శాసనసభలో దివంగత మంత్రి మేకపాటి గౌతంరెడ్డి సంతాపతీర్మానాన్ని ప్రవేశపెట్టిన సీఎం శ్రీ వైయస్‌.జగన్‌.

 

అమరావతి (ప్రజా అమరావతి);


శాసనసభలో దివంగత మంత్రి మేకపాటి గౌతంరెడ్డి సంతాపతీర్మానాన్ని ప్రవేశపెట్టిన సీఎం శ్రీ వైయస్‌.జగన్‌.




*ఆంధ్రప్రదేశ్‌ శాససనభ సభ్యులు మేకపాటి గౌతంరెడ్డి గారి మృతిపట్ల ఈ సభ తీవ్ర సంతాపాన్ని వ్యక్తం చేస్తూ... శోకతప్తులైన వారి కుటుంబ సభ్యులకు తన ప్రగాఢ సానుభూతిని తెలియజేస్తుందన్న సీఎం.* 



*ఆ తర్వాత చివరగా మాట్లాడుతూ సీఎం ఏమన్నారంటే... :*


ఈ రోజు నా సహచరుడు, మిత్రుడు, మేకపాటి గౌతమ్‌ రెడ్డి ఇకలేరు అని చెప్పి ఊహించుకునేదానికి, ఆలోచన చేయడానికి కూడా మేమంతా చాలా కష్టపడాల్సిన పరిస్థితి. 

నాకు, పార్టీకి, తాను చేసిన మంచి పనుల దృష్ట్యా రాష్ట్రానికి కూడా తాను లేకపోవడం నష్టమే అని కచ్చితంగా చెప్పగలను. 


గౌతమ్‌ నాకు చిన్నతనం నుంచి స్నేహితుడు. స్నేహమే కాకుండా.. నాకంటే వయస్సులో ఒక సంవత్సరం పెద్దవాడు. 

పెద్దవాడు అయినప్పటికీ కూడా ఏ రోజూ నన్ను స్వయంగా అన్న అనుకునేవాడు. అంత విశ్వసించేవాడు, అంత నమ్మకముంచేవాడు. నేనేదైనా చెబితే నాకేం కావాలి, నాకేం నచ్చుతుందని తాను తపించి చేసేవాడు. అటువంటి ఒక మంచి స్నేహితుడ్ని, మంచి ఎమ్మెల్యేని పోగొట్టుకున్నాను... గౌతమ్‌ ఇక లేరు అని అంటే నిజంగా జీర్ణించుకోలేని పరిస్థితి. 

మంచి చదువులు చదివాడు. యూకేలో మాంఛెస్టర్‌ యూనివర్సిటీలో చదువులు పూర్తి చేసి ఇక్కడకి వచ్చి...  రాజకీయాల్లో నేను తొలుత కాంగ్రెస్‌ పార్టీ నుంచి బయటకు అడుగులు వేసినప్పుడు తను రాజకీయాల్లో లేడు. వాళ్ల నాన్న అప్పట్లో కాంగ్రెస్‌ పార్టీలో ఎంపీగా ఉన్నారు. కానీ ఆ రోజుల్లో నేను ఈ స్ధానానికి వస్తానని బహుశా ఎవరూ ఊహించి ఉండకపోవచ్చు. నేను కూడా ఊహించి ఉండకపోవచ్చు. ఆ రోజుల్లో ఒక మేటర్‌ ఆఫ్‌ ప్రిన్సిపల్‌ కింద కాంగ్రెస్‌ పార్టీతో విభేదించడం, కాంగ్రెస్‌ పార్టీ నుంచి బయటకి రావడం, బయటకి వచ్చిన సందర్భంలో అతి తక్కువ మంది నాతోపాటు ఉండటానికి సాహసించారు. అటువంటి కొద్ది వ్యక్తులలో గౌతమ్‌ కూడా ఒకరు.  ఆ రోజుల్లో తను ఇంకా పూర్తిగా రాజకీయాల్లో లేకపోయినా కూడా.. వాళ్ల నాన్న (రాజమోహన్‌ గారు) మీద తన ఇన్‌ఫ్లూయన్స్‌  ప్రభావితం చేసింది. రాజమోహన్‌ గారు నాతో నిలబడ్డానికి గౌతమ్‌తో నాకున్న స్నేహం, గౌతమ్‌కు నా పట్ల ఉన్న నమ్మకం, విశ్వాసం, నేను చేయగలుగుతాను అన్న నమ్మకం చాలా ముఖ్యంగా తనను నాతో నడిపించింది. తన కుటుంబాన్ని కూడా నా వెంట నడిపించే ప్రయత్నంలో అడుగులు ముందుకు వేశాడు. అటువంటి స్నేహితుడ్ని కోల్పోవడం నిజంగా బాధాకరమైన విషయం.  


వరుసగా రెండు సార్లు ఎమ్మెల్యేగా గెలిచాడు. మన కేబినెట్‌లో ఆరుశాఖలకు ప్రాతినిధ్యం వహించారు. ఇండస్ట్రీస్, ఇన్‌ఫ్రాస్ట్రక్చర్, ఇన్వెస్ట్‌మెంట్, ఐటీ అండ్‌ ఎలక్ట్రానిక్స్, హ్యాండ్ లూమ్‌ అండ్‌ టెక్ట్స్‌టైల్స్, షుగర్‌ ఇండస్ట్రీస్‌.. ఆరు శాఖలలో కూడా తాను సమర్ధవంతంగా పనిచేయడమే కాకుండా ఈ మధ్య కాలంలో దుబాయ్‌ ఎక్స్‌పోకు వెళ్లేముందు నన్ను కూడా కలిశాడు. ఆల్‌ ది బెస్ట్‌ అని నేను కూడా చెప్పాను. అక్కడకు వెళ్లి కూడా పేపర్లలోనూ, టీవీలలోనూ ప్రతిరోజు కనిపించేవాడు. ఫలానా వ్యక్తిని కలిశాను, ఫలానా ఇండస్ట్రీ కోసం తాపత్రయ పడుతున్నాం, కష్టపడుతున్నామని చెప్పి రోజూ సీఎంఓకు నాకు చూపించమని చెప్పి సోషల్‌ మీడియాలో పంపించేవాడు. పేపర్లో కూడా బాగా తన గురించి, తను కష్టపడిన తీరుగురించి బాగా రాయడం, మీడియా చెప్పడం జరిగింది. అలా అన్నిరకాలుగా బాగా చదువుకున్న వ్యక్తి, బాగా ఇంగ్లిషు మాట్లాడగలిగిన వ్యక్తి.  

ఇండస్ట్రీస్‌ పరంగా రాష్ట్రంలో ఇంతకముందెప్పుడూ లేని విధంగా ముందుకు తీసుకెళ్లారు. గత ప్రభుత్వ హయాంకు, మన హయాంకు ఉన్న తేడా.. చిన్న ఉదాహరణ చెప్పాలి. గతంలో ఎప్పుడూ కూడా ఈ పెద్ద పెద్ద పారిశ్రామికవేత్తలు పేర్లు విని ఉండం. బజాంకాలు అని సెంచురీ ప్లైవుడ్‌ కడప జిల్లా బద్వేలులో రావడం, బంగర్‌లు అని శ్రీ సిమెంట్స్‌ ఫ్యాక్టరీ పెట్టడానికి అడుగులు ముందుకు పడుతున్నాయి. ఈ బజాంకాలు, బంగర్‌లు, సన్‌ఫార్మా దిలీప్‌ సంఘ్వీ, ఆదిత్య బిర్లా ఇంతవరకు ఆంధ్రరాష్ట్రంలో అడుగుపెట్టలేదు, మనతోనే అడుగుపెడుతున్నారు. ఆదానీలు కూడా మన ప్రభుత్వ హయాంలోనే రావడం జరిగింది. ఇటువంటి వాళ్ల పేర్లు అన్నీ గతంలో పేపర్లో చదివేదే తప్ప మన రాష్ట్రంలో పరిశ్రమలు పెట్టడానికి ఏ రోజూ ముందుకు రాలేదు. ఇవన్నీ మన హయాంలో ఇప్పుడు జరుగుతున్నాయి. వీళ్లందరినీ తీసుకొచ్చే కార్యక్రమంలో తాను అవుట్‌ ఆఫ్‌ ది వే మాట్లాడటం, వాళ్లకు నమ్మకం ఇవ్వడం, వాళ్లను నా దగ్గరకు కూడా పిల్చుకురావడం, తద్వారా మరింత నమ్మకం ఇవ్వడం, వాళ్లు వచ్చే దాకా అన్నిరకాలుగా పారిశ్రామిక మంత్రిగా చేసిన కృషి చాలా ఉందని ఈ సందర్భంగా తనను కొనియాడుతూ చెప్తున్నాను. 


అటువంటి మంచి వ్యక్తి, మంచి మంత్రి అన్నిరకాలుగా తోడుగా ఉన్న వ్యక్తి ఈ రోజు లేకపోవడం బాధాకరమైన విషయం. తాను లేకపోయినా కూడా తన కల, తన ప్రాంతానికి మంచి జరగాలన్న తన ఆశ కచ్చితంగా నెరవేరుస్తాం. 

మొన్న గౌతం చనిపోయినప్పుడు రాజమోహన్‌ గారు అడిగిన కొన్ని విజ్ఞప్తులు... ఉదయగిరిలో ఉన్న మేకపాటి రాజమోహన్‌ రెడ్డి ఇనిస్టిట్యూట్‌ టెక్నాలజీ అండ్‌ సైన్స్‌ (మెరిట్స్‌) అని తన కాలేజీకు గౌతమ్‌ పేరు పెట్టి దానిని అగ్రికల్చర్‌ అండ్‌ హార్చికల్చర్‌కు అనువుగా మంచి బోధనా కాలేజీగా మార్చండని తను అడగడం జరిగింది. ఆ కాలేజీని ప్రభుత్వం తీసుకుంటుంది.. దానికి గౌతమ్‌ పేరు పెడుతుంది. ఆ కాలేజీకి తను ఆడిగినట్టుగా, ఆశించినట్టుగా ఒక మంచి అగ్రికల్చర్, హార్టికల్చర్‌ కోర్సులను తీసుకొచ్చి ఒక మంచి కాలేజీగా దాన్ని తయారు చేస్తాం.


అదే రకంగా రాజమోహన్‌ గారు ఆ రోజు చాలా ఉద్విగ్నంగా వెలుగొండ పరిధిలో ఉదయగిరి ప్రాంతాన్ని కూడా పేజ్‌ 2లో కాకుండా పేజ్‌ 1లో తీసుకొచ్చి వేగవంతంగా పనులు పూర్తి చేయడానికి ఉదయగిరి ప్రాంతానికి నీళ్లివ్వాలని తను ఎమోషనల్‌గా రిక్వెస్ట్‌ చేసిన మాటలను కూడా కచ్చితంగా నెరవేరుస్తాము. ఉదయగిరి ప్రాంతానికి ఫేజ్‌ 1లో నీళ్లు తీసుకొచ్చి,  వెలుగొండ ప్రాజెక్టు పనులను కూడా యుద్ధ ప్రాతిపదికన అడుగులు ముందుకు వేయిస్తాం. 


ఉదయగిరి డిగ్రీ కాలేజీలో వసతులు మెరుగుపరచాలని విజ్ఞప్తి చేశారు. నాడు–నేడు రెండో దశలో ఆ కాలేజీకి కూడా మెరుగులు దిద్దుతాం. రాజమోహన్‌ గారు అడిగిన మూడు విషయాలను కచ్చితంగా చేస్తామని ఈ సభ ద్వారా భరోసా ఇస్తున్నాం. 


అంతే కాకుండా గౌతమ్‌ను చిరస్ధాయిగా గుర్తించుకునేలా.. జిల్లా ప్రజల్లో తన స్ధానం మర్చిపోకుండా ఉండేలా... మరో ఆరు వారాల్లో సంగం బ్యారేజ్‌ ప్రాజెక్టు పనులు పూర్తవుతాయి. యుద్ధ ప్రాతిపదికన పనులన్నీ మంత్రి అనిల్‌ పూర్తి చేయిస్తున్నారు. ఆరు వారాల్లో ప్రాజెక్టు పూర్తి చేసి, దానికి మేకపాటి గౌతమ్‌ సంగం బ్యారేజ్‌ అని పేరు పెట్టి ప్రారంభిస్తాం. 


తాను ఎక్కడ ఉన్నా.. మంచివాడు కాబట్టి పైలోకంలో తనకు దేవుడు కూడా చల్లగా చూస్తాడని, తాను లేకపోయినా తన కుటుంబసభ్యులకు దేవుడి చల్లని దీవెనలు, ఆశీస్సులు ఉండాలని మనసారా కోరుకుంటూ.. ఆ కుటుంబానికి వైయస్సార్‌ కాంగ్రెస్‌ పార్టీలో ఉన్న ప్రతి శాసనసభ్యుడు, ప్రతి మంత్రి కూడా ఎప్పుడూ అండగా, తోడుగా ఉంటారని భరోసా ఇస్తున్నాను. 

తన కుటుంబానికి మంచి జరగాలని మరొక్కసారి కోరుకుంటూ ప్రగాఢ సంతాపాన్ని తెలియజేస్తున్నానని సీఎం శ్రీ వైయస్‌.జగన్‌ తన ప్రసంగం ముగించారు.

Popular posts
కేంద్రప్రభుత్వ రంగ సంస్థ ఎంఎస్ టిసి ద్వారా ఇసుక టెండర్ల ప్రక్రియ జరిగింది.
Image
Gudivada - Kankipadu road widening, development works start
Image
మెడల్ హౌస్.... - రూ. 3.24 లక్షల్లోనే డబుల్ బెడ్‌రూం ఇల్లు - 15 రోజుల్లో పదిమంది కూలీలతో నిర్మాణం - కరీంనగర్‌లో యువబిల్డర్ ప్రయోగం సక్సెస్ ఇల్లు కట్టి చూడు.. పెళ్లి చేసి చూడు అన్నారు పెద్దలు. ఈ రెండు పనులూ కష్టసాధ్యమనే ఉద్దేశంతోనే అలా చెప్పారు. ఇప్పుడు రోజులు మారాయి. అంతా రెడీమేడ్ యుగం. కేవలం పదిహేను రోజుల్లోనే డబుల్ బెడ్ రూం ఇల్లు నిర్మించవచ్చు! మీరు విన్నది నిజమే. కరీంనగర్ శివారు బొమ్మకల్ బైపాస్ సమీపంలో నిర్మించిన ఈ ఇంటిని చూస్తే మాత్రం ఇల్లు కట్టడం ఇంత సులభమా? అనిపించకమానదు. అతితక్కువ ఖర్చుతో రెండు పడకగదులున్న పక్కాభవంతిని కట్టి చూపించాడు కరీంనగర్‌కు చెందిన యువబిల్డర్ పేరాల కృష్ణారావు. వాల్యూ కన్‌స్ట్రక్షన్స్ నిర్మాణ సంస్థ ఎండీగా ఉన్న ఈయన, కేవలం పదిమంది కూలీలతో 15 రోజుల్లో రూ.3.24 లక్షల తో ఈ ఇంటిని నిర్మించారు. దీనికి మోడల్ హౌస్ అని నామకరణం కూడా చేసేశారు. డిజైన్‌లో మార్పులు చేస్తే కేవలం రూ.3 లక్షల్లో నిర్మించి ఇవ్వవచ్చని చెప్తున్నారు. ఇదీ ఇంటి ప్లాన్: 128 చదరపు గజాల(1155 చదరపు అడుగుల) స్థలంలో 510 చదరపు అడుగుల ప్లింత్ ఏరియా (కింది విస్తీర్ణం), 815 చదరపు అడుగుల స్లాబ్ ఏరియా(పైన స్లాబ్ విస్తీర్ణం)తో ఇల్లు ఉంటుంది. మెట్లు పోను 10 ఫీట్లు, ఇంటిపక్కన 8 ఫీట్లు ఖాళీ స్థలం మిగులుతుంది. నిర్మాణం ఇలా: మొదట కందకం తీసి, బేస్‌మెంట్ నిర్మించారు. పిల్లర్లు, గోడలు, స్లాబ్ కోసం ఒకరోజులో అల్యూమినియం ఫ్రేమ్‌లు బిగించారు. తలుపులు, కిటికీలు అమర్చా రు. మరోరోజు రాడ్లు నిలిపి, అల్లారు. మరుసటి రోజు రెడీమిక్స్‌తో కాంక్రీట్ నింపారు. తర్వాత అల్యూమీనియం ఫ్రేం లను తొలగించి, నాలుగు నుంచి ఐదురోజులు క్యూరింగ్ చేశా రు. ఈ ఇంటికి ప్లాస్టరింగ్ అవసరం ఉండదు. అందుకే కొద్ది గా లప్పం కోటింగ్ చేసి, మిషన్ ద్వారా ఒకేరోజు కలర్ కూడా వేసేయొచ్చు. మిగిలిన రోజులు చిల్లరపనులకు పోతుంది. ఖర్చు పెట్టారిలా: గోడలు, స్లాబ్‌కు 33 క్యూబిక్‌మీటర్ల కాం క్రీట్ మిక్స్ (రెడీమిక్స్) సరిపోయింది. క్యూబిక్‌మీటర్‌కు రూ.2800చొప్పున రూ.84వేల ఖర్చు వచ్చింది. రెండు టన్నుల రాడ్‌కు రూ.85వేలు. నాలుగు తలుపులు, కిటికీలకు రూ.25వేలు. మేస్త్రీ, కూలీలకు రూ.60వేలు. కరెంట్ ఖర్చు రూ.15వేలు, ప్లంబర్ చార్జి రూ.15వేలు. మొత్తం రూ.3.24 లక్షలు. ధరలు పెరిగినా, డిజైన్‌లో మార్పు ఉన్నా ధరల్లో కొం త వ్యత్యాసం ఉండవచ్చు. ఎలివేషన్(ఇంటి ముందు భాగపు డిజైన్) మారిస్తే మరో రూ.60వేలు అదనపు ఖర్చు ఉంటుం ది. ఒకేసారి ఎక్కువ సంఖ్యలో ఇళ్లు నిర్మిస్తే ఖర్చు తగ్గడంతోపాటు సమయం కూడా ఆదా అవుతుంది. చైనా, జర్మనీల్లో చూసి ప్లాన్‌చేశారు పేరాల కృష్ణారావు, ఎండీ, వాల్యూ కన్‌స్ట్రక్షన్స్ ఇంటి నిర్మాణానికి మనం పెట్టే ఖర్చు ప్రపంచంలో ఎక్కడా పెట్టరు. తక్కువ ఖర్చుతో ఇల్లు ఎలా నిర్మించవచ్చో తెలుసుకునేందుకు చైనా, జర్మనీ, అమెరికాలో పర్యటించారు. చైనా, జర్మనీల్లో కాంక్రీట్ గోడలు, రోబోసాండ్‌తో ఇండ్లను నిర్మిస్తున్నారు. ఇది నాకు నచ్చింది. పేద ప్రజల కలను నిజం చేసేందుకు ఈ విధానం సరిపోతుంది. అందుకే ఈ ఇంటిని కట్టి మోడల్ హౌస్ అని పేరుపెట్టారు
Image
నైపుణ్యాల‌కు ప‌దును పెట్టండి... విజేత‌లుగా నిల‌వండి
Image
#దక్షిణదేశసంస్థానములచరిత్ర - 10 : #తెలుగువారిసంస్థానాలు - #జటప్రోలు (#కొల్లాపూరు) #సంస్థానము, మహబూబ్ నగర్ జిల్లా (తెలంగాణ రాష్ట్రం) - తెలంగాణ మైసూర్ ''కొల్లాపూర్" సంస్థాన ప్రభువులు (సంస్థానాధీశులు) పద్మనాయక రాచవెలమ వంశస్థులగు “#సురభివారు” (మొదటి భాగం)... కొల్లాపురం సంస్థానం పాలమూరు జిల్లాలో, నల్లమల అటవీ క్షేత్రంలో కృష్ణానది పరీవాహక ప్రాంతంలో ఉంది. ఈ సంస్థానాధీశులు 'కొల్లాపూరును' రాజధానిగా చేసుకొని పరిపాలించడం వల్ల ఈ సంస్థానాన్ని "కొల్లాపూరు సంస్థానమని" కూడా వ్యవహరిస్తారు. వీరు మొదట #జటప్రోలు రాజధానిగా పాలించి, తర్వాత 'కొల్లాపూర్, పెంట్లవెల్లి' రాజధానులుగా పాలించారు. 'నల్లమల ప్రాంతంలో' రెండవ శతాబ్దానికి చెందిన 'సోమేశ్వర, సంగమేశ్వర, మల్లేశ్వర' ఆలయాలున్నాయి. వీటికి ఎంతో గణనీయమైన పురావస్తు ప్రాముఖ్యత ఉంది. ఈ ఆలయాలు పదిహేను వందల ఏళ్ల క్రితం నిర్మించారు. వెడల్పయిన రహదారులు, దట్టమైన చెట్లతో ఈ ప్రాంతం నిండి ఉండడంతో కొల్లాపూర్ ను ''#తెలంగాణమైసూర్'' గా కూడా ప్రజలు పిలుస్తారు. ఈ సంస్థానం మొదట "విజయనగర చక్రవర్తులకు, చివరి నిజాం ప్రభువుకు" సామంత రాజ్యముగా వ్యవహరించబడింది. భారత దేశం స్వాతంత్య్రం పొందిన తర్వాత, ‘తెలంగాణలోని సంస్థానాలు’ భారత్ లో విలీనం అయ్యేవరకు ఈ సంస్థానం సివిల్ మెజిస్ట్రేట్ అధికారాలతో ఉంది. ‘నిజాం ప్రభువులు’ తమ ఆధీనంలో ఉన్న సంస్థానాలకు సర్వాధికారాలు ఇవ్వటం వల్ల ఆయా సంస్థానాలు స్వేచ్ఛగా పరిపాలన సాగించినాయి. 'నిజాం భూభాగం' బ్రిటిష్ రాజ్యంలో ఓ భాగమైతే 'సంస్థానాలు' నైజాం రాజ్యంలో చిన్న చిన్న 'రాజ్యాలుగా' వ్యవహరించబడ్డాయి. అలా వ్యవహరించబడిన సంస్థానాలలో #కొల్లాపురంసంస్థానం ఒకటి. ఇక్కడి సువిశాలమైన కోట ప్రాంగణంలో కొలువుదీరిన సుందరమైన రాజభవనాలు నాటి సంస్థానాధీశుల పాలనా వైభవాన్ని చాటు తున్నాయి. 'ఆలయాల అభివృద్ధి, ఆధ్యాత్మిక కృషికి' తోడు వివిధ రంగాల కవిపండిత సాహిత్య, కళాపోషణకూ వారు అధిక ప్రాధాన్యమిచ్చారు. అన్నింటికంటే ముఖ్యంగా ప్రజావసరాలకు అనుగుణమైన సౌకర్యాలను కల్పించడం ద్వారా ‘కొల్లాపూర్ సురభి సంస్థానాధీశులు’ జనరంజకమైన పాలన కొనసాగించారు. ఈ ప్రాంతాన్ని కేంద్రంగా చేసుకుని కొన్ని శతాబ్దాల పాటు తమ సంస్థానాన్ని ఏలారు ‘#సురభిరాజులవారసులు’. ఈ సంస్థానం వైశాల్యం 191 చ.మైళ్ళు. ఇందులో 30 వేల జనాభా దాదాపు 90 గ్రామాలు ఉండేవి. వార్షిక ఆదాయం ఇంచుమించుగా రెండు లక్షలు. ఈ సంస్థానం కృష్ణానది పరీవాహక ప్రాంతంలో ఉన్నది. పూర్వం జటప్రోలు సంస్థానానికి 'కొల్లాపురం' రాజధాని. ‘#సురభిలక్ష్మారాయబహద్దూర్’ వరకు అంటే సుమారు క్రీ.శ.1840 వరకు రాజధాని 'జటప్రోలు' గా ఉండేది. వీరి కాలం నుండి రాజధాని 'కొల్లాపూర్' కు మారింది. అప్పటి నుంచి 'కొల్లాపురం సంస్థానం' గా పేరొంది, ఈ ప్రాంతాన్ని పరిపాలించిన వారంతా 'కొల్లాపురం సంస్థాన ప్రభువులుగా' ప్రసిద్ధులయ్యారు. వీరు మొదట్లో 'పెంటవెల్లి' రాజధానిగా పాలన సాగించారు. #సురభివంశస్థులపూర్వీకులు 'దేవరకొండ' (నల్గొండ) ప్రాంతం నుంచి ఇక్కడికి వలస వచ్చారని చరిత్రకారుల అభిప్రాయం. ఈ సంస్థానాధీశులు మొదట జటప్రోలులో కోటను నిర్మించుకొని నిజాం ప్రభువులకు సామంతులుగా ఉన్నారు. ఇక్కడి సువిశాలమైన కోటలు, చక్కని భవనాలు సురభి సంస్థానాధీశుల కళాభిరుచిని చాటుతున్నాయి. నిజాం కాలంలో కొల్లాపూర్ పరిపాలన పరంగా ప్రముఖపాత్ర వహించింది. కొల్లాపూర్ రాజుకు మంత్రి లేదా సెక్రటరీగా వ్యవహరించిన 'కాట్ల వెంకట సుబ్బయ్య' ఇక్కడివారే. అనంతరం మంత్రిగా పని చేసిన 'మియాపురం రామకృష్ణారావు' కూడా ఇక్కడివారే. #జటప్రోలుసంస్థానస్థాపకులు - #సురభివంశచరిత్ర…. #పిల్లలమర్రిభేతాళనాయుడుమూలపురుషుడు!.... ఈ సంస్థానాన్ని స్థాపించిన పాలకులు విష్ణుపాదోధ్భవమగు పద్మనాయకశాఖలో డెబ్బది యేడు గోత్రములు గల #రాచవెలమతెగకు చెందిన "పద్మనాయక వంశ వెలమవీరులు". వీరిలో 'పది గోత్రములు గల 'ఆదివెలమలకు' సంస్థానములు లేవు. వీరు కాకతీయ రాజ్య కాలంలో రాజ్యరక్షణలో యుద్ధవీరులుగా చేరారు. ఒక దశలో వీరు స్వతంత్ర రాజ్యాలగు #రాచకొండ, #దేవరకొండ (క్రీ. శ. 1335 - 1475) కూడా స్థాపించారు. వీరు శాఖోపశాఖలుగా తెలుగు ప్రాంతంలో అనేక ప్రాంతాలలో పాలకులుగా అధికారాలు చెలాయించారు. 'వేంకటగిరి, పిఠాపురం, బొబ్బిలి, జటప్రోలు' సంస్థానాధీశులకు మూలపురుషుడు ఒక్కడే. “రేచర్ల గోత్రికుడైన పిల్లలమర్రి చెవిరెడ్డి (లేదా) భేతాళ నాయుడు” వీరికి మూలపురుషుడు. వెంకటగిరి, నూజివీడు, బొబ్బిలి సంస్థాన పాలకులకు ఇతడే మూలపురుషుడు (ఈ చరిత్ర గతంలో వెంకటగిరి సంస్థానములో వివరించాను). ఈ 'భేతాళనాయుడు / చెవిరెడ్డి' కాకతీయ చక్రవర్తి గణపతి దేవుని (క్రీ. శ. 1199 - 1262) పరిపాలన కాలం వాడు. 'భేతాళనాయునికి' తొమ్మిదవ తరం వాడైన 'రేచర్ల సింగమ నాయుడు (1291 -1361)' వంశస్థుడు 'రేచర్ల అనపోతనాయుడు (1331 -1384)' క్రీ.శ. 1243 లో "#కాకతీయసామ్రాజ్యవిస్తరణమునకు" ఎంతో దోహదం చేశాడు. సాహితీ రంగమునకు, సమరాంగణమునకు సవ్యసాచిత్వము నెఱపిన #సర్వజ్ఞసింగభూపాలుడు (1405 - 1475) ఈ కుదురుకు చెందినవాడు. ఈ సింగభూపాలాన్వయుడు #పెద్దమహీపతి. ఈయనే "సురభి" వారికి కూటస్థుడు. 'సురభి' అనునది జటప్రోలు పాలకుల గృహనామము, గోత్రము 'రేచర్ల'. పెద్దమహీపతికి అయిదవ తరమువాడు #సురభిమాధవరాయలు. ఈతడు ప్రసిద్ధమగు "చంద్రికా పరిణయం" ప్రబంధ కర్త. ఈ వంశం వారికి ‘కంచి కవాట చూరకార, పంచపాండ్య దళవిభాళ, ఖడ్గనారాయణ’ అనే బిరుదులున్నాయి. సుమారు రెండువందల సంవత్సరాల క్రితం ప్రస్తుతమున్న 'కొల్లాపురం' రాజధానిగా చేసుకొని పరిపాలన సాగించారు. ఈ వంశాన్ని '30 మంది రాజులు' దాదాపు 700 ఏళ్లు పరిపాలించారు. జటప్రోలు సంస్థాన స్థాపకుడు, రేచర్ల అనపోతనాయుడు వంశస్థుడు "రేచర్ల కుమార మదానాయుడు" జటప్రోలు సంస్థానాన్ని అభివృద్ధి చేశాడు. 36 వంశాలకు మూల పురుషుడైన భేతాళరాజు తర్వాత సామంతరాజులుగా కొల్లాపూర్ సంస్థానాన్ని 26 మంది 'సురభి వంశ రాజులు' పరిపాలించినట్టు చారిత్రక, సాహిత్య ఆధారాలు వెల్లడిస్తున్నాయి. 12వ శతాబ్ధం చివరి భాగంలో, 13వ శతాబ్ధం ఆరంభంలో అంటే 1195 నుంచి 1208 ఏండ్ల మధ్యకాలంలో 'భేతాళరాజు' పరిపాలన కొనసాగించినట్టు శాసన ఆధారాలున్నట్టు 'శ్రీ వేదాంతం మధుసూదన శర్మ' తాను స్వయంగా రచించిన #కొల్లాపూర్ #సాహితీవైభవం పుస్తకంలో పేర్కొన్నారు. ఆయన తరువాత మాదానాయుడు, వెన్నమనాయుడు, దాచానాయుడు, సింగమనాయుడు, అనపోతానాయుడు, ధర్మానాయుడు, తిమ్మానాయుడు, చిట్టి ఆచానాయుడు, రెండో అనపోతానాయుడు, చిన్న మాదానాయుడు, ఎర్ర సూరానాయుడు, చిన్న మాదానాయుడు, మల్లానాయుడు, పెద్దినాయుడు, మల్లభూపతి, పెద్ద మల్లానాయుడు, మాధవరాయలు, నరాసింగరావు, మాధవరావు, బారిగడపలరావు, పెద్ద రామారాయుడు, జగన్నాథరావు, వెంటలక్ష్మారావు, వేంకట జగన్నాథరావు, వేంకట లక్ష్మారావు, జగన్నాథరావులు కొల్లాపూర్ సంస్థానాన్ని పాలించారు. ప్రస్తుతం వారి వారసుడిగా వేంకట కుమారకృష్ణ, బాలాదిత్య, లక్ష్మారావులు సంస్థానాధీశులుగా ఉన్నారు. "#సురభిమాధవరాయలు" విజయనగర ప్రభువు #అరవీటివంశ #అళియరామరాయలు (ఈయన శ్రీకృష్ణదేవరాయల అల్లుడు, చాళుక్య సోమవంశ క్షత్రియులు, రాచవారైన 'అరవీటి రామరాజు') కాలమున 'జటప్రోలు సంస్థానమును' బహుమతుగా పొందెను. "అళియ రామరాయలు" ఇచ్చిన సన్నదులో "ఆనెగొంది తక్తుసింహాసనానికి అధిపతులయిన..." అని కలదు (సురభి మాధవరాయలు, సారస్వత సర్వస్వము). 'సురభి వారి పూర్వీకుల' నుండీ వచ్చుచున్న వారసత్వ హక్కును 'అళియ రామరాయలు' సురభి మాధవరాయలకు స్థిరపరిచెను. "విజయనగర సామ్రాజ్య పతనానంతరం", మాధవరాయల పుత్రులు గోల్కొండ నవాబు "అబ్దుల్ హసన్ కుతుబ్ షా (తానీషా)" వలన క్రీ.శ. 1650లో మరల సంస్థానమునకు కొత్త సనదును సంపాదించెనట. వీరి తరువాత "సురభి లక్ష్మారాయ బహద్దరు" గారి వరకూ (సుమారు క్రీ.శ. 1840) సురభి వారి రాజధాని 'జటప్రోలు'. వీరి కాలమునుండి రాజధాని 'కొల్లాపురము' నకు మారినది. అప్పటినుండి వీరు '#కొల్లాపురముప్రభువులు' గా ప్రసిద్ధులయ్యారు. #సురభివారిరాజవంశవృక్షము.... 'సర్వజ్ఞ సింగభూపాలుని' వంశజులగు ఈ సంస్థానాధీశులందరూ శారదామతల్లికి సమర్పించిన మణిహారాలు తెలుగు సాహితీలోకమునకు వెలలేనివి. నిత్యకళ్యాణము పచ్చతోరణముగ విలసిల్లిన వీరి సాహితీమండపము విశ్వవిఖ్యాతమై విలసిల్లినది. (1) సర్వజ్ఞ సింగభూపాలుడు (1405 - 1475) (2) ఎఱ్ఱ సూరానాయుడు (3) మాధవ నాయుడు (4) పెద్దమహీపతి (5) ముమ్మిడి మల్లభూపాలుడు (1610 - 1670) (6) చినమల్లనృపతి (7) రామరాయలు (8) మల్లభూపతి (9) మాధవ రాయలు (10) నరసింగరావు (11) సురభి లక్ష్మారాయ బహద్దరు (1840) (12) రావు బహద్దర్ సురభి లక్ష్మీ జగన్నాధ రావు (1851 - 1884) (13) శ్రీ రాజా వేంకట లక్ష్మారావు బహద్దరు. "సురభి లక్ష్మారావు" గారి కుమారుడు 'సురభి లక్ష్మీ జగన్నాధరావు' క్రీ.శ. 1851 - 84 వరకూ రాజ్యము చేసిరి. నిజాం ప్రభువు నుండి 'రాజా బహద్దరు, నిజాం నవాజ్ వంత్' బిరుదులు పొందారు. వీరు దేవబ్రాహ్మణ తత్పరులు. వీరికి సంతానం లేకపోవడంతో, 'వెంకటగిరి ప్రభువులగు మహారాజా శ్రీ సర్వజ్ఞకుమార యాచేంద్ర బహద్దరు' గారి చతుర్థ పుత్రులగు 'నవనీత కృష్ణ యాచేంద్రులను' దత్తపుత్రులుగా స్వీకరించారు. వీరే 'శ్రీ రాజా వేంకట లక్ష్మారావు బహద్దరు' అను పేరిట 1884 నుండి జటప్రోలు సంస్థానమును పాలించారు. వీరికి 'బొబ్బిలి సంస్థాన పాలకులగు మహారాజా సర్ రావు వెంకట శ్వేతాచలపతి రంగారావు' గారు అగ్రజులు. ఈయన 'వెంకటగిరి' నుండి 'బొబ్బిలి' సంస్థానమునకు దత్తు వచ్చెను. వీరికిద్దరు పుత్రికా సంతానము. లక్ష్మారాయ బహద్దరు వారి కుమార్తెను 'తేలప్రోలు రాజా' గారికిచ్చి వివాహం చేసెను. లక్ష్మారాయ బహద్దర్ వారి ప్రధమ కుమార్తె 'నూజివీడు సంస్థానమున' తేలప్రోలు రాజావారి ధర్మపత్ని 'రాణి రాజరాజేశ్వరీ దేవి' గారు. రెండవ కుమార్తె శ్రీ రాజా ఇనుగంటి వెంకట కృష్ణారావు గారి ధర్మపత్ని 'రాణి సరస్వతీ దేవి గారు'. శ్రీ రాజా సురభి లక్ష్మారాయ బహద్దర్ గారికి పురుష సంతతి లేదు. కావున, వీరు తమ వారసులుగా ప్రఖ్యాత 'బొబ్బిలి సంస్థానమునుండి శ్రీ రాజా వెంకటశ్వేతా చలపతి రామకృష్ణ రంగారావు బహద్దర్' వారి కుమారులను దత్తు చేసుకొనెను. వారిని 'శ్రీ రాజా సురభి వేంకట జగన్నాధరావు బహద్దర్' అను పేర సంస్థాన వారసులుగా నిర్ణయించెను. ప్రస్తుత 'కొల్లాపూర్ రాజవంశీయులు' వీరి అనువంశీకులే. శ్రీ రాజా వేంకట లక్ష్మారావు గారి అనంతరము వారి ధర్మపత్ని '#రాణివెంకటరత్నమాంబ' గారు సంస్థానమును కొంతకాలం పాలించారు. తరువాత వీరి దత్తపుత్రులు 'శ్రీ రాజా సురభి వెంకట జగన్నాధ రావు బహద్దరు' గారు సంస్థాన బాధ్యతలు నిర్వహించారు. వీరు 'తిరుపాచూరు' జమిందారులైన 'రాజా ఇనుగంటి వెంకట కృష్ణరావు (1899 - 1935)' కుమార్తె యగు 'ఇందిరాదేవిని' వివాహమాడెను. వీరి కాలముననే అన్ని సంస్థానములతో పాటుగా జటప్రోలు కూడా విశాలాంధ్రమున విలీనమైనది. లక్ష్మారావు 1928లో స్వర్గస్తులైనారు. ఆయన ధర్మపత్ని రాణిరత్నమాంబ జగన్నాథరావుకు సంరక్షకురాలిగా ఉంటూ రాజ్యభారం మోశారు. ఆమె సింగవట్నంలో #రత్నగిరికొండపై #రత్నలక్ష్మిఅమ్మవారిని ప్రతిష్టించి ఆలయాన్ని నిర్మించారు. 'పద్మనిలయం' పేరుతో విడిది కోసం ఒక బంగ్లాను కళాత్మకంగా కట్టించారు. ఆ కొండపై నుంచి దుర్భిణిలో చూస్తే 'జటప్రోలు, పెంట్లవెల్లి, కొల్లాపూర్' రాజసౌధాలేగాక ఆయా ప్రాంతాలు కళ్లముందున్నట్టుగా కనిపిస్తాయి. కొల్లాపూర్లోని బండయ్యగుట్ట సింగవట్నంలోని #లక్ష్మీనృసింహస్వామిఆలయం గుడి గోపురాలను కూడా ఆమె నిర్మించారు. 'జగన్నాథరావు' మేజర్ అయిన తర్వాత 1943లో పట్టాభిషేకం చేశారు. ఈయన తన పూర్వికుల మాదారిగానే పరిపాలన సాగించారు. 'రాజా జగన్నాథరావ
Image