స్టూడెంట్ బ్యాక్ డ్రాప్ లో పాన్ ఇండియా మూవీ ఆటో రజిని

May 04, 2022 • GUDIBANDI SUDHAKAR REDDY

సినిమా హీరో జొన్నలగడ్డ హరికృష్ణ

*- స్టూడెంట్ బ్యాక్ డ్రాప్ లో పాన్ ఇండియా మూవీ ఆటో రజిని*

*- విజయవాడలోనే రెండు షెడ్యూల్స్ పూర్తి*

*- రజినీ స్టైల్లో అదరగొడుతున్న హీరో హరికృష్ణ*

*- 100 మంది ద్యాన్సర్లతో ' ప్రేమ్ రక్షిత్ ' పాట చిత్రీకరణ*

*- కృష్ణపట్నం పోర్టులో భారీ సెట్టింగ్ లతో షెడ్యూల్ కు ప్లాన్*

*- పూర్తిస్థాయిలో సహకరిస్తున్న ఆంధ్రప్రదేశ్ ప్రభుత్వం*

*- ఆటో రజిని సినిమా డైరెక్టర్ జొన్నలగడ్డ శ్రీనివాన్*

విజయవాడ, మే 4 (ప్రజా అమరావతి): ఒక కులం, ఒక మతం, ఒక ప్రాంతానికి కట్టుబడకుండా అందరికీ నచ్చేలా, అందరినీ మెప్పించేలా స్టూడెంట్ బ్యాక్ డ్రాప్ లో మరో పాన్ ఇండియా మూవీ ఆటో రజిని తెరకెక్కుతోంది. చాప కింద నీరులా ఇప్పటికే ఈ సినిమా విజయవాడ నగరంలో రెండు షెడ్యూల్స్ ను పూర్తి చేసుకుంది. ఈ నెల 15 వ తేదీ నుండి మూడవ షెడ్యూల్ కూడా ప్రారంభం కానుంది. లవ్, మాస్, ఎంటర్టైన్మెంట్ ప్రధానంగా రూపుదిద్దుకుంటున్న ఆటో రజిని సినిమా తొలి షెడ్యూల్లోనే పొలిటికల్ టచ్ ఇవ్వడం చూస్తుంటే ఈ సినిమాపై అంచనాలు మరింత పెరుగుతున్నాయి. ముఖ్యంగా ఆంధ్రప్రదేశ్ ప్రభుత్వ పాలనపై కూడా ఆటో రజిని సినిమా ప్రభావం చూపుతుందని సమాచారం. ఇక ఈ సినిమా ప్రారంభోత్సవానికి సంబంధించి కృష్ణాజిల్లా గుడివాడ ఎమ్మెల్యే కొడాలి శ్రీవెంకటేశ్వరరావు (నాని) కెమెరా స్విచ్ ఆన్ చేయగా, బాపట్ల ఎంపీ నందిగం సురేష్ క్లాప్ కొట్టారు. కాగా ఎంపీ నందిగం సురేష్ ఈ సినిమాలో ప్రత్యేక పాత్రలో నటిస్తున్నారు. ఆటో ఓనర్ పాత్రలో నటిస్తున్న ఎంపీ నందిగం సురేష్, హీరో జొన్నలగడ్డ హరికృష్ణల మధ్య కొన్ని సన్నివేశాలను రెండవ షెడ్యూల్లో చిత్రీకరించారు. ఆటో రజిని సినిమాను ఆంధ్రప్రదేశ్లోనే ఎక్కువగా చిత్రీకరిస్తుండడంతో ఏపీ ప్రభుత్వం కూడా పూర్తిస్థాయిలో సహకరిస్తోందని సినిమా డైరెక్టర్ జొన్నలగడ్డ శ్రీనివాస్ చెబుతున్నారు. హీరో హరికృష్ణ స్వయానా, డైరెక్టర్ జొన్నలగడ్డ శ్రీనివాస్ కు కుమారుడు కావడంతో ఆటో రజిని సినిమాను ఒక రేంజ్లో నిర్మిస్తున్నట్టుగా ప్రచారం జరుగుతోంది. పాన్ ఇండియా స్టార్ హీరోగా హరికృష్ణను తీర్చిదిద్దేందుకు డ్యాన్స్, ఫైట్స్ పై విపరీతమైన ఫోకస్ పెట్టారు. ఆర్ఆర్ఆర్ మూవీలో నాటు, నాటు సాంగ్ కు పనిచేసిన ప్రేమ్ రక్షిత్ ను ఆటో రజిని సినిమాకు కొరియోగ్రాఫర్ గా ఎంచుకున్నారు. ఆటో రజిని సినిమాలో ఇప్పటికే చిత్రీకరించిన ఒక సాంగ్ లో 100 మంది సీనియర్ డ్యాన్సర్లు, హీరో హరికృష్ణతో కొరియోగ్రాఫర్ ప్రేమ్ రక్షిత్ వేయించిన స్టెప్ లకు మంచి రెస్పాన్స్ వచ్చింది. మరోవైపు హీరో హరికృష్ణ కూడా రజినీకాంత్ స్టైల్లో యాక్షన్ సీన్లను కూడా అదరగొడుతున్నాడు. ఫైట్ మాస్టర్ కణల్ కన్నన్ ఆధ్వర్యంలో ప్రకాశం బ్యారేజ్ కింద నైట్ ఎఫెక్ట్ లో తీసిన ఇంటరడక్షన్ సీన్ అద్భుతంగా వచ్చింది. మూడవ షెడ్యూల్ ను కూడా విజయవాడ, పరిసర ప్రాంతంలోనే పూర్తి చేయనున్నారు. నాల్గవ షెడ్యూల్లోని సెకండ్ ఆఫ్ ను భారీ సెట్టింగ్ లతో కృష్ణపట్నం పోర్టులో తీసేందుకు ప్లాన్ చేస్తున్నారు. ఇటీవల విడుదలై విజయం సాధించిన పాన్ ఇండియా సినిమా కేజీఎఫ్ చాప్టర్ -2 సినిమాలో పనిచేసిన కొంత మంది ఆర్టిస్ట్ లతో, ఆటో రజిని సినిమా కోసం డైరెక్టర్ జొన్నలగడ్డ శ్రీనివాస్ టాక్స్ జరుపుతున్నారు. పాన్ ఇండియా మూవీ స్థాయికి ఏ మాత్రం తగ్గకుండా, శక్తివంతమైన వెంచర్ ఉన్న జొన్నలగడ్డ ప్రొడక్షన్స్ లో ఈ చిత్రాన్ని దేశవ్యాప్తంగా పలు భాషల్లో విడుదల చేసేందుకు సన్నాహాలు కూడా జరుగుతున్నాయి. ముఖ్యంగా రజినీకాంత్ అభిమానిగా హీరో హరికృష్ణ నటిస్తుండడం, సినిమా టైటిల్లోనూ రజిని పేరు ఉండడంతో ఆయన అభిమానులు కూడా స్వాగతిస్తున్నారు. దీంతో తమిళ్ వెర్షన్ లోనూ ఆటో రజినికి మంచి రెస్పాన్స్ లభించనుంది. కాగా సినిమాకు కథను విక్రమ్ రాజ్ అందించారు. ఎడిటింగ్ గౌతమ్ రాజు, మ్యూజిక్ డైరెక్టర్ మణిశర్మ, కెమెరామెన్ ప్రసాద్ బాబు, ఆర్ట్ డైరెక్టర్ చిన్నా తదితరులు పనిచేస్తున్నారు.

May 14, 2022 • GUDIBANDI SUDHAKAR REDDY

Gudivada - Kankipadu road widening, development works start

September 08, 2021 • GUDIBANDI SUDHAKAR REDDY

మెడల్ హౌస్.... - రూ. 3.24 లక్షల్లోనే డబుల్ బెడ్‌రూం ఇల్లు - 15 రోజుల్లో పదిమంది కూలీలతో నిర్మాణం - కరీంనగర్‌లో యువబిల్డర్ ప్రయోగం సక్సెస్ ఇల్లు కట్టి చూడు.. పెళ్లి చేసి చూడు అన్నారు పెద్దలు. ఈ రెండు పనులూ కష్టసాధ్యమనే ఉద్దేశంతోనే అలా చెప్పారు. ఇప్పుడు రోజులు మారాయి. అంతా రెడీమేడ్ యుగం. కేవలం పదిహేను రోజుల్లోనే డబుల్ బెడ్ రూం ఇల్లు నిర్మించవచ్చు! మీరు విన్నది నిజమే. కరీంనగర్ శివారు బొమ్మకల్ బైపాస్ సమీపంలో నిర్మించిన ఈ ఇంటిని చూస్తే మాత్రం ఇల్లు కట్టడం ఇంత సులభమా? అనిపించకమానదు. అతితక్కువ ఖర్చుతో రెండు పడకగదులున్న పక్కాభవంతిని కట్టి చూపించాడు కరీంనగర్‌కు చెందిన యువబిల్డర్ పేరాల కృష్ణారావు. వాల్యూ కన్‌స్ట్రక్షన్స్ నిర్మాణ సంస్థ ఎండీగా ఉన్న ఈయన, కేవలం పదిమంది కూలీలతో 15 రోజుల్లో రూ.3.24 లక్షల తో ఈ ఇంటిని నిర్మించారు. దీనికి మోడల్ హౌస్ అని నామకరణం కూడా చేసేశారు. డిజైన్‌లో మార్పులు చేస్తే కేవలం రూ.3 లక్షల్లో నిర్మించి ఇవ్వవచ్చని చెప్తున్నారు. ఇదీ ఇంటి ప్లాన్: 128 చదరపు గజాల(1155 చదరపు అడుగుల) స్థలంలో 510 చదరపు అడుగుల ప్లింత్ ఏరియా (కింది విస్తీర్ణం), 815 చదరపు అడుగుల స్లాబ్ ఏరియా(పైన స్లాబ్ విస్తీర్ణం)తో ఇల్లు ఉంటుంది. మెట్లు పోను 10 ఫీట్లు, ఇంటిపక్కన 8 ఫీట్లు ఖాళీ స్థలం మిగులుతుంది. నిర్మాణం ఇలా: మొదట కందకం తీసి, బేస్‌మెంట్ నిర్మించారు. పిల్లర్లు, గోడలు, స్లాబ్ కోసం ఒకరోజులో అల్యూమినియం ఫ్రేమ్‌లు బిగించారు. తలుపులు, కిటికీలు అమర్చా రు. మరోరోజు రాడ్లు నిలిపి, అల్లారు. మరుసటి రోజు రెడీమిక్స్‌తో కాంక్రీట్ నింపారు. తర్వాత అల్యూమీనియం ఫ్రేం లను తొలగించి, నాలుగు నుంచి ఐదురోజులు క్యూరింగ్ చేశా రు. ఈ ఇంటికి ప్లాస్టరింగ్ అవసరం ఉండదు. అందుకే కొద్ది గా లప్పం కోటింగ్ చేసి, మిషన్ ద్వారా ఒకేరోజు కలర్ కూడా వేసేయొచ్చు. మిగిలిన రోజులు చిల్లరపనులకు పోతుంది. ఖర్చు పెట్టారిలా: గోడలు, స్లాబ్‌కు 33 క్యూబిక్‌మీటర్ల కాం క్రీట్ మిక్స్ (రెడీమిక్స్) సరిపోయింది. క్యూబిక్‌మీటర్‌కు రూ.2800చొప్పున రూ.84వేల ఖర్చు వచ్చింది. రెండు టన్నుల రాడ్‌కు రూ.85వేలు. నాలుగు తలుపులు, కిటికీలకు రూ.25వేలు. మేస్త్రీ, కూలీలకు రూ.60వేలు. కరెంట్ ఖర్చు రూ.15వేలు, ప్లంబర్ చార్జి రూ.15వేలు. మొత్తం రూ.3.24 లక్షలు. ధరలు పెరిగినా, డిజైన్‌లో మార్పు ఉన్నా ధరల్లో కొం త వ్యత్యాసం ఉండవచ్చు. ఎలివేషన్(ఇంటి ముందు భాగపు డిజైన్) మారిస్తే మరో రూ.60వేలు అదనపు ఖర్చు ఉంటుం ది. ఒకేసారి ఎక్కువ సంఖ్యలో ఇళ్లు నిర్మిస్తే ఖర్చు తగ్గడంతోపాటు సమయం కూడా ఆదా అవుతుంది. చైనా, జర్మనీల్లో చూసి ప్లాన్‌చేశారు పేరాల కృష్ణారావు, ఎండీ, వాల్యూ కన్‌స్ట్రక్షన్స్ ఇంటి నిర్మాణానికి మనం పెట్టే ఖర్చు ప్రపంచంలో ఎక్కడా పెట్టరు. తక్కువ ఖర్చుతో ఇల్లు ఎలా నిర్మించవచ్చో తెలుసుకునేందుకు చైనా, జర్మనీ, అమెరికాలో పర్యటించారు. చైనా, జర్మనీల్లో కాంక్రీట్ గోడలు, రోబోసాండ్‌తో ఇండ్లను నిర్మిస్తున్నారు. ఇది నాకు నచ్చింది. పేద ప్రజల కలను నిజం చేసేందుకు ఈ విధానం సరిపోతుంది. అందుకే ఈ ఇంటిని కట్టి మోడల్ హౌస్ అని పేరుపెట్టారు

May 22, 2020 • GUDIBANDI SUDHAKAR REDDY

నైపుణ్యాల‌కు ప‌దును పెట్టండి... విజేత‌లుగా నిల‌వండి

May 19, 2022 • GUDIBANDI SUDHAKAR REDDY

August 23, 2020 • GUDIBANDI SUDHAKAR REDDY