రాష్ట్ర వ్యాప్తంగా టీడీపీ బూత్ లెవల్ కార్యకర్తలు, నాయకులతో పార్టీ అధినేత నారా చంద్రబాబు నాయుడు టెలీకాన్ఫరెన్స్.

*రాష్ట్ర వ్యాప్తంగా టీడీపీ బూత్ లెవల్ కార్యకర్తలు, నాయకులతో పార్టీ అధినేత నారా చంద్రబాబు నాయుడు టెలీకాన్ఫరెన్స్*

*టెలీకాన్పరెన్స్ లో పార్టీ కార్యక్రమాల నిర్వహణ, ఎన్నికలకు సన్నద్దత, పొత్తులు, ఎన్నికల అభ్యర్థుల పనితీరుపై చర్చ*

*పలు సర్వేలు, నివేదికల ఆధారంగా వివిధ అంశలపై నేతలకు, కార్యకర్తలకు దిశానిర్థేశం*

*సూపర్ -6 డోర్ టు డోర్ ప్రచారంలో పనితీరు కనబరిచిన వారిని అభినందించిన పార్టీ అధినేత*

*రాష్ట్ర పునర్ నిర్మాణం కోసమే మూడు పార్టీల పొత్తు:- నారా చంద్రబాబు నాయుడు*

అమరావతి (ప్రజా అమరావతి):- వైసీపీ విధ్వంసం పాలన నుంచి రాష్ట్రాన్ని కాపాడుకోవడం కోసం మూడు పార్టీలు మళ్లీ చేతులు కలిపాయి....

• జగన్ రాష్ట్రాన్ని పూర్తిగా విధ్వంసం చేశాడు. ప్రజాస్వామ్య వ్యవస్థలను నిర్వీర్యం చేశాడు. 

• రివర్స్ పాలనలో నష్టపోయిన రాష్ట్రంపై బాధ్యతతో...దుష్ట పాలనను అంతం చేయడానికి బీజేపీ, టీడీపీ, జనసేన కలిసి పోటీ చేస్తున్నాయి.

• మళ్లీ రాష్ట్రాన్ని గాడిన పెట్టాలి అంటే కేంద్ర సహకారం అవసరం. తెలుగు దేశం పార్టీ ఎన్డీఏలో గతంలో భాగస్వామిగా ఉంది. 25 ఏళ్ల క్రితమే ఎన్టీఏలో కీలక భాగస్వామిగా తెలుగుదేశం పని చేసింది. 

• పోలవరం పూర్తికి, రాజధాని నిర్మాణానికి, పెట్టుబడులు, ఉద్యోగాలు, మౌళిక సదుపాయాల కల్పనకు కేంద్రసాయం ఎంతో అవసరం.

• మన ప్రభుత్వ హయాంలో కేంద్ర నిధులతో అనేక అభివృద్ది కార్యక్రమాలు చేపట్టాం. ఈ రోజు గ్రామాల్లో కనిపిస్తున్న ప్రతి రోడ్డు నాడు మన హయాంలో వేసినవే. 

• కేంద్ర ప్రభుత్వంలో మనం భాగస్వామిగా ఉన్న ప్రతి సందర్భంలో రాష్ట్రానికి న్యాయం జరిగింది

• రాష్ట్ర ప్రయోజనాలు తప్ప స్వప్రయోజనాలు ఆశించని పార్టీ తెలుగుదేశం అని అందరికీ తెలుసు

• మూడు పార్టీల పొత్తు జగన్ ను ఓడించడం కోసమే కాదు....రాష్ట్రాన్ని గెలిపించడం కోసం. 

• రాష్ట్ర విస్తృత ప్రయోజనాల కోసం మూడు పార్టీలు చేతులు కలిపాయి...కింది స్థాయిలో నేతలు, కార్యకర్తలు కూడా కలిసి పనిచేయాలి.

• విభేదాలను పక్కన పెట్టి.....గెలుపు ఒక్కటే లక్ష్యంగా పనిచేయాలి.

• ఈ ఎన్నికల్లో ప్రతి ఓటూ...ప్రతి సీటూ ముఖ్యమే. వాడవాడలా మూడు జెండాలు కలిసి సాగాలి.

• అనేక సర్వేలు చేసి, నూతన విధానాల ద్వారా అభ్యర్థులు ఎంపిక చేశాం....నియోజకవర్గాల్లో పార్టీ ప్రకటించిన అభ్యర్థికి ప్రతి ఒక్కరూ మద్దతుగా నిలవాలి. 

• వచ్చే ఎన్నికల్లో వైసీపీని చిత్తు చిత్తుగా ఓడించాలి...కూటమి 160 పైగా సీట్లు సాధించాలి

• అభ్యర్థుల ప్రకటనతో పార్టీలో జోరు పెరిగింది...గ్రౌండ్ లో జోష్ వచ్చింది

• టిక్కెట్ పొందిన నేతల పనితీరుపై చివరి నిమిషం వరకు సమీక్షిస్తాం. ప్రజల్లో లేకపోయినా....మంచి పేరు తెచ్చుకోకపోయినా....మార్చడానికి వెనుకాడను.

• రా కదలి రా...శంఖారావం సూపర్ హిట్ అయ్యాయి. కార్యకర్తల్లో కాన్ఫిడెన్స్ నింపాయి. ప్రజలను చైతన్య పరిచాయి. ప్రభుత్వంపై ప్రజా తిరుగుబాటుకు బాటలు వేశాయి. 

• నిజం గెలవాలి కార్యక్రమం ద్వారా భువనేశ్వరి బాధిత కార్యకర్తల కుటుంబాలకు అండగా నిలుస్తున్నారు. ఇప్పటికి 149 మంది బాధిత కుటుంబాలకు భువనేశ్వరి ఆర్థిక సాయం అందించారు. 

• ప్రతి బాధిత కుటుంబాన్ని ఆదుకునే వరకూ నిజం గెలవాలి కార్యక్రమం కొనసాగుతుంది.

• చిలకలూరిపేటలో జరిగే 17వ తేదీ సభ కొత్త చరిత్ర సృష్టించాలి.

• ప్రజల భాగస్వామ్యంతో కనీవినీ ఎరగని రీతిలో సభను సక్సెస్ చేసి సత్తా చాటాలి.

• విధ్వంస పాలనలో శిధిలంగా మారిన రాష్ట్రాన్ని నిలబెట్టడంలో తొలి అడుగే ఉమ్మడి సభ

• ప్రధాని పాల్గొనే సభను ప్రతిష్టాత్మకంగా తీసుకోవాలని ప్రతి ఒక్కరిని కోరుతున్నా.

• రాష్ట్రాన్ని కాపాడుకునేందుకు మూడు పార్టీలు చేస్తున్న ప్రయత్నానికి ప్రతి పౌరుడు మద్దతుగా నిలవాలని కోరుతున్నా

• జగన్ జనాన్ని నమ్ముకోలేదు...పోలింగ్ లో అక్రమాలనే నమ్ముకున్నాడు. 

• పార్టీ నేతలు, అభ్యర్థులు ప్రతి అంశాన్ని ఎన్నికల కమిషన్ దృష్టికి తేవాలి.

• ప్రతి అభ్యర్థి ఒక న్యాయవాదిని నియమించుకుని ప్రభుత్వ కుట్రలను తిప్పి కొట్టాలి.

• ఎన్నికల షెడ్యూల్ వచ్చిన తరువాత వైసీపీ ఆగడాలు....తప్పుడు అధికారుల ఆటలు సాగవు

• ఇప్పటికే ఆర్టీసీ అధికారులు బస్సులు ఇచ్చేందుకు అంగీకరించారు...అధికారులు అంతా ఆలోచించుకోవాలి. మాకు మద్దతుగా ఉండమని కోరడం లేదు....చట్టబద్దంగా పని చేయమని కోరుతున్నాం.

• ప్రజలు మూడు పార్టీల పొత్తును స్వాగతిస్తున్నారు....వారికి నాయకత్వాన్ని ఇచ్చి ఓట్లు వేయించుకోవాల్సిన బాధ్యత మనపై ఉంది.

• పోలింగ్ ముగిసే రోజు వరకు ఏ కార్యకర్తా...ఏ నాయకుడు విశ్రమించవద్దు.....టీడీపీ, బిజెపి, జనసేన గెలుపు ఇప్పుడు చారిత్రిక అవసరం.

• క్లస్టర్, యూనిట్, బూత్ లెవల్ (cub) వరకు 56 వేల మంది పార్టీ యంత్రాంగం టెలికాన్ఫరెన్స్ లో పాల్గొన్నారు. 

• సూపర్ సిక్స్  డోర్ టు డోర్ ప్రచారంలో పనితీరు కనబరిచిన వారిని చంద్రబాబు నాయుడు ప్రత్యేకంగా అభినందించారు.