జగన్ వచ్చాక పవర్, క్రాప్, ఆక్వా హాలిడే వచ్చింది. ఉపాధిహామీపై కేంద్రంతో మాట్లాడి వ్యవసాయానికి అనుసంధానం చేస్తాం.

 అన్నమయ్య జిల్లా, పీలేరు నియోజకవర్గం, వాయల్పాడు మండలం, వాండ్లపల్లిలో రైతులతో యువనేత నారా లోకేష్ సమావేశం

పీలేరు (ప్రజా అమరావతి);

రైతుల ఆవేద‌న ఇది..

• టమోటా రైతుల దగ్గర నుండి 100 బాక్సుల్లో 20 బాక్సులు జాక్ పాట్ తీస్తున్నారు. 

• ఒక్క రైతు భరోసా ఇచ్చి సబ్సిడీలన్నీ రద్దు చేశారు. 

• 2019 వరకు వరికి ఎక‌రాకి రూ.10 వేలే పెట్టుబడి..ఇప్పుడు రూ.30 వేలు ఉంది. 

• యూరియా తప్ప ఆర్బీకేలో ఏమీ ఉండటం లేదు.

• అది ఇవ్వడానికి కూడా ఏ పార్టీ అని అడుగుతున్నారు.

• పశువుల దాణా, గ్రాసానికి సబ్సిడీ రద్దు చేశారు.

• గత ప్రభుత్వంలో తవ్విన ఇంకుడు గుంతలకు బిల్లులు మార్చుకుంటున్నారు.

సమావేశంలో నారా లోకేష్ మాట్లాడుతూ...

• మోటార్లకు మీటర్లు రాయలసీమ రైతులకు ఉరితాడుగా మారబోతోంది. నీరు అందక ఎంతో లోతు బోరు తవ్వాల్సి ఉంటుంది. రైతుకు ఒక బోరు మాత్రమే ఉండాలని జగన్ అంటాడు.

• టమోటా రైతులకు గిట్టుబాటు ధర లేదు. రోజుకో విధంగా టమోటా ధర మారుతోంది. 

• టమోటా ప్రాసెసింగ్ యూనిట్లు తెస్తానని జగన్ పాదయాత్రలో హామీ ఇచ్చారు. ఇప్పటికీ హామీ నెరవేర్చలేదు. టమోటాలు పోయాల్సింది రోడ్ల మీద కాదు..తాడేపల్లి కొంప ముందు. 

• డ్రిప్ ఇరిగేషన్ కు చంద్రబాబు 90 శాతం సబ్సిడీ ఇస్తే ఈ ప్రభుత్వం ఏమీ ఇవ్వడం లేదు. ఎరువుల ధరలు, విత్తనాల ధరలు విపరీతంగా పెరిగాయి. 

• ఇప్పుడున్న వ్యవసాయ మంత్రి కాకాణి గోవర్థన్ రెడ్డి ఒక కోర్టు దొంగ. మంత్రయ్యాక రైతులను పట్టించుకున్నాడా.? 

• జగన్ వచ్చాక పవర్, క్రాప్, ఆక్వా హాలిడే వచ్చింది. ఉపాధిహామీపై కేంద్రంతో మాట్లాడి వ్యవసాయానికి అనుసంధానం చేస్తాం.

• అదనపు అప్పు కోసమే మోటార్లకు మీటర్లు బిగిస్తున్నాడు. ఒక్కసారి మీటరు బిగిస్తే తొలగించడం అసాధ్యం. 

• సర్వీస్ కట్ చేస్తే ఉద్యమిద్దాం..ఉచిత విద్యుత్ మీ హక్కు. ఇది ఒక్క రైతు సమస్యకాదు. 

• మీటర్ల విషయంలో వైసీపీకి చెందిన రైతులు కూడా ప్రభుత్వానికి వ్యతిరేకంగా వస్తారు.  

• రైతులకు పార్టీలుండవు. రాయలసీమకు టీడీపీ హయాంలో రూ.13 వేల కోట్లు ఖర్చు పెట్టాం. ఇరిగేషన్ కు ఈ సీఎం పెట్టిన ఖర్చు వెయ్యి కోట్లే. 

• చంద్రబాబు సీఎంగా ఉన్నప్పుడు రైతు తలసరి అప్పు రూ.75 వేలు..ఇప్పుడు రూ.2.50 లక్షలు ఉంది. 

• ఇలా అయితే రైతులు ఏం వ్యవసాయం చేస్తారు.? 

• నేను 26 రైతు భరోసా కేంద్రాలు చూశా...ఎప్పుడు చూసినా తాళాలు వేసి ఉంటున్నాయి. 

• కేంద్రం ఇచ్చే వాటితో కలిపి ఒక్కో రైతుకి రైతు భరోసా కింద 18,500 రావాలి..కానీ జగన్ రూ.13,500 మాత్రమే ఇస్తున్నాడు. 

• రైతులకు రూ.25 వేలు బాకీ పడ్డాడు. రూ.50 వేలకు లోపు ఉన్నవాళ్లకు చంద్రబాబు ఒకేసారి రుణమాఫీ చేశారు. చీనీ చెట్లకు కూడా ట్యాంకర్ల ద్వారా నీరు అందించి ఆదుకున్నాం. 

• టీడీపీ వచ్చిన వంద రోజుల్లో జాక్ పాట్ విధానం రద్దు చేస్తాం. 

• జగన్ రెడ్డి అమూల్ తెచ్చారు..కానీ అది పుంగనూరులో ఉండదు. తక్కువ ధరకు పాలు కొంటున్నాడు. రూ.50 కోట్లను పాడి రైతుల నుండి దోచుకుంటున్నాడు. 

• గతంలో గోపాలమిత్రలను ఏర్పాటు చేశాం..ఒక్క ఫోన్ కొట్టగానే వాళ్లు ఇంటికి వచ్చి సమస్య పరిష్కరించేవాళ్లు. 

• గోపాలమిత్ర వ్యవస్థను ఈ సీఎం రద్దు చేశారు. షెడ్ల డబ్బులు మేము రాగానే వడ్డీతో సహా ఇస్తాం.