ఎయిడ్స్ ఫ్రీ రాష్ట్రంగా ఏపీ



*ఎయిడ్స్ ఫ్రీ రాష్ట్రంగా ఏపీ*

*అవగాహనా, చైతన్య కార్యక్రమాల్లో ఏపీశాక్స్ ముందుంది*


*రాష్ట్ర వైద్య ఆరోగ్య , కుటుంబ సంక్షేమ శాఖ మంత్రి విడదల రజిని*


*కేఎల్ వర్సిటీలో సేఫ్ లైఫ్, రెడ్ రిబ్బన్ క్లబ్స్ ప్రారంభం*


అమరావతి (ప్రజా అమరావతి):

దేశంలో ' ఏపీ ఎయిడ్స్ ఫ్రీ ' రాష్ట్రంగా నిలుస్తుందని, రాష్ట్ర ఎయిడ్స్ నియంత్రణ సంస్థ అవగాహనా, చైతన్య కార్యక్రమాలలో ప్రథమ స్థానంలో నిలుస్తోందని

 రాష్ట్ర వైద్యారోగ్య,  కుటుంబ సంక్షేమ, వైద్య విద్యా శాఖ మంత్రి విడదల రజిని అన్నారు. ప్రస్తుత జీవన విధానంలో  మనిషికి ఆరోగ్యానికి మించినది మరొకటి లేదని, ఆరోగ్యమే మహాభాగ్యమని ఆమె అన్నారు.

రాష్ట్ర ఎయిడ్స్ నియంత్రణ సంస్థ ఆధ్వర్యంలో బుధవారం కేఎల్ డీమ్డ్ యూనివర్సిటీ స్టూడెంట్ యాక్టివిటీ సెంటర్ వారు వర్సిటీలో నూతనంగా ఏర్పాటుచేసిన సేఫ్ లైఫ్ క్లబ్, రెడ్ రిబ్బన్ క్లబ్ ప్రారంభోత్సవ కార్యక్రమంలో ఆమె ముఖ్యఅతిథిగా పాల్గొన్నారు. ఈ సందర్భంగా ఆమె మాట్లాడుతూ . కరోనా వలన మనం మన జీవితంలో చాలా నేర్చుకున్నామని, ముందు జాగ్రత్త చర్యలు ఎంతో అవసరమని, యోగ, పౌష్టిక ఆహారం ఆరోగ్యానికి ఎంతో ముఖ్యమని చెప్పారు. సేఫ్ లైఫ్ ప్రచారంలో ప్రతి విద్యార్థి పాత్ర ఎంతో ముఖ్యమని, దీనికి ఉదాహరణగా నా విద్యార్థి జీవితం ఆధారంగా మీకు తెలుపుతున్నానని అన్నారు. అనంతరం క్లబ్స్ వెబ్ సైట్, గోడ పత్రిక, ఫెలోషిప్, బ్యాడ్జిలను ఆమె ఆవిష్కరించారు. రాష్ట్ర వైద్యారోగ్య శాఖ ప్రత్యేక కార్యదర్శి, రాష్ట్ర ఎయిడ్స్ నియంత్రణ సంస్థ ప్రాజెక్టు డైరెక్టర్ జిఎస్. నవీన్ కుమార్ మాట్లాడుతూ ఈ ప్రచారం కేవలం అందరిలో చిన్న ఆలోచన మాత్రమే కాదు అని, ఒక సమస్య అని, మా జట్టుతో ఒక నూతన ప్రారంభం తీసుకొని, నూతన జీవితాన్ని తీసుకురావాలని మా ప్రయత్నం అన్నారు. సమాజంలో శ్రమతో కూడిన మార్పు కోసం ప్రయత్నిస్తున్నామని చెప్పారు. దేశ భవిష్యత్తు మార్పు కోసం ప్రతి ఒక్కరూ ఈ ప్రచారంలో భాగస్వాములు కావాలని ఆకాంక్షించారు. యూనిసెఫ్ ముఖ్య క్షేత్ర పర్యవేక్షణాధికారి ఎం. రసిడియా మాట్లాడుతూ యూనిసెఫ్ ప్రజల ఆరోగ్యంపై ప్రచారం చేస్తుందని, తల్లుల నుండి పిల్లలకు ఎయిడ్స్ వ్యాపించకుండా ప్రచారం చేయాల్సిన అవసరం ఎంతైనా ఉందన్నారు. ఇది చాలా కష్టంతో కూడుకున్న పని అయినా కూడా దానికోసం మనమందరం ఒక్కటిగా కష్టపడాలని, ముఖ్యంగా టీబీ రోగులకు ఎయిడ్స్ సోకకుండా కష్టపడుతున్నమన్నారు. సోషల్ మీడియా ద్వారా ఈ ప్రచారాన్ని ప్రజల్లోకి తీసుకెళ్లాల్సిన బాధ్యత ప్రతి ఒక్కరిపై ఉందన్నారు. ప్రజల ఆరోగ్యంతో పాటు బాల్యవివాహాలు, చిన్న వయసులో గర్భం దాల్చడం వంటి వాటిపై కూడా ప్రజలకు అవగాహన కల్పించాలని చెప్పారు. ఆరోగ్యంతో పాటు చదువు, పౌష్టికాహారం, సురక్షితమైన లైంగిక చర్య అవసరం అని గుర్తు చేశారు. సేఫ్ లైఫ్ పై ప్రచారం చేయాలని, మార్పు కష్టం కావచ్చు కానీ అసాధ్యం మాత్రం కాదని, కొత్త ఆవిష్కరణలు, ఆలోచనలు చాలెంజ్ గా తీసుకొని ముందంజ వేయాలని  కోరారు. కేఎల్ వర్సిటీ వైస్ ఛాన్స్ లర్ డాక్టర్ జి. పార్థసారధి వర్మ మాట్లాడుతూ వర్సిటీలో స్టూడెంట్ యాక్టివిటీ సెంటర్ ఆధ్వర్యంలో సేఫ్ లైఫ్ క్లబ్ ప్రారంభించటం ఎంతో సంతోషంగా ఉందన్నారు. స్టూడెంట్ యాక్టివిటీ సెంటర్ డైరెక్టర్ పి. సాయి విజయ్ కు మంత్రి చేతుల మీదగా రాష్ట్ర ఎయిడ్స్ నియంత్రణ సంస్థ ఎక్స్ లెంట్ అవార్డును, వర్సిటీకి ప్రత్యేక జ్ఞాపికను ప్రధానం చేశారు. అనంతరం వీడియో పోటీల్లో విజేతలకు బహుమతులు అందజేశారు. తదనంతరం అతిథులను దుశ్శాలువ, జ్ఞాపికలతో ఘనంగా సత్కరించారు.

Comments
Popular posts
ఉత్తరాఖండ్‌ అసెంబ్లీ సెక్రటేరియట్‌లోని 228 మంది ఉద్యోగులను డిస్మిస్‌ చేస్తూ హైకోర్టు నిర్ణయం సరైనదేనని పేర్కొంది.
Image
ఇంటర్నెట్‌లో గూగుల్ సెర్చ్‌లో సైబర్ క్రైమ్ కేసులు పెరుగుతున్నాయి.
Image
న్యాయప్రక్రియకు..రాజ్యాంగపరమైన చట్టాలకు లోబడి వికేంద్రీకరణ చేయబోతున్నాం.
Image
*ఆంథ్ర రత్న జయంతి జూన్ 2* *స్వాతంత్ర్య పోరాటయోధుడు, ఉపాధ్యాయుడు,చీరాల పేరాల ఉద్యమనాయకుడు గాంధేయవాది మన తెలుగువాడు ఆంధ్రరత్న దుగ్గిరాల గోపాలకృష్ణయ్య జయంతి జూన్ 2.* *కృష్ణా జిల్లా, పెనుగంచిప్రోలు గ్రామంలో 1889 జూన్ 2 న దుగ్గిరాల గోపాలకృష్ణయ్య జన్మించాడు. ఆయన పుట్టిన మూడవ రోజునే తల్లి సీతమ్మ, మూడో ఏట తండ్రి కోదండ రామస్వామి మరణించారు. అప్పటినుండి పినతండ్రి, నాయనమ్మల సంరక్షణలో పెరిగాడు. కూచిపూడిలోను, గుంటూరులోను ప్రాథమిక విద్య జరిగింది. హైస్కూలులో చదివే సమయంలోనే 'జాతీయ నాట్య మండలి' స్థాపించి సంగీత, నాటక కార్యక్రమాలు నిర్వహించాడు. అయితే చదువుపై అంత శ్రద్ధ చూపకపోవడంచేత మెట్రిక్యులేషనులో తప్పాడు. తరువాత బాపట్ల లో చదివి ఉత్తీర్ణుడయ్యాడు*. *నడింపల్లి వెంకటలక్ష్మీ నరసింహారావు అనే ఒక మిత్రుని సాయంతో 1911లో స్కాట్లండు లోని ఎడింబరో విశ్వ విద్యా లయంలో ఎం.ఎ. చదివాడు*. *తరువాత ఆనంద కుమార స్వామి తో కలసి కొంతకాలం పనిచేశాడు. ఆ సమయంలో 'నందికేశ్వరుడు' రచించిన 'అభినయ దర్పణం' అనే గ్రంథాన్ని “The Mirror of Gesture,” అన్న పేరుతో సంస్కృతం నుండి ఆంగ్లంలోకి అనువదించాడు. ఇది 1917లో 'కేంబ్రిడ్జ్ - హార్వర్డ్ యూనివర్శిటీ ప్రెస్' వారిచే ప్రచురించబడింది.* *తిరిగివచ్చాక, రాజమండ్రి లోను, బందరు లోను కొంతకాలం ఉపాధ్యాయుడిగా పనిచేసాడు. తన స్వతంత్ర భావాల కారణంగా పైవారితో పడక ఆ ఉద్యోగాలు వదలిపెట్టాడు. తరువాత గోపాల కృష్ణయ్య స్వాతంత్ర్య సంగ్రామం లో దూకాడు*. *బ్రిటీష్ ప్రభుత్వం 1919లో చీరాల-పేరాల గ్రామాలను కలిపి పురపాలక సంఘంగా చేయడంతో ప్రజలపై పన్నుల భారం అధికమై పురపాలక సంఘం రద్దు చేయాలని ఉద్యమించారు. ప్రస్తుతం ప్రకాశం జిల్లా లో ఉన్న చీరాల, పేరాల గ్రామాల జనాభా ఆ కాలంలో 15000. జాండ్రపేట, వీరరాఘవపేట గ్రామాలను చీరాల, పేరాలతో కలిపి చీరాల యూనియన్ అని వ్యవహరించే వారు. ఈ యూనియన్ నుంచి ఏడాదికి నాలుగు వేల రూపాయలు వసూలయ్యేవి. మద్రాసు ప్రభుత్వం 1919 లో చీరాల-పేరాలను మున్సిపాలిటీగా ప్రకటించింది. పన్ను ఏడాదికి 40,000 రూపాయలయ్యింది. సౌకర్యాలు మాత్రం మెరుగు పడలేదు. ఇక్కడ ఉన్న నేతపని వారు, చిన్నరైతులు పన్ను చెల్లించలేక మున్సిపాలిటీని రద్దు చేయాలని ప్రభుత్వానికి ఎన్నో వినతి పత్రాలు సమర్పించారు. ఫలితం లేదు. దాంతో వారు దుగ్గిరాల గోపాలకృష్ణయ్య నాయకత్వంలో ఆందోళన ప్రారంభించారు. ఇది స్వాతంత్ర్య పోరాటంలో ఒక ముఖ్యమైన ఘట్టం. ఆంధ్ర దేశం అంతా తిరిగి బ్రిటిష్ పాలనకు వ్యతిరేకంగా ప్రచారం చేశాడు. నిషేధాన్ని ఉల్లంఘించి బరంపురంలో ఉపన్యాసం చేసినందుకు ఒక సంవత్సరం పాటు జైలు శిక్ష అనుభవించాడు.చీరాల పేరాల ఉద్యమం -మద్రాస్ ప్రసిడెన్సీని కంపింపజేసింది.. ఆ ఉద్యమం మిగతా ప్రాంతాలకు వ్యాపిస్తుందేమోనని ఆంగ్లేయపాలకులు భయకంపితులయినారు..చివరికి జాతీయకాంగ్రీసు జోక్యంతో ఉద్యమం ముగిసింది...* *తెలుగు నాట జానపద కళా రూపాల పునరుద్ధరణకు, గ్రంథాలయాల వ్యాప్తికి గోపాలకృష్ణయ్య ఇతోధికంగా కృషి చేశాడు. 'సాధన' అనే పత్రిక నడిపాడు*. *ఆయన ప్రచారం చేసిన జానపద కళారీతులు - తోలుబొమ్మలాట, జముకుల కథ, బుర్రకథ, వీధి నాటకాలు, సాము గరిడీలు, గొల్ల కలాపం, బుట్ట బొమ్మలు, కీలు గుర్రాలు, వాలకాలు, గోసంగి, గురవయ్యలు, సరదా కథ, కిన్నెర కథ, కొమ్ము బూర,జోడు మద్దెల, పల్లె సుద్దులు, తూర్పు భాగోతం, చుట్టు కాముడు, పిచ్చికుంట్లవాళ్ళ కథ, సాధనా శూరులు, పలనాటి వీర విద్యావంతులు - వగైరా* *గోపాలకృష్ణయ్య నియమ తత్పరుడు. 'శ్రీరామదండు' అనే ఆధ్యాత్మిక, జాతీయతా స్వచ్ఛంద సమూహాన్ని ఏర్పాటు చేశాడు.* *1921 లో గుంటూరులో ఒక సభలో "ఆంధ్ర రత్న" అన్న బిరుదుతో ఆయనను సత్కరించారు.* *ఈ మహనీయుని త్యాగాలకు తెలుగుజాతి సర్వదా ఋణపడివుంది*. *ఉపాధ్యాయ సేవా కేంద్రం,విజయవాడ*
Image
ఒక్క ఇల్లూ కట్టని చిన్న సైకో ఆర్కే ఇళ్లు కూల్చేస్తున్నాడు
Image