*జగన్ 5 ఏళ్ల పాలనలో రాష్ట్రం 30 ఏళ్లు వెనక్కి*
*నా పేరు చెప్తే కియా, పట్టిసీమ, ఉద్యోగాలు గుర్తొస్తాయి...నీ పేరు చెప్తే గుర్తొచ్చేది ఒక్కటి చెప్పు జగన్*
*కలియుగం అంటే హత్యలు చేసి నీలా నిస్సుగ్గుగా అబద్ధాలు చెప్పడమే*
*సునీతారెడ్డికి న్యాయం చేయకపోగా వేధిస్తావా.?*
*వైసీపీ ఇంటికి పోవాలి...యువతకు ఉద్యోగాలు రావాలి*
*ప్రజలు ఓటు వేసేటప్పుడు జగన్ బాదుడు ప్రతి ఒక్కరికీ గుర్తుండాలి*
*ప్రజల కోసమే మూడు పార్టీల పొత్తు-ఫ్యాన్ ను చిత్తు చేయడానికి ప్రజలు సిద్ధంగా ఉన్నారు*
*ఉదయగిరి ఎమ్మెల్యేగా సురేష్ ను, నెల్లూరు ఎంపీగా వేమిరెడ్డిని గెలిపించండి*
*ఉదయగిరి నియోజకవర్గం, వింజమూరు ప్రజాగళం సభలో టీడీపీ అధినేత చంద్రబాబు నాయుడు*
*బహిరంగ సభలో పలువురు వైసీపీ నేతల చేరిక...కండువా కప్పి ఆహ్వానించిన చంద్రబాబు*
వింజమూరు/ఉదయగిరి (ప్రజా అమరావతి):- వింజమూరు దద్దరిల్లుతోంది. ఉదయగిరిలో సైకిల్ దూసుకుపోతోంది. ఎవరన్నా అడ్డం వస్తే తొక్కుకుంటూ వెళ్లిపోండి. ప్రజల్ని చైతన్యం చేయడం కోసం మీ అందరిలో ఉండే ఆవేదన, బాధ అర్థం చేసుకుని కార్యోన్ముకులను చేయడం కోసం నేను వచ్చాను.
• రాష్ట్ర దశ..దిశను వచ్చే ఎన్నికలు మార్చబోతున్నాయి. ఫ్యాన్ ను తుక్కు తుక్కు చేసి పడేయడానికి ప్రజలు సిద్ధంగా ఉన్నారు.
• ఒక్క ఛాన్స్ అన్నాడు...నెత్తి మీద చేయి పెట్టాడు...బుగ్గలు నిమిరాడు..ముద్దులు పెట్టాడు...ఇప్పుడు గుద్దులే గుద్దులు..ఎవరికీ మినహాయింపు లేదు.
• వచ్చిన రైతన్నలను చూస్తే ఉదయగిరి రైతాంగం వ్యధ ఎలా ఉందో తెలుస్తోంది. జగన్ వచ్చాక ఒక్క సాగునీటి పథకం పూర్తైందా.? విత్తనాలు ఇచ్చారా.? బిందు సేద్యానికి సబ్సీడీలు ఇచ్చారా.?
• యువతకు ఉద్యోగాలు లేవు. రానున్న ఎన్నికల్లో ఫ్యాన్ ను ముక్కలు చేసేది యువతే. మీ జీవితాలతో జగన్ ఆడుకున్నారు. మెగా డీస్సీ, జాబ్ కేలండర్ ఇచ్చాడా...ఉద్యోగాలు ఇచ్చాడా..మీ తడాఖా చూపించాలి.
• బాదుడుకు గురైన ఆడబిడ్డల్లో తిరుగుబాటు కనిపిస్తోంది.
• వైసీపీ హింసకు ప్రాధాన్యం ఇస్తోంది. కేసులు పెట్టడం, వేధించడం, బెదిరించడం తప్ప అభివృద్ధి చేతకాని దద్దమ్మ జగన్. తడిగుడ్డతో గొంతు కోసే ప్రభుత్వ మేదో..మీ కోసం ఆలోచించే ప్రభుత్వమేదో ఆలోచించాలి.
• ఐదేళ్ల జగన్ నరకానికి, సంక్షేమానికి చెక్ పెట్టే రోజు మే 13. ఇక 45 రోజులు మాత్రమే ఉంది.
• టీడీపీ, జనసే, బీజేపీ ఆలోచన ఒక్కటే...వైసీపీ ఇంటికి పోవాలి...యువతకు ఉద్యోగాలు రావాలి.
• కరెంట్ ఛార్జీలు తగ్గిస్తా అన్నాడు..తగ్గించాడా.? నేనున్నప్పుడు ఛార్జీలు పెరిగాయా.? రూ.200 వచ్చే కరెంట్ బిల్లు ఇప్పుడు రూ.1000 వస్తోంది.
• ఇష్టానుసారంగా అవినీతి చేసి పేదలపై భారం వేసి మీ నడ్డి విరుస్తున్న జలగ జగన్.
• ఓటింగ్ కు వెళ్లినప్పుడు పెరిగిన విద్యుత్ ఛార్జీలు గుర్తుకు రావాలి.
• ఈ ఐదేళ్లలో మీకు మంచి జరిగితే నేనేం మాట్లాడను..నష్టం జరిగితే చర్చించి జగన్ ను ఇంటికి పంపడానికి కంకణం కట్టుకోవాలి.
• జగన్ ఎడమ చేత్తో రూ.10 ఇస్తాడు..కుడి చేత్తో రూ.100 లాగుతాడు.
• ఆర్టీసీ ఛార్జీలు, ఇంటిపన్ను, పెట్రోల్, డీజల్ ధరలు, చెత్త పన్ను పెంచాడు...అన్ని ధరలు పెరిగాయి.
• వంటనూనె, బియ్యం, పప్పులు, ఉప్పు, చింతపండు రేట్లు పెరిగాయి. చాలీచాలనీ ఆదాయంతో పేదలు బతుకులు చితికపోయాయి.
• రూ.60 ఉన్న క్వార్టర్ ధర ఇప్పుడు రూ.200 అయింది. మిగతా రూ.140 ఎక్కడిపోతోంది.? జగన్ జేబులోకి వెళ్తోంది.
• ఈ మద్యం తాగితే ఆరోగ్యం నాశనం అవుతుంది..బేజులన్నీ గుళ్లవుతాయి. రేట్లు ఎందుకు పెంచావో చెప్పే ధైర్యం ఉందా.?
• ఎన్నికల ముందు మద్య నిషేధం చేశాకే ఓట్లు అడుగుతా అన్నాడు...చేశాడా మద్య నిషేధం.? ఓటు అడిగే హక్కు ఉందా.?
• మద్యం ఆదాయాన్ని తాకట్టు పెట్టి అప్పులు తెచ్చాడు. వింజమూరులో కూడా గంజాయి ఉంది. గంజాయి లేని ప్రాంతమే లేదు.
• విశాఖ పోర్టు ద్వారా డ్రగ్స్ దిగుమతి చేశారు...25 వేల కేజీలను యువతను సర్వనాశనం చేయడానికి తెచ్చారు. మత్తుకు ఒకసారి అలవాటు పడితే మన చేతల్లో ఉండదు.
• ఉద్యోగులు, పోలీసులకు జీతాలు వస్తున్నాయా మొదటి తేదీన.? నేను పీఆర్సీ పెట్టి జీతాలు సక్రమంగా ఇచ్చేవాన్ని. కానీ మీరు జీతాలు అడిగితే జగన్ జైళ్లో పెడుతున్నారు.
• జీతాలు పెంచకపోయినా పర్వాలేదు ఒకటవ తేదీన జీతాలు ఇస్తే చాలు అనే పరిస్థితి. జగన్ మళ్లీ గెలిస్తే మీకు మళ్లీ రివర్స్ పీఆర్సీ వస్తుంది.
• భవన నిర్మాణ కార్మికులకు పనుందా...ఇసుక దొరకుతుందా.? స్టీల్, భారతీ సిమెంట్ ధరలు బాగా పెరిగాయి. దీంతో కార్మికులకు ఉపాధి దొరకడం లేదు.
• 1978 నుండి ఎమ్మెల్యేగా ఉన్నా...నా జీవితంలో ఇలాంటి వ్యక్తి సీఎం అవుతాడని అనుకోలేదు.
• జగన్ ప్రభుత్వంలో అందరూ బాధితులే..ఎవరూ బతికే పరిస్థితిలో లేరు. ఉపాధి కల్పించే చిన్న కాంట్రాక్టర్లకు డబ్బులు చెల్లించకపోవడంతో ఆత్మహత్యలు చేసుకుంటున్నారు.
• కాంట్రాక్టర్లకు లక్ష కోట్లు బకాయిలు పెట్టారు...సాక్షి పత్రిక మాత్రం ప్రకటనలకు కోట్లలో డబ్బులు ఇస్తున్నారు. అప్పుల బాధతో 43 మంది కాంట్రాక్టర్లు ఆత్మహత్య చేసుకుని చనిపోయారు.
• వివేకా కూతురు సునీతారెడ్డికి జరిగిన అన్యాయం చూశారా.? ఐదేళ్ల క్రితం వివేకాను గొడ్డలితో చంపి సానుభూతి తెచ్చుకుని గెలిచారు..కోడికత్తి డ్రామాలాడాడు.
• నేను జగన్ చెళ్లెల్లను మ్యానేజ్ చేశానని చెప్పాడు. నీ బతకు భయంకరంగా ఉంటుంది జగన్...ఎల్లప్పుడూ జనాన్ని మోసం చేయలేవు.
• తండ్రి హత్య కేసులో న్యాయం కోసం పోరాడుతుంటే ఆమెపైనే కేసులు పెడుతున్నారు. చంపిన వ్యక్తే ఎవరు చంపించారో చెప్పాడు...హంతకున్ని పక్కన పెట్టుకని ఓటేయాలని అడుగుతున్నావ్ మనసెక్కడ ఒప్పిందని సునీతారెడ్డి ప్రశ్నించారు.
• బాబాయిని ఎవరు చంపారో చెప్పి ఓట్లు అడుగు జగన్. వివేకాను ఎవరు చంపారో అందరికీ తెలుసు. హత్య చేయించిన వారిని అరెస్టు చేయడానికి సీబీఐ వస్తే అడ్డుకున్నారు. ఎదుటువారిపై విమర్శలు చేసి బతకాలని చూస్తున్నారు.
• కలియుగం గురించి మాట్లాడుతున్నాడు జగన్....గొడ్డలితో నరికిన వాన్ని కాపాడి...బాధితులపై నేరం మోపుతున్నావు చూడు అదే కలియుగం.
• చెల్లికి న్యాయం చేయకపోగా వేధిస్తున్నావు చూడు అది కలియుగం.
• హత్య చేసిన వారిని అరెస్టు చేయడానికి వచ్చిన సీబీఐపై కేసు పెడితే కోర్టుకు వెళ్లి స్టే తెచ్చుకున్నారు చూడు అది కలియుగం.
• హత్యలు చేసి నిస్సిగ్గుగా అబద్ధాలు చెప్పేవాళ్లు సీఎంగా ఉండటమే కలియుగం.
• ఆయనకు ఎవరూ లేరంట..పేపరు, టీవీ లేవు అంట ఒంటరి వాడంట..దాడి చేస్తున్నారంట. నువ్వు చేసిన పాపానికి చేస్తున్న దాడికి అందరూ ఒకటయ్యారు జగన్.
• మీ ఇంట్లో దొంగపడతాడు...ఏం చేస్తారు.? ఇంటికొక మనిషి కర్రతీసుకుని దొంగను తరుముతారు..ఇక్కడ కులం, మతం చూసుకుంటారా.?
• ఒక దోపిడీ దారుడు, విధ్వంసకారుడు, అహంబావి రాష్ట్రాన్ని నాశనం చేస్తుంటే అందరూ ఒకటి కావాలి.
• సంపద సృష్టించడం, ఉద్యోగాలు ఇవ్వడం, బంగారు భవిష్యత్తు చేయడం తెలిసిన పార్టీ టీడీపీ.
• రాష్ట్రం కోసం పవన్ కళ్యాణ్ ముందుకు వచ్చారు. వైసీపీ విముక్త రాష్ట్రం కోసం ముందుకు వచ్చారు. బీజేపీ కూడా ముందుకు వచ్చింది.
• రూ.10 లక్షల కోట్లు జగన్ అప్పులు చేశాడు. వాటిని తీర్చి అభివృద్ధి చేయాలి. ఉదయగిరి నుండి బయటకు వెళ్లారు...వారు బాగుపడ్డారు..ఇక్కడున్న వాళ్లు బాధపడుతున్నారు.
• రాష్ట్రంలోని అందరూ బాధపడేవాళ్లే...టీడీపీ, జనసేన, బీజేపీ కలిసి మీ జీవితాల్లో వెలుగులు నింపాలని కలిశాయి.
• కేంద్రంలో ఉండే ప్రభుత్వం వస్తే నిధులు వస్తాయి...పనులకు అనుమతులు వస్తాయి.
• ప్రజల కోసమే పొత్తు...వైసీపీని చిత్తు చేయడం కోసం నిండు మనసుతో దీవించాలి.
• రాష్ట్రం విడిపోయాక పోలవరం, అమరావతి కోసం పని చేస్తే వాటిని విధ్వంసం చేశాడు జగన్.
• 3 రాజధానులతో మూడు ముక్కలాటలాడి చివరకు రాజధాని లేకుండా చేశాడు.
• చిన్న పనికి కూడా పక్కరాష్ట్రాలకు వెళ్తున్నారు. పోలవరం పూర్తి చేస్తే గోదావరి నీళ్లను నదుల అనుసంధానంతో సీమకు, ఉదయగిరి వచ్చేవి...సస్యశ్యామలం అయ్యేది.
• సంపద సృష్టిస్తాం...ఆదాయం పెంచుతాం. సూపర్-6 పథకాలు జగన్ అసాధ్యం అంటున్నాడు...అసాధ్యాన్ని సుసాధ్యం చేయడం టీడీపీ, ఎన్డీయేకే సాధ్యం.
• నీ లాగా దోచుకుంటే అసాధ్యం అవుతుంది...కష్టపడితే ఏదైనా సాధ్యం అవుతుంది.
• మహిళల్ని శక్తి వంతమైన మహిళలుగా తీర్చిదిద్దతా..అందుకోసం ఆడబిడ్డ నిధి కింద 18-59 ఏళ్ల మహిళలకు రూ.15 వందలు ప్రతినెలా అందిస్తాం. ఆంక్షలు, నిబంధనలు లేకుండా అందిస్తాం.
• తల్లికి వందనం ద్వారా చదువుకునే ప్రతి బిడ్డకు రూ.15 వేలు ప్రతి యేటా ఇస్తాం.
• దీపం పథకం ద్వారా యేడాదికి 3 గ్యాస్ సిలిండర్లు ఉచితంగా అందిస్తాం. మహిళలకు బస్సులో ఉచిత ప్రయాణ సౌకర్యం కల్పిస్తాం.
• అన్నదాత కింద రూ.20 వేలు పెట్టుబడి నిధి అందిస్తాం. సబ్సీడీలు, డ్రిప్ అందించి రైతును రాజును చేస్తాం.
• ఐదేళ్లలో యువతకు 20 లక్షల ఉద్యోగాలు ఇస్తాం...ఉద్యోగం వచ్చే వరకూ నెలకు రూ.3 వేల భృతి అందిస్తా.
• మెగా డీఎస్సీ పైనే తొలి సంతకం. ప్రభుత్వ ఉద్యోగాలను వైసీపీలాగా అమ్ముకోకుండా అర్హత ఉన్నవాళ్లకు ఇస్తాం.
• పోలీసు నియామకాలు చేపడతాం. వర్క్ స్టేషన్లు ఏర్పాటు చేస్తాం. ప్రతి ఇంటికి సురక్షిత మంచి నీరు అందిస్తాం. బీసీలకు రక్షణ చట్టం తీసుకొస్తాం.
• జగన్ ఐదేళ్లలో ముక్కుతూ పెన్షన్ రూ.3 వేలు చేశాడు. మన ప్రభుత్వం వచ్చాక ప్రతి ఇంటికి వచ్చి పెన్షన్ ను నెలకు రూ.4 వేలు అందిస్తాం. ఒక నెల తీసుకోకపోయినా రెండో నెల, రెండో నెల తీసుకోకపోయినా 3వ నెల అందిస్తాం.
• బీసీలకు 50 ఏళ్లకే పెన్షన్ అందిస్తాం. టీడీపీకి బీసీలే వెన్నెముక. సబ్ ప్లాన్ తెచ్చి బీసీలకు న్యాయం చేస్తాం. మాదిగలకు న్యాయం చేస్తాం. సామాజిక న్యాయానికి పెద్దపీట టీడీపీ వేస్తే...సామాజిక అన్యాయం చేసిన పార్టీ వైసీపీ.
• సాగునీటి ప్రాజెక్టులకు ప్రాధాన్యత ఇస్తాం. నేను ఏం చేశానో చరిత్ర తిరగేస్తే 9 సార్లు డీఎస్సీ వేశాను, ఎన్టీఆర్ 2 సార్లు డీఎస్సీ ఇచ్చారు...ఐదేళ్లలో ఒక్క డీఎస్సీ కూడా జగన్ ఇవ్వలేదు.
• నా పేరు చెప్తే హైటెక్ సిటీ, కియా పరిశ్రమ, పట్టిసీమ ప్రాజెక్టు, విమానాశ్రయం గుర్తొస్తాయి...నీ పేరు చెప్తే గుర్తొచ్చేది ఒక్క మంచి పని చెప్పు.?
• జగన్ పిడిగుద్దలకు చివరి రోజులు వచ్చాయి. రూ.2 లకు కిలోబియ్యం, పక్కా ఇంటి నిర్మాణం, రూ.50లకే విద్యుత్ ఇచ్చింది ఎన్టీఆర్.
• విదేశీ విద్య, అన్న క్యాంటీన్, చంద్రన్నబీమా ఎవరు పెట్టారు..మేమే పెట్టాం. జగన్ పుట్టకముందే తిరుపతిలో ఎన్టీఆర్ అన్నదాన కార్యక్రమాన్ని తెచ్చారు. దాన్ని జగన్ ప్రభుత్వం భ్రష్టు పట్టించింది
• అప్పులు చేసి బటన్ నొక్కుతున్నావ్..ట్యాంకులో నీళ్లు ఉంటేనే వస్తాయి...లేకుండా కుళాయి తిప్పితే బురద వస్తుంది...కాసేపు ఆగితే అది కూడా రాదు.
• వేమిరెడ్డికి పోటీగా ఏ2 వచ్చాడు. బిర్యానీ, క్వార్టర్ బాటిల్ ఇస్తాం రండి అంటే విజయసాయిరెడ్డి సభ నుండి జనం పారిపోయారు.
• సిద్ధాంత పరంగా వస్తేనే సభల్లో ఉంటారు..అద్దెకు వస్తే నిలబడకుండా వెళ్లిపోతారు. దోపిడీ కోసం వచ్చిన వారిని కాదు...ప్రజాసేవ కోసం వచ్చిన వారిని ఆశీర్వదించండి.
• ఫ్లోరైడ్ సమస్యను పరిస్కరించేందుకు కుళాయి ద్వారా మంచినీళ్లు అందిస్తాం. కిడ్నీ బాధితులను ఆదుకునేందుకు శాశ్వత పరిష్కారం చూపిస్తాం.
• తాగు, సాగు నీరు అందించేందుకు వెలుగొండ ప్రాజెక్టు, సోమశిల నార్తె కెనాల్, పెద్దిరెడ్డి పల్లె రిజర్వాయర్ పనులు పూర్తి చేస్తాం.
• పాలిటెక్నిక్ కాలేజీ నిర్మాణం, షాదీ మంజిల్ అభివృద్ధికి నిధుల, ఉదయగిరి కోట అభివృద్ధి, వింజమూరులో సమ్మర్ స్టోరేజీ ఏర్పాటు చేస్తాం. ఉదయగిరికి పరిశ్రమలు తెచ్చి ఉద్యోగాలు ఇస్తాం.
• మాకు ఓటేస్తే పెట్టుబడులు వస్తాయి...మీ బిడ్డలకు ఉద్యోగాలు వస్తాయి.
• మాకు ఓటేస్తే మీ పంటలకు గిట్టుబాటు ధర వస్తుంది...మీ పొలాలకు నీళ్లు వస్తాయి.
• మాకు ఓటేస్తే ఉపాధి దొరకుతుంది..మీ గ్రామాలకు మంచి రోడ్లు వస్తాయి.
• మాకు ఓటేస్తే మహిళలకు భద్రత ఉంటుంది.
• మాకు ఓటేస్తే ఉద్యోగులకు ప్రతినెలా జీతాలు వస్తాయి...ఉద్యోగ నోటిఫికేషన్లు వస్తాయి.
• తోలుకొచ్చిన జనంతో రోజుకో మీటింగ్ పెడుతున్నాడు జగన్...కానీ నేను నేరుగా మీ ముందుకే వస్తున్నా.
• కేంద్రంలో 400 పైగా ఎంపీ సీట్లు వస్తే రాష్ట్రంలో 160కి పైగా అసెంబ్లీ సీట్లు వస్తాయి.
• నన్ను ఎన్ని విధాలా బూతులు తిట్టి ఇబ్బంది పెట్టినా మీకోసం పని చేస్తున్నా. కో
• రాష్ట్రాన్ని గాడిలో పెట్టి అన్ని రాష్ట్రాల కంటే ముందు వరుసలో నిలబెడతాం.
• 14 ఏళ్లలో సీఎంగా ఉన్నప్పుడు ఎంత చేశానో...రాబోయే 5 ఏళ్లలో అంతకంటే మిన్నుగా పని చేసి చూపిస్తా.
• జగన్ ఐదేళ్లు పాలించి 30 ఏళ్లు వెనక్కి తీసుకెళ్లాడు. అందరి బతుకులు అంధకారం అయ్యాయి.
addComments
Post a Comment