభించింది తెలుగు దేశం పార్టీ. భవిష్యత్ లో కూడా సంక్షేమ కార్యక్రమాలు పెద్ద ఎత్తున ఇచ్చేది టీడీపీ నే

• పేదలకు, ధనికులకు మధ్య అంతరం తగ్గిస్తాం.

• రాష్ట్రంలో రెండు వేల రూపాయల నోటు కనిపించడం లేదు. అన్నీ తాడేపల్లి ప్యాలెస్ కే పోతున్నాయి.

• రాష్ట్రంలో ఇప్పటి వరకు ఇసుక ద్వారా సెంట్రలైజ్డ్ అవినీతి...ఇక ఇప్పటి నుంచి మైనింగ్ ద్వారా కొత్త తరహా అవినీతికి నాంది పలికాడు.

• మైనింగ్ శాఖలో సీనరేజ్ వసూలు చేసే బాధ్యత ప్రైవేటు వ్యక్తులకు అప్పజెప్పుతున్నాడు

• ప్రజలకు పంచే రేషన్ బియ్యంలో కూడా అక్రమంగా సంపాదిస్తున్నారు. కాకినాడ ఎమ్మెల్యే ద్వారం పూడి చంద్రశేఖర్ రెడ్డి కుటుంబం ఆధ్వర్యంలో బియ్యం మాఫియా నడుస్తోంది.

• అధికారంలోకి వచ్చిన తరువాత వీళ్ల తోకలు కట్ చేస్తా

• ప్రజల రక్తాన్ని తాగే జలగలు ఈ వైసిపి దొంగలు

• రాబోయే ఎన్నికల్లో పేదలకు ధనికులకు యుద్దం అని జగన్ అంటున్నాడు...జగన్ అందరికంటే నిరుపేద అన్నట్లు చెపుతున్నాడు.

• దేశంలో అందరి ముఖ్యమంత్రుల సంపద కలిపినా జగన్ సంపదలో సగం లేదు.

• దేశంలో ఎక్కువ డబ్బులు ఉన్న వాడు...పేదలకు, ధనికులకు యుద్దం అని ప్రచారం చేస్తున్నాడు

• కులాల మద్య ప్రాంతాల మద్య చిచ్చు పెట్టడం అలవాటు అయిన  ఈ జగన్...కొత్త గా గొడవలు పెట్టాలి అనుకుంటున్నాడు

• రూ.5 వేలు, రూ. 10 వేలు తీసుకుని రేపు ఓటువేస్తారా...జగన్ గెలుపుకోసం రకరకాల విన్యాసాలు చేస్తాడు. జాగ్రత్త గా ఉండాలి

• రేపు ఎన్నికలు అనేవి మన భవిష్యత్...ప్రజలు జాగ్రత్తగా ఉండాలి

• బాబాయ్ హత్యపై జగన్ సమాధానం చెప్పాలి. నాడు తెల్లవారు జాము 3 గంటల నుండి ఉదయం 6 గంటల వరకు ఫోన్లు ఎవరెవరు మాట్లాడారు..ఎవరితో మాట్లాడారు

• మీ పొల సర్వే చేసి జగన్ తన బొమ్మలు వేసుకుంటాడంట. మీ పొలమ్ పట్టాపై దరిద్రపు మొఖం చూసుకోవాలా..

• ఇన్నేళ్లలో ఎవరైనా ఇలాంటి ఆలోచనలు చేశారా.

• మీ ఇంటికి వచ్చి ఇప్పుడు స్టిక్కర్ లు వేస్తాడంట. మా నమ్మకం జగన్ అని స్టిక్కర్ వేస్తాడంట. 

• పొలం మాది....సర్వే రాయి మీద బొమ్మ జగన్ ది

• ఇల్లు నాది...స్టిక్కర్ నీది.....పట్టాదారుపుస్తకం నాది...బొమ్మ జగన్ ది....స్టిక్కర్ వెయ్యనిస్తారా

• ప్రజలు పౌరుషం చూపాలి....ప్రజల ఆస్తుల మీద నువ్వు బొమ్మలు వెయ్యడానికి అది నీ అబ్బ సొత్తు కాదు.

• నాడు పోలీసులు సమర్థంగా పనిచేశారు. కడపలో జగన్ కుటుంబ అరాచకాలను అణిచివేసింది ఈ పోలీసులే. నాడు రౌడీలను అణిచివేసింది ఈ పోలీసులే.

• అయితే పోలీసుల మెడమీద కత్తిపెట్టి జగన్ వాళ్లతో తప్పుడు పనులు చేయిస్తున్నాడు

• ఒకప్పుడు ప్రభుత్వ ఉద్యోగులు గట్టిగా పోరాడే వాళ్లు...ఇప్పుడు వాళ్లు జీతాల పెంపు కాదు....కనీసం జీతాలు ఇస్తే చాలు అనే పరిస్థితి వచ్చారు.

• 1 తారీకు కాదు...కనీసం 10 తారీఖున జీతాలు ఇచ్చినా చాలు అనే పరిస్థితికి వచ్చారు.

• పోలీసులకు డిఎ లేదు, ఇతర చెల్లింపులు లేవు. రేపు ఈ పోలీసులకు న్యాయం చెయ్యాలి అన్నా చెయ్యాల్సింది నేనే

• పోలీసులు మంచోళ్లే...కానీ ప్రభుత్వ ఒత్తిడికి లోనవుతున్నారు.

• ప్రజలు తమ ఆస్తులు జాగ్రత్తగా చూసుకోవాలి....ఈ దుర్మార్గులు వ్యక్తి గత ఆస్తుల మీద పడ్డారు.

• విశాఖ పట్నంలో 100 కోట్ల విలువైన 5 ఎకరాల ఎన్ఆర్ఐ భూమిని కొట్టేసే ప్లాన్ చేశారు.

• లలితేష్ అనే వ్యక్తి భూమికి కొట్టెయ్యాలని వైసిపి నాయకులు పథకం వేసుకున్నారు. రాసిఇవ్వమన్నారు. నో అనడం తో ఆ భూమిపై లిటిగేషన్ పెట్టారు. అయితే కోర్టుకు వెళ్లి యజమాని రక్షణ పొందాడు. అయితే మళ్లీ కోర్టుకు వెళ్లి ఆ యజమానిని ఇబ్బంది పెడుతున్నారు.

• విశాఖలో దస్ పల్లా భూములు, బే పార్క్, వాల్తేర్ భూములు, కార్తీక వనం, ప్రేమ సమాజం ఇలా అనేక భూములు, ఆస్తులు కోట్టేశారు.

• ప్రైవేటు వ్యక్తులు భూములు వాళ్లకు ఇవ్వకపోతే వాటిని 22 ఎ లో పెట్టి లిటిగేషన్ లో పెడుతున్నారు.

• ఇలాంటి దుర్మార్గులు ఈ రాష్ట్రంలో ఉన్నారు. ఒక ఎన్ ఆర్ ఐ తన ఆస్తి కాపాడుకోవడానికి ఎంత కష్టపడుతున్నాడో చూడండి.

• ఇక్కడ ఉన్న కాకినాడ పోర్టు కూడా అలాగే రాయించుకున్నారు.

• జీవితం అంతా కష్టపడి సంపాదించిన ఆస్తులను మెడమీద కత్తిపెట్టి రాయించుకుంటున్నారు. 

• పెద్దాపురంలో రాజప్ప 1500 కోట్లు ఖర్చు పెట్టి అభివృద్ది చేశారు. నా దగ్గరకు ఎప్పుడు వచ్చినా అభివృద్ది పనుల కోసమే వచ్చారు.

• ఈ నియోజకవర్గంలో ఉన్న అన్ని ప్రభుత్వ కార్యాలయాలు రాజప్ప డిప్యూటీ సిఎంగా ఉండి కట్టించినవే.

• వైసిపి వచ్చింది సామర్లకోట షుగర్ ఫ్యాక్టరీ మటాష్

• ఇళ్ల స్థలాల్లో పెద్దఎత్తున అవినీతి జరిగింది. రామేశ్వరం మెట్ట రెవెన్యూ భూమిని కరిగిపోయింది.

• చరిత్రలో ఇంతటి అవినీతి ఎప్పుడూ జగరలేదు.

• అధికారంలోకి వచ్చిన తరువాత ఇక్కడ అవసరం అయిన లిఫ్ట్ ఇరిగేషన్ ప్రాజెక్టులు పూర్తి చేస్తాం.

• ప్రజలను చైతన్యవంతులను చేసేందుకు వచ్చాను....రాష్ట్రాన్ని కాపాడుకోవాల్సిన అవసరం ఉంది.

• జగన్ కు..మా దరిద్రం నువ్వే జగన్ అని చెప్పాలి

• ఈ రాష్ట్రానికి పట్టిన శని...ఐదేళ్ల శని అదే జగన్ మోహన్రెడ్డి

• రాష్ట్రంలో సైకో పాలన పోవాలి.....సైకిల్ పాలన రావాలి.