ఆహారం రూపంలో మనం తీసుకుంటున్న వివిధ రకాల కెమికల్స్‌ వలన రక,రకాల వ్యాధుల బారిన పడుతున్నాం


వైయస్సార్‌ జిల్లా (ప్రజా అమరావతి);


*పులివెందుల నియోజకవర్గ అభివృద్ధి పనులపై సమీక్ష నిర్వహించిన సీఎం శ్రీ వైయస్‌.జగన్‌.*


*హాజరైన ఎంపీ వైయస్‌.అవినాష్‌ రెడ్డి, పలువురు ప్రజా ప్రతినిధులు, కార్యకర్తలు.*


*ప్రకృతి సేద్యంపై పరిశోధనకు పులివెందులలో ప్రపంచ స్దాయి ఇండో–జర్మన్‌ అకాడమీ ఏర్పాటు*

*పులివెందులలోని ఏపి– కార్ల్‌లో న్యూటెక్‌ బయోసైన్సెస్‌కు శంకుస్ధాపన చేసిన సీఎం శ్రీ వైయస్‌.జగన్‌.*


*ఐజీ జీఏఏఆర్‌ఎల్‌ సమావేశంలో పాల్గొన్న ముఖ్యమంత్రి*


*ఈ సందర్భంగా సీఎం శ్రీ వైయస్‌.జగన్‌ ఏమన్నారంటే.... :*

 

*ప్రకృతి సాగు - సమగ్ర అవగాహన*

అందరికీ హృదయపూర్వక ఆహ్వానం.

ఇవాళ మనం రక,రకాల కేన్సర్‌ వ్యాధుల గురించి మాట్లాడుకుంటున్నాం. ఇటీవల కాలంలో కేన్సర్‌ పెరుగుదలతో పాటు విస్తరిస్తూ వస్తోంది. ప్రధానంగా మన ఆహారం వలన, ఆహారం రూపంలో మనం తీసుకుంటున్న వివిధ రకాల కెమికల్స్‌ వలన రక,రకాల వ్యాధుల బారిన పడుతున్నాం


. దీన్ని నివారించడానికి ఉన్న ఏకైక మార్గం... మనం ఆహారం రూపంలో తీసుకుంటున్న రసాయనాలు(కెమికల్స్‌)ను తగ్గించడమే. అది కేవలం గ్రామస్ధాయిలో సమగ్రమైన ఆవగాహన, విజ్ఞానం ద్వారా మాత్రమే సాధ్యమవుతుంది. ప్రకృతివ్యవసాయంపై గ్రామస్ధాయిలో సరైన అవగాహన అవసరం.

మనం గ్రామస్ధాయిలో ఇప్పటికే ఆర్బీకేలు( రైతు భరోసా కేంద్రాలు) పేరుతో ఒక వ్యవస్ధను ఏర్పాటు చేశాం. ప్రస్తుతం సుమారు 10,700 గ్రామాల్లో రైతు భరోసా కేంద్రాలు ఏర్పాటు చేశాం. దాదాపు ప్రతి గ్రామంలోనూ ఒక రైతు భరోసా కేంద్రం ఉంది. 


*ఆర్బీకేలు - విత్తనం నుంచి విక్రయం వరకూ..*

రైతు భరోసా కేంద్రాలు రైతులను సాగులో చేయిపట్టుకుని నడిపిస్తున్నాయి. విత్తనం నుంచి విక్రయం వరకు అంటే విత్తనాలు వేసుకున్నప్పటి  నుంచి మొదలు రైతులు తాము పండించిన పంటను విక్రయించేంత వరకు  రైతులకు సాయంగా నిలబడుతున్నాయి. ఇది రైతు భరోసా కేంద్రాల ప్రాధమిక విధి. రైతులకు చేయూతనందించే కార్యక్రమాల్లో భాగంగా ఆర్బీకేలు వివిధ కార్యక్రమాలు చేపడుతున్నాయి. విత్తనాలు, ఎరువులు, ఫెస్టిసైడ్స్‌ నాణ్యతను పరీక్షించి, వాటికి గ్యారంటీ ఇస్తూ... కల్తీ విత్తనాలు, ఎరువులును నివారించడమే ప్రధాన లక్ష్యంగా ఆర్బీకేలు పనిచేస్తున్నాయి. 

 

ఈ రకమైన ఇన్‌పుట్స్‌ అందించడమే కాకుండా రైతుల ఉత్పత్తులను అమ్ముకోవడానికి అవసరమైన ఏర్పాట్లను కూడా ప్రభుత్వం ఆర్బేకేల ద్వారా కల్పిస్తోంది. 


*ఆర్బీకేలు- ప్రకృతిసేద్యం*

వీటికి అదనంగా ఆర్బీకేలకు ఇప్పుడు ప్రకృతి సేద్యాన్ని కూడా జత చేస్తున్నాం. దీన్ని ఏ రకంగా నిర్వహించాలంటే... తొలుత మనం దీనికి సంబంధించిన నైపుణ్యాలను పెంపొందించుకోవాలి. అందుకు అవసరమైన మాస్టర్‌ ట్రైనర్స్‌ను, వ్యవసాయ శాస్త్రవేత్తలను అందుబాటులో ఉంచుకోవాలి. 10,700 ఆర్బీకేల్లో కచ్చితంగా ఆగ్రో ఎకాలజీపై పరిశోధన చేసిన మాస్టర్‌ ట్రైనర్, సైంటిస్ట్‌ ఉండాలి. ఈ రకమైన పరిజ్ఞానం ఉన్న వ్యక్తి ఆర్బీకేలో ఉంటే... తను ఆ గ్రామంలో పెద్ద సంఖ్యలో రైతులకు శిక్షణ ఇవ్వగలుగుతాడు. అదే విధంగా గ్రామంలో ఉన్న కమ్యూనిటీ రిసోర్స్‌ పర్సన్స్‌(సీఆర్పీస్‌), ఆగ్రి సైంటిస్ట్‌ ఇద్దరూ కలిస్తే వారికున్న పరిజ్ఞానాన్ని గ్రామంలో మిగిలిన రైతులకు అందించగలుగుతారు. అదే విధంగా రైతుభరోసా కేంద్రంలో ప్రకృతి సాగుకు కావాల్సిన ఉపకరణాలను కూడా కమ్యూనిటీ హైరింగ్‌ సెంటర్‌(సీహెచ్‌సీ)ల ద్వారా అందుబాటులో ఉంచడం జరుగుతుంది.  వీళ్లంతా కలిసి ఆ గ్రామాన్ని ప్రకృతి సాగు దిశగా నడిపించే ప్రయత్నం చేస్తారు.


ఈ ఆర్బీకేలలోకి ప్రకృతిసాగు విధానాలను తీసుకురాగలిగితే.. రసాయనాల వినియోగాన్ని క్రమంగా పక్కకు తప్పించవచ్చు. అయితే రసాయనాల వినియోగం నుంచి ప్రకృతి సాగు వైపు వస్తే.. వెంటనే విపరీతమైన ఆదాయాలు వస్తాయని కూడా నేను చెప్పడం లేదు. ఆదాయాలు తొలుత తగ్గవచ్చు కూడా. అందుకనే రైతుకు 3 ఎకరాల ఉంటే...  తొలి ఏడాది మూడోవంతు మాత్రమే ప్రకృతిసాగు చేపట్టాలి.  రెండో ఏడాది 50శాతం, మూడో ఏడాది మొత్తంగా ప్రకృతిసాగు వైపు మరలాలి. నాలుగో ఏడాది నాటికి కానీ రైతు తన మొత్తం పొలంలో ప్రకృతిసాగు వైపు వెళ్లడు. మూడేళ్లపాటు రైతు తన పొలంలో ప్రకృతిసాగుతో మమేకం కావడం వలన మంచి ఫలితాలను తీసుకురాగలుగుతాడు. దాని వల్ల నాలుగో సంవత్సరంలో పెస్టిసైడ్స్, ఎరువుల వాడకం లేకపోవడం వల్ల ఖర్చు తగ్గుతుంది. మరో వైపు భూమిలో సారం పెరగడం వల్ల ఉత్పత్తి కూడా పెరిగే అవకాశం ఉంటుంది. ఇది ఒక లక్ష్యంతో జరుగుతున్న కార్యక్రమం.


*ఐజీ గార్ల్‌ (ఐజీజీఏఏఆర్‌ఎల్‌)*

 అందులో భాగంగా ఇవాళ మనం ఇండో జర్మన్‌ గ్లోబల్‌ అకాడమీ ఫర్‌ ఆగ్రో ఎకాలజీ రీసెర్చ్‌ అండ్‌ లెర్నింగ్‌ (ఐజీ జీఏఏఆర్‌ఎల్‌)ను ఏర్పాటు చేసుకోబోతున్నాం. 

అత్యున్నతమైన ప్రపంచ శ్రేణి సంస్ధ వంటి ఏర్పాటు ఉన్నప్పుడే అది సాధ్యమవుతుంది. గ్రామస్ధాయిలో ఈ రకమైన శిక్షణ కోసం మనం ఈ అకాడమీ ఏర్పాటు చేసుకుంటున్నాం. ఆ దిశగా మందుకు వెళ్తున్నాం. 

జర్మన్‌ ప్రభుత్వం, కేంద్ర ప్రభుత్వ సహకారాలతో మనం ప్రకృతి వ్యవసాయంలో ఓ యూనివర్సిటీని ఏర్పాటు చేసుకోబోతున్నాం. ఈ యూనివర్సిటీ ఏర్పాటు చేయడం ద్వారా.. ప్రకృతిసేద్యంలో డిగ్రీ, పోస్ట్‌ గ్రాడ్యుయేట్‌ డిగ్రీలతో పాటు పీహెచ్‌డిలు కూడా అందించబోతున్నాం. ఎప్పుడైతే ఈరకమైన డిగ్రీలను మనం అందుబాటులోకి తీసుకువస్తున్నామో... ఇక్కడ నుంచి వచ్చే విద్యార్ధులకు ప్రపంచం మొత్తం ఆహ్వానం పలుకుతుంది. అప్పుడు ఈ యూనివర్సిటీ నుంచే ప్రకృతి సేద్యం దేశానికే కాదు.. ప్రపంచానికే అందుబాటులోకి వచ్చే పరిస్థితి వస్తుంది. అదే మన లక్ష్యం, మన స్వప్నం. ఆ లక్ష్యంతోనే ఈ సంస్థను ఏర్పాటు చేస్తున్నాం.


రాష్ట్రంలో మొత్తం సుమారు 50 లక్షలు మంది రైతులుంటే.. కేవలం 6 లక్షలు మంది రైతులు మాత్రమే ప్రకృతిసాగులో మమేకమై ఉన్నారు. దీనికోసం ఇంకా చాలా ప్రయాణం చేయాల్సి ఉంది. సుమారు కోటిన్నర ఎకరాల్లో కేవలం 6 లక్షల ఎకరాల్లో మాత్రమే ఉంది. మరోవైపు వ్యవసాయ శాస్త్రవేత్త, కమ్యూనిటీ రిసోర్స్‌ పర్సన్స్‌ ఆర్బీకేల్లో అందుబాటులో ఉండాలి. వీరి పాత్ర చాలా క్రియాశీలకమైనది.


*ఆర్బీకే- సర్టిఫికేషన్‌*

 సహజసాగు ఉత్పత్తులకు ఆర్బీకే స్ధాయిలో సర్టిఫికేషన్‌ చేసే సౌలభ్యం అందుబాటులో ఉన్నప్పుడే ... మన ఉత్పత్తులుకు అధిక ధరలు లభిస్తాయి. ప్రతి ఆర్బీకే పరిధిలో కూడా ఫార్మర్‌ ప్రొడ్యూసర్‌ ఆర్గనైజేషన్స్‌(ఎఫ్‌పీఓ) కనీసం ఒక్కటి ఉండేలా భవిష్యత్తులో అడుగులు వేస్తాం. ఒక్కసారి ప్రకృతిసాగు  ఉత్పత్తులకు అధిక ధరలు లభించడం ఎప్పుడైతే జరుగుతుందో.. అప్పుడు గ్రామంలో ఉన్న రైతులందరూ ప్రకృతిసాగు వైపు మరలడంతో పాటు రసాయనాల వాడకానికి స్వస్తి చెబుతారు. 


*ఇది మన స్వప్నం...*

ఇది మనం ఆశిస్తున్న మార్పు, మనం కంటున్న కల. దీనికి చాలా దూరంలో ప్రయాణించాల్సి ఉంది. మన స్వప్నం సాకారమయ్యే దిశలో ఇవాళ మనం మొదటి అంకంలో ఉన్నాం. ఈ ముందుకు ప్రయాణించే క్రమంలో ఏళ్లు పట్టవచ్చు. ఇవాళ మనం విత్తనం నాటాం... రానున్న మూడు నుంచి ఐదేళ్లలో మంచి ఫలితాలు రావచ్చు.  ఏడు, ఎనిమిదేళ్లలో అసారధారణమైన ఫలితాలు చూడవచ్చు. 


పులివెందులలో ఈ ఐజీ కార్ల్‌ గా ఉన్న కాలేజీ ఐజీ గార్ల్‌గా ఇవాల్టి నుంచి మారిపోతుంది. త్వరలోనే ఇది ఒక యూనివర్సిటీగా రూపుదిద్దుకుంటుంది. ఇక్కడ నుంచి సహజసాగులోనే డిగ్రీ, పీజీ, పీహెచ్‌డి విద్యార్ధులు వచ్చే పరిస్థితి ఉంటుంది. జర్మన్‌ ప్రభుత్వం, కేంద్ర ప్రభుత్వంతో పాటు ప్రపంచంలోని అత్యుత్తమ యూనివర్సిటీలను కూడా భాగస్వామ్యులను చేసి ఇక్కడ నుంచి అటువంటి గొప్ప వ్యక్తులను తీసుకురావాలన్న ప్రయత్నం జరుగుతుంది. అది మన స్వప్నం. దేవుడి దయ వల్ల కచ్చితంగా జరుగుతుందని మనసారా ఆశిస్తున్నాను. ఇక్కడకు వచ్చిన వాళ్లందరికీ ధన్యవాదములు అని సీఎం అన్నారు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
Shiv Nadar University Chennai inaugurated its flagship Quiz Competition - QUBIZ
Image
మేలైన యాజమాన్య పద్ధతులు పాటించేలా చేసే రైతులకు సర్టిఫికేషన్
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image