తూర్పు గోదావరి జిల్లా నుంచి రెండో రోజు 1,09,500 ఫుడ్ ప్యాకెట్లు సిద్దం .






రాజమహేంద్రవరం (ప్రజా అమరావతి);



** తూర్పు గోదావరి జిల్లా నుంచి రెండో రోజు 1,09,500 ఫుడ్ ప్యాకెట్లు సిద్దం 



** ఉదయం అల్పాహారం 14 వాహనాల ద్వారా 40 వేల ప్యాకెట్లు 



** జిల్లా నుంచి 58 వాహనాలు ఏర్పాటు చేశాం 



** ఉదయం 20 వాహనాల ద్వారా 53000 ప్యాకెట్లు పంపడం జరిగింది 


** సాయంత్రం మరో 24 వాహనాలు ద్వారా 56500 ప్యాకెట్లు పంపనున్నాం




- కలెక్టర్ పి ప్రశాంతి 


విజయవాడ వరద ప్రాంతంలోని బాధితులకు పునరావాస కార్యక్రమాల్లో భాగంగా తూర్పుగోదావరి జిల్లా నుండి 53 వేల మందికి ఉదయం భోజనాల నిమిత్తము 20 వాహనాల ద్వారా ఆహారాన్ని సేకరించి పంపించడం జరిగిందని జిల్లా కలెక్టర్ పి ప్రశాంతి మంగళవారం ఒక ప్రకటనలో తెలిపారు. 



 ఈ దాతృత్వ కార్యక్రమంలో రాజమండ్రి మున్సిపల్ కార్పొరేషన్, రాజమండ్రి ఆర్డీవో,  పౌర సరఫరాలు , జిల్లా సహకార అధికారి , జిల్లా గ్రామీణ అభివృద్ధి అధికారి,  పరిశ్రమలు , వైద్య ఆరోగ్యం,   పాఠశాల విద్య, ఇంటర్మీడియట్ విద్య ,  రెవిన్యూ , దేవాదాయ తదితర శాఖల అధికారులు పాల్గొని సేకరణ ప్రక్రియను పర్యవేక్షించడం జరిగిందని తెలిపారు. రెండోరోజు కూడా విజయవాడ కు ఆహారం , త్రాగునీరు, బ్రేడ్ లు, పాలు ,బిస్కెట్స్, తదితరాలు దాతల , కాంట్రాక్టర్లు, వివిధ అసోసియేషన్స్ ప్రతినిధులు, స్వచ్ఛంధ సంస్థలు, విద్యా సంస్థలు సహకారంతో పంపించడం జరిగిందన్నారు. జాయింట్ కలెక్టర్ ఎస్ చిన్న రాముడు, రెవిన్యూ, పౌర సరఫరాల, ఇతర శాఖలు అధికారులు చొరవ తీసుకుని సేకరించడం జరిగిందన్నారు.


అదేవిధంగా రాత్రి సమయంలో భోజనాల ను అందజేసేందుకు 56,500 ఫుడ్ ప్యాకెట్స్ సిద్ధం చేస్తున్నట్లు కలెక్టర్ తెలిపారు. ఆపదలో ఉన్న వారిని ఆదుకునే దిశలో జిల్లా యంత్రాంగం ఇచ్చిన పిలుపు మేరకు ఎందరో స్వచ్ఛందంగా స్పందించి ముందుకు రావడం అభినందనీయమన్నారు. జిల్లా వ్యాప్తంగా ఆహారాన్ని పంపించే క్రమంలో జిల్లాస్థాయి అధికారులనుండి క్షేత్రస్థాయి సిబ్బంది వరకు ప్రతి ఒక్కరూ భాగస్వామ్యం జరిగిందన్నారు. 


 *ఉదయం 20 వాహనాలు ద్వారా సరఫరా చేసిన 53000  ఆహార పదార్థాలు* 


తిరుమల స్కూల్స్ పదివేల ప్యాకెట్లు, రైస్ మిల్లర్స్ అసోసియేషన్ ద్వారా 12500 ప్యాకెట్లు, గైడ్ కళాశాల ద్వారా 1500, జిఎస్ఎల్ ద్వారా 2500,  హోటల్ అసోసియేషన్ తరపున 2500 , సినిమా అసోసియేషన్ తరపున 1000 , సినిమా డిస్ట్రిబ్యూషన్ అసోసియేషన్ తరపున 1000, ఓ ఎన్ జి సి తరుపున 5000 , అసోసియేషన్ తరపున 2000 , ఇస్కాన్ ఆధ్వర్యంలో 5000 ,  రాజమండ్రి మున్సిపల్ కార్పొరేషన్ ఆధ్వర్యంలో కాంట్రాక్టర్లు  10000 ఫుడ్ ప్యాకెట్స్, 50,000 బిస్కెట్ ప్యాకెట్లు పంపడం జరిగిందన్నారు.


 *రాత్రి భోజనం సదుపాయం కోసం జిల్లా నుంచి 24 వాహనాలు ద్వారా 56 వేల 500 ఫుడ్ ప్యాకెట్స్ సిద్ధం చేశామన్నారు.*


 ఆదిత్య కాలేజీ 5000 ప్యాకెట్లు ,  ప్రైవేటు స్కూల్స్ 5000 , ఆర్డీవో రాజమహేంద్రవరం ఆధ్వర్యంలో కాంట్రాక్టర్ల ద్వారా 20000 ప్యాకెట్లు , ఐఎంఏ అసోసియేషన్ 2000 ప్యాకెట్లు, పెట్రోల్ బంక్ అసోసియేషన్ 1500 ప్యాకెట్లు , జిఎస్ఎల్ ప్యాకెట్లు సీసీ వేలు వెన్ను 5000 ప్యాకెట్లు , లెనోవా డెంటల్ కాలేజీ ప్యాకెట్లు ఇండస్ట్రీస్ 1500 ప్యాకెట్లు , వెస్ట్ గోనుగుడు ఐఎస్టిఎస్ ఉమెన్ కాలేజీ 1000 ప్యాకెట్లు , హార్లిక్స్ ఫ్యాక్టరీ 7000 ప్యాకెట్లు జిల్లా సహకార సంస్థ అధ్వర్యంలో కాంట్రాక్టర్ల ఆధ్వర్యంలో 2500 ప్యాకెట్లు సేకరించామన్నారు.


 *కాంట్రా క్టర్ల ఆధ్వర్యంలో ఉదయం అల్పాహారం కింద 14 వాహనాలు ద్వారా 40 వేల ప్యాకెట్లు* 


ఎస్ ఆర్ కే క్యాటరింగ్ 7000 ప్యాకెట్లు, హోటల్  శ్రీ కేస్ పదివేల ప్యాకెట్లు,  సిహెచ్ వెంకటరమణ కొవ్వూరు 5000,  లక్ష్మీ హాసిని క్యాటరింగ్ 3000 , ప్రసాద్ కేటరింగ్ 5000,  రాజమహేంద్రవరం మున్సిపల్ కార్పొరేషన్ 10000 ప్యాకెట్లు సిద్దం చేసి పంపడం జరిగింది.









Comments