ఫిడే ఉమెన్స్ వరల్డ్ రాపిడ్ ఛాంపియన్ షిప్ విజయంపై కోనేరు హంపికి ప్రధానమంత్రి శుభాకాంక్షలు.

 

ఫిడే ఉమెన్స్ వరల్డ్ రాపిడ్ ఛాంపియన్ షిప్ విజయంపై కోనేరు హంపికి ప్రధానమంత్రి శుభాకాంక్షలు

 29 DEC 2024  Hyderabad (prajaamaravati);

ఫిడే ఉమెన్స్ వరల్డ్ రాపిడ్ చాంపియన్ షిప్-2024 లో విజయం సాధించిన కోనేరు హంపికి ప్రధానమంత్రి శ్రీ నరేంద్ర మోదీ అభినందనలు తెలిపారు. ఆమె స్థైర్యం, చాతుర్యం లక్షలాది మందికి స్ఫూర్తినిస్తూనే ఉంటాయని ప్రశంసించారు.

సామాజిక మాధ్యమం ఎక్స్ లో అంతర్జాతీయ చదరంగ సమాఖ్య చేసిన ఓ పోస్టుపై స్పందిస్తూ ఆయన ఇలా పేర్కొన్నారు:

“ఫిడే ఉమెన్స్ వరల్డ్ రాపిడ్ చాంపియన్ షిప్-2024లో విజయం సాధించిన @humpy_koneruకు శుభాకాంక్షలు. ఆమె స్థైర్యం, చాతుర్యం లక్షలాది మందికి స్ఫూర్తినిస్తూనే ఉంటాయి.

ఇది ఆమె సాధించిన రెండో వరల్డ్ రాపిడ్ చాంపియన్ షిప్ టైటిల్ కావడం మరింత విశేషమైనది. తద్వారా, ఈ అరుదైన ఘనత సాధించిన ఏకైక భారతీయురాలిగా ఆమె నిలిచారు.”