దేశ విదేశాల్లో ఉన్న తెలుగు ప్రజలకు శుభాకాంక్షలు తెలిపిన టిడిపి అధినేత

*నారావారిపల్లెలో భోగి వేడుకల్లో పాల్గొన్న టిడిపి జాతీయ అధ్యక్షులు నారా చంద్రబాబు నాయుడు*

*దేశ విదేశాల్లో ఉన్న తెలుగు ప్రజలకు శుభాకాంక్షలు తెలిపిన టిడిపి అధినేత*

*ప్రభుత్వం తెచ్చిన జీఓ నెంబర్.1 ను భోగి మంటల్లో వేసి నిరసన తెలిపిన టీడీపీ అధినేత, నేతలు*

*టీడీపీ అధినేత చంద్రబాబు ప్రసంగం:-*

• సంక్రాంతి పండుగ అతిపెద్ద పండుగ

• ఈ రోజు ఘనంగా భోగి పండుగ చేసుకున్నాం.

• ప్రభుత్వం తెచ్చిన నల్ల చట్టాలను భోగిమంటల్లో వేసి కాల్చాం. సైకో పాలన పోవాలని ఈ సందర్భంగా కోరుకున్నాం.

• తెలుగుప్రజల జీవితాలను తెలుగుదేశం పార్టీ ఆవిర్భావం ముందు...తరువాత అని చూడాలి.

• తెలుగు రాష్ట్రాన్ని సాధించి పెట్టింది పొట్టి శ్రీరాములు అయితే....వారికి గౌరవం తెచ్చిపెట్టింది ఎన్టీఆర్.

• స్వాతంత్యం వచ్చి 75 ఏళ్లు అయ్యింది....మన భారతదేశ గొప్ప సంపద యువత.

• ఈ రోజు యువత ఎంతో ఉత్సాహంతో...భవిష్యత్ పై ఆలోచనతో ఉన్నారు. 

• నేను నాడు ప్రోత్సహించిన ఐటి సెక్టార్ ఉత్తమ ఫలితాలను ఇచ్చింది. ఐటి అవకాశాన్ని తెలుగు యువత అందిపుచ్చుకున్నారు.

• తెలుగు సినిమా కు ఇండియాలో ఎంత ఆదాయం వస్తుందో....ఓవర్సీస్ లో అంత ఆదాయం వస్తోందంటే మన వాళ్లు ఎంత విస్తరించారో అర్థం చేసుకోవాలి.

• కొందరు నేటి కోసం బతుకు తారు..మరికొందరు రేపటి కోసం బతుకుతారు...కానీ నేను మీ భవిష్యత్ కోసం బతుకుతాను.

• ఇవన్నీ గుర్తించే జీ 20 చర్చల సందర్భంగా ప్రధానికి ఒక సూచన చేశాను....2047వరకు ఒక విజన్ సిద్దం చేసుకోవాలని కోరాను.

• రానున్న 25 ఏళ్లకు విజన్ సిద్దం చేసుకుని ప్రయాణం చెయ్యాలని ప్రధానికి సూచించాను

• నాడు జనభా నియంత్రణ పద్దతులను ప్రోత్సహించాను. దీన్ని జనం స్వీకరించారు. అయితే ఇప్పుడు ఇంట్లో ఇద్దరు పనిచేస్తున్నారు....ఒక్కరినే కంటున్నారు.

• ఇప్పుడున్న పరిస్థితుల్లో ప్రజలు ఎక్కువ మంది పిల్లలను కనాలి. అప్పుడే దేశంలో యువత నిష్ఫత్తి సరితూగుతుంది.

• నేను పుట్టినప్పుడు మా ఊళ్లో చిన్న రోడ్డు లేదు...కనీసం కరెంట్ లేదు. ఇవన్నీ గుర్తు పెట్టుకుని నాడు వాజ్ పేయికి నేషనల్ హైవేస్ ప్రాజెక్టును తీసుకువచ్చాం.

• నాటి సంస్కరణల్లో భాగంగానే, నా చొరవతోనే అద్భుతమైన హైవే రోడ్లు వచ్చాయి. అయితే రాష్ట్ర రహదారులు మాత్రం దారుణంగా ఉన్నాయి. రాష్ట్ర రోడ్లపై తిరిగి నాకూ నడుం నొప్పి వచ్చింది. కానీ ప్రజా సమస్యలపై తిరగాల్సిందే.

• నేడు రాష్ట్రంలో పరిస్థితులు దారుణంగా ఉన్నాయి. రాష్ట్రంలో ప్రజావేదికతో విధ్వంసం ప్రారంభం అయ్యింది. సైకో పాలనతో అన్ని వర్గాలు నష్టపోయాయి.

• దేశంలో ఎక్కువ పెట్రో ధరలు, ఎక్కువ కరెంట్ చార్జీలు, ఎక్కువ నిత్యావసర వస్తువులు, ఎక్కువ ఇంటి పన్ను, చెత్త పన్ను ఉన్న రాష్ట్రం మన రాష్ట్రమే.

• సంక్రాంతి అంటే పెద్ద పండుగ. ధనికులే కాదు...పేద వాళ్లు కూడా పండుగ చేసుకోవాల్సిన అవసరం ఉంది.

• రాష్ట్రంలో సంక్షేమానికి నాంది పలికింది నాటి ఎన్టీఆర్ ప్రభుత్వం. రెండు రూపాయలకే కెజీ బియ్యం, రూ.50లకే హార్స్ పవర్ విద్యుత్, జనతా వస్తాలు వంటి పథకాలు తెచ్చింది టిడిపినే. 

• మహిళల కోసం ఆస్థిలో సమాన హక్కు ఇవ్వడంతో పాటు...వారి కోసం ప్రత్యేకంగా మహిళా యూనివర్సిటీ తెచ్చింది ఎన్టీఆర్.

• వంటింటికే పరిమితం అయిన ఆడవాళ్లను ఉద్యోగాల వైపు పంపింది నేనే. మగ పిల్లల కంటే ఆడపిల్లలు ఎక్కువ ఆదాయం పొందే అవకాశం కల్పించింది టిడిపి ప్రభుత్వం.

• తెలుగుదేశం ప్రభుత్వం ప్రజా హితం కోసం పని చేసింది. నాడు జన్మభూమి కార్యక్రమం పెట్టి గ్రామాల అభివృద్దిని ప్రోత్సహించాం.

• ఇతర ప్రాంతాల్లో స్థిరపడిన వారిని గ్రామాలకు రప్పించి అభివృద్దిలో భాగస్వాముల్ని చేశాం.

• నాడు జన్మభూమి కార్యక్రమం సందర్భంగా నా సతీమణి భువనేశ్వరి నారా వారి పల్లె వెళ్లే కార్యక్రమం తలపెట్టారు. 23 ఏళ్ల నుంచి ప్రతి ఏడాది సొంత ఊరు వచ్చి మేము కూడా సొంత ఊళ్లో పండుగ చేసుకుంటున్నాం.

• ఇప్పుడు రాష్ట్రంలో పరిస్థితి ఇదేం ఖర్మ మన రాష్ట్రానికి అనే విధంగా మారిపోయింది.

• అవేదనతో, భాధతో పెద్ద ఎత్తున మహిళలు యువత ఇదేం ఖర్మ కార్యక్రమానికి తరలి వస్తున్నారు. 

• తమ బిడ్డల భవిష్యత్ కోసం తల్లిదండ్రులు చాలా ఆవేదన  చెందుతున్నారు. ప్రభుత్వాలు మీ బిడ్డల భవిష్యత్ ను తీర్చిదిద్దేలా, అవకాశాలు కల్పించే పాలన చెయ్యాలి.

• కానీ ఈ ప్రభుత్వం తీరు అందుకు పూర్తి భిన్నంగా ఉంది.

• ప్రశ్నించిన నాపైనా కేసులు పెడుతోంది. నన్ను అడ్డుకుంటోంది. నా సభలకు బందోబస్తు కూడా ఇవ్వడం లేదు. 

• కందుకూరు ప్రమాదానికి కారణం భద్రత ఇవ్వకుండా ప్రభుత్వం చేసిన కుట్ర.

• నాటి సభకు ఎందుకు పోలీసులను భద్రతగా పంపలేదు..? ఇది కుట్ర కాదా?

• గుంటూరు సభలో జరిగిన తొక్కిసలాట కూడా కుట్రలో భాగమే. 

• ఇవన్నీ చూపించి...జీవో నెంబర్ 1 తీసుకువచ్చారు. మేం ప్రజలను కలవకూడదని ఆంక్షలు పెట్టాడు.

• నేను ప్రజలను కలవకూడదు అని జగన్ భావించాడు. నాకు జగన్ పై ఎటువంటి ద్వేషం లేదు. జగన్ తండ్రి వైఎస్ ఆర్ నాకు మంచి స్నేహితుడు.

• నేను, వైఎస్ఆర్ 1978లో తొలిసారి అసెంబ్లీకి వెళ్లాం. నాకు వైఎస్ తో మంచి అనుబంధం ఉండేది.

• నేడు రాష్ట్రంలో అన్ని వర్గాలు ఈ పాలనతో నష్టపోయారు. ఇసుక ఎందుకు దొరకడం లేదు.? దీని వల్ల నిర్మాణ రంగంపై ఎంత ప్రభావం పడింది.? ఆయా వృత్తుల వారు ఎంత నష్టపోయారనేది ఈ ప్రభుత్వానికి పట్టడం లేదు

• బిసి, ఎస్సి, ఎస్టీలకు పథకాలన్నీ రద్దు చేశారు. దీంతో ఆ వర్గాలు తీవ్రంగా నష్టపోయాయి.

• జగన్ పాలనతో ఎపి బ్రాండ్ పూర్తిగా దెబ్బతింది. చిత్తూరు జిల్లాలోని అమర్ రాజా సంస్థ ఎందుకు వెళ్లిపోయింది.?

• చిత్తూరు ప్రజల రుణం తీర్చుకోవడానికి పెట్టిన అమర్ రాజా ఫ్యాక్టరీని పంపేశారు. ఫ్యాక్టరీలో పొల్యూషన్ అనే ఆరోపణలతో సంస్థను తెలంగాణకు పంపారు.

• జగన్ రెడ్డి, అతని సైకోల కారణంగా ప్రజలు ఆస్తులు కోల్పోతున్నారు. ప్రజల మెడపై కత్తి పెట్టి ఆస్తులు రాయించుకుంటున్నారు. 

• రాష్ట్రంలో నాణ్యతలేని మద్యం ఎందుకు తాగాల్సి వస్తోంది.? దీని వల్ల ప్రజల ఆరోగ్యం తీవ్రంగా దెబ్బతింటోంది. మహిళల మంగళసూత్రాలు తెంచే మద్యం అమ్ముతన్న ప్రభుత్వమిది.

• పుంగనూరులో టీడీపీ కార్యకర్తలు, నాయకులపై 40 రోజుల్లో 10 కేసులు పెట్టారు. కార్యకర్తలను పండగపూట జైల్లో పెట్టారు. దీనికి పెద్దిరెడ్డి తప్పక అనుభవిస్తాడు. గుర్తు పెట్టుకో పెద్దిరెడ్డి.

• దుర్మార్గాలు చేస్తున్న ప్రతి ఒక్కరి లెక్కలు రాసి పెడుతున్నా....ఈ సంక్రాంతి సందర్భంగా చెపుతున్నా.....ఇంతకు ఇంతా చేద్దాం.

• రాష్ట్రంలో ఎప్పుడు ఎన్నికలు  పెట్టినా సైకో పాలన పోవడం ఖాయం.

• మద్యంతర ఎన్నికలు వస్తే ముందే ఈ ప్రభుత్వం పోతుంది.

• వచ్చే ఎన్నికలు టిడిపికి వైసిపికి మధ్య కాదు. 5 కోట్ల ప్రజలకు...సైకో జగన్ రెడ్డికి మద్య జరగనున్నాయి.

• పోలీసులకు కూడా జరుగుతున్న తప్పు తెలుసు కానీ....కొందరు పోలీసులు తప్పులు చేస్తూనే ఉన్నారు.

• అధికార పార్టీలో నాగభూషణం, రాజనాల కంటే పెద్ద విలన్లు మనం రాష్ట్రంలో చూస్తున్నాం.

• సంక్రాంతి రోజు రైతాంగం సంతోషంగా లేదు. మద్దతు ధర లేక రైతుల పరిస్థితి దారుణంగా ఉంది.

• మనం ప్రశ్నిస్తుంటే జగన్ బయటకు వచ్చి తనకు మీడిమా లేదు అంటున్నాడు. సాక్షి మీడియా ఎవడి ఛానల్? బ్లూ మీడియా ఏం చేస్తోంది.?

• రాష్ట్రంలో రెడ్డి సామాజికవర్గం కూడా సంతోషంగా లేదు. వారిలో కొందరికి పదవులు తప్ప వాళ్లూ నష్టపోయారు.

• నేడు తిరుమలలో భక్తుల మనోభావాలు దెబ్బతీసే విధంగా ఈ ప్రభుత్వం వ్యవహరిస్తోంది.

• తిరుమల కొండపై అసంబద్ధ నిర్ణయాలు తీసుకుంటున్నారు. అద్దెగదుల రేట్లు, ప్రసాదం రేట్లు పెంచేశారు. వెంకటేశ్వర స్వామికి అపచారం తలపెట్టిన వ్యక్తి ఈ జన్మలోనే శిక్ష అనుభవిస్తారు.

• కులాల మద్య, ప్రాంతాల మధ్య కుట్ర పెట్టేందుకు జగన్ ప్రయత్నం చేస్తున్నాడు.

• ఇప్పుడు రాయలసీమ అంటున్న జగన్....రాయలసీమకు ఏం చేశాడు.? రాయలసీమకు న్యాయం చేసే బాధ్యత సీమబిడ్డగా నేను తీసుకుంటా.

• టిడిపికి అండగా ఉండే, వెనుక బడిన వర్గాలు ఉండే ఉత్తరాంధ్రను అభివృద్ది చేసింది..చేసేది టిడిపినే.

• పండుగకు గ్రామాలకు వచ్చిన ప్రజలంతా నేను చెప్పిన అంశాలపై చర్చించుకోండి.

• నేను నాకోసం పోరాడడం లేదు....రాష్ట్రం కోసం పోరాడుతున్నాను.

• నా బాధ్యతగా నేను పోరాటం చేస్తాను...ప్రజలు తమ బాధ్యతను నిర్వర్తించాలి.

• నా జీవితంలో ఇంత దారుణమైన సిఎంను ఎప్పుడూ చూడలేదు. నిన్న పవన్ కళ్యాణ్ మీటింగ్ పెడితే సైకోలు ఆయన మీద పడి దాడి చేస్తున్నారు.

• కుక్కల్లా వైసిపి నాయకులు పవణ్ కళ్యాన్ పై దాడి చేస్తున్నారు. సభ్యత లేకుండా విమర్శలు చేస్తున్నారు.

• ఈ సైకోలు అంతా గుర్తుపెట్టుకోవాలి. ఏడాది తరువాత ఇక్కడ ఉంటారా...పారిపోతారా అని.

• భూభాగంలో ఎక్కడ ఉన్నా... పారిపోయినా ఈ సైకోలను తీసుకువచ్చి శిక్షిస్తా.

• బాబాయి హత్య, కోడి కత్తి దాడిపై జగన్ ఇప్పటికీ సమాధానం చెప్పలేకపోతున్నాడు. 

• రాష్ట్రంలో కంప్యూటరైజేషన్ పేరుతో ప్రజల భూములు కొట్టేస్తున్నారు. 

• ప్రజల భూములను నిషేధిత భూముల జాబితాలో పెడుతున్నారు. మోటార్లకు మీటర్లు పెట్టి రైతులను ఇబ్బంది పెడుతున్నారు. పైగా రైతులు స్వాగతిస్తున్నారు అని అసత్య ప్రచారం చేస్తున్నారు

• చిత్తూరు జిల్లాకు పట్టిన శనిలా పెద్దిరెడ్డి మారిపోయాడు. రాజకీయాల్లో ఉండేందుకు జగన్ రెడ్డికి అర్హత లేదు.

• జగన్ రెడ్డికి పోలీసులు ఉంటే...నాకు 5 కోట్ల మంది ప్రజలు ఉన్నారు.

• నేను పోరాడేది నా కోసం కాదు...నా తెలుగు రాష్ట్ర ప్రజల కోసం.