జగన్ ను ఆపడానికి చంద్రబాబు తెచ్చుకున్న వ్యక్తి పవన్ కళ్యాణ్



 *- జగన్ ను ఆపడానికి చంద్రబాబు తెచ్చుకున్న వ్యక్తి పవన్ కళ్యాణ్


 *- పవన్ కళ్యాణ్ ను బాబు దత్తత తీసుకున్నారు* 

 *- ఇద్దరు కలిసి పోటీ చేసినా అభ్యంతరం లేదు* 

 *- విడివిడిగా వచ్చినపుడు పంజా దెబ్బ చూపించారు* 

 *- కలిసి వచ్చినా సీఎం జగన్ చెల్లాచెదురు చేస్తారు* 

 *- చంద్రబాబుకు త్యాగాలు చేయాల్సిన అవసరం లేదు* 

 *- 2024 లో జరిగేవి చంద్రబాబుకు చివరి ఎన్నికలు* 

 *- 151 సీట్లకు తగ్గకుండా జగన్ ముఖ్యమంత్రి అవుతారు* 

 *- బాబు, పవన్ ల వల్ల ఎవరికీ ప్రయోజనం లేదు* 

 *- గుంటూరు, పల్నాడు జిల్లాల కోఆర్డినేటర్ కొడాలి నాని* 



అమరావతి, మే 9 (ప్రజా అమరావతి): సీఎం జగన్మోహనరెడ్డిని అధికారంలోకి రాకుండా ఆపడానికి చంద్రబాబు రాజకీయాల్లోకి తీసుకువచ్చిన వ్యక్తి పవన్ కళ్యాణ్ అని వైఎస్సార్ కాంగ్రెస్ పార్టీ గుంటూరు, పల్నాడు జిల్లాల రీజినల్ కోఆర్డినేటర్, గుడివాడ ఎమ్మెల్యే కొడాలి శ్రీవెంకటేశ్వరరావు (నాని) చెప్పారు. సోమవారం కొడాలి నాని మీడియాతో మాట్లాడారు. 2014 ఎన్నికల్లో మద్దతు ఇచ్చి తెలుగుదేశం పార్టీని గెల్పించాననే భ్రమల్లో పవన్ కళ్యాణ్ ఉన్నాడని చెప్పారు. 2019 ఎన్నికల్లో టీడీపీ వ్యతిరేక ఓటును చీల్చడం ద్వారా జగన్ ను అధికారంలోకి రాకుండా ఆపగలమన్న భ్రమలో ఇంకో నాలుగు పార్టీలను కలుపుకుని పవన్ కళ్యాణ్ పోటీ చేశాడన్నారు. సీఎం జగన్మోహనరెడ్డిని అధికారంలోకి రాకుండా ఆపడానికి చంద్రబాబు రాజకీయాల్లోకి తీసుకువచ్చిన వ్యక్తి పవన్ కళ్యాణ్ అని అన్నారు. పవన్ కళ్యాణ్ ను చంద్రబాబు దత్తత తీసుకున్నాడని చెప్పారు. చంద్రబాబు చెప్పిన దారిలోనే పవన్ కళ్యాణ్, లోకేష్ నడుస్తారని అన్నారు. దత్త పుత్రుడు, ఉత్తుత్తి పుత్రుడిని అడ్డం పెట్టుకుని చంద్రబాబు అధికారంలోకి రావాలని చూస్తున్నాడని 2014 నుండి చెబుతూ వస్తున్నామన్నారు. ఇప్పుడు 2024 ఎన్నికల్లో కలిసి పోటీ చేస్తామని చెబుతున్నారని తెలిపారు. చంద్రబాబు, పవన్ కళ్యాణ్ లు కలిసినా మాకేం అభ్యంతరం లేదన్నారు. 2014, 2019 ఎన్నికల్లో చేసిందే 2024 లో చేస్తారని, చచ్చే దాకా కలిసి పోటీ చేస్తూనే ఉంటారన్నారు. రాష్ట్ర ప్రజలు అమాయకులని, వారికి ఏం తెలియదని అనుకుంటున్నారన్నారు. ప్రజల కళ్ళకు గంతలు కట్టామని, వారు ఏది చెబితే అది నమ్ముతారన్న భ్రమల్లో చంద్రబాబు, పవన్ కళ్యాచ్లు బతుకుతున్నారన్నారు. సీఎం జగన్మోహనరెడ్డికి 55 శాతం ఓటింగ్ ఉందని గుర్తుచేశారు. మిగతా 45 శాతం ఓటింగ్లో ఎవరూ ఎమ్మెల్యేలుగా గెలుస్తారు, ఓడతారు, డిపాజిట్లు కోల్పోతారు, ప్రతిపక్ష నేతగా మిగులుతారో తేల్చుకోవాలన్నారు. దత్త పుత్రుడు, ఉత్త పుత్రుడు, వృద్ధ తండ్రి కలిసి వచ్చినా, రాకపోయినా మాకు పోయేది ఏం లేదన్నారు. గత ఎన్నికల్లో విడివిడిగా వస్తే సీఎం జగన్ తన పంజా దెబ్బ చూపించాడన్నారు. వచ్చే ఎన్నికల్లో గుంపులుగా వస్తున్నారని, సింహం రెడీగా ఉందని, చెల్లాచెదురు చేస్తారని హెచ్చరించారు. చంద్రబాబు సొల్లుగాడు, నమ్మక ద్రోహి, 420 అని తీవ్రస్థాయిలో విమర్శలు చేశారు. ఇచ్చిన మాటకు కట్టుబడే వ్యక్తి కాడని, అబద్దాలు చెప్పే వెన్నుపోటుదారుడని గుర్తుచేశారు. 2019 ఎన్నికల్లో మహిళలంతా తనకే ఓటు వేశారని సర్వేలు చేసి మరీ మెజార్టీలు చెప్పాడన్నారు. సీఎం జగన్ కు తీవ్ర వ్యతిరేకత ఉందని ప్రచారం చేశాడన్నారు. ఛాలెంజ్ లు విసిరి తొడలు కొట్టాడని అన్నారు. చంద్రబాబుకు ఉన్న అనుభవం దేశంలో ఎవరికీ లేదని, మోదీని కూడా ఊదేస్తానని ప్రగల్భాలు పలికాడన్నారు. దేశమంతా తిరిగి ప్రచారం చేస్తే రాష్ట్ర ప్రజలు 23 సీట్లకు పరిమితం చేశారన్నారు. ఇప్పుడు మళ్ళీ సీఎం జగన్ పట్ల వ్యతిరేకత ఉందని చెబుతున్నాడని, అదే ఉంటే ఇంకొకడి సంక నాకడం ఎందుకని ప్రశ్నించారు. చంద్రబాబు త్యాగాలు చేయాల్సిన అవసరం లేదన్నారు. 2024 లో జరిగేవి చంద్రబాబుకు చివరి ఎన్నికలు అని, సీఎం జగన్ చేతిలో చావు దెబ్బ తింటాడన్నారు. కనీసం ఎమ్మెల్యేగా గెలవలేని పవన్ కళ్యాణ్ 10 పార్టీలతో పొత్తులు పెట్టుకుంటున్నాడన్నారు. చంద్రబాబుతో కలిసి పోటీ చేసినా పవన్ కళ్యాణ్ ఎమ్మెల్యేగా గెలవలేడని, లోకేష్ కూడా ఎమ్మెల్యే కాలేడని అన్నారు. ఎమ్మెల్యేగా గెలవలేని పవన్ కళ్యాణ్ జగన్మోహనరెడ్డిని ముఖ్యమంత్రి పీఠం నుండి దించేస్తాడా అని ప్రశ్నించారు. టీడీపీ, జనసేన పొత్తు పెట్టుకుంటే రాష్ట్రానికి ఎటువంటి ప్రయోజనం ఉండదన్నారు. ప్రజలను అడ్డం పెట్టుకుని డబ్బులు దండుకుంటూ, అధికారాన్ని పంచుకోవడానికి అమాయకులు ఎవరూ లేరన్నారు. సీఎం జగన్ చీకటిలో చిదంబరం కాళ్ళు పట్టుకోలేదని, ఎన్టీఆర్ లాంటి వ్యక్తిని వెన్నుపోటు పొడవలేదన్నారు. పార్టీని అధికారంలోకి తీసుకురావడానికి ఎమ్మెల్యేగా గెలవలేని వ్యక్తులు ఇళ్ళ దగ్గర గంటల తరబడి నిలబడలేదన్నారు. అన్ని అవలక్షణాలు చంద్రబాబుకు ఉన్నాయన్నారు. 2024 ఎన్నికల్లో రాష్ట్ర ప్రజలు జగన్ కు మద్దతుగా ఉంటారని, ఎన్ని పార్టీలను కలుపుకుని జగన్ ను దింపాలని ప్రయత్నించినా రాజకీయ సమాధి కడతారన్నారు. వైఎస్సార్ కాంగ్రెస్ పార్టీకి ఫ్రంట్ లు, బ్యాక్ లు, సైడ్ లు అవసరం లేదని, సీఎం జగన్ సింహంలా సింగిల్గానే వస్తారన్నారు. 151 సీట్లకు తగ్గకుండా మళ్ళీ ముఖ్యమంత్రి అవుతారన్నారు. చంద్రబాబును కుప్పంలోనే రాజకీయ సమాధి చేస్తారని హెచ్చరించారు. చంద్రబాబు తన కొడుకును ఎమ్మెల్యేగా గెల్పించుకోవాలని, పవన్ కళ్యాణ్ కూడా ఎమ్మెల్యేగా గెలవాలన్నారు. ఆ తర్వాత పొత్తులు, సినిమా డైలాగ్ లు, జనాన్ని ఉద్దరించడం వంటివి మాట్లాడవచ్చన్నారు. చంద్రబాబు, పవన్ కళ్యాణ్ వల్ల ఎవరికీ ప్రయోజనం లేదన్నారు. అధికారం, డబ్బు పంచుకోవడమే వీరి లక్ష్యమని, రాష్ట్ర ప్రజలకు ఏమీ ఇవ్వరని మంత్రి కొడాలి నాని స్పష్టం చేశారు.

Comments
Popular posts
2024లో గుడివాడను గెల్చుకోవడమే లక్ష్యంగా వెనిగండ్ల వ్యూహం.
Image
ఎమ్మెల్యే కొడాలి నానికి టిడ్కో గృహాలతో ఎటువంటి సంబంధం లేదు.
Image
రాష్ట్రంలో యువతకు జాబ్ రావాలంటే మళ్ళీ బాబు రావాలి.
Image
భవిష్యత్ గ్యారెంటీపై టీడీపీ మినీ మేనిఫెస్టోతో ప్రజల్లోకి వెళ్లిన వెనిగండ్ల.
Image
#దక్షిణదేశసంస్థానములచరిత్ర - 10 : #తెలుగువారిసంస్థానాలు - #జటప్రోలు (#కొల్లాపూరు) #సంస్థానము, మహబూబ్ నగర్ జిల్లా (తెలంగాణ రాష్ట్రం) - తెలంగాణ మైసూర్ ''కొల్లాపూర్" సంస్థాన ప్రభువులు (సంస్థానాధీశులు) పద్మనాయక రాచవెలమ వంశస్థులగు “#సురభివారు” (మొదటి భాగం)... కొల్లాపురం సంస్థానం పాలమూరు జిల్లాలో, నల్లమల అటవీ క్షేత్రంలో కృష్ణానది పరీవాహక ప్రాంతంలో ఉంది. ఈ సంస్థానాధీశులు 'కొల్లాపూరును' రాజధానిగా చేసుకొని పరిపాలించడం వల్ల ఈ సంస్థానాన్ని "కొల్లాపూరు సంస్థానమని" కూడా వ్యవహరిస్తారు. వీరు మొదట #జటప్రోలు రాజధానిగా పాలించి, తర్వాత 'కొల్లాపూర్, పెంట్లవెల్లి' రాజధానులుగా పాలించారు. 'నల్లమల ప్రాంతంలో' రెండవ శతాబ్దానికి చెందిన 'సోమేశ్వర, సంగమేశ్వర, మల్లేశ్వర' ఆలయాలున్నాయి. వీటికి ఎంతో గణనీయమైన పురావస్తు ప్రాముఖ్యత ఉంది. ఈ ఆలయాలు పదిహేను వందల ఏళ్ల క్రితం నిర్మించారు. వెడల్పయిన రహదారులు, దట్టమైన చెట్లతో ఈ ప్రాంతం నిండి ఉండడంతో కొల్లాపూర్ ను ''#తెలంగాణమైసూర్'' గా కూడా ప్రజలు పిలుస్తారు. ఈ సంస్థానం మొదట "విజయనగర చక్రవర్తులకు, చివరి నిజాం ప్రభువుకు" సామంత రాజ్యముగా వ్యవహరించబడింది. భారత దేశం స్వాతంత్య్రం పొందిన తర్వాత, ‘తెలంగాణలోని సంస్థానాలు’ భారత్ లో విలీనం అయ్యేవరకు ఈ సంస్థానం సివిల్ మెజిస్ట్రేట్ అధికారాలతో ఉంది. ‘నిజాం ప్రభువులు’ తమ ఆధీనంలో ఉన్న సంస్థానాలకు సర్వాధికారాలు ఇవ్వటం వల్ల ఆయా సంస్థానాలు స్వేచ్ఛగా పరిపాలన సాగించినాయి. 'నిజాం భూభాగం' బ్రిటిష్ రాజ్యంలో ఓ భాగమైతే 'సంస్థానాలు' నైజాం రాజ్యంలో చిన్న చిన్న 'రాజ్యాలుగా' వ్యవహరించబడ్డాయి. అలా వ్యవహరించబడిన సంస్థానాలలో #కొల్లాపురంసంస్థానం ఒకటి. ఇక్కడి సువిశాలమైన కోట ప్రాంగణంలో కొలువుదీరిన సుందరమైన రాజభవనాలు నాటి సంస్థానాధీశుల పాలనా వైభవాన్ని చాటు తున్నాయి. 'ఆలయాల అభివృద్ధి, ఆధ్యాత్మిక కృషికి' తోడు వివిధ రంగాల కవిపండిత సాహిత్య, కళాపోషణకూ వారు అధిక ప్రాధాన్యమిచ్చారు. అన్నింటికంటే ముఖ్యంగా ప్రజావసరాలకు అనుగుణమైన సౌకర్యాలను కల్పించడం ద్వారా ‘కొల్లాపూర్ సురభి సంస్థానాధీశులు’ జనరంజకమైన పాలన కొనసాగించారు. ఈ ప్రాంతాన్ని కేంద్రంగా చేసుకుని కొన్ని శతాబ్దాల పాటు తమ సంస్థానాన్ని ఏలారు ‘#సురభిరాజులవారసులు’. ఈ సంస్థానం వైశాల్యం 191 చ.మైళ్ళు. ఇందులో 30 వేల జనాభా దాదాపు 90 గ్రామాలు ఉండేవి. వార్షిక ఆదాయం ఇంచుమించుగా రెండు లక్షలు. ఈ సంస్థానం కృష్ణానది పరీవాహక ప్రాంతంలో ఉన్నది. పూర్వం జటప్రోలు సంస్థానానికి 'కొల్లాపురం' రాజధాని. ‘#సురభిలక్ష్మారాయబహద్దూర్’ వరకు అంటే సుమారు క్రీ.శ.1840 వరకు రాజధాని 'జటప్రోలు' గా ఉండేది. వీరి కాలం నుండి రాజధాని 'కొల్లాపూర్' కు మారింది. అప్పటి నుంచి 'కొల్లాపురం సంస్థానం' గా పేరొంది, ఈ ప్రాంతాన్ని పరిపాలించిన వారంతా 'కొల్లాపురం సంస్థాన ప్రభువులుగా' ప్రసిద్ధులయ్యారు. వీరు మొదట్లో 'పెంటవెల్లి' రాజధానిగా పాలన సాగించారు. #సురభివంశస్థులపూర్వీకులు 'దేవరకొండ' (నల్గొండ) ప్రాంతం నుంచి ఇక్కడికి వలస వచ్చారని చరిత్రకారుల అభిప్రాయం. ఈ సంస్థానాధీశులు మొదట జటప్రోలులో కోటను నిర్మించుకొని నిజాం ప్రభువులకు సామంతులుగా ఉన్నారు. ఇక్కడి సువిశాలమైన కోటలు, చక్కని భవనాలు సురభి సంస్థానాధీశుల కళాభిరుచిని చాటుతున్నాయి. నిజాం కాలంలో కొల్లాపూర్ పరిపాలన పరంగా ప్రముఖపాత్ర వహించింది. కొల్లాపూర్ రాజుకు మంత్రి లేదా సెక్రటరీగా వ్యవహరించిన 'కాట్ల వెంకట సుబ్బయ్య' ఇక్కడివారే. అనంతరం మంత్రిగా పని చేసిన 'మియాపురం రామకృష్ణారావు' కూడా ఇక్కడివారే. #జటప్రోలుసంస్థానస్థాపకులు - #సురభివంశచరిత్ర…. #పిల్లలమర్రిభేతాళనాయుడుమూలపురుషుడు!.... ఈ సంస్థానాన్ని స్థాపించిన పాలకులు విష్ణుపాదోధ్భవమగు పద్మనాయకశాఖలో డెబ్బది యేడు గోత్రములు గల #రాచవెలమతెగకు చెందిన "పద్మనాయక వంశ వెలమవీరులు". వీరిలో 'పది గోత్రములు గల 'ఆదివెలమలకు' సంస్థానములు లేవు. వీరు కాకతీయ రాజ్య కాలంలో రాజ్యరక్షణలో యుద్ధవీరులుగా చేరారు. ఒక దశలో వీరు స్వతంత్ర రాజ్యాలగు #రాచకొండ, #దేవరకొండ (క్రీ. శ. 1335 - 1475) కూడా స్థాపించారు. వీరు శాఖోపశాఖలుగా తెలుగు ప్రాంతంలో అనేక ప్రాంతాలలో పాలకులుగా అధికారాలు చెలాయించారు. 'వేంకటగిరి, పిఠాపురం, బొబ్బిలి, జటప్రోలు' సంస్థానాధీశులకు మూలపురుషుడు ఒక్కడే. “రేచర్ల గోత్రికుడైన పిల్లలమర్రి చెవిరెడ్డి (లేదా) భేతాళ నాయుడు” వీరికి మూలపురుషుడు. వెంకటగిరి, నూజివీడు, బొబ్బిలి సంస్థాన పాలకులకు ఇతడే మూలపురుషుడు (ఈ చరిత్ర గతంలో వెంకటగిరి సంస్థానములో వివరించాను). ఈ 'భేతాళనాయుడు / చెవిరెడ్డి' కాకతీయ చక్రవర్తి గణపతి దేవుని (క్రీ. శ. 1199 - 1262) పరిపాలన కాలం వాడు. 'భేతాళనాయునికి' తొమ్మిదవ తరం వాడైన 'రేచర్ల సింగమ నాయుడు (1291 -1361)' వంశస్థుడు 'రేచర్ల అనపోతనాయుడు (1331 -1384)' క్రీ.శ. 1243 లో "#కాకతీయసామ్రాజ్యవిస్తరణమునకు" ఎంతో దోహదం చేశాడు. సాహితీ రంగమునకు, సమరాంగణమునకు సవ్యసాచిత్వము నెఱపిన #సర్వజ్ఞసింగభూపాలుడు (1405 - 1475) ఈ కుదురుకు చెందినవాడు. ఈ సింగభూపాలాన్వయుడు #పెద్దమహీపతి. ఈయనే "సురభి" వారికి కూటస్థుడు. 'సురభి' అనునది జటప్రోలు పాలకుల గృహనామము, గోత్రము 'రేచర్ల'. పెద్దమహీపతికి అయిదవ తరమువాడు #సురభిమాధవరాయలు. ఈతడు ప్రసిద్ధమగు "చంద్రికా పరిణయం" ప్రబంధ కర్త. ఈ వంశం వారికి ‘కంచి కవాట చూరకార, పంచపాండ్య దళవిభాళ, ఖడ్గనారాయణ’ అనే బిరుదులున్నాయి. సుమారు రెండువందల సంవత్సరాల క్రితం ప్రస్తుతమున్న 'కొల్లాపురం' రాజధానిగా చేసుకొని పరిపాలన సాగించారు. ఈ వంశాన్ని '30 మంది రాజులు' దాదాపు 700 ఏళ్లు పరిపాలించారు. జటప్రోలు సంస్థాన స్థాపకుడు, రేచర్ల అనపోతనాయుడు వంశస్థుడు "రేచర్ల కుమార మదానాయుడు" జటప్రోలు సంస్థానాన్ని అభివృద్ధి చేశాడు. 36 వంశాలకు మూల పురుషుడైన భేతాళరాజు తర్వాత సామంతరాజులుగా కొల్లాపూర్ సంస్థానాన్ని 26 మంది 'సురభి వంశ రాజులు' పరిపాలించినట్టు చారిత్రక, సాహిత్య ఆధారాలు వెల్లడిస్తున్నాయి. 12వ శతాబ్ధం చివరి భాగంలో, 13వ శతాబ్ధం ఆరంభంలో అంటే 1195 నుంచి 1208 ఏండ్ల మధ్యకాలంలో 'భేతాళరాజు' పరిపాలన కొనసాగించినట్టు శాసన ఆధారాలున్నట్టు 'శ్రీ వేదాంతం మధుసూదన శర్మ' తాను స్వయంగా రచించిన #కొల్లాపూర్ #సాహితీవైభవం పుస్తకంలో పేర్కొన్నారు. ఆయన తరువాత మాదానాయుడు, వెన్నమనాయుడు, దాచానాయుడు, సింగమనాయుడు, అనపోతానాయుడు, ధర్మానాయుడు, తిమ్మానాయుడు, చిట్టి ఆచానాయుడు, రెండో అనపోతానాయుడు, చిన్న మాదానాయుడు, ఎర్ర సూరానాయుడు, చిన్న మాదానాయుడు, మల్లానాయుడు, పెద్దినాయుడు, మల్లభూపతి, పెద్ద మల్లానాయుడు, మాధవరాయలు, నరాసింగరావు, మాధవరావు, బారిగడపలరావు, పెద్ద రామారాయుడు, జగన్నాథరావు, వెంటలక్ష్మారావు, వేంకట జగన్నాథరావు, వేంకట లక్ష్మారావు, జగన్నాథరావులు కొల్లాపూర్ సంస్థానాన్ని పాలించారు. ప్రస్తుతం వారి వారసుడిగా వేంకట కుమారకృష్ణ, బాలాదిత్య, లక్ష్మారావులు సంస్థానాధీశులుగా ఉన్నారు. "#సురభిమాధవరాయలు" విజయనగర ప్రభువు #అరవీటివంశ #అళియరామరాయలు (ఈయన శ్రీకృష్ణదేవరాయల అల్లుడు, చాళుక్య సోమవంశ క్షత్రియులు, రాచవారైన 'అరవీటి రామరాజు') కాలమున 'జటప్రోలు సంస్థానమును' బహుమతుగా పొందెను. "అళియ రామరాయలు" ఇచ్చిన సన్నదులో "ఆనెగొంది తక్తుసింహాసనానికి అధిపతులయిన..." అని కలదు (సురభి మాధవరాయలు, సారస్వత సర్వస్వము). 'సురభి వారి పూర్వీకుల' నుండీ వచ్చుచున్న వారసత్వ హక్కును 'అళియ రామరాయలు' సురభి మాధవరాయలకు స్థిరపరిచెను. "విజయనగర సామ్రాజ్య పతనానంతరం", మాధవరాయల పుత్రులు గోల్కొండ నవాబు "అబ్దుల్ హసన్ కుతుబ్ షా (తానీషా)" వలన క్రీ.శ. 1650లో మరల సంస్థానమునకు కొత్త సనదును సంపాదించెనట. వీరి తరువాత "సురభి లక్ష్మారాయ బహద్దరు" గారి వరకూ (సుమారు క్రీ.శ. 1840) సురభి వారి రాజధాని 'జటప్రోలు'. వీరి కాలమునుండి రాజధాని 'కొల్లాపురము' నకు మారినది. అప్పటినుండి వీరు '#కొల్లాపురముప్రభువులు' గా ప్రసిద్ధులయ్యారు. #సురభివారిరాజవంశవృక్షము.... 'సర్వజ్ఞ సింగభూపాలుని' వంశజులగు ఈ సంస్థానాధీశులందరూ శారదామతల్లికి సమర్పించిన మణిహారాలు తెలుగు సాహితీలోకమునకు వెలలేనివి. నిత్యకళ్యాణము పచ్చతోరణముగ విలసిల్లిన వీరి సాహితీమండపము విశ్వవిఖ్యాతమై విలసిల్లినది. (1) సర్వజ్ఞ సింగభూపాలుడు (1405 - 1475) (2) ఎఱ్ఱ సూరానాయుడు (3) మాధవ నాయుడు (4) పెద్దమహీపతి (5) ముమ్మిడి మల్లభూపాలుడు (1610 - 1670) (6) చినమల్లనృపతి (7) రామరాయలు (8) మల్లభూపతి (9) మాధవ రాయలు (10) నరసింగరావు (11) సురభి లక్ష్మారాయ బహద్దరు (1840) (12) రావు బహద్దర్ సురభి లక్ష్మీ జగన్నాధ రావు (1851 - 1884) (13) శ్రీ రాజా వేంకట లక్ష్మారావు బహద్దరు. "సురభి లక్ష్మారావు" గారి కుమారుడు 'సురభి లక్ష్మీ జగన్నాధరావు' క్రీ.శ. 1851 - 84 వరకూ రాజ్యము చేసిరి. నిజాం ప్రభువు నుండి 'రాజా బహద్దరు, నిజాం నవాజ్ వంత్' బిరుదులు పొందారు. వీరు దేవబ్రాహ్మణ తత్పరులు. వీరికి సంతానం లేకపోవడంతో, 'వెంకటగిరి ప్రభువులగు మహారాజా శ్రీ సర్వజ్ఞకుమార యాచేంద్ర బహద్దరు' గారి చతుర్థ పుత్రులగు 'నవనీత కృష్ణ యాచేంద్రులను' దత్తపుత్రులుగా స్వీకరించారు. వీరే 'శ్రీ రాజా వేంకట లక్ష్మారావు బహద్దరు' అను పేరిట 1884 నుండి జటప్రోలు సంస్థానమును పాలించారు. వీరికి 'బొబ్బిలి సంస్థాన పాలకులగు మహారాజా సర్ రావు వెంకట శ్వేతాచలపతి రంగారావు' గారు అగ్రజులు. ఈయన 'వెంకటగిరి' నుండి 'బొబ్బిలి' సంస్థానమునకు దత్తు వచ్చెను. వీరికిద్దరు పుత్రికా సంతానము. లక్ష్మారాయ బహద్దరు వారి కుమార్తెను 'తేలప్రోలు రాజా' గారికిచ్చి వివాహం చేసెను. లక్ష్మారాయ బహద్దర్ వారి ప్రధమ కుమార్తె 'నూజివీడు సంస్థానమున' తేలప్రోలు రాజావారి ధర్మపత్ని 'రాణి రాజరాజేశ్వరీ దేవి' గారు. రెండవ కుమార్తె శ్రీ రాజా ఇనుగంటి వెంకట కృష్ణారావు గారి ధర్మపత్ని 'రాణి సరస్వతీ దేవి గారు'. శ్రీ రాజా సురభి లక్ష్మారాయ బహద్దర్ గారికి పురుష సంతతి లేదు. కావున, వీరు తమ వారసులుగా ప్రఖ్యాత 'బొబ్బిలి సంస్థానమునుండి శ్రీ రాజా వెంకటశ్వేతా చలపతి రామకృష్ణ రంగారావు బహద్దర్' వారి కుమారులను దత్తు చేసుకొనెను. వారిని 'శ్రీ రాజా సురభి వేంకట జగన్నాధరావు బహద్దర్' అను పేర సంస్థాన వారసులుగా నిర్ణయించెను. ప్రస్తుత 'కొల్లాపూర్ రాజవంశీయులు' వీరి అనువంశీకులే. శ్రీ రాజా వేంకట లక్ష్మారావు గారి అనంతరము వారి ధర్మపత్ని '#రాణివెంకటరత్నమాంబ' గారు సంస్థానమును కొంతకాలం పాలించారు. తరువాత వీరి దత్తపుత్రులు 'శ్రీ రాజా సురభి వెంకట జగన్నాధ రావు బహద్దరు' గారు సంస్థాన బాధ్యతలు నిర్వహించారు. వీరు 'తిరుపాచూరు' జమిందారులైన 'రాజా ఇనుగంటి వెంకట కృష్ణరావు (1899 - 1935)' కుమార్తె యగు 'ఇందిరాదేవిని' వివాహమాడెను. వీరి కాలముననే అన్ని సంస్థానములతో పాటుగా జటప్రోలు కూడా విశాలాంధ్రమున విలీనమైనది. లక్ష్మారావు 1928లో స్వర్గస్తులైనారు. ఆయన ధర్మపత్ని రాణిరత్నమాంబ జగన్నాథరావుకు సంరక్షకురాలిగా ఉంటూ రాజ్యభారం మోశారు. ఆమె సింగవట్నంలో #రత్నగిరికొండపై #రత్నలక్ష్మిఅమ్మవారిని ప్రతిష్టించి ఆలయాన్ని నిర్మించారు. 'పద్మనిలయం' పేరుతో విడిది కోసం ఒక బంగ్లాను కళాత్మకంగా కట్టించారు. ఆ కొండపై నుంచి దుర్భిణిలో చూస్తే 'జటప్రోలు, పెంట్లవెల్లి, కొల్లాపూర్' రాజసౌధాలేగాక ఆయా ప్రాంతాలు కళ్లముందున్నట్టుగా కనిపిస్తాయి. కొల్లాపూర్లోని బండయ్యగుట్ట సింగవట్నంలోని #లక్ష్మీనృసింహస్వామిఆలయం గుడి గోపురాలను కూడా ఆమె నిర్మించారు. 'జగన్నాథరావు' మేజర్ అయిన తర్వాత 1943లో పట్టాభిషేకం చేశారు. ఈయన తన పూర్వికుల మాదారిగానే పరిపాలన సాగించారు. 'రాజా జగన్నాథరావ
Image