స్వయం ఉపాధి రంగంలో ఎక్కువమంది

 

అమరావతి (ప్రజా అమరావతి);


*వరుసగా రెండో ఏడాది జగనన్న చేదోడు*


*రజక, నాయీ బ్రాహ్మణ, దర్జీ అన్నదమ్ములు, అక్కచెల్లెమ్మల సంక్షేమం కోసం శ్రీ వైయస్‌.జగన్‌ ప్రభుత్వం అందిస్తున్న కానుక*


*జగనన్న చేదోడు– షాపులున్న రజకులు, నాయీబ్రహ్మణులు, దర్జీలకు ఏటా రూ.10 వేల ఆర్దిక సాయం* 


*రాష్ట్ర వ్యాప్తంగా 2,85,350 మంది రజక, నాయీ బ్రాహ్మణ, దర్జీ అన్నదమ్ములు, అక్కచెల్లెమ్మలకు రూ.285.35 కోట్ల ఆర్ధిక సాయాన్ని క్యాంప్‌ కార్యాలయంలో బటన్‌ నొక్కి లబ్ధిదారుల ఖాతాల్లో జమ చేసిన సీఎం శ్రీ వైయస్‌.జగన్‌.*


*ఈ సందర్భంగా సీఎం శ్రీ వైయస్‌.జగన్‌ ఏమన్నారంటే...:*


*స్వయం ఉపాధి రంగంలో ఎక్కువమంది



*

ఈ రోజు దేవుడి దయతో మరోమంచి కార్యక్రమానికి శ్రీకారం చుడుతున్నాం. ఇది ఎంత మంచి కార్యక్రమం అంటే స్వయం ఉపాధిరంగంలో అత్యంత ఎక్కువ మంది ఉన్నరంగం ఇది. దాదాపుగా 2.85లక్షల మంది ఈ రంగంపై ఆధారపడి ఉన్నారు. 

ఇటువంటి చేతివృత్తుల పనులు చేసుకుంటూ... వీళ్లు బ్రతకలేని పరిస్థితులలోకి నెట్టివేయడబడితే.. వ్యవస్ధలే  కుప్పకూలిపోయే పరిస్థితి వస్తుంది. వీరందరికీ తోడుగా నిలవాల్సిన అవసరం ఉంది. వీరికి మంచిచేసే అవకాశం ఇచ్చినందుకు దేవుడికి కృతజ్ఞతలు. 


*అమూల్యమైన సేవలు అందిస్తున్నారు*

తాము వివక్షకు గురైన కూడా మన సమాజంలో ఇంటింటికీ వందలు, వేలు సంవత్సరాలుగా అమూల్యమైన సేవలు వీరు అందిస్తున్నారు. నిజంగా వృత్తిపరంగా రజక, నాయీ బ్రాహ్మణ, టైలర్లుగా సేవలు అందిస్తున్న షాపులున్న అక్కచెల్లెమ్మలు, అన్నదమ్ములు.. వీరందరి సంక్షేమం కోసం ప్రతియేటా సంవత్సరానికి రూ10వేలు చొప్పున, వాళ్ల కాళ్లమీద వాళ్లు నిలబడేటట్టుగా, వారికి తోడుగా ఉండేందుకు ఈ ఆర్దిక సాయం చేస్తున్నాం. ఇలా వరుసగా రెండో ఏడాది వీరికి తోడుగా నిలుస్తున్నాం. 


*అక్షరాలా రూ.285.35 కోట్లు జమ*

2,85,350 మంది అన్నదమ్ములు, అక్కచెల్లెమ్మల కుటుంబాలకు అక్షరాలా రూ.285.35 కోట్లు వీరికి నేరుగా వాళ్ల అకౌంట్లలోకి జమ చేస్తున్నాం. షాపులున్న దాదాపు 1,46,103 మంది టైలర్లకు రూ.146.10 కోట్లు బటన్‌ నొక్కి వారి అకౌంట్లలోకి బదిలీ చేస్తున్నాం.

షాపులున్న 98,439 మంది రజక సోదరులకు, అక్కచెల్లెమ్మలకు రూ.98.44 కోట్లు బదిలీ చేస్తాం. షాపులున్న 40,808 మంది నాయీ బ్రాహ్మణ అక్కచెల్లెమ్మలు, అన్నదమ్ములకు రూ.40.81 కోట్లు వారి అకౌంట్లో బదిలీ చేస్తాం.


*మంచి చేయాలన్న తపనతోనే*

వీరంతా కష్టజీవులు. కారణమేమిటంటే ప్రతి ఒక్కరూ కూడా పండగ చేసుకుంటున్న సమయంలో కూడా వీళ్లు తమ కుటుంబాలతో ఆ పండగలో ఉండే దానికన్నా వీరంతా పరులకు మంచి చేసే కార్యక్రమాల్లో నిమగ్నులై ఉంటారు. ఇటువంటి శ్రమకు తగిన ఆదాయం లేని పరిస్థితులు.

 స్వయం ఉపాధి రంగంలో కూడా వీళ్లకి చేయూత ఇవ్వకపోతే మొత్తం వ్యవస్ధలే కుప్పకూలిపోయే ప్రమాదకర పరిస్ధితులను మనం గుర్తించాలి. ఇదే విషయాన్ని నా పాదయాత్రలో నేను గుర్తించాను. పాదయాత్ర చేస్తున్నప్పుడు, వీరి కష్టాన్ని విన్నప్పుడు, ఆ పరిస్థితులను చూసిప్పుడు, మంచి చేయాలన్న తపన, తాపత్రయంతో అధికారంలోకి వచ్చిన తర్వాత జగనన్న చేదోడు అనే కార్యక్రమం తీసుకు వచ్చాం. ఈ కార్యక్రమంలో కూడా ఎలాంటి లంచాలకు, వివక్షకు తావు లేకుండా, ఎవరి చుట్టూ తిరగాల్సిన అవసరం ఎవరికీ లేకుండా,  అత్యంత పారదర్శకంగా గ్రామ వార్డు సచివాలయంలో అర్హుల జాబితాను ప్రదర్శించి, సోషల్‌ ఆడిట్‌ నిర్వహిస్తున్నాం.  ఇంకా ఎవరైనా మిగిలిపోతే దరఖాస్తు చేసుకొమ్మని చెప్పి.. అత్యంత పారదర్శకంగా ఈ కార్యక్రమాన్ని చేస్తున్నాం.  

ఈ రెండున్నర సంవత్సరాలలో జగనన్న చేదోడు పేరుతో ఈ కార్యక్రమాన్ని రెండోసారి మన ప్రభుత్వం చేస్తోంది.  

వీరికి ఈ రెండు సంవత్సరాలలో మొత్తంగా రూ.583.78 కోట్లు ఇవ్వగలిగాం. 


*గతంలో కమిషన్లు కొట్టేసే పరిస్థితి*

ఇస్త్రీ పెట్టలు, కత్తెరలు వంటివి అందిస్తున్నామని.. అందులో కూడా కమిషన్లు కొట్టేసి ఏ కొందరికో మాత్రమే ఇచ్చి, అవి కూడా నాణ్యతలేని సామాన్లు ఇచ్చే పరిస్థితి, ఉపయోగపడని పరిస్థితులు మనం గత ప్రభుత్వంలో చూశాం. వీళ్లు బీసీలకు మంచి చేస్తున్నామని మాటల్లో చెప్పడమే కానీ, వాళ్లకు అత్యంత మంచి చేసే గొప్ప కార్యక్రమం  ఫీజు రీయింబర్స్‌మెంట్‌.. ఈ పథకాన్ని కూడా నీరుగార్చిన పరిస్థితి గత ప్రభుత్వంలో మన కళ్లెదుటనే చూశాం. ఇదే బీసీలకు గొప్ప సామాజిక న్యాయం అని చెప్పి.. చెడే చేసిన గత ప్రభుత్వానికి... మనసుతో వారందరికీ కూడా నిజమైన చేదోడు అందిస్తున్న మన ప్రభుత్వానికి మధ్య తేడా ఎంతుందో గమనించమని కోరుతున్నాను. 


*బీసీలు అంటే బ్యాక్ బోన్‌ క్లాసు*

బీసీలంటే కేవలం పనిముట్లు కాదు.. బీసీలంటే బ్యాక్‌వర్డ్‌ క్లాసులు కాదు... సమాజానికి.. బ్యాక్‌ బోన్‌ క్లాస్‌ అని నిండు మనస్సుతో నమ్మి, అధికారంలోకి వచ్చిన తర్వాత ఆచరించాం. 

ఈ వృత్తులు అవలంభిస్తున్న కులాల వారి జీవితాల్లో మార్పులు రావాలి. వీరు రాజకీయంగానూ, ఆర్ధికంగానూ, సామాజికంగానూ  మిగతా పోటీ ప్రపంచంతో పోటీపడి ఎదగాలి.. అందుకు అనుకూలమైన వాతావరణాన్ని క్రియేట్‌ చేయాలని చెప్పి... ఈ రెండున్నర సంవత్సరాల కాలంగా మనసా, వాచా తపించాం. కాబట్టే మత్స్యకార భరోసా, నేతన్ననేస్తం వంటి పథకాలతో పాటు నవరత్నాలతో ప్రతి ఒక్క పథకానికి కూడా బీసీలు, ఎస్సీలు, ఎస్టీలు, మైనార్టీలకు కూడా అత్యంత పెద్దపీట వేస్తూ వర్తింపజేసేలా ప్రతిఅడుగులో కూడా తోడుగా నిలబడ్డాం. 


వైయస్సార్‌ ఆసరా, వైయస్సార్‌ చేయూత, వైయస్సార్‌ సున్నావడ్డీ, వైయస్సార్‌ రైతు భరోసా, వైయస్సార్‌ పెన్షన్‌ కానుక, జగనన్న అమ్మఒడి, జగనన్న విద్యాదీవెన, జగనన్న వసతి దీవెన, వైయస్సార్‌ వాహనమిత్ర ఇలా అనేక పథకాలను తీసుకువచ్చాం. బీసీ, ఎస్సీ, ఎస్టీ, మైనార్టీలకు అండగా నిలిచాం. 


ఇవే కాకుండా ఇంగ్లిషు మీడియం చదువులు, 30  లక్షల కుటుంబాలకు మేలు చేస్తూ ఇళ్ల పట్టాలు ఇవ్వడం ఇలా ఏది తీసుకున్నా...  ఎన్నికల ముందు ఏలూరులో నేను ఇచ్చిన మాట ప్రకారం వారిని వెన్నుముక కులాలగా మార్చేందుకు నిండు మనస్సుతోనే ఈరెండున్నర సంవత్సరాలలో గట్టిగా ప్రయత్నం చేశాను. 


*రెండున్నరేళ్లలో...*

ఈ రెండున్నర సంవత్సరాల కాలంలో దేవుడి చల్లని దీవెనలతో మన ప్రభుత్వం కొన్ని పనులు ఏం చేశామన్నది జ్ఞాపకం చేసుకుందాం. 


బీసీ కమిషన్‌ను శాశ్వత ప్రాతిపదికన నియమించిన మొట్టమొదట రాష్ట్రం మనదే. కేబినెట్‌ కూర్పులోనే ఎస్సీ, ఎస్టీ, బీసీ, మైనార్టీలకు 60 శాతం మంత్రి పదవులుచ్చిన ప్రభుత్వం మనదే. ఐదుగురు డిప్యూటీ సీఎంలకు గానూ... నలుగురు డిప్యూటీ సీఎంలు ఎస్సీ, ఎస్టీ, బీసీ, మైనార్టీ వర్గాలకు చెందినవారే. 


శాసనసభ స్పీకర్‌ పదవి సైతం బీసీలకే ఇచ్చామని సగర్వంగా చెప్పగలుగుతున్నాం. మనం అధికారంలోకి వచ్చిన తర్వాత 32 మందికి ఎమ్మెల్సీ పదవులు ఇస్తే... అందులో 18 ఎమ్మెల్సీ పదవులు ఎస్సీ, ఎస్టీ, బీసీ, మైనార్టీలకే ఇచ్చాం. నలుగురిని మనం రాజ్యసభకు పంపిస్తే అందులో సగం అంటే రెండు బీసీలకే ఇచ్చాం.  


మొన్న జరిగిన స్ధానిక సంస్ధల ఎన్నికల్లో మొత్తం 650 మండలాలలో వైయస్సార్‌ కాంగ్రెస్‌ పార్టీ  636 మండలాల్లో మనం క్వీన్‌ స్లీప్‌ చేస్తే..  అందులో 427 మండల అధ్యక్ష పదవులు అంటే 67 శాతం బీసీ, ఎస్సీ, ఎస్టీ, మైనార్టీలకే  ఇచ్చాం. 13 జిల్లా పరిషత్‌ అధ్యక్ష పదవుల్లో ఎస్సీ, ఎస్టీ, బీసీ, మైనార్టీలకే 9 పదవులు అంటే 69 శాతం ఇచ్చాం. 


13 నగర కార్పొరేషన్‌ ఛైర్మన్లకు ఎన్నికలకు పోయి దేవుడి దయతో 13 మనమే గెలిచాం. ఆ పదవుల్లో బీసీలు, ఎస్సీలు, ఎస్టీలు, మైనార్టీలకు 12 అంటే 92 శాతం ఈ వర్గాల వారికే ఇచ్చాం.


87 మున్సిపాల్టీలలో 84 వైయస్సార్‌ కాంగ్రెస్‌ పార్టీ గెలిస్తే అందులో 61 ఛైర్మన్‌ పదవులు అంటే 73 శాతం ఎస్సీ, ఎస్టీ,బీసీ, మైనార్టీలకే ఇచ్చాం.


196 వ్యవసాయ మార్కెట్‌ కమిటీల్లో 118 అంటే 60 శాతం ఛైర్మన్‌ పదవులు ఎస్సీ, ఎస్టీ, బీసీ, మైనార్టీలకే.

నామినేటెడ్‌ కింద కార్పొరేషన్‌ ఛైర్మన్‌ పదవులు 137 ఇస్తే... వీటిలో 79 పదవులు అంటే 58 శాతం ఎస్సీ, ఎస్సీ, ఎస్టీ, బీసీ, మైనార్టీలకే ఇచ్చాం. 

484 నామినేటెడ్‌ డైరెక్టర్ల పోస్టులో 281 పోస్టులు అంటే 58 శాతం ఈ వర్గాలకే ఇచ్చాం.


*1.25 లక్షల శాశ్వత ఉద్యోగాలు...*

ఈ మధ్య కాలంలో గ్రామ, వార్డు సచివాలయాల్లో మన ప్రభుత్వం వచ్చిన తర్వాత మనం 1.25 లక్షల శాశ్వత ప్రభుత్వ ఉధ్యోగాలిస్తే.. ఇందులో 83 శాతం ఎస్సీ, ఎస్టీ,బీసీ, మైనార్టీ వర్గాల వారికే ఇవ్వగలిగాం.  ఇలా నామినేటెడ్‌ పదవుల్లో కానీ, పనుల్లో కానీ దేశంలో ఎక్కడా లేని విధంగా తొలిసారిగా ఎస్సీ, ఎస్టీ, బీసీ, మైనార్టీ వర్గాలకు 50 శాతం రిజర్వేషన్లు కల్పిస్తూ... ఏకంగా చట్టాన్నే చేసిన ప్రభుత్వం మనదే. 


*మిమ్నల్ని గమనించమని కోరుకుంటున్నాను.* 

ఒకవైపున ఇంత మంచి చేశామని చెప్పి మీ బిడ్డగా తెలియజేసే పరిస్థితి ఉంటే...


*మరోవైపు...*

 మరోవైపు ఎస్సీ కులాల్లో పుట్టాలని ఎవరైనా కోరుకుంటారా అన్న దిగజారుడు వ్యక్తి ఈ రోజు మన రామోజీరావుగారికి అంటే మన ఈనాడుకు ముద్దుబిడ్డగా ఉన్నాడు.


*బీసీల తోకలు కత్తిరిస్తానని..*

బీసీల తోకలు కత్తిరిస్తానన్న అహంకారి మన  ఏబీయన్, టీవీ5 వీరికి ముద్దుబిడ్డ ఈరోజు. 

బీసీలు జడ్జీలుగా పనికిరారని ఏకంగా కేంద్రానికి లేఖలు రాసిన వ్యక్తి ఈ రోజు మన ఎర్రజెండాల వారికి ఆత్మీయ కామ్రేడ్‌గా తయారైన వ్యవస్ధ ఈరోజుమనం చూస్తున్నాం. ప్రపంచ కమ్యూనిస్టు చరిత్రలో బహుశా ఎప్పుడూ కనీవినీ ఎరుగని విధంగా  బాబు బినామీ భూముల రియల్‌ ఎస్టేట్‌ ధరల కోసం ఈ రోజు కామ్రేడ్‌ సోదరులు జెండాలు పట్టుకునే పరిస్థితి.  


*డెమోగ్రాఫిక్ ఇంబేలన్స్‌ అని*

ఎవరైనా అమరావతిలో పేదలకు ఇళ్లు ఇవ్వడం కోసం.. ఆ బీసీలు, ఎస్సీలు, ఎస్టీలు, మైనార్టీలకు  స్ధలాలు కేటాయిస్తే.. ఏకంగా వీళ్లకు ఇళ్ల స్దలాలు అక్కడ కేటాయిస్తే డెమోగ్రాఫిక్‌ ఇంబేలన్స్‌ అంటే సామాజిక సమతుల్యం దెబ్బతింటుందని ఏకంగా కోర్టులకు వెళ్లి పిటిషన్లు వేసిన చంద్రబాబు గారికి మద్ధతు పలుకుతున్న మహానుభావులు కూడా ఇక్కడ మన కామ్రేడ్‌లు ఉన్నారంటే ఏ స్ధాయిలో వ్యవస్ధ దిగజారిపోయిందో గమనించమని కోరుతున్నాను. 


ఇక్కడ మరో విషయం ఆలోచించమని సవియనంగా కోరుతున్నాను.  రాష్ట్ర ప్రభుత్వ ఉద్యోగులు సమ్మె ప్రారంభించాలని ఎవరు కోరుకుంటారు?  ప్రజలు, ప్రభుత్వం, ఉద్యోగులు కూడా కోరుకోరు.  నేను ఇంతగా ప్రేమించే నా ఎస్సీ, ఎస్టీ, బీసీ, మైనార్టీ సోదరులు కూడా కోరుకోరు. 


దాదాపుగా ఈ రెండున్నర సంవత్సర కాలంలో నేరుగా బటన్‌ నొక్కి డీబీటీ పద్ధతి ద్వారా, అంటే ఎటువంటి లంచాలకు, వివక్షకు తావులేకుండా అక్షరాలా రూ.1.27 లక్షల కోట్లు అందుకున్న ఏ కుటుంబమూ కోరుకోదు. ఏ ఒక్క సామాజిక వర్గం కోరుకోదు.


*సమ్మె ఎవరికి కావాలంటే ?*

మరి కోరుకునేదెవరో తెలుసా ? సమ్మె ఎవరికి కావాలో ? ఆందోళనలు ఎవరికి కావాలో తెలుసా? ఎవరికి కావాలని అని అంటే ?.... చంద్రబాబు సీఎం కాలేదన్న బాథ, కడుపుమంట ఉన్నవారికి మాత్రమే కావాలి. పార్టీల పరంగా ఎర్రజెండాల వారికి కావాలి. బాబు దత్తపుత్రుడికి కావాలి. వ్యక్తుల పరంగా మీడియా ముసుగులో నడుపుతున్న ఈనాడు, ఆంధ్రజ్యోతి, టీవీ5 వీళ్లకే కావాలి. కాబట్టే

ఉద్యోగుల సమ్మె జరుగుతుందంటే వీళ్లకు పండగ. 

సంధి జరిగింది, ఉద్యోగులు సమ్మెలో పాల్గొనడం లేదు అని అంటే... ఏడుపు మొహం పెట్టారు. వీళ్లకు అది నచ్చలేదు.


*ఎదర ఎర్రజెండా.. వెనుక పచ్చ ఎజెండా...*

 రాష్ట్ర ప్రభుత్వ ఉద్యోగులు సమ్మె విరమించారు అని తెలియగానే...కమ్యూనిస్టు సోదరులను ముందుకు తోశారు.  పచ్చ జెండాలు మోస్తున్న పచ్చబాబు... పచ్చజెండాల ముసుగులో ఉన్న ఎర్రసోదరులను ముందుకు తోశారు. ఎదర ఎర్రజెండా.. వెనుక పచ్చ ఎజెండా. ఇది ఈ రాష్ట్రంలో ఉన్న పరిస్థితి. 


ఈ రోజు ఈనాడులో మొదటి పేజీలో చూస్తే ఆశాలు రోడ్డుమీదకువచ్చారని చెప్పి ఫోటో వేశారు. వాళ్లను ఈడుస్తున్నట్టుగా ఫోటో వేశారు. ఆశ అక్కచెల్లెమ్మల మీద ఇంత ప్రేమ ఉంది అని చూపించే ఒక అభూత కల్పన. 

కాంట్రాక్టు, ఔట్‌ సోర్సింగ్, మున్సిపల్‌ ఉద్యోగులు ఆందోళన చేపట్టారని చెప్పి ఈనాడు గుండెలు బాదుకోవడం, వెనకాల నుంచి కమ్యూనిస్టుల ప్రోద్భలం. ఎజెండా పచ్చ ఎజెండా.

 

నిరుద్యోగులు ఆందోళన చేస్తున్నారని ఎల్లో ఛానెళ్ల బాధ అంతా ఇంతా కాదు. ఎవరో ఒకరు, ఎదోఒక చోట ఆందోళన చేయండి, మీకు మంచి చేస్తున్న ప్రభుత్వానికి వ్యతిరేకంగా నినాదాలు చేయండి, మా బాబు పాలనే బాగుందని చెప్పండి. మీకు మెరుగైన జీతాలు ఇచ్చే 

ప్రభుత్వానికి వ్యతిరకంగా నాలుగు జెండాలు పట్టుకొండి అన్న స్లోగన్స్‌.


*ముఖ్యమంత్రిని తిడితే మంచి కవరేజ్‌*

ముఖ్యమంత్రిని కనుక తిడితే ఇంకా బాగా కవరేజ్‌ ఇస్తాం. ఇంకా బాగా హైలెట్‌ చేస్తాం. సోషల్‌ మీడియాలో ఎవరైనా రాస్తే.. దాన్ని ప్రధాన వార్తగా కూడా ప్రచురిస్తాం.  టీవీలలో చూపిస్తాం. ఇది ఈనాడు రాష్ట్రంలో ఉన్న ఈనాడు,ఆంధ్రజ్యోతి, టీవీ5 ఇలా ఎల్లో మీడియా ధోరణి. నిజంగా ఇవి వింటున్నప్పుడు, చూస్తున్నప్పుడు చాలా బాధ కలిగినా కూడా... ఇంత దిగజారిపోయిన పరిస్థితి చూస్తున్నప్పుడు ఆ బాధలోనుంచి నవ్వు కూడా వస్తుంది. నిజంగా ఈస్ధాయికి వీళ్లు దిగజారిపోయేలా దేవుడు నన్ను హెచ్చించాడు అని చెప్పి సంతోషంగా ఉంటుంది.


*మీ ద్వారా అందరికీ కొన్ని విషయాలు చెప్పాలి*

  కొన్ని విషయాలు మీ ద్వారా మీకే కాకుండా రాష్ట్రంలో ఉన్నవారందరికీ చెప్పాలి. స్వాతంత్య్రం వచ్చినప్పటి నుంచి మొన్న 2019 వరకు అంటే మన ప్రభుత్వం రానంత వరకు మన రాష్ట్రంలో మొత్తం ప్రభుత్వ ఉద్యోగులు 3.97 లక్షల మంది ఉన్నారు. ఈ రెండున్నర సంవత్సరకాలంలో మన ప్రభుత్వం వచ్చిన తర్వాత మనమిచ్చిన ఉద్యోగాలు.. మన కళ్లెదుటనే గ్రామ, వార్డు సచివాలయ ఉద్యోగులు 1.25 లక్షల మంది కనిపిస్తున్నారు. ఆర్టీసీ ఉద్యోగులు దశాబ్దాలుగా కన్న కలను నెరవేరస్తూ... దాదాపుగా 51 వేల మందిని ఆర్టీసీ ఉద్యోగులను ప్రభుత్వంలో విలీనం చేశాం. ఇక మిగిలినవాటిని కలుపుకుంటే.. మన ప్రభుత్వం వచ్చిన తర్వాత 1,84,264 కొత్త ప్రభుత్వఉద్యోగాలను ఇచ్చాం. అంటే స్వాతంత్య్రం వచ్చినప్పటి నుంచి మన ప్రభుత్వం రానంత వరకు 3.97లక్షల ఉద్యోగాలు ఉంటే.. ఈ రెండేళ్లలో 1,84,264 ఉద్యోగాలు ఇచ్చామంటే.. ఏకంగా 50 శాతంపై చిలుకు ఉద్యోగాల పెరుగుదల కనిపించడం లేదా అని చెప్పి... నిరుద్యోగులు ఆందోళన చేస్తున్నారని పెద్ద, పెద్ద అక్షరాలు రాస్తున్న వీళ్లకి , మాట్లాడుతున్న వీళ్లకి కనిపించడం లేదా అని అడుగుతున్నాను ? 


*మెరుగైన, మంచి జీతాల కోసం- ఆప్కాస్‌*

ఈ రోజు అవుట్‌ సోర్సింగ్‌ ఉద్యోగులు ఎక్కడ కూడా వాళ్లు మోసపోకూడదు, జీతాలిచ్చేటప్పుడు లంచాలిచ్చే పరిస్థితి రాకూడదు, దళారీల బెడద ఉండకూడదు, కమిషన్లు లేకుండా వారికి మెరుగైన, మంచి జీతాలు ఇచ్చే పరిస్థితి రావాలని వారికి ఆప్కాస్‌ ఆని ఒక కార్పొరేషన్‌  క్రియేట్‌ చేసి, దాదాపు లక్షమందికి పైగా ఉద్యోగులకు ఈపీఎఫ్, ఈఎస్‌ఐ బెనిఫిట్స్‌ అందిస్తున్న ప్రభుత్వం మనది. 


ఆర్టీసీ ఉద్యోగులను ప్రభుత్వంలో విలీనం చేశాం కాబట్టే... ఈ రోజు రాష్ట్ర ఖజానా మీద సంవత్సరానికి రూ.3600 కోట్లు అదనపు భారం పడుతున్నా చిరునవ్వుతో తీసుకుంటున్న ప్రభుత్వం మనది. పక్కనే తెలంగాణా, ఇతర రాష్ట్రాలు కూడా ఉన్నాయి. ఆర్టీసీ ఉద్యోగులు రోడ్డెక్కి ఆంధ్రప్రదేశ్‌లో మాదిరిగా మమ్నల్ని విలీనం చేసుకొండి అని అడిగితే ఒక్క ప్రభుత్వం అయినా పట్టించుకుందా? అని అడుగుతున్నాను. గుండెల మీద చేతులు వేసుకుని ఒక్కసారి మీ మనస్సాక్షిని అడగండని అడుగుతున్నాను. 


*బాబు గారి  ఐదేళ్ల పాలనలో...*

చంద్రబాబు నాయుడు గారి ఐదు సంవత్సరాల పాలన చూసారు. 

కాంట్రాక్ట్‌ఉద్యోగులకు టైం స్కేల్‌ ఇస్తామని చెప్పి ఆశ చూపించారు తప్ప ఒక్కరికైనా చేయలేదు. కానీ మన ప్రభుత్వం అధికారంలోకి వచ్చిన వెంటనే కాంట్రాక్ట్‌ఉద్యోగులందరికీ కూడా మినిమమ్‌ టైమ్‌ స్కేల్‌ అమలు చేస్తున్న ప్రభుత్వం మనది. అధికారంలోకివచ్చినప్పటి నుంచి ఈరోజు వరకు అమలు చేస్తున్న ప్రభుత్వం మనది కాదా ఆలోచన చేయండి ? 


2019 ఎన్నికలకు మూడు నెలల ముందు వరకు కూడా.. ఏయే ఉద్యోగులకు ఎంతెంత జీతం ఇచ్చారో.. ఇప్పుడు మనందరి ప్రభుత్వం ఎంతెంత జీతం ఇస్తుందో వారికి, ప్రజలందరికి తెలుసు. అయినా  ఒక్కసారి జ్ఞా్పకం  చేస్తున్నాను.


*జీతాలు గతంలో- మన ప్రభుత్వంలో....*

ఇదే అంగన్వాడీ వర్కర్లకు గతంలో బాబుగారి హయాంలో రూ.7వేలు జీతం ఇస్తే... మన ప్రభుత్వం అధికారంలోకి వచ్చిన వెంటనే రూ.11,500 చేశాం.

అంగన్వాడీ మినీ వర్కర్లకు బాబుగారి హయాంలో జీతం రూ.4500 అయితే మనం వచ్చిన తర్వాత దాన్ని రూ.7వేలు చేశాం. 

సంఘమిత్రలకు, యానిమేటర్లకు రూ.3వేలు బాబు హయాంలో ఇస్తే.. మనం వచ్చిన తర్వాత దాన్ని రూ.10వేలు చేశాం. 

మున్సిపల్, పారిశుద్ధ్య కార్మికులకు బాబు గారి హయాంలో రూ.12వేలు అయితే మనం రూ.18వేలు చేశాం. 


ఈ రోజు పేపర్లో ఆశావర్కర్లవి రామోజీరావుగారు పెద్ద, పెద్ద ఫోటోలు వేశారు. ఇదే ఆశావర్కర్లకు బాబు గారి హయాంలో ఎంతిచ్చేవారు అంటే..  కేవలం రూ.3వేలు. మనం ఇవాళ ఇస్తున్నది రూ.10 వేలు కాదా ? ఒక్కసారి మనస్సాక్షిని అడగండి.


గిరిజన సంక్షేమ హెల్త్‌ వర్కర్లకు బాబు గారి హాయంలో కేవలం రూ.400 ఇచ్చిన పరిస్థితి. ఈరోజు మనం రూ.4వేలు ఇస్తున్నాం. 

హోంగార్డులకు బాబుగారి హయాంలో జీతం రూ.18వేలు ఇస్తే మనం దాన్ని పెంచి రూ.21,300 ఇస్తున్నాం.  


108 ఫోన్‌ నంబరు కొడితే తోడుగా నిలబడే ఆ వ్యవస్ధలో డ్రైవర్లకు బాబు గారి హయాంలో నెలకు రూ.13వేలు జీతం అయితే ఇవాళ వాళ్లు తీసుకుంటున్న జీతం రూ.28వేలు. ఇది నిజం కాదా ? అని ఆలోచన చేయమని అడుగుతున్నాం.


 ఇలా 3.07 లక్షల మందికి మన ప్రభుత్వం రాకముందు వరకు కూడా రాష్ట్ర ప్రభుత్వానికి సంవత్సరానికి అయ్యే ఖర్చు రూ.1198 కోట్లు అయితే ఈ రోజు మన రాష్ట్ర ప్రభుత్వం భరిస్తున్న ఖర్చు రూ.3187 కోట్లు. ఎక్కడ రూ.1198 కోట్లు. ఎక్కడ రూ.3187 కోట్లు. ఇంత పెద్ద ఎత్తున ఇస్తుంటే ఈరోజు ఆందోళన బాట పట్టించేందుకు, రెచ్చగొట్టేందుకు ఎర్ర జెండాలు, పచ్చ జెండాలు ఇద్దరూ కలిసి, రాజకీయాలనే కల్మషం చేసి, రాష్ట్రాన్ని చిన్నాభిన్నం చేయాలన్న ప్రయత్నం జరుగుతుంది. 


సామరస్యంగా పరిష్కారం- అయినా ఆందోళన

ఈ రోజు ఉద్యోగుల సమస్యలు సామరస్యంగా పరిష్కారం అయ్యాక... ఆ ప్రక్రియలో కూడా భాగస్వామ్యలు కూడా అయిన కొన్ని వామపక్షాలకు సంబంధించిన సంఘాలు.. అక్కడేమో  సంతకాలు పెట్టి, సంతోషాన్ని వెలబుచ్చారు. మరుసటి రోజు కేవలం వామపక్షాలకు సంబంధించిన కొన్ని యూనియన్లు, పచ్చ పార్టీలకు సంబంధించిన యూనియన్స్‌.. పోరుబాట పడతామని, రోడ్డెక్కుతామని కొంతమంది టీచర్లు అంటుంటే బాధనిపిస్తుంది. 


కోవిడ్‌ వల్ల గత రెండు సంవత్సరాలుగా మనం పిల్లకు పరీక్షలు పెట్టలేదు. కేవలం పాస్‌ చేస్తూ పోతున్నాం. ఇలాంటి పరిస్థితుల్లో, ఇది మూడో సంవత్సరం. పరీక్షల సమయం సమీపిస్తున్న పరిస్థితుల్లో ఇలా కొంతమంది కేవలం ప్రభుత్వం మీద రెచ్చగొట్టాలని.. కొంతమంది టీచర్లతో రోడ్డెక్కిస్తే.. పిల్లల చదువులేం కావాలి ? ఆ తల్లిదండ్రులకేం సమాధానం చెబుతారు? మూడో సంవత్సరం కూడా పిల్లల చదువులు గాలికొదిలేసే పరిస్థితి తీసుకునిరావడానికి వీళ్లు చేసే ప్రయత్నం చూస్తుంటే...  ఈ రెచ్చగొట్టే ఈ  నాయకులు కానీ, ఇలా రెచ్చిపోయేటట్టు తాపత్రయ పడుతున్న ఈ ఎల్లో మీడియా కానీ?  వీళ్లంతా మనుషులేనా అని చెప్పి మనం అందరం కూడా ఆలోచించాలి ? ఇలా చేయడం ధర్మమేనా ? అని మనం కూడా ఆలోచన చేయాలి.



ఇన్ని మంచి పనులు చేస్తున్నా...

 ఇన్ని మంచి పనులు చేస్తున్నా బురద జల్లడం పరిపాటి అయింది. ఈరోజు ఇన్ని జరుగుతున్నా దేవుడి దయ, మీ అందరి చల్లని దీవెనలతో మీ బిడ్డ ఇంకా మంచి చేసే ప్రయత్నం చేస్తాడు. ఇంకా మంచి చేసే బలం దేవుడు ఇవ్వాలని.. మీ అందరి చల్లని దీవెనలు తోడుగా ఉండాలని ఆకాంక్షిస్తూ... ఈ కార్యక్రమానికి శ్రీకారం చుడుతున్నానని సీఎం శ్రీ వైయస్‌.జగన్‌ తన ప్రసంగం ముగించారు. 


అనంతరం సీఎం శ్రీ వైయస్‌.జగన్‌ రాష్ట్ర వ్యాప్తంగా 2,85,350 మంది రజక, నాయీ బ్రాహ్మణ, దర్జీ అన్నదమ్ములు, అక్కచెల్లెమ్మలకు రూ.285.35 కోట్ల ఆర్ధిక సాయాన్ని క్యాంప్‌ కార్యాలయంలో బటన్‌ నొక్కి లబ్ధిదారుల ఖాతాల్లో జమ చేశారు. 


ఈ కార్యక్రమంలో క్యాంప్‌ కార్యాలయం నుంచి బీసీ సంక్షేమశాఖ మంత్రి చెల్లుబోయిన శ్రీనివాస వేణుగోపాల కృష్ణ, పర్యాటకశాఖ మంత్రి ముత్తంశెట్టి శ్రీనివాసరావు, సీఎస్‌ డాక్టర్‌ సమీర్‌ శర్మ, గ్రామ,వార్డు సచివాలయాల స్పెషల్‌ సీఎస్‌ అజయ్‌ జైన్, రజక, నాయీ బ్రాహ్మణ, టైలర్‌ కార్పొరేషన్ల ఛైర్మన్లు, ఇతర ఉన్నతాధికారులు హాజరయ్యారు.

Comments
Popular posts
దొంగతనం కేసును చేదించి ముద్దాయిలను పట్టుకున్న రూరల్ సీఐ,. ఎస్ఐ
Image
రాష్ట్ర ప్రభుత్వం రైతులకు అండగా వుంటూ, ఆధునిక సాంకేతిక పద్దతులు, పరిశోధనలు రైతులకు అందుబాటులోకి తీసుకురావడానికి కృషి చేస్తుంది.
Image
Gudivada - Kankipadu road widening, development works start
Image
*ఊర పంది మాంసం ను, అడవి జంతువుల మాంసంగా నమ్మిస్తూ అమ్ముతున్న ముఠా అరెస్ట్* గోదావరిఖని : కొంత కాలంగా కొందరు వ్యక్తులు కలిసి ఒక ముఠాగా ఏర్పడి ఊర పంది మాంసంను అడవిలో తిరిగే జింక, దుప్పి, అడవి పంది మాంసంగా నమ్మిస్తూ, జింక, దుప్పి, అడవి పంది లను వెటాడి చంపినట్లుగా ఫోటోలను వాట్సాప్ లో ఫోటోలు పెడుతూ ప్రజలను నమ్మించి, అదిక ధరలకు అమ్ముతూ పెద్ద మొత్తంలో డబ్బులు సంపాదిస్తూ ప్రజలను నమ్మించి మోసం చేస్తున్న వారిని గుర్తించి, వారిపైన నిఘా పెట్టి ఈరోజు శాంతినగర్, పెద్దపల్లి లో ఊర పంది మాంసంను అడవి జంతువుల మాంసంగా నమ్మిస్తూ అమ్ముతుండగా, *1) లోకిని అంజయ్య S/o ఎల్లయ్య, 37 సం, ఎరుకల r/o హన్మంతునిపేట్,* *2) రేవెల్లి సంపత్ S/o పీసరయ్య, 32 సం, ఎరుకల r/o వద్కాపూర్* అను ఇద్దరినిఅరెస్ట్ చేయడం జరిగినది. *ఇంకా వీరి ముఠా సభ్యులు అయిన* *1) లోకిని జంపయ్య r/o హన్మంతునిపేట్,* *2) లోకిని గణేష్ r/o హన్మంతునిపేట్,* *3) లోకిని అనిల్ r/o నిమ్మనపల్లి,* *4) రేవెల్లి శివాజీ r/o వడ్కపూర్,* *5) కుర్ర తిరుపతి r/o పెద్దకాల్వల* *6) కెదిరి తిరుపతి r/o పెద్దపల్లి* పరారిలో వున్నారు. వీరివద్దనుండి *1) 20 కిలోల ఊర పంది మాంసం* *2) 4 కత్తులు,* *3) మటన్ కొట్టె మొద్దుకర్ర* *4) తరాజు, బాట్లు* *5) AP-15-P-120 హీరో హోండా ప్యాషన్ మోటర్ సైకిల్ స్వాదీనం చేసుకోనైనది.* ఇట్టి నేరస్తులను పట్టుకోవడంలో కృషి చేసిన, ఏ.ప్రదీప్ కుమార్, సి ఐ. పెద్దపల్లి, కె.రాజేష్, ఎస్సై పెద్దపల్లి, కానిస్టేబుల్లు మాడిశెట్టి రమేష్, దుబాసి రమేష్ లను డి సి పి పెద్దపల్లి అభినందించారు.
Image
అవినీతి అనకొండగా మారిన దుర్గగుడి ఈవో • వినియోగంలో ఉన్న లిఫ్టుల పేరుతో రూ. 2 కోట్ల బిల్లులు • సీవేజ్ ప్లాంట్ పేరు చెప్పి రూ. 53 లక్షల దోపిడి • ఫుట్ పాత్ పేరు చెప్పి రూ. 10 లక్షల బిల్లు • నిత్య ఆదాయవనరుగా మారిన మహామండపం • ఈవో అక్రమాల్లో మంత్రి వెల్లంపల్లికీ భాగస్వామ్యం • అవినీతికి సహకరించలేదనే ఔట్ సోర్సింగ్ ఉద్యోగుల తొలగింపు • మీడియా సమావేశంలో జనసేన అధికార ప్రతినిధి శ్రీ పోతిన వెంకట మహేష్ బెజవాడ కనక దుర్గమ్మ ఆలయం సాక్షిగా కోట్లది రూపాయిల అవినీతి, అక్రమాలు జరుగుతుంటే దేవాదాయ శాఖ మంత్రి, ఉన్నతాధికారులు ఎందుకు స్పందించడం లేదని జనసేన పార్టీ రాష్ట్ర అధికార ప్రతినిధి శ్రీ పోతిన వెంకట మహేష్ ప్రశ్నించారు. వినియోగంలో ఉన్న లిఫ్టులను చూపి అడ్డంగా రూ. 2 కోట్ల 28 లక్షల రూపాయిలు దోచేశారని ఆరోపించారు. ఈవో సురేష్ బాబు గారు అవినీతి అనకొండలా తయారయ్యారనీ, ఆయన అవినీతిలో మంత్రి వెల్లంపల్లి శ్రీనివాస్ గారికి భాగస్వామ్యం ఉంది కాబట్టే కొనసాగే అర్హత లేదని హైకోర్టు చెప్పినా ఈవోను కొనసాగిస్తున్నారనీ అన్నారు. శనివారం విజయవాడ పశ్చిమ నియోజకవర్గంలోని జనసేన పార్టీ కార్యాలయంలో మీడియా సమావేశం నిర్వహించారు. ఈ సందర్భంగా శ్రీ మహేష్ మాట్లాడుతూ... రాష్ట్రంలోనే ఆదాయంలో రెండో అతిపెద్ద ఆలయం అయిన కనకదుర్గమ్మ ఆలయంలో అవినీతి అక్రమాలను రాష్ట్ర ప్రభుత్వం ఎందుకు పట్టించుకోవడం లేదు? అక్రమాలపై చర్యలు ఎందుకు తీసుకోవడం లేదు? గతంలో ఈవోలుగా పని చేసిన ఎంతో మంది ఐఎఎస్ అధికారులు ఆలయాన్ని అభివృద్ధి చేయడంతో పాటు, వచ్చిన ఆదాయాన్ని ఫిక్స్ డ్ డిపాజిట్ల రూపంలో భద్రపరిచారు. ప్రస్తుత ఈవో సురేష్ బాబు గారికి కొనసాగే అర్హత లేదని హైకోర్టు చెప్పినా ఎందుకు కొనసాగిస్తున్నారో మంత్రి గారికీ, దేవాదాయ శాఖ కమిషనర్ గారికే తెలియాలి. ఈవో మంత్రి వెల్లంపల్లి శ్రీనివాస్ గారికి బినామీగా మారారనీ, ఏ రోజు వాటా ఆ రోజు మంత్రి గారికి అందచేయడం వల్లే అర్హత లేకపోయినా కొనసాగిస్తున్నారని ప్రజలు చెప్పుకుంటున్నారు. సురేష్ బాబు గారు ఈవోగా బాధ్యతలు స్వీకరించినప్పటి నుంచి ఒక్క అభివృద్ధి కార్యక్రమం చేపట్టిన దాఖలాలు లేవు. అమ్మవారి ఆదాయాన్ని ఇష్టారాజ్యంగా దోచేస్తున్నారు. కోట్లాది రూపాయిల పనులకు అప్రూవల్ ఇచ్చేస్తున్నారు. కూతవేటు దూరంలో కమిషనర్ కార్యాలయం ఉన్నా పర్యవేక్షణ కరువయ్యింది. కోట్లాది రూపాయిలు చెల్లిస్తుంటే కనీస తనిఖీలు, ఆడిట్ లు ఎందుకు చేయడం లేదు. ఆలయ ప్రాంగణంలో క్యాంపు కార్యాలయం ఏర్పాటు చేసుకున్న మంత్రి గారు ఇంత పెద్ద ఎత్తున అవినీతి ఆరోపణలు వస్తుంటే ఎందుకు స్పందించడం లేదు. ప్రతి విషయంలో ఈవోని వెనకేసుకుని రావడం, ఆయన చేసే అవినీతి పనులకు మద్దతు ఇవ్వడం చూస్తుంటే అందులో మంత్రి గారికి భాగస్వామ్యం ఉందని ప్రజలు భావిస్తున్నారు. • రోడ్డు పక్క ఫుట్ పాత్ కి ఆలయానికీ సంబంధం ఏంటి? మే 26వ తేదీన మల్లిఖార్జున మహామండపంలో అడిషనల్ లిఫ్ట్ ఛాంబర్ కనస్ట్రక్షన్ పేరిట రూ. 2 కోట్ల 98 లక్షలు బిల్లులు డ్రా చేశారు. కరోనా లాక్ డౌన్ కొనసాగుతుంటే ఎవరూ చూడరు, స్పందించరని వినియోగంలో ఉన్న లిఫ్టుల పేరుతో కోట్లాది రూపాయిలు చెల్లించడం దోపిడి కాదా అని రాష్ట్ర ప్రభుత్వాన్ని, దేవాదాయ శాఖ మంత్రి గారిని, కమిషనర్ గారిని ప్రశ్నిస్తున్నాం. ఇందులో మీ భాగస్వామ్యం ఎంత? వినియోగంలో ఉన్న లిఫ్టులకు ఏరకంగా బిల్లులు చెల్లించారు? ఇంతకంటే అక్రమం ఏమైనా ఉంటుందా? కుమ్మరిపాలెం సెంటర్ నుంచి అర్జున స్ట్రీట్ వరకు ఫుట్ పాత్ నిర్మాణం పేరిట రూ. 10 లక్షల 23 వేల బిల్లులు చెల్లించారు. అదీ మే 26నే చెల్లించారు. ఈ ఫుట్ పాత్ కీ కనకదుర్గమ్మ దేవస్థానానికీ సంబంధం ఏంటి? ఫుట్ పాత్ వేస్తే నగరపాలక సంస్థ వేయాలి. లేదా ఫ్లై ఓరవర్ నిర్మిస్తున్న హైవే ఆధారిటీ నిర్మించాలి. అన్ని బిల్లులు లాక్ డౌన్ సమయంలోనే చెల్లించడం వెనుక ఆంతర్యం ఏంటి? అమ్మవారి ఆదాయాన్ని ఎందుకు దుబారా చేస్తున్నారు? • నాలుగేళ్లుగా మహా మండపాన్ని ఎందుకు స్వాధీనం చేసుకోలేదు కమర్షియల్ కాంప్లెన్స్ ప్లేసులో రెండు మరుగుదొడ్లు కట్టి రూ. 64 వేలు బిల్లులు డ్రా చేశారు. ఏంటని అడిగితే సమాధానం చెప్పరు. అమ్మవారి సొమ్మును ఇంత బహిరంగంగా దోచుకుంటుంటే మంత్రిత్వశాఖ ఏం చేస్తోంది. ఆలయ మహామండపం నిర్మించి నాలుగు సంవత్సరాలు పూర్తయ్యింది. దేవస్థానం అధికారులు ఇప్పటి వరకు ఎందుకు స్వాధీనం చేసుకోలేదు? మహా మండపం అక్రమార్కుల పాలిట కల్పతరువుగా మారింది. నిత్యం ఏదో ఒక పని అని చూపుతూ లక్షలాది రూపాయిలు అక్రమ బిల్లులు పెట్టి దోచుకుంటున్నారు. సీవేజ్ ప్లాంట్ పేరుతో బయటి నుంచి విరాళాలు సేకరించారు. అవి ఏమయ్యాయో తెలియదు. ప్లాంట్ పేరుతో రూ. 53 లక్షల 69 వేల బిల్లులు ఎలా చెల్లించారో సమాధానం చెప్పాలి. ఇప్పుడు చెప్పినవే రూ. 3 కోట్లు ఉన్నాయి. అమ్మవారి ఆదాయానికి ఇంత పెద్ద ఎత్తున గిండికొడుతుంటే అధికారులు, మంత్రి ఎందుకు స్పందించడం లేదు. ఈవో సురేష్ బాబు గారి అవినీతిలో మంత్రి వెల్లంపల్లి శ్రీనివాస్ గారికి భాగస్వామ్యం ఉంది అందుకే అర్హత లేకపోయినా కొనసాగిస్తున్నారు. మేము ఉత్తుత్తి ఆరోపణలు చేయడం లేదు. వాస్తవాలు మాత్రమే మాట్లాడుతున్నాం. వాస్తవాలను మీరు ఎందుకు పరిగణలోకి తీసుకోవడం లేదు. అమ్మవారి సొమ్ము కోట్లాది రూపాయిలు స్వాహా చేస్తున్నా మంత్రి గారు ఎందుకు స్పందించడం లేదు. దేవస్థానంలో గత 8 సంవత్సరాలుగా పని చేస్తున్న ఔట్ సోర్సింగ్ ఉద్యోగులను కనీసం మానవత్వం చూపకుండా నిర్ధయగా తీసేశారు. కరోనా విపత్కాలంలో వారిని ఎందుకు తొలగించాల్సి వచ్చింది. ఒక పక్కన ఆదాయం డబ్బులు లేవు అని చెబుతారు. కోట్లాది రూపాయిలు బిల్లులు చెల్లించడానికి మాత్రం డబ్బులు ఎక్కడ నుంచి వస్తాయో తెలియదు. అసలు ఔట్ సోర్సింగ్ ఉద్యోగులు చేసిన తప్పేంటి? దశాబ్దకాలం 12 గంటలు నిబద్దతగా పని చేయడమే వారు చేసి తప్పా? మీరు చెప్పిన విధంగా అవినీతి పనులకు పాల్పడకపోవడం వల్లనే వారిని ఉద్యోగాల్లో నుంచి తీసేసిన మాట వాస్తవం కాదా? ఓ పక్కన రాష్ట్ర ప్రభుత్వం ఔట్ సోర్సింగ్ కార్పోరేషన్ పెట్టాం. దళారీ వ్యవస్థను నిర్మూలిస్తాం అని చెబుతారు. మరి వీరి తొలగింపులో ఎందుకు జోక్యం చేసుకోరు. ప్రసాదం ప్యాకింగ్ కోసం రోజుకి రూ. 500 ఇచ్చి బయట నుంచి కార్మికుల్ని పెట్టుకుంటున్నారు. ఆ పని ఏదో వారితోనే చేయించుకోవచ్చు కదా? కొండ మీద కోర్టులు సైతం వద్దన్న ఒకరిద్దరు ఉద్యోగులను ఈవో గారికి సన్నిహితులు అన్న నెపంతో చిన్న ఆర్డర్ తో విధుల్లో కొనసాగిస్తున్నారు. ఆర్టీసీ కాంప్లెక్స్ లో లడ్డూ ప్రసాదం విక్రయం అని చెప్పి వారిని అక్కడ విధుల్లో పెట్టడం వాస్తవం కాదా? విక్రయాలు నిలిపివేసిన తర్వాత కూడా విధుల్లో ఎలా కొనసాగిస్తున్నారు. మీ అవినీతిలో భాగస్వాములు అయ్యే వారికి మాత్రమే ఉద్యోగాలు ఇస్తారా? సెంట్రల్ నియోజకవర్గంలో కాశీవిశ్వేశ్వర ఆలయానికి సంబంధించిన 900 గజాల విలువైన భూమిని కమర్షియల్ కాంప్లెక్స్ గా మార్చడం వెనుక స్థానిక ప్రజా ప్రతినిధి ప్రోత్సాహం ఉందన్న ప్రచారం జరుగుతుంటే స్వయానా బ్రాహ్మణ కార్పోరేషన్ చైర్మన్ హోదాలో ఉన్న శ్రీ మల్లాది విష్ణు గారు ఎందుకు దాన్ని ఖండించడం లేదు. అది అబద్దం అని ఎందుకు చెప్పలేకపోతున్నారు. దేవాలయ వ్యవస్థల్ని పరిరక్షించాల్సింది పోయి రూ. 10 కోట్ల విలువైన స్థలాన్ని శాశ్విత ఆదాయ వనరుగా మార్చుకునేందుకు మీరు చేస్తుంది కుట్ర కాదా? దీని మీద కూడా ఎవరూ స్పందించరు. మంత్రి పెద్ది రెడ్డి గారు జిల్లా ఇంఛార్జ్ మంత్రి హోదాలో మీరు ప్రోత్సహిస్తుంది అభివృద్ధినా? అవినీతినా? దుర్గగుడి కేంద్రంగా జరుగుతున్న అవినీతిని ఆధారాలతో సహా బయటపడుతున్నా ఎందుకు చర్యలు తీసుకోలేకపోయారు? • హైకోర్టు తీర్పుని అమలుపర్చాలి దుర్గ గుడిలో ఇన్ని అక్రమాలు జరుగుతుంటే పాలక మండలి ఏం చేస్తోంది. చైర్మన్ పైలా స్వామి నాయుడు గారు ఎందుకు మౌనం వహిస్తున్నారు. మీకు ఈవో గారి అక్రమాల్లో భాగం ఉందా? అక్రమాలను అడ్డుకోలేని ఈ పాలక మండలి పనికి రాదు కోర్టు తీర్పుల అమలుపర్చడంలో ప్రభుత్వానికి చిత్తశుద్ది ఉంటే ఈవో సురేష్ బాబు గారు పనికి రారు అన్న హైకోర్టు తీర్పుని వెంటనే అమలుపర్చాలి అని అన్నారు.
Image