సీమలో రైతులు కష్టపడే తత్వం కలవారు.

 పులివెందుల (ప్రజా అమరావతి);

*సాగునీటి ప్రాజెక్టుల విధ్వంసంపై యుద్ధభేరి కార్యక్రమంలో భాగంగా కడప జిల్లా పులివెందులలో టీడీపీ జాతీయ అధ్యక్షులు నారా చంద్రబాబునాయుడు రోడ్ షో, మీటింగ్*

*పులివెందుల పూల అంగళ్ల సెంటర్ లో సిఎం జగన్ పై, ప్రభుత్వంపై నిప్పులు చెరిగిన చంద్రబాబునాయుడు*

• నా 45 ఏళ్ల రాజకీయ జీవితంలో చాలా సార్లు పులివెందుల వచ్చాను. అయితే ఈ రోజు ప్రజల స్పందన చూస్తే ప్రజల్లో ప్రభుత్వంపై తిరుగుబాటు కనిపిస్తోంది.

• సాగునీటి ప్రాజెక్టుల విధ్వంసం యద్ధభేరీ కి నేడు పులివెందులకు వచ్చాను. నా పర్యటనలో పెద్ద ఎత్తున రైతులు తరలి వచ్చారు.

• పులివెందుల మీటింగ్ తీరును తాడేపల్లిలో ఉంటున్న జగన్ చూడాల్సిన అవసరం ఉంది. పులివెందుల ప్రజలు ఏమనుకుంటున్నారో అప్పుడైన జగన్ కు తెలిస్తుంది.

• అయినా పోయిరావలె హస్తినకు అన్నట్లు....జగన్ లో మార్పు కోసం మనం ప్రయత్నం చేయాలి.

• వచ్చే ఎన్నికల్లో ఎందుకు పులివెందుల గెలవాలో ఈ మీటింగ్ ద్వారా మీకు వివరిస్తాను.

• రాయలు ఏలిన సీమ...రత్నాలసీమ...తరువాత రాళ్ల సీమగా మారిపోయింది. అయితే అన్న ఎన్టీఆర్ రాకతో రాయల సీమలో పరిస్థితి మారింది.

• ఎన్టీఆర్ సీమ ఆశా జ్యోతి.....సీమకు ఎన్టీఆర్ తెలుగు గంగ ద్వారా నీరు ఇచ్చారు.

• రాయలసీమకు నీళ్లు ఇచ్చిన తరువాతనే చెన్నైకి నీళ్లు వెళ్లాలి అని సంకల్పం చేసిన యుగపురుషుడు ఎన్టీఆర్

• గాలేరు నగరి, హంద్రీనీవా వంటి ప్రాజెక్టులు తలపెట్టింది కూడా అన్న ఎన్టీఆర్

• నేను అధికారంలోకి వచ్చిన తరువాత ముచ్చుమర్రి లిఫ్ట్ పనులు పూర్తి చేసి నీళ్లు ఇచ్చాను.

• పులివెందులలో 2015లో చీని పంటలకు నేను నీళ్లు ఇచ్చాను. నేడు ఆ రైతులు నా మెడలో చీనిపంటతో నాకు దండ వేశారు.

• నాడు ఇక్కడ నాయకులు అడిగితే రెండు టిఎంసిల నీరు ఇచ్చి పులివెందుల పంటలు కాపాడాను.

• అవుకు టన్నెల్ ద్వారా నీళ్లు తెచ్చి ఈ ప్రాంతానికి నీరు ఇచ్చాను.

• గండికోట నిర్వాసితులకు రూ.660 కోట్లు ఇచ్చి ప్రాజెక్టులో నీటిని నింపాను.

• ఒక్కో కుటుంబానికి రూ. 6.75 లక్షలు ఆనాడే ఇచ్చాను. పనులు పూర్తి చేసి ఈ ప్రాంతానికి నీరు ఇచ్చాను.

• రాయల సీమకు నీళ్లు ఎక్కడి నుంచి వచ్చాయో ప్రజలు ఆలోచించాలి. నాడు పట్టిసీమ తెస్తే నన్ను ఈ జగన్ ఎగతాళి చేశాడు. కృష్ణా డెల్టాకు పట్టిసీమ  నుంచి నీళ్లు ఇచ్చి...పైనా శ్రీశైలం నీటిని రాయల సీమకు ఇచ్చాను.

• సీమలో రైతులు కష్టపడే తత్వం కలవారు.

కొంచెం నీళ్లు ఇస్తే బంగారం పండిస్తారు.

• రైతులకు నీరు ఇస్తే ఇక్కడి రైతులు సిరులు పండిస్తారు.

• శ్రీకృష్ణదేవరాయలు ఏలిన సీమ.....రాయల సీమ. అందుకే గండికోట వద్ద శ్రీకృష్ణ దేవారాయల విగ్రహం పెడతాను.

• గోదావరి నీరు బనకచర్లకు తెచ్చి సీమను సస్యశ్యామలం చేయడం నా జీవిత లక్ష్యం. బనక చర్ల నుంచి తెలుగు గంగకు, గాలేరు-నగరి, హంద్రీ నీవాకు నీరు వెళుతోంది. 

• టీడీపీ హయాంలో రూ.68 వేల కోట్లు ఖర్చు పెడితే జగన్ ఖర్చు పెట్టింది రూ. 22 వేల కోట్లు

• సీమకు నేను రూ.12 వేల కోట్లు ఖర్చు చేస్తే....జగన్ కేవలం రూ. 2 వేల కోట్లు ఖర్చు చేశాడు.

• జగన్ నాకు వయసు అయిపోయింది అంటున్నాడు.....నా విషయంలో వయసు అనేది కేవలం ఒక నంబరే. సింహం ఎప్పటికీ సింహమే.

• ఈ రాష్ట్రాన్ని అభివృద్ది చేయడంలో నా పాత్ర ఉంది అనే తృప్తి నాకు ఉంది. ఈ రోజు పులివెందులకు హైవే వస్తుంది అంటే నాడు ఉమ్మడి రాష్ట్ర సిఎంగా నేను కేంద్రానికి ఇచ్చిన ప్రతిపాదనలే కారణం. 

• నాడు నేషనల్ హైవేలపై మా కమిటీ ఇచ్చిన నివేదికతో దేశంలో హైవేలు వచ్చాయి.

• హైదరాబాద్ ను నేను అభివృద్ది చేస్తే తరువాత సిఎంలు దాన్ని కొనసాగించారు.

• అదే ఆలోచనతో అమరావతిని తలపెట్టాను. అయితే ఈ సైకో సిఎం దాన్ని నాశనం చేశాడు.

• రాష్ట్రానికి రాజధాని లేకుండా చేసిన వారిని ఏమనాలి?

• రాష్ట్రానికి రాజధాని అమరావతి అని పులివెందుల ప్రజల నినాదాలు. చంద్రబాబు రాజధానిపై అడిగిన ప్రశ్నకు తమ స్పందన తెలిపిన ప్రజలు

• పోలవరాన్ని నాశనం చేసిన వ్యక్తి ఈ జగన్ మోహన్ రెడ్డి. రివర్స్ టెండరింగ్ అని దాన్ని నాశనం చేశాడు.

• జాతీయ ప్రాజెక్టును ఈ దుర్మార్గపు సిఎం నాశనం చేశాడు. గోదావరి నీటిని బనకచర్లకు తీసుకువచ్చి ఉంటే రాయలసీమ రతనాలసీమ అవుతుంది.

• రాష్ట్రంలో ఇరిగేషన్ మంత్రి పేరు ఆంబోతు రాంబాబు. నేను ఇరిగేషన్ గురించి  ప్రశ్నిస్తుంటూ ..ఇరిగేషన్ మంత్రి పవన్ కళ్యాన్ బ్రో సినిమా గురించి మాట్లాడుతున్నాడు.

• రాష్ట్రంలో వ్యవసాయాన్ని దారుణంగా దెబ్బతీశారు. వ్యవసాయ సబ్సిడీలు అన్నీ ఆపేశారు. ఇక్కడ రైతులు కోరినట్లు వ్యవసాయ బీమాలో పాత పద్దతినే తీసుకువస్తా.

• మైక్రొ ఇరిగేషన్ లో రైతులకు 90 శాతం సబ్సిడీ ఇస్తాను. 

• ఈ జగన్ అన్నా క్యాంటీన్ రద్దు చేసి పెద్ద తప్పు చేశాడు. అధికారంలోకి వచ్చిన తరువాత మండలానికి ఒక అన్నా క్యాంటీన్ పెట్టి పేదలకు భోజనం పెడతా.

• మనం అన్నం పెట్టే వాళ్లం...వీళ్లు సున్నం పెట్టేవాళ్లు.

• కడప ఎయిర్ పోర్టు మనం తెస్తే.. దానిలో ఇప్పుడు సిఎం దిగుతున్నాడు.

• ముస్లింల కోసం హజ్ హౌస్ కట్టాను. ఒంటిమిట్ట రామాలయాన్ని అభివృద్ది చేశాను.

• జగన్ రెడ్డి పెద్దిరెడ్డికి 5 వేల కోట్లు దోచిపెట్టడానికి కొత్త ప్రణాళిక ను సిద్దం చేశాడు. దాని కోసం అనుమతులు ఇచ్చి నిధులు మంజూరు చేశాడు.

• మందుబాబుల బలహీనత జగన్ కు అర్థం అయ్యింది. అందుకే రేట్లు పెంచాడు.. నాసిరకం మద్యం అమ్ముతున్నాడు.

• తోపుడు బండి వద్ద కూడా ఫోన్ పే ఉంది...మరి మద్యం షాపులో ఎందుకు ఫోన్ పే లేదు.

• మరి మద్యం షాపుల్లో డబ్బు అంతా ఎటుపోతుంది.

• పులివెందులలో 8 వేల ఇళ్లతో కాలనీ అన్నాడు.....ఎన్ని ఇళ్లు కట్టాడో జగన్ చెప్పాలి.

• బస్ స్టాండ్ కట్టలేని వాడు మూడు రాజధానులు కడతాడా అని నేను ప్రశ్నిస్తే...పులివెందుల లో బస్ స్టాండ్ కట్టాడు.

• రూ650 కోట్లతో పులివెందలు సుందరీకరణ అన్నాడు..అంత డబ్బు అవసరమా...ఆ డబ్బు రైతుల కోసం, మైక్రో ఇరిగేషన్ కోసం ఖర్చు పెట్టవచ్చు కదా.

• జగన్ పులివెందులకు పెద్ద సంస్థ తెచ్చాడు....అదే ఫిష్ మార్ట్. ఇదే జగన్ తెచ్చిన కంపెనీ.

• విశాఖలో షాపింగ్ మాల్ కడితే ఉత్తరాంధ్ర అభివృద్ది అని చెపుతున్నాడు. షాపింగ్ మాల్ తో అభివృద్ది జరిగిపోతుందా.

• మెడికల్ కాలేజ్ పేరుతో రియల్ ఎస్టేట్ వ్యాపారం చేశారు. అన్నమయ్య ప్రాజెక్టు కొట్టుకుపోతే కనీస సాయం చేయని సిఎంను ఏమనాలి?

• కడపకు ఉక్కు పరిశ్రమ వచ్చిందా....ఒక్క ఉద్యోగం వచ్చిందా? మళ్లీ జాబు రావాలి అంటే బాబు రావాలి. మనం వచ్చాక కంపెనీలు తెచ్చి యువతకు ఉద్యోగాలు ఇద్దాం.

• ఉద్యోగం వచ్చే వరకు యువతకు యువగళం కింద రూ.3 వేలు సాయం చేస్తా.

• అధికారంలోకి వచ్చిన తరువాత విద్యుత్ చార్జీలు తగ్గిస్తాను. ఇప్పటికి 8 సార్లు విద్యుత్ చార్జీలు పెంచాడు....మళ్లీ ఇంకో సారిపెంచడానికి సిద్దం అయ్యాడు.

• రాబోయే 5 ఏళ్లలో కరెంట్ చార్జీలు పెంచను. ప్రజలే ఉత్పత్తి చేసే పరిస్థితి తీసుకువస్తాను.

• నేను రాజశేఖర్ రెడ్డి 1978లో ఎమ్మెల్యేలు అయ్యాం. రాజశేఖర్ రెడ్డి ఒక్క మాట చెపితే వివేకా మారు మాట్లాడకుండా అమలు చేసేశాడు.

• వివేకా హత్య కేసులో రోజుకో డ్రామా ఆడారు. ముందు సిబిఐ దర్యాప్తు కావాలి అన్నారు...తరువాత వద్దు అన్నారు.

• వివేకా కూతురు సునీత పులివెందుల పులి. తండ్రి హత్యపై ప్రాణాలు లెక్క చేయకుండా పోరాడుతుంది. ఆమెకు మద్దతుగా అండగా ఉండాలి.

• జగన్ వివేకా హత్యపై కమల్ హాసన్ ను మించి నటిస్తున్నాడు.

• ఆస్తిలో ఆడబిడ్డకు సమాన హక్కు కల్పించింది ఎన్టీఆర్. జగన్ తన చెల్లికి మాత్రం ఆస్తిలో వాటా ఇవ్వలేదు.

• ఎన్నికల సమయంలో షర్మిలను ప్రచారానికి వాడుకుని తరువాత దూరం పెట్టాడు. 

• జగన్ విశాఖ పట్నం ఎయిర్ పోర్టులో కొడికత్తి డ్రామా ఆడాడు. తనపై హత్యాయత్నం అని డ్రామా తో రాజకీయ లబ్ది పొందాడు.

• కోడికత్తి డ్రామా ఆడేవాడు మనకు ఎమ్మెల్యేగా....సిఎంగా అవసరమా...ఇక్కడి ప్రజలు ఆలోచించాలి.

• మనం సూపర్ సిక్స్ పథకాలు ప్రకటించాం. తల్లికివందనం కింద రూ.15 వేలు, ఆడబిడ్డ పధకం కింద మహిళలకు రూ.1500, యువగళం కింద రూ.3 వేలు, మూడు ఉచిత సిలిండర్లు ఇస్తా.

• రైతుకు అన్నదాత పథకం కింద ఏడాదికి రూ. 20 వేలు ఇస్తాను. బిసిలకు రక్షణ కోసం ప్రత్యేకంగా చట్టం చేస్తాం.

• సంపద సృష్టించడం తెలిసిన పార్టీ టీడీపీ.....మళ్లీ సంపద సృష్టిస్తా...పేదలకు ఆ సంపదను పంచుతా.

• అందుకే ప్రజలను కోరుతున్నా....వచ్చే ఎన్నికల్లో పులివెందులలో టీడీపీని గెలిపించండి.

• ఇక్కడ మొన్న ఎమ్మెల్సీ ఎన్నికల్లో టీడీపీ గెలిచింది. టీడీపీకి ఆదరణ పెరుగుతుంది. వచ్చేఅసెంబ్లీ ఎన్నికల్లో టీడీపీని గెలిపించాలి. 

• టీడీపీ నేత బిటెక్ రవి బుల్లెట్ లా దూసుకుపోతున్నాడు. పులివెందులలో టీడీపీ గెలుపు నా చిరకాల వాంఛ.