అనాది నుంచి నదీ తీరాల్లోనే నాగరికత వెల్లివిరిసింది.

 

బలభద్రపురం. తూ.గో.జిల్లా (praja amaravati);


*తూర్పుగోదావరి జిల్లా బిక్కవోలు మండలం, బలభద్రపురంలో గ్రాసిమ్‌ ఇండస్ట్రీస్‌- క్లోర్‌ ఆల్కలీ మ్యానుఫ్యాక్చరింగ్‌ సైట్‌ ప్రారంభించిన సీఎం శ్రీ వైయస్‌ జగన్‌*.


*ముఖ్యమంత్రితో పాటు కార్యక్రమానికి హాజరైన ఆదిత్య బిర్లా గ్రూప్‌ ఛైర్మన్‌ కుమార మంగళం బిర్లా*.


*ఈ సందర్భంగా కుమార మంగళం బిర్లా ఏమన్నారంటే..*:


అందరికీ నమస్కారం. ఇక్కడ ముఖ్యఅతిథిగా విచ్చేసిన ఆంధ్రప్రదేశ్‌ ముఖ్యమంత్రి శ్రీ వైయస్‌ జగన్‌మోహన్‌రెడ్డిగారికి ఘన స్వాగతం పలుకుతున్నాను. అదే విధంగా ఇక్కడికి విచ్చేసిన మంత్రులు, ప్రజా ప్రతినిధులు, అధికారులు, ప్రజలందరికీ ప్రత్యేకంగా స్వాగతం చెబుతున్నాను.

మనందరికీ తెలుసు. ప్రపంచ చరిత్ర చూస్తే, అనాది నుంచి నదీ తీరాల్లోనే నాగరికత వెల్లివిరిసింది.



అదే కోవలో గోదావరి నది గురించి కూడా మనం ఎంతో ఘనంగా విన్నాం. ఘనమైన సాంస్కృతిక వారసత్వానికి ఈ ప్రాంతం ప్రత్యేక గుర్తింపు పొందింది. ఇవాళ ఇక్కడ ఈ పరిశ్రమను ప్రారంభిస్తున్నందుకు ఎంతో సంతోషంగా ఉంది. దీన్ని ఒక చరిత్రాత్మక ఘట్టంగా మేము భావిస్తున్నాము. పారిశ్రామిక రంగంలో ఆంధ్రప్రదేశ్‌ మరింత పురోగమించేలా ఆదిత్య బిర్లా గ్రూప్‌ పూర్తి సహాయ, సహకారాలు అందిస్తుందని, ఆ దిశలో ప్రభుత్వంతో కలిసి పని చేస్తుందని  తెలియజేస్తున్నాను.

ఇవాళ ఇక్కడ బలభద్రపురంలో ప్రారంభిస్తున్న తొలి క్లోర్‌ ఆల్కలీ ఉత్పత్తి కేంద్రం మా రసాయన పరిశ్రమల వాణిజ్య విభాగంలోనూ, మా ఆదిత్య బిర్లా గ్రూప్‌లోనూ ఒక మైలురాయిలా నిల్చిపోనుంది. గత కొన్నేళ్లుగా వ్యాపార విస్తరణతో ముందుకు వెళ్తున్న ఆదిత్య బిర్లా గ్రూప్, అన్ని విధాలుగా ఎంతో అనుకూలంగా ఉన్న ఆంధ్రప్రదేశ్‌కు కూడా తరలి వచ్చింది. ఇక్కడ మేము రెండు బిలియన్‌ డాలర్ల పెట్టుబడి పెట్టాం. 

మా ఆదిత్య బిర్లా గ్రూప్‌ ఆంధ్రప్రదేశ్‌లో ఆరు విభాగాల్లో కార్యకలాపాలు నిర్వహిస్తోంది. అందులో ఒకటి సిమెంట్‌ ఉత్పత్తి. గ్రూప్‌నకు చెందిన అల్ట్రా టెక్‌ సిమెంట్‌ ఉత్పత్తిలో ఇక్కడ రెండు యూనిట్లు పని చేస్తున్నాయి. వాటి ఉత్పాదక సామర్థ్యం ఏటా 10 మిలియన్‌ టన్నులు. ఆదిత్య ఫ్యాషన్‌ రిటెయిల్‌ బిజినెస్‌. రాష్ట్రంలో 105 స్టోర్లు పని చేస్తున్నాయి. ఇటీవలే మా గ్రూప్‌ గార్మెంట్‌ ఉత్పత్తి కేంద్రానికి కడపలో గౌరవ ముఖ్యమంత్రి భూమి పూజ చేశారు. ఇది రాష్ట్రంలో మా తొలి గార్మెంట్‌ యూనిట్‌ కాగా, అందులో ఏటా 1.8 మిలియన్ల గార్మెంట్లు తయారు చేస్తాం. తద్వారా మంచి ఉపాధి అవకాశాలు కూడా కల్పించబోతున్నాం.

ఇక మా గ్రూప్‌నకు చెందిన ఆదిత్య బిర్లా క్యాపిటల్‌ (ఫైనాన్షియల్‌ బిజినెస్‌) కూడా రాష్ట్రంలో చెప్పుకోదగిన స్థాయిలో, చాలా బలంగా కార్యకలాపాలు నిర్వహిస్తోంది. రాష్ట్రంలో 50 శాఖలు, దాదాపు 100 ఛానళ్ల ద్వారా పని చేస్తున్నాయి.

వీటన్నింటి కార్యకలాపాల ద్వారా ఆంధ్రప్రదేశ్‌లో మా గ్రూప్‌ ప్రత్యక్షంగా, పరోక్షంగా దాదాపు 10 వేల మందికి ఉపాధి కల్పిస్తోంది. వారంతా కూడా మా ఆదిత్య బిర్లా గ్రూప్‌ కుటుంబ సభ్యులు. 

ఇవాళ ఇక్కడ ప్రారంభిస్తున్న క్లోర్‌ అల్కలీ ఉత్పత్తి కేంద్రం, రాష్ట్రంతోనూ, సీఎంగారితోనూ, ముఖ్యంగా ఇక్కడి ప్రజలతో మాకున్న అనుబంధానికి ప్రతీకగా నిలుస్తోంది. రాష్ట్రంలో వివిధ రంగాలకు సంబంధించి వ్యాపార కార్యకలాపాలకు విస్తృత అవకాశాలు ఉన్నాయి. ఆంధ్రప్రదేశ్‌కు విశాలమైన తీర ప్రాంతం ఉంది. అలాగే మల్టీ మోడల్‌ కనెక్టివిటీ. మంచి సామర్థ్యం కలిగిన మానవ వనరులు, అత్యుత్తమ అర్హత, నైపుణ్యం కలిగిన కార్మికులు, ఉద్యోగులు (వర్క్‌ఫోర్స్‌) ఇక్కడ ఉన్నారు. అన్నింటికి మించి అన్ని విధాలుగా పూర్తి సహాయ సహకారాలు అందించే ప్రభుత్వం, అధికారం యంత్రాంగం ఇక్కడ పెట్టుబడులకు ముఖ్య ఆకర్షణగా నిలుస్తున్నాయి. అందువల్ల పెట్టుబడుల రంగంలో ఆంధ్రప్రదేశ్‌ అగ్రస్థానంలో నిలుస్తుందని నేను గట్టిగా నమ్ముతున్నాను. 

ఇక మంచి విజన్‌ కలిగిన యువ ముఖ్యమంత్రి శ్రీ వైయస్‌ జగన్‌మోహన్‌రెడ్డిగారు కూడా ఉన్నారు. అందుకే ప్రభుత్వంతో కలిసి పని చేయడానికి, ఇక్కడ పరిశ్రమలు నెలకొల్పడానికి, తూర్పు గోదావరి జిల్లాలో పారిశ్రామిక రంగం పురోగతిలో పాలు పంచుకుంటున్నందుకు ఆదిత్య బిర్లా గ్రూప్‌ ఎంతో ఆసక్తి చూపుతోంది. 

రాష్ట్రంలో పెద్ద జిల్లాగా ఉన్న తూర్పు గోదావరి జిల్లా, సాంస్కృతిక వికాస కేంద్రంగా కూడా విరాజిల్లుతోంది. ఇక్కడ మా యూనిట్‌ నెలకొల్పడంలో జిల్లా యంత్రాంగం అన్ని విధాలుగా, అడుగడుగునా అండగా నిల్చింది.

ఈ సందర్భంగా మా గ్రూప్‌నకు చెందిన రసాయన విభాగం, దాని వాణిజ్య కార్యకలాపాలకు సంబంధించిన కొన్ని విషయాలు మీకు తెలియజేస్తున్నాను.

మా గ్రూప్‌ రసాయన విభాగం విశ్వవ్యాప్తంగా 2.4 బిలియన్‌ డాలర్ల ఆదాయం పొందుతోంది. భారత్, థాయిలాండ్, జర్మనీ, అమెరికాలో ప్రధానంగా పని చేస్తూ, దాదాపు 80 దేశాల్లో 1000కి పైగా ఉత్పత్తులు కొనసాగిస్తోంది. మా గ్రూప్‌ రసాయన విభాగంలో క్లోర్‌ ఆల్కలీ వ్యాపారం ముఖ్యమైంది కాగా, ఇది భారత్‌లో అత్యధికంగా ఉత్పత్తి చేస్తున్నాం. దేశంలో ఇది అగ్రస్థానంలో ఉండగా, ప్రపంచ వ్యాప్తంగా 15 అగ్ర కంపెనీల్లో ఒకటిగా నిలుస్తోంది.

ఇవాళ బలభద్రపురంలో ప్రారంభిస్తున్న ఈ యూనిట్‌ దేశంలో 8వది కాగా, ఇది దేశంలో తూర్పు, పశ్చిమ కారిడార్‌లో మా వ్యాపారాన్ని మరింత బలతోపేతం చేయడంలో కీలకంగా నిలవనుంది. క్లోర్‌ ఆల్కలీ పరిశ్రమల విభాగంలో ఆ తరహాలో (తూర్పు పశ్చిమ కారిడార్‌) ఇది తొలి యూనిట్‌. ఆ విధంగా బలభద్రపురం యూనిట్‌ ప్రత్యేకత గుర్తింపు పొందుతోంది. అంతే కాకుండా దేశంలో ఉన్న మిగతా అన్ని క్లోర్‌ ఆల్కలీ యూనిట్ల కంటే ఇక్కడ అత్యధికంగా ఉత్పత్తి కానుంది. ఏటా ఇక్కడ 1.5 లక్షల టన్నుల ఉత్పత్తి జరగనుంది. దేశీయంగానూ, విశ్వవ్యాప్తంగానూ ఇక్కడి ఉత్పత్తులు ఎగుమతి కానున్నాయి.

ఏ మాత్రం కాలుష్యానికి తావు లేకుండా, పూర్తి పర్యావరణ హితంగా ఉండే విధంగా ఈ యూనిట్‌ ఏర్పాటు చేయడం జరిగింది. ఇక్కడ ఉత్పత్తి అయ్యే కాస్టిక్‌ సొడా అనేక పరిశ్రమల అవసరాలు తీర్చనుంది. 2019లో ఈ ప్లాంట్‌ పనులు మొదలుపెట్టాం. ప్రపంచ వ్యాప్తంగా కోవిడ్‌ వల్ల ప్రతికూల పరిస్థితులు తలెత్తినా పనులు కొనసాగించి పూర్తి చేశాం. జర్మనీ టెక్నాలజీతో, అత్యుత్తమ ప్రమాణాలతో, ప్రపంచ స్థాయిలో దీన్ని ఏర్పాటు చేయడం జరిగింది.

ఇదంతా సీఎం శ్రీ వైయస్‌ జగన్‌తో పాటు, మొత్తం ప్రభుత్వ యంత్రాంగం నిరంతర అండ, సహకారంతోనే సాధ్యమైంది. ఇక్కడ తొలుత రూ.1000 కోట్లు పెట్టుబడి పెడతామని, ఆ తర్వాత దశల వారీగా మొత్తం రూ.2500 కోట్లు పెడతామని చెప్పాం. ఇక్కడ ప్రాథమికంగా 1000 మందికి ఉపాధి లభిస్తుంది. అది క్రమంగా పెరిగి తుది దశలో మొత్తం 2400 మందికి ఉపాధి లభిస్తుంది. ప్రత్యక్షంగా పరోక్షంగా ఆ స్థాయిలో ఉద్యోగ అవకాశాలు లభిస్తాయి. వాటిలో స్థానికులకు ఎక్కువ అవకాశం ఉంటుంది. 

రానున్న కొన్ని నెలల్లో ఈ ప్రాంతంలో పలు సామాజిక కార్యకలాపాలు కూడా నిర్వహించబోతున్నాం. విద్య, వైద్యం, మౌలిక సదుపాయాల కల్పన, సామాజిక అభివృద్ధి కోసం ఖర్చు చేయబోతున్నాం.

ఇక ఈ ప్లాంట్‌ ప్రారంభానికి మరో సందర్భం కూడా ఉంది. మా గ్రాసిమ్‌ కంపెనీ ఇప్పుడు 75వ వార్షికోత్సవం జరుపుకుంటోంది. దేశ స్వాతంత్య్రం సిద్ధించిన తర్వాత 10 రోజుల్లోనే, అంటే 1947లో మా తాతగారు జీడీ బిర్లా దాన్ని ప్రారంభించారు. అక్కడ మొదలైన మా ప్రస్థానం, ఆ తర్వాత మరిన్ని రంగాలకు విస్తరించింది.

ఆ దిశలోనే ఇవాళ బలభద్రపురం యూనిట్‌ కూడా ప్రారంభిస్తున్నందుకు ఎంతో సంతోషిస్తున్నాం. ఇక్కడ మా ప్లాంట్‌ ఏర్పాటుకు ప్రతి అడుగులో అండగా, నిల్చి ఎంతో సహకారం అందించిన సీఎం శ్రీ వైయస్‌ జగన్‌కు, రాష్ట్ర ప్రభుత్వానికి, అధికార యంత్రాంగానికి మరోసారి కృతజ్ఞతలు తెలియజేస్తున్నాం.

ఆంధ్రప్రదేశ్‌ ప్రభుత్వంతో ఈ బంధం ఇంకా ముందుకు సాగాలని ఆకాంక్షిస్తూ.. మరోసారి ప్రతి ఒక్కరికి కృతజ్ఞతలు చెబుతూ సెలవు తీసుకుంటున్నాను. ధన్యవాదాలు.

Comments
Popular posts
దొంగతనం కేసును చేదించి ముద్దాయిలను పట్టుకున్న రూరల్ సీఐ,. ఎస్ఐ
Image
రాష్ట్ర ప్రభుత్వం రైతులకు అండగా వుంటూ, ఆధునిక సాంకేతిక పద్దతులు, పరిశోధనలు రైతులకు అందుబాటులోకి తీసుకురావడానికి కృషి చేస్తుంది.
Image
Gudivada - Kankipadu road widening, development works start
Image
*ఊర పంది మాంసం ను, అడవి జంతువుల మాంసంగా నమ్మిస్తూ అమ్ముతున్న ముఠా అరెస్ట్* గోదావరిఖని : కొంత కాలంగా కొందరు వ్యక్తులు కలిసి ఒక ముఠాగా ఏర్పడి ఊర పంది మాంసంను అడవిలో తిరిగే జింక, దుప్పి, అడవి పంది మాంసంగా నమ్మిస్తూ, జింక, దుప్పి, అడవి పంది లను వెటాడి చంపినట్లుగా ఫోటోలను వాట్సాప్ లో ఫోటోలు పెడుతూ ప్రజలను నమ్మించి, అదిక ధరలకు అమ్ముతూ పెద్ద మొత్తంలో డబ్బులు సంపాదిస్తూ ప్రజలను నమ్మించి మోసం చేస్తున్న వారిని గుర్తించి, వారిపైన నిఘా పెట్టి ఈరోజు శాంతినగర్, పెద్దపల్లి లో ఊర పంది మాంసంను అడవి జంతువుల మాంసంగా నమ్మిస్తూ అమ్ముతుండగా, *1) లోకిని అంజయ్య S/o ఎల్లయ్య, 37 సం, ఎరుకల r/o హన్మంతునిపేట్,* *2) రేవెల్లి సంపత్ S/o పీసరయ్య, 32 సం, ఎరుకల r/o వద్కాపూర్* అను ఇద్దరినిఅరెస్ట్ చేయడం జరిగినది. *ఇంకా వీరి ముఠా సభ్యులు అయిన* *1) లోకిని జంపయ్య r/o హన్మంతునిపేట్,* *2) లోకిని గణేష్ r/o హన్మంతునిపేట్,* *3) లోకిని అనిల్ r/o నిమ్మనపల్లి,* *4) రేవెల్లి శివాజీ r/o వడ్కపూర్,* *5) కుర్ర తిరుపతి r/o పెద్దకాల్వల* *6) కెదిరి తిరుపతి r/o పెద్దపల్లి* పరారిలో వున్నారు. వీరివద్దనుండి *1) 20 కిలోల ఊర పంది మాంసం* *2) 4 కత్తులు,* *3) మటన్ కొట్టె మొద్దుకర్ర* *4) తరాజు, బాట్లు* *5) AP-15-P-120 హీరో హోండా ప్యాషన్ మోటర్ సైకిల్ స్వాదీనం చేసుకోనైనది.* ఇట్టి నేరస్తులను పట్టుకోవడంలో కృషి చేసిన, ఏ.ప్రదీప్ కుమార్, సి ఐ. పెద్దపల్లి, కె.రాజేష్, ఎస్సై పెద్దపల్లి, కానిస్టేబుల్లు మాడిశెట్టి రమేష్, దుబాసి రమేష్ లను డి సి పి పెద్దపల్లి అభినందించారు.
Image
అవినీతి అనకొండగా మారిన దుర్గగుడి ఈవో • వినియోగంలో ఉన్న లిఫ్టుల పేరుతో రూ. 2 కోట్ల బిల్లులు • సీవేజ్ ప్లాంట్ పేరు చెప్పి రూ. 53 లక్షల దోపిడి • ఫుట్ పాత్ పేరు చెప్పి రూ. 10 లక్షల బిల్లు • నిత్య ఆదాయవనరుగా మారిన మహామండపం • ఈవో అక్రమాల్లో మంత్రి వెల్లంపల్లికీ భాగస్వామ్యం • అవినీతికి సహకరించలేదనే ఔట్ సోర్సింగ్ ఉద్యోగుల తొలగింపు • మీడియా సమావేశంలో జనసేన అధికార ప్రతినిధి శ్రీ పోతిన వెంకట మహేష్ బెజవాడ కనక దుర్గమ్మ ఆలయం సాక్షిగా కోట్లది రూపాయిల అవినీతి, అక్రమాలు జరుగుతుంటే దేవాదాయ శాఖ మంత్రి, ఉన్నతాధికారులు ఎందుకు స్పందించడం లేదని జనసేన పార్టీ రాష్ట్ర అధికార ప్రతినిధి శ్రీ పోతిన వెంకట మహేష్ ప్రశ్నించారు. వినియోగంలో ఉన్న లిఫ్టులను చూపి అడ్డంగా రూ. 2 కోట్ల 28 లక్షల రూపాయిలు దోచేశారని ఆరోపించారు. ఈవో సురేష్ బాబు గారు అవినీతి అనకొండలా తయారయ్యారనీ, ఆయన అవినీతిలో మంత్రి వెల్లంపల్లి శ్రీనివాస్ గారికి భాగస్వామ్యం ఉంది కాబట్టే కొనసాగే అర్హత లేదని హైకోర్టు చెప్పినా ఈవోను కొనసాగిస్తున్నారనీ అన్నారు. శనివారం విజయవాడ పశ్చిమ నియోజకవర్గంలోని జనసేన పార్టీ కార్యాలయంలో మీడియా సమావేశం నిర్వహించారు. ఈ సందర్భంగా శ్రీ మహేష్ మాట్లాడుతూ... రాష్ట్రంలోనే ఆదాయంలో రెండో అతిపెద్ద ఆలయం అయిన కనకదుర్గమ్మ ఆలయంలో అవినీతి అక్రమాలను రాష్ట్ర ప్రభుత్వం ఎందుకు పట్టించుకోవడం లేదు? అక్రమాలపై చర్యలు ఎందుకు తీసుకోవడం లేదు? గతంలో ఈవోలుగా పని చేసిన ఎంతో మంది ఐఎఎస్ అధికారులు ఆలయాన్ని అభివృద్ధి చేయడంతో పాటు, వచ్చిన ఆదాయాన్ని ఫిక్స్ డ్ డిపాజిట్ల రూపంలో భద్రపరిచారు. ప్రస్తుత ఈవో సురేష్ బాబు గారికి కొనసాగే అర్హత లేదని హైకోర్టు చెప్పినా ఎందుకు కొనసాగిస్తున్నారో మంత్రి గారికీ, దేవాదాయ శాఖ కమిషనర్ గారికే తెలియాలి. ఈవో మంత్రి వెల్లంపల్లి శ్రీనివాస్ గారికి బినామీగా మారారనీ, ఏ రోజు వాటా ఆ రోజు మంత్రి గారికి అందచేయడం వల్లే అర్హత లేకపోయినా కొనసాగిస్తున్నారని ప్రజలు చెప్పుకుంటున్నారు. సురేష్ బాబు గారు ఈవోగా బాధ్యతలు స్వీకరించినప్పటి నుంచి ఒక్క అభివృద్ధి కార్యక్రమం చేపట్టిన దాఖలాలు లేవు. అమ్మవారి ఆదాయాన్ని ఇష్టారాజ్యంగా దోచేస్తున్నారు. కోట్లాది రూపాయిల పనులకు అప్రూవల్ ఇచ్చేస్తున్నారు. కూతవేటు దూరంలో కమిషనర్ కార్యాలయం ఉన్నా పర్యవేక్షణ కరువయ్యింది. కోట్లాది రూపాయిలు చెల్లిస్తుంటే కనీస తనిఖీలు, ఆడిట్ లు ఎందుకు చేయడం లేదు. ఆలయ ప్రాంగణంలో క్యాంపు కార్యాలయం ఏర్పాటు చేసుకున్న మంత్రి గారు ఇంత పెద్ద ఎత్తున అవినీతి ఆరోపణలు వస్తుంటే ఎందుకు స్పందించడం లేదు. ప్రతి విషయంలో ఈవోని వెనకేసుకుని రావడం, ఆయన చేసే అవినీతి పనులకు మద్దతు ఇవ్వడం చూస్తుంటే అందులో మంత్రి గారికి భాగస్వామ్యం ఉందని ప్రజలు భావిస్తున్నారు. • రోడ్డు పక్క ఫుట్ పాత్ కి ఆలయానికీ సంబంధం ఏంటి? మే 26వ తేదీన మల్లిఖార్జున మహామండపంలో అడిషనల్ లిఫ్ట్ ఛాంబర్ కనస్ట్రక్షన్ పేరిట రూ. 2 కోట్ల 98 లక్షలు బిల్లులు డ్రా చేశారు. కరోనా లాక్ డౌన్ కొనసాగుతుంటే ఎవరూ చూడరు, స్పందించరని వినియోగంలో ఉన్న లిఫ్టుల పేరుతో కోట్లాది రూపాయిలు చెల్లించడం దోపిడి కాదా అని రాష్ట్ర ప్రభుత్వాన్ని, దేవాదాయ శాఖ మంత్రి గారిని, కమిషనర్ గారిని ప్రశ్నిస్తున్నాం. ఇందులో మీ భాగస్వామ్యం ఎంత? వినియోగంలో ఉన్న లిఫ్టులకు ఏరకంగా బిల్లులు చెల్లించారు? ఇంతకంటే అక్రమం ఏమైనా ఉంటుందా? కుమ్మరిపాలెం సెంటర్ నుంచి అర్జున స్ట్రీట్ వరకు ఫుట్ పాత్ నిర్మాణం పేరిట రూ. 10 లక్షల 23 వేల బిల్లులు చెల్లించారు. అదీ మే 26నే చెల్లించారు. ఈ ఫుట్ పాత్ కీ కనకదుర్గమ్మ దేవస్థానానికీ సంబంధం ఏంటి? ఫుట్ పాత్ వేస్తే నగరపాలక సంస్థ వేయాలి. లేదా ఫ్లై ఓరవర్ నిర్మిస్తున్న హైవే ఆధారిటీ నిర్మించాలి. అన్ని బిల్లులు లాక్ డౌన్ సమయంలోనే చెల్లించడం వెనుక ఆంతర్యం ఏంటి? అమ్మవారి ఆదాయాన్ని ఎందుకు దుబారా చేస్తున్నారు? • నాలుగేళ్లుగా మహా మండపాన్ని ఎందుకు స్వాధీనం చేసుకోలేదు కమర్షియల్ కాంప్లెన్స్ ప్లేసులో రెండు మరుగుదొడ్లు కట్టి రూ. 64 వేలు బిల్లులు డ్రా చేశారు. ఏంటని అడిగితే సమాధానం చెప్పరు. అమ్మవారి సొమ్మును ఇంత బహిరంగంగా దోచుకుంటుంటే మంత్రిత్వశాఖ ఏం చేస్తోంది. ఆలయ మహామండపం నిర్మించి నాలుగు సంవత్సరాలు పూర్తయ్యింది. దేవస్థానం అధికారులు ఇప్పటి వరకు ఎందుకు స్వాధీనం చేసుకోలేదు? మహా మండపం అక్రమార్కుల పాలిట కల్పతరువుగా మారింది. నిత్యం ఏదో ఒక పని అని చూపుతూ లక్షలాది రూపాయిలు అక్రమ బిల్లులు పెట్టి దోచుకుంటున్నారు. సీవేజ్ ప్లాంట్ పేరుతో బయటి నుంచి విరాళాలు సేకరించారు. అవి ఏమయ్యాయో తెలియదు. ప్లాంట్ పేరుతో రూ. 53 లక్షల 69 వేల బిల్లులు ఎలా చెల్లించారో సమాధానం చెప్పాలి. ఇప్పుడు చెప్పినవే రూ. 3 కోట్లు ఉన్నాయి. అమ్మవారి ఆదాయానికి ఇంత పెద్ద ఎత్తున గిండికొడుతుంటే అధికారులు, మంత్రి ఎందుకు స్పందించడం లేదు. ఈవో సురేష్ బాబు గారి అవినీతిలో మంత్రి వెల్లంపల్లి శ్రీనివాస్ గారికి భాగస్వామ్యం ఉంది అందుకే అర్హత లేకపోయినా కొనసాగిస్తున్నారు. మేము ఉత్తుత్తి ఆరోపణలు చేయడం లేదు. వాస్తవాలు మాత్రమే మాట్లాడుతున్నాం. వాస్తవాలను మీరు ఎందుకు పరిగణలోకి తీసుకోవడం లేదు. అమ్మవారి సొమ్ము కోట్లాది రూపాయిలు స్వాహా చేస్తున్నా మంత్రి గారు ఎందుకు స్పందించడం లేదు. దేవస్థానంలో గత 8 సంవత్సరాలుగా పని చేస్తున్న ఔట్ సోర్సింగ్ ఉద్యోగులను కనీసం మానవత్వం చూపకుండా నిర్ధయగా తీసేశారు. కరోనా విపత్కాలంలో వారిని ఎందుకు తొలగించాల్సి వచ్చింది. ఒక పక్కన ఆదాయం డబ్బులు లేవు అని చెబుతారు. కోట్లాది రూపాయిలు బిల్లులు చెల్లించడానికి మాత్రం డబ్బులు ఎక్కడ నుంచి వస్తాయో తెలియదు. అసలు ఔట్ సోర్సింగ్ ఉద్యోగులు చేసిన తప్పేంటి? దశాబ్దకాలం 12 గంటలు నిబద్దతగా పని చేయడమే వారు చేసి తప్పా? మీరు చెప్పిన విధంగా అవినీతి పనులకు పాల్పడకపోవడం వల్లనే వారిని ఉద్యోగాల్లో నుంచి తీసేసిన మాట వాస్తవం కాదా? ఓ పక్కన రాష్ట్ర ప్రభుత్వం ఔట్ సోర్సింగ్ కార్పోరేషన్ పెట్టాం. దళారీ వ్యవస్థను నిర్మూలిస్తాం అని చెబుతారు. మరి వీరి తొలగింపులో ఎందుకు జోక్యం చేసుకోరు. ప్రసాదం ప్యాకింగ్ కోసం రోజుకి రూ. 500 ఇచ్చి బయట నుంచి కార్మికుల్ని పెట్టుకుంటున్నారు. ఆ పని ఏదో వారితోనే చేయించుకోవచ్చు కదా? కొండ మీద కోర్టులు సైతం వద్దన్న ఒకరిద్దరు ఉద్యోగులను ఈవో గారికి సన్నిహితులు అన్న నెపంతో చిన్న ఆర్డర్ తో విధుల్లో కొనసాగిస్తున్నారు. ఆర్టీసీ కాంప్లెక్స్ లో లడ్డూ ప్రసాదం విక్రయం అని చెప్పి వారిని అక్కడ విధుల్లో పెట్టడం వాస్తవం కాదా? విక్రయాలు నిలిపివేసిన తర్వాత కూడా విధుల్లో ఎలా కొనసాగిస్తున్నారు. మీ అవినీతిలో భాగస్వాములు అయ్యే వారికి మాత్రమే ఉద్యోగాలు ఇస్తారా? సెంట్రల్ నియోజకవర్గంలో కాశీవిశ్వేశ్వర ఆలయానికి సంబంధించిన 900 గజాల విలువైన భూమిని కమర్షియల్ కాంప్లెక్స్ గా మార్చడం వెనుక స్థానిక ప్రజా ప్రతినిధి ప్రోత్సాహం ఉందన్న ప్రచారం జరుగుతుంటే స్వయానా బ్రాహ్మణ కార్పోరేషన్ చైర్మన్ హోదాలో ఉన్న శ్రీ మల్లాది విష్ణు గారు ఎందుకు దాన్ని ఖండించడం లేదు. అది అబద్దం అని ఎందుకు చెప్పలేకపోతున్నారు. దేవాలయ వ్యవస్థల్ని పరిరక్షించాల్సింది పోయి రూ. 10 కోట్ల విలువైన స్థలాన్ని శాశ్విత ఆదాయ వనరుగా మార్చుకునేందుకు మీరు చేస్తుంది కుట్ర కాదా? దీని మీద కూడా ఎవరూ స్పందించరు. మంత్రి పెద్ది రెడ్డి గారు జిల్లా ఇంఛార్జ్ మంత్రి హోదాలో మీరు ప్రోత్సహిస్తుంది అభివృద్ధినా? అవినీతినా? దుర్గగుడి కేంద్రంగా జరుగుతున్న అవినీతిని ఆధారాలతో సహా బయటపడుతున్నా ఎందుకు చర్యలు తీసుకోలేకపోయారు? • హైకోర్టు తీర్పుని అమలుపర్చాలి దుర్గ గుడిలో ఇన్ని అక్రమాలు జరుగుతుంటే పాలక మండలి ఏం చేస్తోంది. చైర్మన్ పైలా స్వామి నాయుడు గారు ఎందుకు మౌనం వహిస్తున్నారు. మీకు ఈవో గారి అక్రమాల్లో భాగం ఉందా? అక్రమాలను అడ్డుకోలేని ఈ పాలక మండలి పనికి రాదు కోర్టు తీర్పుల అమలుపర్చడంలో ప్రభుత్వానికి చిత్తశుద్ది ఉంటే ఈవో సురేష్ బాబు గారు పనికి రారు అన్న హైకోర్టు తీర్పుని వెంటనే అమలుపర్చాలి అని అన్నారు.
Image