ఖరీప్‌ రాక మునుపే సాయం...

 

అమరావతి (ప్రజా అమరావతి);


*వరుసగా నాలుగో ఏడాది మొదటి విడతగా..* *వైఎస్సార్‌ రైతు భరోసా– పీఎం కిసాన్‌.*



*నాలుగో ఏడాది మొదటి విడతగా ఇచ్చే రూ.7,500లకు గానూ రూ.5,500లను ఏలూరు జిల్లా గణపవరంలో బటన్‌ నొక్కి  రైతుల ఖాతాల్లో జమ చేసిన సీఎం శ్రీ వైయస్‌.జగన్‌.*


*ఈ నెల 31న రైతుల ఖాతాల్లో జమ కానున్న పీఎం కిసాన్‌ నిధులు మరో 2వేలు.*

*దీంతో మొత్తంగా నెలాఖరు నాటికి 50.10 లక్షల మంది రైతుల ఖాతాల్లో ఒక్కొక్కరికి రూ.7,500 చొప్పున దాదాపు రూ.3,758 కోట్లు జమ కానున్నాయి*.



*ఈ సందర్భంగా సీఎం శ్రీ వైయస్‌.జగన్‌ ఏమన్నారంటే... :*


దేవుడి దయతో మీ అందరి చల్లని దీవెనలతో గణపవరంలో మరో మంచి కార్యక్రమానికి శ్రీకారం చుడుతున్నాం.

ఇక్కడకు వచ్చిన ప్రతి అక్కకూ, చెల్లెమ్మకూ, అన్నకూ, అవ్వకూ, తాతకు చేతులు జోడించి హృదయపూర్వక కృతజ్ఞతలు.


*ఖరీప్‌ రాక మునుపే సాయం...


*

జూన్‌ మాసం రాక మునుపే, ఖరఫ్‌ మొదలు కాకముందే, వ్యవసాయపనులు మొదలు కాకముందే... 2022 ఖరీఫ్‌ పంటకు పెట్టుబడిగా వైయస్సార్‌ రైతుభరోసా సాయం అందిస్తున్నాం. 


*రైతు బాగుంటేనే రాష్ట్రం బాగుంటుదని...* 

రైతు బాగుంటేనే రాష్ట్రం బాగుంటుందని మనసా,వాచా, కర్మేణా గట్టిగా నమ్మిన ప్రభుత్వం మనది. ఈ మాడు సంవత్సరాల కాలంలో రైతులను అన్ని రకాలుగా ఆదుకునే కార్యక్రమంలో భాగంగా ప్రతి అడుగు  ఆ దిశగానే వేశాం. 

రైతు చరిత్రను మార్చే విధంగా గొప్ప పథకాలకు శ్రీకారం చుట్టాం. క్రమం తప్పకుండా క్యాలెండర్‌ ఇచ్చి, క్యాలెండర్‌లో ఇచ్చిన నెలలోనే వైయస్సార్‌ రైతు భరోసా– పీఎం కిసాన్‌ కార్యక్రమాన్ని అమలు చేస్తున్నాం.


*మూడు విడతల్లో భరోసా....*

వైయస్సార్‌ రైతు భరోసాగా ప్రతి సంవత్సరం రూ.13,500 మూడు విడతల్లో ప్రతి ఏటా ప్రతి ఒక్క రైతు కుటుంబానికి, కౌలు రైతులకు, దేవాదాయ భూములు సాగుచేస్తున్న రైతులకు, ఆర్వోఎఫ్‌ఆర్‌(అటవీభూములు) సాగు చేస్తున్న రైతులందరికీ  ఈ పథకాన్ని అమలు చేస్తున్నాం. వరుసగా మూడు సంవత్సరాలు పూర్తి చేసుకుని నాలుగో ఏడాది మళ్లీ వైయస్సార్‌ రైతు భరోసా సొమ్ము గణపవరం వేదికగా విడుదల చేస్తున్నాం. నాలుగో ఏడాదికి మొదట విడత కింద ఖరీప్‌ సీజన్‌ మొదలుకాక ముందు మే నెలాఖరులోపు రూ.7,500, తర్వాత పంట కోతకు వచ్చినప్పుడు అక్టోబరు మాసంలో మరో రూ.4వేలు, ఆ తర్వాత సంక్రాంతికి పంట ఇచ్చికొచ్చే సమయానికి రూ.2వేలు చొప్పున రూ.13,500 రైతు భరోసా కింద ఇస్తున్నాం.


*మొత్తం 50 లక్షల మంది రైతుల ఖాతాల్లో...*

అందులో భాగంగా ఈ నాలుగో ఏడాది మొదటి విడతసొమ్ము కింద రూ.7,500లో రూ.5,500ను ఇవాళ ఇక్కడ నుంచి బటన్‌ నొక్కి మీ ఖాతాల్లో జమ చేస్తున్నాను. మరో రూ.2వేలు పీఎం కిసాన్‌ కింద ఈ నెలాఖరుకి కేంద్రం విడుదల చేస్తుంది. అది కూడా ఈ నెల 31 తేదీన రైతుల ఖాతాల్లోకి జమ అవుతుంది. మొత్తంగా ఈనెలాఖరు కల్లా 50 లక్షల మంది పై చిలుకు రైతులకు వారి ఖాతాల్లో ఒక్కోక్కరికి రూ. 7,500 చొప్పున దాదాపు రూ.3,758 కోట్లు ఈ నెలాఖరులోపు జమ అవుతుంది.


*ఇప్పటివరకు భరోసా కింద రైతుల ఖాతాల్లో రూ.23,875 కోట్లు..*

ఇలా ప్రతియేటా దాదాపు 50 లక్షల మంది రైతన్నలకు సుమారు రూ.7వేల కోట్లు రైతుభరోసా అన్న ఒక్క పథకం ద్వారానే అందిస్తున్నాం. ఇప్పటికే గత మూడు సంవత్సరాలుగా ఈ పధకం కింద అందిస్తున్నాం. ఇప్పుడు నాలుగో ఏడాది మొదటి విడత కింద ఈరోజు ఇస్తున్న రూ.3,758 కోట్లు కూడా కలుపుకుంటే.. మన ప్రభుత్వం అధికారంలోకి వచ్చి మూడు సంవత్సరాలు కాకమునుపే కేవలం వైయస్సార్‌ రైతు భరోసా కింద రూ.23,875 కోట్లు నేరుగా రైతుల అకౌంట్లలో రైతు కష్టం తెలిసిన మీ బిడ్డగా జమ చేశాను.


*మూడేళ్లలో రైతులకు రూ.1 లక్ష కోట్లకు పైగా సాయం...*

చరిత్రలో కూడా ఎన్నడూ లేనివిధంగా వివిధ పథకాల ద్వారా ఈ మూడేళ్లలో మన ప్రభుత్వం... రైతులకు రూ.1,10,093 కోట్లు ఇచ్చాం.


*రైతుల దృష్టికి కొన్ని విషయాలు...* 

 2022కు సంబంధించి వైయస్సార్‌ రైతు భరోసా డబ్బులు విడుదల చేస్తున్న ఈసమయంలో రాష్ట్రంలో ప్రతి రైతుకూ కొన్ని విషయాలు చెప్పదల్చుకున్నాను. 

దేవుడి దయతో మీ అందరి చల్లని దీవెనల వల్ల మన ప్రభుత్వం అధికారంలోకి వచ్చిన తర్వాత ఈ మూడు సంవత్సరాల కాలంలో ఎక్కడా కరవులేదు. ఈ మూడేళ్లలో ఒక్కటంటే ఒక్క మండలం కూడా కరువు మండలముగా ప్రకటించాల్సిన అవసరం రాలేదు. ఈ మూడేళల్లో ప్రతి రిజర్వాయర్‌ కూడా సకాలంలో నిండుతూ వచ్చింది. రాష్ట్రంలో ఈ మూడేళ్లలో అనంతరపురము లాంటి కరువు జిల్లాలతో సహా అన్ని చోట్ల భూగర్భ జలాలు రికార్డు స్ధాయిలో పెరిగాయి. అంతకముందు ఐదేళ్ల చంద్రబాబునాయుడు పాలన చూశాం. ఇప్పుడు మూడేళ్లగా మన పాలన చూస్తున్నారు.



*పెరిగిన ఆహార ధాన్యాల ఉత్పత్తి...*

 ఈ మూడేళ్లలో ఆహార ధాన్యాల ఉత్పత్తిని గమనించినట్లైతే.. సగటున 16 లక్షల టన్నులు పెరిగింది. 

చంద్రబాబు హయాంలో 2014–19 మధ్య కాలంలో.... ఆహార ధాన్యాల ఉత్పత్తి సగటున 154 లక్షల టన్నుల అయితే.. మన ప్రభుత్వంలో ఈ మూడేళ్ల కాలంలో సగటున 170 లక్షల టన్నులకు దిగుబడి పెరిగింది. గత ప్రభుత్వంలో వడ్డీలేని రుణాలకు ఐదు సంవత్సరాలలో బాబు గారి హయంలో చెల్లించింది కేవలం రూ.782 కోట్లు. అదే ఈ మూడేళ్ల కాలంలో ఈ పథకానికి మన ప్రభుత్వం రూ.1282 కోట్లు ఇచ్చింది. తేడా గమనించమని కోరుతున్నాను. అప్పుడూ రైతులే అప్పులు తీసుకున్నారు. అలాంటి రైతుల పట్ల వారికున్న ప్రేమ ఎంత, మీ జగన్‌కు ఉన్న ప్రేమ ఎంత అన్న తేడా గమనించండి. 


*ఆత్మహత్య చేసుకున్న రైతు కుటుంబాలనూ ఆదుకున్నాం...*

రైతులుకు మంచి చేయాలని మనసుతో ఆలోచన చేస్తున్నాం. అయినా కూడా దురదృష్టవశాత్తూ ఆత్మహత్య చేసుకున్న కొంతమంది రైతుల కుటుంబాలు కూడా ఉన్నాయి. ఆ ఆత్మహత్య చేసుకున్న కుటుంబాలను వదిలేయలేదు. గతంలో మాదిరిగా రైతు వ్యవసాయం చేస్తున్న మనిషి కాదనే కుంటిసాకులు చెప్పలేదు. పట్టాదారు పుస్తకం ఉంటే చాలు వాళ్లందరికీ కూడా రూ.7 లక్షలు ఇస్తున్నాం. కౌలు రైతులకు సీసీఆర్సీ కింద నమోదు చేసుకుంటే... వాళ్లు  సైతం ఎవరైనా పొరపాటున ఆత్మహత్య చేసుకుంటే వారికి రూ.7 లక్షలు పరిహారం ఇస్తున్నాం.


*ఇంత పారదర్శకంగా మనం చేస్తున్నాం కాబట్టే..* చంద్రబాబునాయుడు గారికి దత్తపుత్రుడైన ఒక పెద్ద మనిషి... రైతుల పరామర్శకు అని బయలుదేరాడు. ఆయన పరామర్శలో... పట్టాదారు పాస్‌ పుస్తకం ఉండి ఆత్మహత్య చేసుకుంటే రూ.7లక్షలు దక్కని ఒక్కటంటే ఒక్క రైతును చూపించలేకపోయాడు. సీసీఆర్సీ కార్డు మీ గ్రామంలోని ఆర్బేకేలోనే అందుబాటులో ఉంది. ఆ సీసీఆర్సీ కార్డు ఉండి ఆత్మహత్య చేసుకుంటే రూ.7 లక్షలు పరిహారం అందని ఒక్క వ్యక్తినీ చూపించలేకపోయాడు. అంత గొప్పగా, పారదర్శకంగా పరిపాలన సాగుతోంది.


 ఏ పంట సీజన్‌లో జరిగిన నష్టానికి ఆ పంట నష్ట పరిహారం.. ఆ సీజన్‌ ముగిసే లోగా రైతుల ఖాతాల్లోకి ఇవ్వడం అన్నది  రాష్ట్ర చరిత్రలో ఎన్నడూ జరగని విధంగా... భారతదేశ చరిత్రలో కనీవినీ ఎరుగని విధంగా చేస్తున్నాం.  ఏ రైతన్న నష్టపోయినా ఆ నష్టపరిహారం ఆ సీజన్‌ ముగిసేలోగా ఇచ్చే గొప్ప పరిపాలన ఈమూడేళ్లలోనే జరుగుతోంది.


*ఇ– క్రాప్‌ – ఒక్క రూపాయి కట్టకుండానే...*

రైతు బీమాలో రైతు వాటాగా చెల్లించాల్సిన మొత్తం కూడా రైతుల తరపున చెల్లిస్తున్న ఏకైక ప్రభుత్వం మనదే. ప్రతి గ్రామంలో ఆర్బీకేలు ఉంటాయి, అక్కడే ఇ–క్రాప్‌ బుకింగ్‌ చేసి, అందరికీ రశీదులు ఇచ్చి, పంటను ఇన్సూరెన్స్‌లోకి తీసుకొచ్చి నమోదు చేసే కార్యక్రమం చేస్తున్నారు.


ఒక సీజన్‌లో జరిగిన నష్టం మరలా రెండో ఏడాది అదే సీజన్‌ రాకమునుపే... ఆ ముందు సంవత్సరానికి  సంబంధించిన ఇన్సూరెన్స్‌ సొమ్ము రైతుల చేతుల్లో పెట్టే గొప్ప పథకం రాష్ట్రంలో అమలు అవుతోంది. దీనికి రైతులు ఒక్క రూపాయి కూడా కట్టాల్సిన అవసరం లేదు.


*స్పందించే ప్రభుత్వం మనది...* 

కృష్ణా, గోదావరి డెల్టాతోపాటు ఉత్తరాంధ్రా, రాయలసీమకు అత్యధికంగా సాగునీటి ప్రాజెక్టుల ద్వారా, కాలువలు ద్వారా నీళ్లిచ్చింది ఈ మూడు సంవత్సరాలలోనే. గతానికి, ఇప్పటికీ తేడా చూడండి. రైతులుకు ఇలాంటి మేళ్లు చేయాలంటే...  నేల తల్లి మీద వ్యవసాయం మీద, మన గ్రామం, మన సంస్కృతి, రైతు కూలీలు, రైతుల కష్టం మీద మమకారం, అవగాహన ఉండాలి. గత పాలకులెవ్వరికీ కూడా ఇవేవీ లేవు. 

సాగునీరు ఉండే ప్రాంతంలో రైతు కష్టాలు, ఉచిత విద్యుత్‌ బోర్లమీద ఆధారపడి సేద్యం చేసే మెట్ట ప్రాంతంలో రైతుల కష్టాలు మీద అవగాహన లేని పరిపాలనను మనం గతంలో చూశాం. ఈ రోజు ఏ ఒక్క రైతుకు ఏ ఇబ్బంది వచ్చినా స్పందించే ప్రభుత్వం మనది. 


*నాయకుడు మాట ఇచ్చి తప్పితే...*

ఒక నాయకుడు ఎన్నికల్లో రైతుకు ఒక మాట ఇచ్చి.. దాన్ని తప్పితే రైతు ఏమవుతాడు అన్నది అర్ధం కాని ఏ నాయకుడైనా కూడా రాజకీయాల్లో ఉండడానికి తగునా ? అని ఈరోజు మన ప్రభుత్వం మీద విమర్శలు చేస్తున్న వాళ్లందరినీ కూడా  ప్రశ్నించమని అడుగుతున్నాను. 



*మన దురదృష్టమేమిటంటే...*

మన దురదృష్టమేమిటంటే... రైతులకు ఉచిత విద్యుత్‌ వద్దన్న నాయకుడు, వ్యవసాయం దండగ అన్న నాయకుడు, రైతుల గుండెల మీద గురిపెట్టి బషీర్‌ బాగ్‌లో కాల్పులు జరిపి చంపించిన నాయకుడు చంద్రబాబు.  రూ.87,612 కోట్ల వ్యవసాయ రుణాలను తొలిసంతకంలోనే మాఫీ చేస్తానని చెప్పి, 5 సంవత్సరాలలో కేవలం రూ.15వేలు కోట్లు మాత్రమే జమ చేశాడు. 


చివరికి తన వాగ్దానాన్ని నమ్మిన రైతులకు, వాళ్లు చేసిన పంటరుణాలకు, బంగారు రుణాలకు డబ్బులు చెల్లించనందున వడ్డీల భారం తడిసిమోపుడై... తర్వాత ఆ బ్యాంకుల్లో పెట్టిన బంగారం వేలం వేస్తున్నప్పుడు కూడా తన మనస్సు కరగని ఆ నాయకుడు పాలన ఒక్కసారి గుర్తుకుతెచ్చుకొమ్మని అడుగుతున్నాను.


*చంద్రబాబు రైతులను గాలికొదిలి...*

చెప్పడమేమో చెప్పారు, ఆ తర్వాత రైతులను గాలికి వదిలేశారు. వదిలేసిన తర్వాత రైతులు ఎలా బతుకున్నారు అని కనీసం ఆలోచన కూడా గత పాలకులు చేయలేదు.

 ఈ విషయాలు ఏ మాత్రం పట్టించుకోకుండా... దత్తపుత్రుడు బాధ్యత లేనట్టుగా తప్పించుకు తిరుగుతున్నాడు. ప్రశ్నించాల్సిన సమయంలో ప్రశ్నించకుండా.. చంద్రబాబునాయుడుగారంటే విపరీతమైన ప్రేమ చూపించాడు.

ఈ రోజు ప్రశ్నిస్తున్నాను అని చెప్పుకుంటున్న ఈ దత్త పుత్రుడిని ఆ రోజు ఎందుకు ప్రశ్నించలేదు అని అడుగుతున్నాను.


*ఎల్లో మీడియా – మొసలి కన్నీరు...*

 ఈ విషయాలను ఏనాడూ కూడా తమ పత్రికల్లో కానీ, తమ టీవీలలో కానీ ఎల్లో మీడియా చెప్పదు, చూపించదు. ఆరోజు చంద్రబాబునాయుడు రైతులను అడ్డగోలుగా మోసం చేస్తే ప్రశ్నించని.. ఈనాడు రామోజీరావు గారు, ఆంధ్రజ్యోతి, టీవీ5తో కూడిన ఈ దుష్టచతుష్టయం అంతా .. ఈ రోజు మొసలి కన్నీరు కారుస్తున్నారు.

అసలు వ్యవసాయం గురించి, రైతుల గురించి మాట్లాడే అర్హత వీళ్లకు ఉందా అని ప్రశ్నిస్తున్నాను. 


*ఇప్పటికీ గతానికీ తేడా చూడండి ? ...*

వ్యవసాయం గురించి మన ప్రభుత్వం ఏం చేసిందో.. గత ప్రభుత్వం ఏం చేసిందో మీకు అందరికీ తెలుసు. నేను కొన్ని ప్రశ్నలు అడగుతాను, ఆ ప్రతి ప్రశ్న గతానికీ, ఇప్పటికీ తేడా చూపిస్తుంది. తేడా ఏంటన్నది ఒక్కసారి ఆలోచన చేయండి. 


1.

రైతుకు మన ప్రభుత్వం ప్రతియేటా రూ.13,500  రైతుభరోసా సాయం మూడేళ్లుగా అమలుచేస్తున్నాం. గతంలో 2014–19 మధ్యలో ఇటువంటి పథకం ఉందా ? 

సొంత భూమి సాగుచేసుకుంటున్న  రైతులతో పాటు అర్హులైన ఎస్సీలు,ఎస్టీలు, బీసీ,మైనార్టీ, కౌలు రైతులు, అటవీ, దేవాదాయ భూములు సాగుచేసుకుంటున్న వారికి కూడా వైయస్సార్‌ రైతు భరోసా మాదిరిగా రూ.13,500 పెట్టుబడి సహాయం అందిస్తున్న పరిస్థితి గతంలో ఉండేదా ? ఆలోచన చేయండి ?


మన మేనిఫెస్టోలో మనం ప్రతి రైతన్నకు రూ.12,500 చొప్పున 4 ఏళ్లలో రూ.50 వేలు ఇస్తామని చెప్పాం. కానీ రూ.13,500 చొప్పున చెప్పిన  నాలుగేళ్లకు బదులు 5 సంవత్సరాలు ఇస్తున్నాం. అంటే 5 సంవత్సరాలు ముగిసే సరికి ప్రతి రైతు చేతిలో రూ.67,500 పెట్టే కార్యక్రమం జరుగుతుంది. 


2.

రూ.87,612 కోట్లు మాఫీ చేస్తానని కేవలం ముష్టి వేసినట్లు... రూ.15వేల కోట్లు ఇచ్చి చేతులు దులుపుకున్న ఆప్రభుత్వానికి మధ్య తేడా గమనించండి?. 

ఈ మూడు సంవత్సరాల కాలంలోనే 50 లక్షలకు పైగా రైతులకు రైతుభరోసా పథకం ద్వారానే ఇచ్చింది రూ.23,875 కోట్లు. రాష్ట్ర చరిత్రలో ఏనాడైనా ఇంతగా సహాయపడే ప్రభుత్వం ఎప్పుడైనా చూశారా ? 


3.

మనందరి ప్రభుత్వంలో వైయస్సార్‌ సున్నావడ్డీ ద్వారా 65.65 లక్షల మంది రైతులకు గతంలో మాదిరిగా కాకుండా రైతన్నలను ప్రోత్సహిస్తూ.. కేవలం మూడేళ్లలో రూ.1282 కోట్లు మనం ఇస్తే..  ఐదేళ్లు పరిపాలన చేసిన పెద్దమనిషి కేవలం రూ.782 కోట్లు మాత్రమే ఇచ్చి చేతులు దులుపుకున్నారు. 


4.

మనం ఇస్తున్నమాదిరిగా కరువులు,వరదల వల్ల ఏ సీజన్‌లో జరిగిన పంటనష్టపరిహారాన్ని అదే సీజన్‌లో ఇచ్చే పరిస్థితి గతంలో ఉందా ? ఆలోచన చేయండి. పంట నష్టం జరిగితే పరిహారం ఎప్పుడు ఇస్తారో లేదో తెలియని పరిస్థితి నుంచి పంట నష్టం జరిగిన వెంటనే సీజన్‌ ముగిసేలోగా ఆర్బీకేల పరిధిలో జాబితాలు ప్రదర్శించి.. ఎవరైనా మిస్‌ అయితే పేర్లు నమోదు చేసుకోమ్మని చెబుతూ.. ఇ–క్రాప్‌తో అనుసంధానం చేసి పంట నష్టపరిహారం ఇస్తున్నాం. గతానికి ఇప్పటికీ తేడా చూడండి.


ప్రతి అడుగులోనూ రైతుకు తోడుగా ఉంటూ... విత్తనం నుంచి అమ్మకం వరకూ ప్రతి అడుగులోనూ రైతుకు సహాయపడుతున్నాం. రైతు భరోసా కేంద్రాలను మన గ్రామంలోనే స్ధాపించి వాటి ద్వారా రైతులకు ఇ–క్రాప్‌ బుకింగ్‌ అక్కడే చేస్తూ.. దానివల్ల లభించే ఉచిత పంటలబీమా, సున్నా వడ్డీ పంట రుణాలు, ప్రకృతి వైపరీత్యాల వల్ల దెబ్బతిన్న పంటలకు పెట్టుబడి రాయితీ చెల్లింపు, వ్యవసాయ ఉత్పత్తుల కొనుగోలు వంటి కార్యక్రమాలు అన్నీ పారదర్శకంగా అక్కడే జాబితా ప్రదర్శించి.. ఇచ్చే వ్యవస్ధ గతంలో ఉందా ?అన్న ఆలోచన చేయండి. 


రాష్ట్ర వ్యాప్తంగా రైతులు బీమాలో వాళ్లు కట్టాల్సిన డబ్బు కోసం.. వారికి బ్యాంకు రుణాలు అందినప్పుడు ఆ డబ్బులో బీమా సొమ్మును మినహాయించుకుని వారికి మాత్రమే వర్తింపజేసేవారు. మిగిలిన వాళ్లకి ఎలా బీమా కట్టాలో కూడా తెలియదు. కట్టిన సందర్భాలు కూడా చాలామంది రైతులకు లేదు. కానీ ఈ రోజు ప్రతి రైతు పేరుమీద ఆర్బీకేలోనే ఇ–క్రాప్‌ బుకింగ్‌ జరుగుతుంది. దాంతో పాటు ఇన్సూరెన్స్‌లో తన పేరుమీద నమోదవుతుంది.  పంట నష్టం జరిగితే ప్రతి రైతుకూ ఇన్సూరెన్స్‌ డబ్బు క్రమం తప్పకుండా..ఈ సీజన్‌లో నష్టం జరిగితే వచ్చే సీజన్‌ రాక మునుపే ఆ డబ్బులు జమ అవుతున్నాయి. ఇటువంటి వ్యవస్ధ గతంలో ఉండేదా ? తేడా చూడండి.



ఈ మూడేళ్లలో వైయస్సార్‌ ఉచిత పంటల బీమా ద్వారా అందించిన, రేపు నెలలో అందించనున్న మొత్తాన్ని కూడా కలుపుకుంటే.. 31 లక్షల మంది రైతులకు దాదాపుగా రూ.5వేల కోట్లు సొమ్ము ఇన్సూరెన్స్‌గా రైతులు ఖాతాల్లో జమ చేయడం గతంలో ఎప్పుడైనా జరిగిందా ? ఆలోచన చేయండి.


*అత్యంత పారదర్శకంగా పాలన జరుగుతోంది.* ఎక్కడా లంచాలు లేవు, వివక్షకు తావులేదు. అర్హత ఉన్న ప్రతి రైతుకు కూడా ఆ రైతన్న నాకు ఓటు వేసినా, వేయకపోయినా మంచి చేసే పరిస్థితి జరుగుతుంది. గతానికీ ఇప్పటికీ తేడా ఇదే.



5.

కేంద్రప్రభుత్వం కనీస మద్ధతు ధరలు ప్రకటించిన 6 పంటలకు కూడా రైతు తక్కువ రేటుకు అమ్ముకుని నష్టపోకుండా.. వ్యవసాయ ఉత్పత్తులను ప్రభుత్వమే కొనుగోలు చేయడం గతంలో ఎప్పుడైనా జరిగిందా ? ఆలోచన చేయండి.


ఆర్బీకేల్లోనే కేంద్ర ప్రభుత్వం ప్రకటించని పంటలకు సైతం ఎంఎస్‌పీ ప్రకటించి, ఏ రైతు అయినా కూడా ఎంఎస్‌పీ కన్నా తక్కువ రేటుకు అమ్ముకునే పరిస్థితి వస్తే... ప్రభుత్వమే దగ్గరుండి ఆ పంట కొనుగోలుచేస్తోంది. ఇలాంటి కార్యక్రమం గతంలో ఉండేదా ? ఆలోచన చేయండి. 



అధికారంలోకి వచ్చిన వెంటనే ఆక్వా రైతులకు తోడుగా ఉండేందుకు.. వారికి రూ.1.50 కే కరెంటు సబ్సిడీ ఇస్తూ.. మూడేళ్ల కాలంలో రూ.2403 కోట్లు సబ్సిడీ ఇచ్చిన ఏకైక ప్రభుత్వం మనదే. ఆక్వా రైతులకు సంబంధించి కొన్ని విషయాలు మీకు తెలియజేయాలి. ఈ ప్రాంతంలో ఆక్వా సాగు ఎక్కువ.


*ఆక్వా రైతులకు అండగా....* 

కోవిడ్‌ సమయంలో ఆక్వా సాగు రైతులు నష్టపోకూడదని వారికి తోడుగా ఉండే కార్యక్రమం చేశాం. కేవలం పశ్చిమ గోదావరి జిల్లాలో 1.72 లక్షల ఎకరాల్లో ఆక్వాసాగును 55,866 మంది రైతులు చేస్తున్నారు. 5 ఎకరాల్లోపు సాగును 87 శాతం మంది సాగుచేస్తున్నారు.వీరు సాగు చేస్తున్న ఏరియా 70,518 ఎకరాలు. కార్పొరేట్‌ వ్యవసాయం చేస్తున్న 13 శాతం మంది అంటే 5 వేల మంది రైతులు.. 60 శాతం భూమిలో ఆక్వా సాగు చేస్తున్నారు. కార్పొరేట్‌ సాగు చేస్తున్న రైతులకు  కూడా కోవిడ్‌ సమయంలో అండగా నిలబడ్డాం.


కోవిడ్‌ సమయం దాటిన తర్వాత మేలు చేయాల్సింది ఎవరికైనా ఉంది అంటే అది చిన్న, సన్నకారు రైతులకు మాత్రమే. అందుకనే... 5 ఎకరాలలోపు ఉన్న వాళ్లందరికీ రూ.1.50 సబ్సిడీ కొనసాగుతుంది. మిగిలినవాళ్లకి రూ.3.80 ఉంటుంది. ఈ అమౌంట్‌ కూడా సబ్సిడీ మొత్తమే. దేశంలో ఎక్కడా ఇవ్వని విధంగా ఈ రేటు కూడా ఇస్తున్నాం. దీనిపై కొంతమంది నాతో మాట్లాడుతూ.. ఎన్నికలకు రెండేళ్లు పెట్టుకుని ఇలాంటి నిర్ణయం ఎందుకు తీసుకుంటారని అడిగారు. మోసం చేయడం నాకు ఇష్టం లేదు.. ఏదైనా మంచి చేయాలంటే చెప్పాలి. ఎన్నికలతో సంబంధం లేకుండా చేయాలి. ఎన్నికలు అయిపోయిన తర్వాత మోసం చేయడం ధర్మమేనా అని తిరిగి ప్రశ్నించాను. నాకూ చంద్రబాబుకూ మధ్య ఉన్న తేడా అదే ? నేను రాజకీయాల గురించి ఆలోచన చేయను. ప్రజలకు మంచి చేయాలన్న తపన, తాపత్రయంతోనే అడుగులు వేస్తాను. అయినప్పటికీ ఈ విషయంలో కూడా ఎమ్మెల్యే వాసు మాట్లాడుతూ పరిమితిని 10 ఎకరాల వరకు విస్తరింపజేయమన్నాడు. 

ఆక్వా జోన్‌లో ఉన్న 10 ఎకరాల వరకు రూ.1.50 సబ్సిడీని విస్తరిస్తాం. ఈవిషయం ప్రతి రైతుకూ సంతోషాన్ని కలిగిస్తుందని భావిస్తున్నాను. 


*పాడి రైతుల కోసం అమూల్‌...*

గతంలోపాడి రైతులు అంటే మోసం చేయడానికి మాత్రమే చూసే పరిస్తితి. వారి దగ్గర నుంచి ఎలా డబ్బులు రాబట్టుకోవాలి అన్న పరిస్థితి నుంచి ఇవాల అమూల్‌ సంస్ధను రంగంలోకి తీసుకొచ్చి లీటర్‌ పాలుమీద రూ.5 నుంచి రూ.10 అదనంగా ఇస్తున్నాం. ఈ రోజు అమూల్‌  ఈ ధర ఇస్తుంది కాబట్టి మిగిలిన డైరీలన్నీ... చంద్రాబాబు గారి డైరీ హెరిటేజ్‌తో సహా పోటీని తట్టుకునేందుకు అందరూ రైతులకు లీటరకు రూ.5–10 ఇవ్వవల్సిన పరిస్థితి.


*147 నియోజకవర్గాల్లో ల్యాబ్‌లు....* 

నియోజకవర్గ స్ధాయిలో 147 ల్యాబ్‌లు పనిచేస్తున్నాయి. వాటి ద్వారా ప్రతి పరీక్షా జరుగుతుంది. గ్రామీణప్రాంతాల్లో 147, జిల్లా స్ధాయిలో 13 పెద్ద ల్యాబ్‌లు, ఆ తర్వాత ప్రాంతీయ స్దాయిలో మరో 4 పెద్ద ల్యాబ్‌లు అందుబాటులోకి తీసుకుని వస్తున్నాం. రైతులు కొనుగోలు చేసే పంట విత్తనం మొదలుకుని, పెస్టిసైడ్‌తో పాటు రైతు ఏం కొనుగోలు చేసినా నాణ్యతతో ఇస్తున్నారా ?లేదా ?అని పరీక్షించేందుకు తద్వారా వారు మోసపోకుండా ఉండేందుకు ఇన్ని ల్యాబ్‌లు  స్దాపించాం. గతంలో ఇలా ఉండేదా ?ఆలోచన చేయండి.


*ఈ నిజాలన్నీ మీరే చెప్పండి...* 

రైతుల బాగు కోసం, వారికి మంచి చేసేందుకు అడుగులు వేస్తున్నాం. మరో విషయం కూడా రైతులకు చెప్పాలి. ఇవన్నీ చేయని గత ప్రభుత్వంలో రైతులు  బాగున్నారని.. అన్ని రకాలుగా వారికి మంచి చేస్తున్న మన ప్రభుత్వంలో రైతులుకు బాగా లేదని దుష్ప్రచారం చేస్తున్న వారికి ఈ నిజాలన్నీ కూడా దయచేసి మీరే చెప్పండి. 


*చంద్రబాబు మేనిఫెస్టో– చెత్తబుట్టలో..*

2014 ఎన్నికల్లో చంద్రబాబు నాయుడు గారి ఫోటో పెట్టి మేనిఫెస్టో విడుదల చేశారు. దీన్ని విడుదల చేసిన పెద్దమనిషి ఆ తర్వాత తన తెలుగుదేశం పార్టీ వెబ్‌సైట్‌ నుంచి కూడా మేనిఫెస్టోను తీసేశారు. మేనిఫెస్టో అంటే ప్రజలను మోసం చేయడానికి ఎన్నికలప్పుడు చెప్పాల్సిన మాటలు. ఎన్నికలు అయిన తర్వాత ప్రజలు ఎలాగూ మోసపోతారు కాబట్టి మేనిఫెస్టోను చెత్తబుట్టలో పడేస్తున్న ఈ పెద్ద మనిషి నైజం ఒక్కసారి గమనించండి.


దీనికి తేడా మన పార్టీ ఎమ్మెల్యేలు.. ఎంపీలు, పార్టీ ప్రతినిధులు మన మేనిఫెస్టోను తీసుకొచ్చి.. ప్రతి ఇంటికి (నేను) జగనన్న రాసిన లేఖను ఇస్తున్నారు. ప్రతి ఇంటికి ఏం మేలు జరిగిందో చూపిస్తూ.. గుర్తు చేస్తూ ఎన్నికల్లో చెప్పిన మేనిఫెస్టోను మీరే టిక్‌ పెట్టండి అని ప్రతి ఇంటికి .. మీ అందరి చల్లని దీవెనలు కోసం, ఆశీస్సులు కోసం వస్తున్నారు. ఆ ప్రభుత్వానికి మన ప్రభుత్వానికి తేడా గమనించండి. 



గతంలో చంద్రబాబు మేనిఫెస్టోతో పాటు లేఖలు రాశాడు. ఇందులో దత్తపుత్రుడుది, చంద్రబాబుది వీళ్లెవరూ చాలరన్నట్టు మోడీ గారి ఫోటో కూడా పెట్టారు. ఆ మేనిఫెస్టోను అమలు చేయకుండా ప్రజలను మోసం చేస్తే... కనీసం ప్రజల పక్షాన నిలబడి వారిని ఎందుకు మోసం చేశావని ప్రశ్నించడానికి అడుగులు ముందుకు వేయని ఈ దత్తపుత్రుడుని ఏమనాలి ? 


ఈనాడు,ఆంధ్రజ్యోతి, టీవీ5, ఈ దుష్ట చతుష్టయం అంతా కలిసి రంధ్రాలు వెతికే కార్యక్రమం చేస్తున్నారు. మంచి చేస్తున్నా దాన్ని అబద్దం అని చెప్పి వక్రీకరించే కార్యక్రమం చేస్తున్నారు.


*మీ అందరికీ ఒక్కటే విన్నపం...* జగన్‌ రైతుల తరపున నిలబడే మీ బిడ్డ. ఎన్నికలప్పుడు ఒక మాదిరిగా.. అయిపోయిన తర్వాత మరో మాదిరిగా ఉండేవాడు కాదు. నిజాయితీ, నిబద్దత ఉంది. ఏది చెప్తాడో అదే చేస్తాడు. 


ఇటువంటి మంచి పరిపాలనకు దేవుడు ఆశీస్సులు ఉండాలని, మీ అందరి చల్లని దీవెనలు ఎప్పుడూ ఉండాలని మనసారా కోరుకుంటూ బటన్‌ నొక్కి కార్యక్రమాన్ని ప్రారంభిస్తున్నాను. 


ఎమ్మెల్యే వాసు గణపవరంను భీమవరంలోకి కలపాలన్నాడు.  కొల్లేరు ప్రాంతంలో రీ సర్వే చేయించాలన్నాడు. దానికి ఆదేశాలు ఇచ్చాం. అవి రాబోయే రోజుల్లో అమలుఅవుతాయి. కొల్లేరు ప్రాంతంలో చెట్టన్నపాడు, లక్ష్మీపురం తదితర గ్రామాల్లో తాగునీటి కొరకు సమ్మర్‌ స్టోరేజ్‌ ట్యాంక్‌ నిర్మాణం కోసం అడిగారు. కొల్లేరులో రెగ్యులేటర్ల నిర్మాణం కావాలన్నాడు. టెండర్ల ప్రక్రియ పూర్తైంది. జూన్‌లో శంకుస్ధాపన చేస్తాను. ఉంగుటూరులో 6 సబ్‌స్టేషన్లు కావాలని అడిగారు. సర్వే చేయించి.. అవసరమైన చోట వచ్చేట్టు చేస్తాం.ఏలూరు కాలువపై నారాయణపురం, ఉంగటూరు, పూళ్ల, గుండుగొలను గ్రామాల్లో వంతెన నిర్మాణాలు అడిగారు. అవి కూడా చేస్తాం. నారాయణపురం, ఉండి రోడ్డులో..  వెంకయ్య వయ్యేరు కాలువపై కొత్త వంతెన అడిగారు. అదీ మంజూరు చేస్తున్నాం. 48 పాత ఇందిరమ్మ కాలనీల్లో కనీస వసతులు కోసం అడిగారు. అవి కూడా చేపడతాం అని సీఎం హామీ ఇస్తూ తన ప్రసంగం ముగించారు. 


అనంతరం  నాలుగో ఏడాది మొదటి విడతగా ఇచ్చే రైతు భరోసా సాయం రూ.7,500లకు గానూ రూ.5,500లను ఏలూరు జిల్లా గణపవరంలో బటన్‌ నొక్కి  రైతుల ఖాతాల్లో సీఎం శ్రీ వైయస్‌.జగన్‌ జమ చేశారు. 

ఈ నెల 31న రైతుల ఖాతాల్లో  జమ కానున్న పీఎం కిసాన్‌ నిధులు మరో 2వేలు.

దీంతో మొత్తంగా నెలాఖరు నాటికి 50.10 లక్షల మంది రైతుల ఖాతాల్లో ఒక్కొక్కరికి రూ.7,500 చొప్పున దాదాపు రూ.3,758 కోట్లు జమ కానున్నాయి.


ఈ కార్యక్రమంలో ఉపముఖ్యమంత్రి (దేవాదాయశాఖ) కొట్టు సత్యనారాయణ, శాసనమండలి ఛైర్మన్‌ కొయ్యే మోషేన్‌ రాజు,  వ్యవసాయ, సహకార, మార్కెటింగ్‌ శాఖ మంత్రి కాకాణి గోవర్ధన్‌ రెడ్డి, రవాణాశాఖ మంత్రి పినిపే విశ్వరూప్, పౌరసరఫరాలశాఖ మంత్రి కారుమూరి నాగేశ్వరరావు, ప్రభుత్వ చీఫ్‌ విప్‌ ముదునూరి ప్రసాదరాజు, పలువురు ఎంపీలు, ఎమ్మెల్సీలు, ఎమ్మెల్యేలు, ఇతర ప్రజా ప్రతినిధులు, ఉన్నతాధికారులు పాల్గొన్నారు.

Comments
Popular posts
రైతు పండించిన పంటను కచ్చితంగా ఇ–క్రాపింగ్‌ చేయాలి:
Image
భారత త్రో బాల్ జట్టు కెప్టెన్ శ్రీ చావలి సునీల్ కి ఆర్థిక సహాయం క్రింద 25 లక్షల చెక్కును అందించిన రాష్ట్ర పర్యాటక సాంస్కృతిక వ్యవహారాల యువజన సర్వీసుల శాఖ మంత్రి శ్రీమతి ఆర్.కే. రోజా
Image
అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ ధ్యేయం.
Image
#దక్షిణదేశసంస్థానములచరిత్ర - 10 : #తెలుగువారిసంస్థానాలు - #జటప్రోలు (#కొల్లాపూరు) #సంస్థానము, మహబూబ్ నగర్ జిల్లా (తెలంగాణ రాష్ట్రం) - తెలంగాణ మైసూర్ ''కొల్లాపూర్" సంస్థాన ప్రభువులు (సంస్థానాధీశులు) పద్మనాయక రాచవెలమ వంశస్థులగు “#సురభివారు” (మొదటి భాగం)... కొల్లాపురం సంస్థానం పాలమూరు జిల్లాలో, నల్లమల అటవీ క్షేత్రంలో కృష్ణానది పరీవాహక ప్రాంతంలో ఉంది. ఈ సంస్థానాధీశులు 'కొల్లాపూరును' రాజధానిగా చేసుకొని పరిపాలించడం వల్ల ఈ సంస్థానాన్ని "కొల్లాపూరు సంస్థానమని" కూడా వ్యవహరిస్తారు. వీరు మొదట #జటప్రోలు రాజధానిగా పాలించి, తర్వాత 'కొల్లాపూర్, పెంట్లవెల్లి' రాజధానులుగా పాలించారు. 'నల్లమల ప్రాంతంలో' రెండవ శతాబ్దానికి చెందిన 'సోమేశ్వర, సంగమేశ్వర, మల్లేశ్వర' ఆలయాలున్నాయి. వీటికి ఎంతో గణనీయమైన పురావస్తు ప్రాముఖ్యత ఉంది. ఈ ఆలయాలు పదిహేను వందల ఏళ్ల క్రితం నిర్మించారు. వెడల్పయిన రహదారులు, దట్టమైన చెట్లతో ఈ ప్రాంతం నిండి ఉండడంతో కొల్లాపూర్ ను ''#తెలంగాణమైసూర్'' గా కూడా ప్రజలు పిలుస్తారు. ఈ సంస్థానం మొదట "విజయనగర చక్రవర్తులకు, చివరి నిజాం ప్రభువుకు" సామంత రాజ్యముగా వ్యవహరించబడింది. భారత దేశం స్వాతంత్య్రం పొందిన తర్వాత, ‘తెలంగాణలోని సంస్థానాలు’ భారత్ లో విలీనం అయ్యేవరకు ఈ సంస్థానం సివిల్ మెజిస్ట్రేట్ అధికారాలతో ఉంది. ‘నిజాం ప్రభువులు’ తమ ఆధీనంలో ఉన్న సంస్థానాలకు సర్వాధికారాలు ఇవ్వటం వల్ల ఆయా సంస్థానాలు స్వేచ్ఛగా పరిపాలన సాగించినాయి. 'నిజాం భూభాగం' బ్రిటిష్ రాజ్యంలో ఓ భాగమైతే 'సంస్థానాలు' నైజాం రాజ్యంలో చిన్న చిన్న 'రాజ్యాలుగా' వ్యవహరించబడ్డాయి. అలా వ్యవహరించబడిన సంస్థానాలలో #కొల్లాపురంసంస్థానం ఒకటి. ఇక్కడి సువిశాలమైన కోట ప్రాంగణంలో కొలువుదీరిన సుందరమైన రాజభవనాలు నాటి సంస్థానాధీశుల పాలనా వైభవాన్ని చాటు తున్నాయి. 'ఆలయాల అభివృద్ధి, ఆధ్యాత్మిక కృషికి' తోడు వివిధ రంగాల కవిపండిత సాహిత్య, కళాపోషణకూ వారు అధిక ప్రాధాన్యమిచ్చారు. అన్నింటికంటే ముఖ్యంగా ప్రజావసరాలకు అనుగుణమైన సౌకర్యాలను కల్పించడం ద్వారా ‘కొల్లాపూర్ సురభి సంస్థానాధీశులు’ జనరంజకమైన పాలన కొనసాగించారు. ఈ ప్రాంతాన్ని కేంద్రంగా చేసుకుని కొన్ని శతాబ్దాల పాటు తమ సంస్థానాన్ని ఏలారు ‘#సురభిరాజులవారసులు’. ఈ సంస్థానం వైశాల్యం 191 చ.మైళ్ళు. ఇందులో 30 వేల జనాభా దాదాపు 90 గ్రామాలు ఉండేవి. వార్షిక ఆదాయం ఇంచుమించుగా రెండు లక్షలు. ఈ సంస్థానం కృష్ణానది పరీవాహక ప్రాంతంలో ఉన్నది. పూర్వం జటప్రోలు సంస్థానానికి 'కొల్లాపురం' రాజధాని. ‘#సురభిలక్ష్మారాయబహద్దూర్’ వరకు అంటే సుమారు క్రీ.శ.1840 వరకు రాజధాని 'జటప్రోలు' గా ఉండేది. వీరి కాలం నుండి రాజధాని 'కొల్లాపూర్' కు మారింది. అప్పటి నుంచి 'కొల్లాపురం సంస్థానం' గా పేరొంది, ఈ ప్రాంతాన్ని పరిపాలించిన వారంతా 'కొల్లాపురం సంస్థాన ప్రభువులుగా' ప్రసిద్ధులయ్యారు. వీరు మొదట్లో 'పెంటవెల్లి' రాజధానిగా పాలన సాగించారు. #సురభివంశస్థులపూర్వీకులు 'దేవరకొండ' (నల్గొండ) ప్రాంతం నుంచి ఇక్కడికి వలస వచ్చారని చరిత్రకారుల అభిప్రాయం. ఈ సంస్థానాధీశులు మొదట జటప్రోలులో కోటను నిర్మించుకొని నిజాం ప్రభువులకు సామంతులుగా ఉన్నారు. ఇక్కడి సువిశాలమైన కోటలు, చక్కని భవనాలు సురభి సంస్థానాధీశుల కళాభిరుచిని చాటుతున్నాయి. నిజాం కాలంలో కొల్లాపూర్ పరిపాలన పరంగా ప్రముఖపాత్ర వహించింది. కొల్లాపూర్ రాజుకు మంత్రి లేదా సెక్రటరీగా వ్యవహరించిన 'కాట్ల వెంకట సుబ్బయ్య' ఇక్కడివారే. అనంతరం మంత్రిగా పని చేసిన 'మియాపురం రామకృష్ణారావు' కూడా ఇక్కడివారే. #జటప్రోలుసంస్థానస్థాపకులు - #సురభివంశచరిత్ర…. #పిల్లలమర్రిభేతాళనాయుడుమూలపురుషుడు!.... ఈ సంస్థానాన్ని స్థాపించిన పాలకులు విష్ణుపాదోధ్భవమగు పద్మనాయకశాఖలో డెబ్బది యేడు గోత్రములు గల #రాచవెలమతెగకు చెందిన "పద్మనాయక వంశ వెలమవీరులు". వీరిలో 'పది గోత్రములు గల 'ఆదివెలమలకు' సంస్థానములు లేవు. వీరు కాకతీయ రాజ్య కాలంలో రాజ్యరక్షణలో యుద్ధవీరులుగా చేరారు. ఒక దశలో వీరు స్వతంత్ర రాజ్యాలగు #రాచకొండ, #దేవరకొండ (క్రీ. శ. 1335 - 1475) కూడా స్థాపించారు. వీరు శాఖోపశాఖలుగా తెలుగు ప్రాంతంలో అనేక ప్రాంతాలలో పాలకులుగా అధికారాలు చెలాయించారు. 'వేంకటగిరి, పిఠాపురం, బొబ్బిలి, జటప్రోలు' సంస్థానాధీశులకు మూలపురుషుడు ఒక్కడే. “రేచర్ల గోత్రికుడైన పిల్లలమర్రి చెవిరెడ్డి (లేదా) భేతాళ నాయుడు” వీరికి మూలపురుషుడు. వెంకటగిరి, నూజివీడు, బొబ్బిలి సంస్థాన పాలకులకు ఇతడే మూలపురుషుడు (ఈ చరిత్ర గతంలో వెంకటగిరి సంస్థానములో వివరించాను). ఈ 'భేతాళనాయుడు / చెవిరెడ్డి' కాకతీయ చక్రవర్తి గణపతి దేవుని (క్రీ. శ. 1199 - 1262) పరిపాలన కాలం వాడు. 'భేతాళనాయునికి' తొమ్మిదవ తరం వాడైన 'రేచర్ల సింగమ నాయుడు (1291 -1361)' వంశస్థుడు 'రేచర్ల అనపోతనాయుడు (1331 -1384)' క్రీ.శ. 1243 లో "#కాకతీయసామ్రాజ్యవిస్తరణమునకు" ఎంతో దోహదం చేశాడు. సాహితీ రంగమునకు, సమరాంగణమునకు సవ్యసాచిత్వము నెఱపిన #సర్వజ్ఞసింగభూపాలుడు (1405 - 1475) ఈ కుదురుకు చెందినవాడు. ఈ సింగభూపాలాన్వయుడు #పెద్దమహీపతి. ఈయనే "సురభి" వారికి కూటస్థుడు. 'సురభి' అనునది జటప్రోలు పాలకుల గృహనామము, గోత్రము 'రేచర్ల'. పెద్దమహీపతికి అయిదవ తరమువాడు #సురభిమాధవరాయలు. ఈతడు ప్రసిద్ధమగు "చంద్రికా పరిణయం" ప్రబంధ కర్త. ఈ వంశం వారికి ‘కంచి కవాట చూరకార, పంచపాండ్య దళవిభాళ, ఖడ్గనారాయణ’ అనే బిరుదులున్నాయి. సుమారు రెండువందల సంవత్సరాల క్రితం ప్రస్తుతమున్న 'కొల్లాపురం' రాజధానిగా చేసుకొని పరిపాలన సాగించారు. ఈ వంశాన్ని '30 మంది రాజులు' దాదాపు 700 ఏళ్లు పరిపాలించారు. జటప్రోలు సంస్థాన స్థాపకుడు, రేచర్ల అనపోతనాయుడు వంశస్థుడు "రేచర్ల కుమార మదానాయుడు" జటప్రోలు సంస్థానాన్ని అభివృద్ధి చేశాడు. 36 వంశాలకు మూల పురుషుడైన భేతాళరాజు తర్వాత సామంతరాజులుగా కొల్లాపూర్ సంస్థానాన్ని 26 మంది 'సురభి వంశ రాజులు' పరిపాలించినట్టు చారిత్రక, సాహిత్య ఆధారాలు వెల్లడిస్తున్నాయి. 12వ శతాబ్ధం చివరి భాగంలో, 13వ శతాబ్ధం ఆరంభంలో అంటే 1195 నుంచి 1208 ఏండ్ల మధ్యకాలంలో 'భేతాళరాజు' పరిపాలన కొనసాగించినట్టు శాసన ఆధారాలున్నట్టు 'శ్రీ వేదాంతం మధుసూదన శర్మ' తాను స్వయంగా రచించిన #కొల్లాపూర్ #సాహితీవైభవం పుస్తకంలో పేర్కొన్నారు. ఆయన తరువాత మాదానాయుడు, వెన్నమనాయుడు, దాచానాయుడు, సింగమనాయుడు, అనపోతానాయుడు, ధర్మానాయుడు, తిమ్మానాయుడు, చిట్టి ఆచానాయుడు, రెండో అనపోతానాయుడు, చిన్న మాదానాయుడు, ఎర్ర సూరానాయుడు, చిన్న మాదానాయుడు, మల్లానాయుడు, పెద్దినాయుడు, మల్లభూపతి, పెద్ద మల్లానాయుడు, మాధవరాయలు, నరాసింగరావు, మాధవరావు, బారిగడపలరావు, పెద్ద రామారాయుడు, జగన్నాథరావు, వెంటలక్ష్మారావు, వేంకట జగన్నాథరావు, వేంకట లక్ష్మారావు, జగన్నాథరావులు కొల్లాపూర్ సంస్థానాన్ని పాలించారు. ప్రస్తుతం వారి వారసుడిగా వేంకట కుమారకృష్ణ, బాలాదిత్య, లక్ష్మారావులు సంస్థానాధీశులుగా ఉన్నారు. "#సురభిమాధవరాయలు" విజయనగర ప్రభువు #అరవీటివంశ #అళియరామరాయలు (ఈయన శ్రీకృష్ణదేవరాయల అల్లుడు, చాళుక్య సోమవంశ క్షత్రియులు, రాచవారైన 'అరవీటి రామరాజు') కాలమున 'జటప్రోలు సంస్థానమును' బహుమతుగా పొందెను. "అళియ రామరాయలు" ఇచ్చిన సన్నదులో "ఆనెగొంది తక్తుసింహాసనానికి అధిపతులయిన..." అని కలదు (సురభి మాధవరాయలు, సారస్వత సర్వస్వము). 'సురభి వారి పూర్వీకుల' నుండీ వచ్చుచున్న వారసత్వ హక్కును 'అళియ రామరాయలు' సురభి మాధవరాయలకు స్థిరపరిచెను. "విజయనగర సామ్రాజ్య పతనానంతరం", మాధవరాయల పుత్రులు గోల్కొండ నవాబు "అబ్దుల్ హసన్ కుతుబ్ షా (తానీషా)" వలన క్రీ.శ. 1650లో మరల సంస్థానమునకు కొత్త సనదును సంపాదించెనట. వీరి తరువాత "సురభి లక్ష్మారాయ బహద్దరు" గారి వరకూ (సుమారు క్రీ.శ. 1840) సురభి వారి రాజధాని 'జటప్రోలు'. వీరి కాలమునుండి రాజధాని 'కొల్లాపురము' నకు మారినది. అప్పటినుండి వీరు '#కొల్లాపురముప్రభువులు' గా ప్రసిద్ధులయ్యారు. #సురభివారిరాజవంశవృక్షము.... 'సర్వజ్ఞ సింగభూపాలుని' వంశజులగు ఈ సంస్థానాధీశులందరూ శారదామతల్లికి సమర్పించిన మణిహారాలు తెలుగు సాహితీలోకమునకు వెలలేనివి. నిత్యకళ్యాణము పచ్చతోరణముగ విలసిల్లిన వీరి సాహితీమండపము విశ్వవిఖ్యాతమై విలసిల్లినది. (1) సర్వజ్ఞ సింగభూపాలుడు (1405 - 1475) (2) ఎఱ్ఱ సూరానాయుడు (3) మాధవ నాయుడు (4) పెద్దమహీపతి (5) ముమ్మిడి మల్లభూపాలుడు (1610 - 1670) (6) చినమల్లనృపతి (7) రామరాయలు (8) మల్లభూపతి (9) మాధవ రాయలు (10) నరసింగరావు (11) సురభి లక్ష్మారాయ బహద్దరు (1840) (12) రావు బహద్దర్ సురభి లక్ష్మీ జగన్నాధ రావు (1851 - 1884) (13) శ్రీ రాజా వేంకట లక్ష్మారావు బహద్దరు. "సురభి లక్ష్మారావు" గారి కుమారుడు 'సురభి లక్ష్మీ జగన్నాధరావు' క్రీ.శ. 1851 - 84 వరకూ రాజ్యము చేసిరి. నిజాం ప్రభువు నుండి 'రాజా బహద్దరు, నిజాం నవాజ్ వంత్' బిరుదులు పొందారు. వీరు దేవబ్రాహ్మణ తత్పరులు. వీరికి సంతానం లేకపోవడంతో, 'వెంకటగిరి ప్రభువులగు మహారాజా శ్రీ సర్వజ్ఞకుమార యాచేంద్ర బహద్దరు' గారి చతుర్థ పుత్రులగు 'నవనీత కృష్ణ యాచేంద్రులను' దత్తపుత్రులుగా స్వీకరించారు. వీరే 'శ్రీ రాజా వేంకట లక్ష్మారావు బహద్దరు' అను పేరిట 1884 నుండి జటప్రోలు సంస్థానమును పాలించారు. వీరికి 'బొబ్బిలి సంస్థాన పాలకులగు మహారాజా సర్ రావు వెంకట శ్వేతాచలపతి రంగారావు' గారు అగ్రజులు. ఈయన 'వెంకటగిరి' నుండి 'బొబ్బిలి' సంస్థానమునకు దత్తు వచ్చెను. వీరికిద్దరు పుత్రికా సంతానము. లక్ష్మారాయ బహద్దరు వారి కుమార్తెను 'తేలప్రోలు రాజా' గారికిచ్చి వివాహం చేసెను. లక్ష్మారాయ బహద్దర్ వారి ప్రధమ కుమార్తె 'నూజివీడు సంస్థానమున' తేలప్రోలు రాజావారి ధర్మపత్ని 'రాణి రాజరాజేశ్వరీ దేవి' గారు. రెండవ కుమార్తె శ్రీ రాజా ఇనుగంటి వెంకట కృష్ణారావు గారి ధర్మపత్ని 'రాణి సరస్వతీ దేవి గారు'. శ్రీ రాజా సురభి లక్ష్మారాయ బహద్దర్ గారికి పురుష సంతతి లేదు. కావున, వీరు తమ వారసులుగా ప్రఖ్యాత 'బొబ్బిలి సంస్థానమునుండి శ్రీ రాజా వెంకటశ్వేతా చలపతి రామకృష్ణ రంగారావు బహద్దర్' వారి కుమారులను దత్తు చేసుకొనెను. వారిని 'శ్రీ రాజా సురభి వేంకట జగన్నాధరావు బహద్దర్' అను పేర సంస్థాన వారసులుగా నిర్ణయించెను. ప్రస్తుత 'కొల్లాపూర్ రాజవంశీయులు' వీరి అనువంశీకులే. శ్రీ రాజా వేంకట లక్ష్మారావు గారి అనంతరము వారి ధర్మపత్ని '#రాణివెంకటరత్నమాంబ' గారు సంస్థానమును కొంతకాలం పాలించారు. తరువాత వీరి దత్తపుత్రులు 'శ్రీ రాజా సురభి వెంకట జగన్నాధ రావు బహద్దరు' గారు సంస్థాన బాధ్యతలు నిర్వహించారు. వీరు 'తిరుపాచూరు' జమిందారులైన 'రాజా ఇనుగంటి వెంకట కృష్ణరావు (1899 - 1935)' కుమార్తె యగు 'ఇందిరాదేవిని' వివాహమాడెను. వీరి కాలముననే అన్ని సంస్థానములతో పాటుగా జటప్రోలు కూడా విశాలాంధ్రమున విలీనమైనది. లక్ష్మారావు 1928లో స్వర్గస్తులైనారు. ఆయన ధర్మపత్ని రాణిరత్నమాంబ జగన్నాథరావుకు సంరక్షకురాలిగా ఉంటూ రాజ్యభారం మోశారు. ఆమె సింగవట్నంలో #రత్నగిరికొండపై #రత్నలక్ష్మిఅమ్మవారిని ప్రతిష్టించి ఆలయాన్ని నిర్మించారు. 'పద్మనిలయం' పేరుతో విడిది కోసం ఒక బంగ్లాను కళాత్మకంగా కట్టించారు. ఆ కొండపై నుంచి దుర్భిణిలో చూస్తే 'జటప్రోలు, పెంట్లవెల్లి, కొల్లాపూర్' రాజసౌధాలేగాక ఆయా ప్రాంతాలు కళ్లముందున్నట్టుగా కనిపిస్తాయి. కొల్లాపూర్లోని బండయ్యగుట్ట సింగవట్నంలోని #లక్ష్మీనృసింహస్వామిఆలయం గుడి గోపురాలను కూడా ఆమె నిర్మించారు. 'జగన్నాథరావు' మేజర్ అయిన తర్వాత 1943లో పట్టాభిషేకం చేశారు. ఈయన తన పూర్వికుల మాదారిగానే పరిపాలన సాగించారు. 'రాజా జగన్నాథరావ
Image
దిశ పెట్రోలింగ్‌ వెహికల్స్‌ను ప్రారంభించనున్న సీఎం శ్రీ వైఎస్‌ జగన్*
Image