*చిత్తూరు నియోజకవర్గం, కృష్ణాపురం గ్రామంలో యువతతో ముఖాముఖిలో లోకేష్ ప్రసంగం
• టీడీపీ అధికారంలోకి వచ్చాక విద్యావ్యవస్థలో కేజీ టు పీజీ సిలబస్ మారుస్తాం.
• చదువు పూర్తయిన వెంటనే ఉద్యోగావకాశాలు లభించేలా నైపుణ్యతతో కూడిన విద్యను ప్రవేశపెడతాం.
• మాతృభాషలో విద్యావ్యవస్థ కొనసాగుతుంది. ఇంగ్లీషు మీడియం కూడా ఉంటుంది.
• ఇవన్నీ అధికారంలోకి వచ్చిన సంవత్సరంలోపే ఇవన్నీ పూర్తిచేస్తాం. చదువుపై అవగాహన లేనివాడు సీఎం కావడం వల్ల రాష్ట్ర విద్యావ్యవస్థ సంక్షోభంలో చిక్కుకుంది.
• పేదవాళ్లు పీజీ చదవకూడదనే దురుద్దేశంతో ప్రభుత్వం జీఓ 77తెచ్చింది. దీనివల్ల ఫీజు రీయింబర్స్ మెంట్ నిలిపేశారు.
• ఫలితంగా పేద, బడుగు, బలహీన వర్గాల విద్యార్థులు డిగ్రీతోనే ఆగిపోవాల్సిన పరిస్థితి వచ్చింది.
• టీడీపీ అధికారంలోకి వచ్చాక ఫీజు రీయింబర్స్ మెంట్ విధానాన్ని పునరుద్ధరిస్తాం.
• వైసిపి ప్రభుత్వం స్పోర్ట్స్ కోటాను కూడా దుర్వినియోగం చేసింది. టీడీపీ అధికారంలోకి వచ్చాక టాలెంట్ ఉన్న ప్రతి ఒక్కరికీ న్యాయం జరిగిలే చూస్తాం.
• చంద్రబాబుగారితో మాట్లాడి చిత్తూరులో ప్రభుత్వ యూనివర్శిటీకి కృషి చేస్తాం. కొత్త కంపెనీలను కూడా రప్పించి యువత ఉద్యోగాల కోసం ఇతర రాష్ట్రాలకు వలస వెళ్లే పరిస్థితి లేకుండా చేస్తాం.
• చంద్రబాబు సీఎం అయ్యాక సచివాలయాల ఉద్యోగాలు తీసేస్తారని వైసిపి తప్పుడు ప్రచారం చేస్తోంది. ప్రక్షాళనచేసి సచివాలయాలను మరింత సమర్థవంతంగా నిర్వహిస్తాం. ఉద్యోగులెవరూ భయపడాల్సిన అవసరం లేదు.
• వైసీపీ పాలనలో రాష్ట్రంలోని ఏ పరిశ్రమకూ ప్రోత్సాహకాలు ఇవ్వడం లేదు.
• పరిశ్రమలన్నీ విద్యుత్ ఛార్జీలు,పన్నులకు భయపడి పక్క రాష్ట్రాలకు పారిపోతున్నాయి. వీటికి తోడు జగన్ కమీషన్లు కట్టలేక కంపెనీలన్నీ ఏపీని వదిలేస్తున్నాయి.
• జగన్ పాలనలో గంజాయి, డ్రగ్స్ లో ఏపీ నంబర్ వన్ స్థానంలో ఉంది. దేశంలో గంజాయి ఎక్కడ దొరికినా అది ఏపీదే అవుతోంది. ఈ విషయాన్ని కర్ణాటక పోలీస్ డీఎస్పీనే చెప్పారు.
• టీడీపీ అధికారంలోకి వచ్చాక రాష్ట్రాన్ని గంజాయి, డ్రగ్స్ నుండి విముక్తి చేస్తాం.
• టీడీపీ అధికారంలోకి వచ్చాక చిన్న, మధ్య తరహా పరిశ్రమలకు ఊతమిస్తాం. కరెంటు ఛార్జీలు తగ్గిస్తాం. విరివిగా లోన్లు ఇప్పిస్తాం.
• యువతను పారిశ్రామికవేత్తలుగా చేసేందుకు చంద్రబాబు వద్ద అనేక ప్రణాళికలు ఉన్నాయి.
• భారతదేశంలో ఎక్కడా లేని విధంగా పెట్రోల్, డీజిల్ ధరలు ఏపీలో ఉన్నాయి.
• టీడీపీ అధికారంలోకి వచ్చాక తప్పని సరిగా పన్నులు, నిత్యావసరాల ధరల రేట్లు కూడా తగ్గిస్తాం.
• వైసీపీ అధికారంలోకి వచ్చాక రైతులకు ప్రోత్సాహకాలు లేవు. సబ్సిడీపై వ్యవసాయ పనిముట్లు లేవు.
• వ్యవసాయ రంగంలో ముందుకు వెళ్లాలనుకున్న యువతను టీడీపీ అధికారంలోకి వచ్చాక పెద్దఎత్తున ప్రోత్సహిస్తాం.
• నేను పంచాయతీరాజ్ శాఖ మంత్రిగా ఉన్నప్పుడు చరిత్రలో ఇదివరకెన్నడూ లేనివిధంగా 25వేల కిలోమీటర్ల సిమెంట్ రోడ్లు వేశాం. గ్రామాలన్నింటిలో ఎల్.ఈ.డీ లైట్లు వేశాం.
• చంద్రబాబుకు అధికారం ఉన్నా, లేకున్నా పక్క రాష్ట్రాల్లో కూడా అత్యంత గౌరవం దక్కుతోంది. దానికి గల కారణం పారదర్శకత పాలన.
• మళ్లీ చంద్రబాబు అధికారంలోకి వస్తేనే రాష్ట్రం సుభిక్షంగా ఉంటుంది. అన్ని రంగాల్లో ఏపీ ముందంజలో ఉంటుంది.
• టీడీపీ అధికారంలోకి వచ్చాక వినూత్నవిధానాలను పెద్దఎత్తున ప్రపంచానికి పరిచయం చేస్తాం.
addComments
Post a Comment